السلام عليكم

اكيد فتحتوا الموضوع زي اي موضوع فتحتوا قبل كده

وتوقعتوا اني هكتب كلام كتير

وانتوا في الاخر

تعلقوا عليه

المرادي بقي انسوا الكلام ده

عشان ايدي بصراحه وجعتني من كتابة المواضيع:p

موضوعي النهارده فكرته جديده شويه

مش هكتب موضوع علي هيئة وكلام

لا

هجيب صوره ****اتير

هتعبر عن حاله عايشنها

في مصر والوطن العربي

هحط الصوره

وحضراتكوا هتعلقوا علي الصوره

ونناقشها مع بعتينا:p

اول صوره معانا دي فعلا موجوده في مصر

ولما سافرت بره

ملقتش الظاهره خاالص

الا في عزيزه

مصر يعني

والان

نترككم مع البيكتشر

http://www.amrkhaled.net/galleryimages/UT069.jpg

حلو الموضوع ده
بالنسبة للتعليق
معروف ان المصريين حشريين فى كل حاجة
ما بيصدقو يشوف وشوش جديدة بعيدة عن الخلق اللى حفظوها
وطبعا مش متعودين على النضافة وكدا فما بيصدقو يشوفو حد مبرفن نفسه ومستحمى وواخد اربعتاشر شاور فى الساعة
:::::::::
على فكرة يا محمد
موضوعك كدا مش نافع
انت كدا كاتب التعليقمع الصورة
الافضل بعد كدا تمسح التعليق من ع الصورة
وسيبنا نمخمخ فى الصورة
مش تحطلناالسؤال والاجابة
دا ايه دا
دمتم فى رعاية الله

فكرة جميلة

دا ممكن يكون مثلا تفاهة مش عارف بصراحة

بس انا عن نفسى وانا وصغير لما كنت بروح لاقصر وشوف اجانب كنت بفرح ليه مش عارف

جايز عشان انى شوفت وشوش جديدة

:blush:
مرة كنت في رحلة مدرسية مقرفة
طبيعي إنها مقرفة مش مدرسية
المهم
كان معانا مدرسة كيمياء لغات مش تبعنا :d
شافت سائحة
أعجبت بيها
و راحت قالتلها كلاجو تو
:d
قامت السائحة قالتلها كلاجو تو
و فضلو يقولو كلاجو تو .. كلاجو تو و يردوا على بعض
لحد ما السائحة زهقت منها و مشيت
و احنا قاعدين نضحك
:d
طبيعة المصريين إنهم لما يشوفوا أجانب
واحد بقى شعره أصفر
عينيه زرقا
يتمتع بقوام لولبي
هيطلعو يجرو وراه
و يتلزقو فيه
و اما بيشوفوا الكاميرا
يطلعو يجرو يقفوا ورا المذيعة بقى و لا المراسل
::::::::
موضوع جميل
شكراً
:)

ما كان من الأول يا أستاذ .. لازم يعنى كنت تحذف الموضوع اللى قبل كده :slap1qk6:
حرام عليك دا أنا كنت رديت رد طويل عريض
أرده تانى إزاى دلوقتى :stickjo4:
عالم عجيبة صحيح :slap1qk6:
المهم هقصر فى الكلام و أرد و أمرى لله
الأجانب بالنسبة لينا حاجة نادرة أوى وجودها وسطنا
يعنى مثلاً لو بنت من المهندسين راحت بولاق الدكرور ولا إمبابة الكل هيبص عليها
لكن لو واحدة من بولاق الدكرور نزلت المهندسين محدش هيبص عليها
فا الحكاية مش أجانب و مصريين .. إحنا نفسنا من جوا بلدنا فينا أجانب و فينا ناس عادية أو بسيطة
كان ورد عليا موقف فى رحلة للمتحف المصرى مع المدرسة و إحنا صغيرين و مع إننا أطفال محترمين يعنى مش ناقصنا حاجة مرفهين و كلو تمام بس لما شفنا الأجانب فضلنا نضحك ونشاور عليهم أكنهم جايين من المريخ مع إن كان فى أجانب ساكنين جمب مدرستنا و عارفينهم بس مش فاهمة إيه العبط اللى كان راكبنا ده و فضلنا نكلمهم بقى و نشاور و بتاع و الولاد بقوا يحدفوا طوب عليهم و إحنا قدام المتحف - تخلف تخلف يعنى - و اتصاحبنا على واحد اسمه توم و أول ماعرفنا إسمه فضلنا نضحك ونتريق عليه توم ولا بصل توم ولا جيرى و حاجات هبلة كده و الراجل عمال يضحك فاكرنا بنهزر معاه و مايعرفش إننا بنتريق عليه

