تجارة انجلش القاهرة [الأرشيف] - بوابة الثانوية العامة المصرية

مشاهدة النسخة كاملة : تجارة انجلش القاهرة

ahmed610

31-07-2009, 10:38 PM

السلام عليكم ورحمة اللة وبركاتة
ازيكم يا شباب
انا عملت الموضوع دة لانى لاقيت اسئلة كتيرة فى المنتدى عن تجارة انجلش فحبيت اعمل الموضوع دة عشان اساعد
(لانى فاكر السنة الى فاتت ازاى كنت محتار وقلقان)

اولا التقديم بيبقى بعد القبول بتجارة انتظام وانت بتقدم ورقك هناك بتسحب معاك ملف شعبة انجليزى بحوالى مائة وخمسين جنية وبيديك كتاب فى معلومات عن الشعبة وظرف كدة فية الاستمارة الى المفروض انك هتملاها وتكتب فيها بيناتك ومتنساش تاخد معاك صورة من شهادة الثانوية العامة
طبعا لازم تكون جايب فى الانجليزى مش اقل من 80%
(يعنى اربعين من خمسين)

نتيجة التقديم بتظهر تقريبا قبل شهر من الدراسة
بالنسبة للسنة الى فاتت الكلية قبلت 600 طالب بس والسنة الى قبيلها قبلو 1000 طالب والسنة دى اللة اعلم هيقبلو كام انتو ونصيبكم بقى طبعا كل ما عدد المقبولين بيكتر المجموع بيقل

المجموع الاعتبارى بتاع السنة الى فاتت كان
415 ادبى و 410 علمى
والمجموع الاعتبارى للى ميعرفش هوا
(المجموع الكلى للدرجات مضافا إلية درجة اللغة الانجليزية ودرجة المستوى الرفيع في اللغة الانجليزية "إن وجد" فيما يزيد عن 5 درجات ولا يؤخذ في الاعتبار الحافز الرياضي وأي مستوى أخر )
ودة معناة ان لو انت واخد مستوى رفيع فلسفة او جغرافيا متحسبهمش خالص فى مجموعك الكلى والحافز الرياضى كمان مبيتحسبش

المجموع الاعتبارى بتاع السنا دى ممكن يقل شوية خصوصا بتاع الادبى لان تنسيق ادبى كلة نازل السنادى

بالنسبة للدراسة هتبقى كلها بالانجلش فا محدش يتخض لما الدكاترة يدخلوا اول محاضرة ومينطقوش ولا كلمة عربى والموضوع دة مش صعب لانك بعد فترة قصيرة هتتعود علية

بالنسبة للمواد هيبقى عندنا خمس مواد ترم اول وخمس ترم تانى وهى اغلبها مواد نظرية باستثناء الرياضة(Math) والمحاسبة (Accounting) فيما عادا ذلك مواد نظرية زى الادراة (Managment) او الاقتصاد (Economic) وغيرهم طبعا

نظام الامتحانات عندنا حاجة اسمها امتحانات الميد تيرم ودى بتبقى بعد الدراسة بحوالى شهر ونص وبيبقى عليها ثلاث درجات فى المادة الواحدة كمان عندنا اعمال سنة ثلاث درجات لكل مادة ودى الدكتور بيديها على الحضور والمشاركة وامتحانات الكويز واحيانا الواجب (Assignment) واحيانا بمزاج الدكتور وفى اخر الترم بيبقى امتحان الفاينال وعلية 14 درجة عشان يبقى المجموع فى كل مادة من عشرين

بالنسبة للكتب هتبقى كلها جاية من امريكا والمؤلفين كلهم اجانب وعلى الرغم من ان الكتب تقيلة قوى و هتتعبكو وانتو مروحين بيها بس بجد كتب نضيفة واسلوبها جميل

اتمنى انى اكون افدتكم وادتكم خلفية عن الكلية ولو بسيطة
طبعا الكلام دة كلة يخص تجارة انجلش القاهرة بس

لو حد عندة اى استفسار انا فى الخدمة

اسيبكم مع صور من الكلية
( الصور فى الملفات المرفقة عشان معرفتش انزلهم مع الموضوع)

vampire1188

31-07-2009, 11:03 PM

والله برافو يابني .. احييك على مجهودك والله http://l.yimg.com/us.yimg.com/i/mesg/emoticons7/113.gif

بس ليا تعقيب .. دفعة السنة اللي قبل اللي فاتت قبلت 1500 مش 1000 ..