يلا ربنا يهدى الجميع

ببصى لإننا فاضيين ومورناش حاجة نعملها
كمان المستوى بتاعنا حسسنا إننا في الحضيض

وبالتالي اي اجنبي هنا عندنا ده حاجة كبيرة واكيد مستواه المادي اكبر بكتير

لكن هناك هما مش اقل منك عشان يبصولك
كمان كل واحد ورا شغله وملتزم بمواعيده ومش فاضي للكلام الفاضي ولا للتغزل في اللى رايح واللى جاي

موضوع جميل
وناقد بخفه دم
اممممممممممممم
مش شرط يكون المصريين حشريين ولا حاجه
ممكن اجتماعين
هو احنا احيانا بتبقى تعاملاتنا اوفر مع السياح بجد
يعنى ممكن نخليهم يتخنقوا من مصر واللى قاعدين فيها
بس بنخلق احيانا روح كده للمكان اللى هم فيه بدل مايحسوا بالغربه عندنا
لكن عندهم عادى خالص ولا كانهم شايفينك اذا هم كده مع بعض
مايعرفوش بعض الا لو علينا احنا العرب بس
بس النقد اللى ممكن نعلق عليه الطريقه اللى بنبين بيها التخلف اللى احنا فيه ادام الاجانب
شكلنا بيبقى زباله بيروحوا يحكوا اكيد بلاوى
اللى يقول جو مووووووورنينيج واكد عن النطق ودا يبص كدا ودا يغمز لدا ودا يعمل مناظر مش عارفه ايه ودا يشتم بالمصرى
مناظر مش حضاريه بس
لو هنتعامل فى حدود الذوق والاحترام والترحيب بيهم فى بلدنا دى حاجه تحسبلنا مش علينا
بس لو بطريقه همجيه زى الاغلبيه يبقى قلتها احسن
تسلم على الموضوع فكرته جامده

بسبب الفراغ والتفاهه والجهل والحشريه

حلو الموضوع ده

بالنسبة للتعليق
معروف ان المصريين حشريين فى كل حاجة
ما بيصدقو يشوف وشوش جديدة بعيدة عن الخلق اللى حفظوها
وطبعا مش متعودين على النضافة وكدا فما بيصدقو يشوفو حد مبرفن نفسه ومستحمى وواخد اربعتاشر شاور فى الساعة
:::::::::
على فكرة يا محمد
موضوعك كدا مش نافع
انت كدا كاتب التعليقمع الصورة
الافضل بعد كدا تمسح التعليق من ع الصورة
وسيبنا نمخمخ فى الصورة
مش تحطلناالسؤال والاجابة
دا ايه دا

دمتم فى رعاية الله



:bosyht9:
شكراً على الموضوع المتميز يا محمد
هي مش حكاية نظافة و لا حد مبرفن
انت شايف المصريين كده يعني
فيه منهم كتير و مبرفن و كل حاجة
:d
هما يمكن عشان مش متعودين يشوفوا ناس كده
سلالات أخرى بقى
و شكلهم حلو يعن و خلاص
ماهو لو جالنا أجنبي من جنوب أفريقيا محدش هيبصله
:d
صح
مافيش داعي للتهزيء في الردود
دي وجهات نظر يا جماعة
و مش هنغلط في بعض
اختلاف الرأي لا يفسد للود قضية
;)

تم حذف كل الردود الخارجة عن الموضوع
و أرجو تكملة المناقشة فى صميم الموضوع
و من يخرج عن نطاق الموضوع سوف يحذف رده
و من يتعدى حدوده فى الكلام مع الآخرين سيعرض نفسه للوقف

بعد إذنكم يا جماعة لازم نحترم آراء بعضنا أكتر من كده
إختلاف الرأى لا يفسد للود قضية

أرجوكم متابعة الموضوع بهدوء و خليكم حلوين كده فى المناقشة
و تقبلوا ردود بعضكم بصدر رحب

و أتمنى إن الموضوع يستمر بروح حلوة بينكم

فوتكوا بالعافية :d

بسم الله الرحمن الرحيم

في بداية الموضوع احب اشكر اسيل الرزق


علي حذف ردودي انا وطه :slap1qk6:

المهم دلوقتي معادنا مع البيكتشرايه الجديده

لو سمحت كلمني عربي


http://www.amrkhaled.net/galleryimages/KalemniArabic01.jpg

انا مش فاهم حاجه
هي الصوره فيها ايه
مزعله سيادتك ليه؟

اللغة العربية لغة القران

وهي احسن واسمي لغة
لكن هههههههه
شباب الامة هم الى بيقولو هاي وتشاو وبونجور ... فكرينها رواشة ولوك وستايل هههه اعزروني
هقول ايه
ما احنا لو أحيينا الفصحي كان
لكن احنا اللى موتناها بايدينا
منلموش على حد بقي
والسلام عليكم ورحمة الله وبركاته
دمتم في رعاية الله

:blush:
العرب بالذات بيحبوا يطنتتوا باللغات
يحكي شوية عربي على شوية انجليش على شوية فرنسي
على شوية روسي على ياباني
على سبيل المثال فرنسا
بيحبوا لغتهم جداا جداا
و لو رحت هناك و وقفت مع واحد فرنسي
و قعدت تحاول تخليه يحكي انجليش
لو قعدت نطيت قدامه 9500 نطة
مش هيحكي غير فرنسي
لأنهم بيحبوا لغتهم لأقصى درجة
مش فرنسا بس
اليابان كده
دول كتير كده
***
احنا عايزين نغير لغتنا و لا إيه مش فاهمة
ليه بنحكي كده .. ليه بقينا نكرهها
ما هي دي لغة القرآن
هي دي لغة الشعوب العربية
إحنا تقريباً بقينا بنرفض نتحدث بيها
و بنكرهها
:unsure:
كل واحد بيعمل كده فاكر نفسه انسان متحضر
بالعكس
دي قمة في الـــ ....
تقريباً مافيش غير الشعوب العربية اللي بتعمل كده
في رأيي
هو انسان غير متحضر
بالمناسبة انت عامل الموضوع ده ف أكتر من منتدى؟ :d
أصل شفته ف منتدى تاني بتاريخ 1 أغسطس :d
ثانك يو فور ذا نيو بيكتشر
و ثانك يو فور يور توبيك
:d

موضوعك حلو

بالنسبه لحكاية اننا بندخل لغات ف كلامنا وف اعلاناتنا
فدا قلة انتماء بعيد عنك
بس دا سببو الفضائيات والنت

مش اعلانات وبس يا لوست
هتلاقى كمان على اللبس
اشكال غريبة ولغات يقشعر لها البدن
يعنى واحد زييى او زى اى حد
هيقول الصورة معبرة مش مهم الكلام
مع ان الكلام متعرفش تترجمه حى لو كان ماشى معاك قاموس الوافى
طب ليه مبنتكلمش عربى
واللا هيا ثقافة زايدة علينا وخلاص
ومش فى اللبس والاعلانات بس
كمان كللمنا نفسه
ممكن تلاقى حد يرد ويقولك
التوبيك دا سويت
شور انه مفيد
مع انك لو بصيت فى الاصل هتلاقيهم ميعرفوش حاجة عن الانجليزى
بس الكورى دا حلو والصينى احلى منه
عايزين نعمل اعلان صينى بقا
سلامات

احنا شعب مميز
بنحيي بالانجليزي (هاي) وبنشكر بالفرنسي (ميرسي) وبنكتب بـ(الفرانكو) وبنودع بـ(سلاموز سلاحف سلامات)
شفتو شعب بيتقن لغات زيينا :d

بيقولك الارض بتتكلم عبري :d

ياترى ممكن نلاقى فى شوارع فرنسا اعلان بالكورى

لا اكيد هيبقا اعلان فرنسى
مش عارف المصريين بيحبو الاعلانات الغريبة ليه
طب ماتعمل اعلان بلغتك العربية يعنى
علشان حتى الناس تفهمه
بس ممكن يكون السر عندى
مثلا لما الواحد يعمل اسم محل هوت ميكس واللا يعمل اسم المحل صاندويتش جبنة على خلطة
اكيد الطعم هيفرق يا جماعة
الهوت مكس طعمه اشد من ساندويتش الجبنة
والمصرى يحب الاسم الغريب
بس حلو اعلان البرتقال ده ماتجيبلى كوباية
صح انت من الاسماعلية هاتلى واحد اورانج وحياة يور فازر كويكلى بليز يا حمادة

كنا تقريبا مرة فى حصة الجغرافيا بندرس دولة فرنسا
فالمستر بيقول لغتهم الفرنسية وبيرفضوا التحدث بغيرها
مش زيكوا زى القرع تمدوا لبره
بس دى فعلا حقيقةالناس الوحيدة ال بتحب تتثقف فى اللغات العرب وبالاخص المصريين
تلاقيهم ثقفتهم مشكل:d

تنشيط :d
علشان اخر مشاركة تظهر
:d

شكرا على الموضوع الجميل
المصريين هيفضلوا المصريين عمرنا مهنتغير
الناس كلها بتتقدم واحنا لسة بنتفرج على السيا ح لما تيجى مصر
وعشان نحسس العالم ان احنا اتقدمنا نتكلم لغتهم
بجد شعب العجايب