ماتنساش ان كان فيه دفعة الشيخ زايد

اه وعلى فكرة .. الدفعة الجديدة بتاعة السنة دي مالهاش في الشيخ زايد

يعني توقعوا ان العدد يفضل زي ماهوا بتاع السنة اللي فاتت .. برده 600 طالب

يارا احمد

01-08-2009, 07:29 AM

مجهود رهيب شكرا جداااااااااااااااا
بس سؤال معلش
هو حضرتك متاكد من 415 اعتباري دي السنه الي فاتت؟؟؟؟

KARIM_METWALLY

01-08-2009, 08:43 AM

منعرفش مجموعاعتبارى اسكندريه كام انا دلوقتى مجموعى الاعتبارى 409.5 ممكن يقبلونى لو تجاوزوا ال 600 طالب علما بان الانجليزى 44 والمستوى الانجلبزى

ahmed610

01-08-2009, 02:14 PM

ahmed610

01-08-2009, 02:16 PM

مجهود رهيب شكرا جداااااااااااااااا
بس سؤال معلش
هو حضرتك متاكد من 415 اعتباري دي السنه الي فاتت؟؟؟؟
شكرا لمرورك يا يارا ونورتى الموضوع
مجموع 415 دة انا متأكد منة مليون فى المية عشان دى السنة الى انا قدمت فيها

ahmed610

01-08-2009, 02:19 PM

منعرفش مجموعاعتبارى اسكندريه كام انا دلوقتى مجموعى الاعتبارى 409.5 ممكن يقبلونى لو تجاوزوا ال 600 طالب علما بان الانجليزى 44 والمستوى الانجلبزى
لا واللة معرفش مجموع اسكندرية كام ممكن فامبير يفدنا فى الحكاية دى مجموعك حلو وان شاء اللة هتقبل كمان لو واخد مستوى انجليزى دة هيسعدك فى رفع المجموع

ahmedal3mda

01-08-2009, 02:25 PM

طيب وبالنسية للمصاريف

ahmed610

01-08-2009, 02:33 PM

طيب وبالنسية للمصاريف
المصاريف فى القاهرة 4500 شاملة الكتب ممكن تدفع على قسطين قسط فى الترم الاول وقسط فى الترم التانى وممكن تدفع مرة واحد اما بالنسبة لباقى الجامعات فهى تقريبا بتتراوح بين3.5الى 5 الاف

عمرو ع

01-08-2009, 07:14 PM

طيب جامعه بنها كان مجموعها الاعتبارى كام السنه ال فاتت علما بان المجموع الاعتبارى 399.5 والمستوى مش انجلش وطبعا مضفتوش انا اصلا جايب 357 و42.5 فى الانجلش

GAMALEWEES

01-08-2009, 10:53 PM

ahmed610

02-08-2009, 12:08 AM

طيب جامعه بنها كان مجموعها الاعتبارى كام السنه ال فاتت علما بان المجموع الاعتبارى 399.5 والمستوى مش انجلش وطبعا مضفتوش انا اصلا جايب 357 و42.5 فى الانجلش
مش عارف واللة يا عمرو مجموعها كان كام بالظبط بس اكيد اقل من القاهرة بكتيير
عموما مجموعك كويس قدم وربنا معاك

ahmed610

02-08-2009, 12:18 AM

هو التقديم بكرة فى كل الجامعات ولا اية
طيب محدش يعرف التقديم فى تجارة انجلش كفر الشيخ امتى بدل ما افقع المشوار على الفاضى خصوصا انى مش بحب اسافر كفر الشيخ اصلا
والنبى يا vampire لو تعرف رد علية علشان لو كدة اسافر بكرة الصبح
الظاهر فامبير نايم النهاردة :p بس حتى لو صاحى مفتكرش هيبقى عارف التقديم فى كفر الشيخ هيفتح امتى شكلك كدة لازم تفقعى المشوار بنفسك :romarioxp6:
دة موقع ممكن تلاقى فية معلومات http://www.kfs.edu.eg/

GAMALEWEES

02-08-2009, 07:26 PM

معلش كنت عايزة اسالك سؤال يا vampire هو حكاية الاختبارات بتاعة الانجلش قبل ما اقبل فى الكلية
هيعملوا معايا اية بالضبط و هيسالونى ازاى و فى اية علشان احضر نفسى
لانى قدمت النهاردة
معلش انا قولتلك حاجة غلط تجارة انجلش كفر الشيخ مصاريفها 4500 بس
ولما بتحول من تجارة عادى لانجلش بتدفع 325 جنية

vampire1188

02-08-2009, 07:40 PM

معلش كنت عايزة اسالك سؤال يا vampire هو حكاية الاختبارات بتاعة الانجلش قبل ما اقبل فى الكلية
هيعملوا معايا اية بالضبط و هيسالونى ازاى و فى اية علشان احضر نفسى

مافيش حاجة اسمها اختبارات انجليش خااااالص ..

اللي اعرفه ان انتي بتقدمي ولو اتقبلتي في تجارة انجليش خلاص كدا بتبقي طالبة في تجارة انجليش

لكن مافيش بقي امتحان لغة والكلام دا !! .. الله اعلم ممكن يكون عندكوا فيه ..

لكن في القاهرة وعين شمس وحلوان مافيش النظام دا خاااالص

GAMALEWEES

02-08-2009, 07:46 PM

اة فعلا انا قدمت النهاردة و قالولى هنتصل بيكى علشان هيعملوا معاكى مقابلة انجلش فمش عارفة انا اول مرة برضة اسمع عنها و مرعوبة الا اتوتر و معرفش اجاوب على الاسئلة

vampire1188

02-08-2009, 08:31 PM

اة فعلا انا قدمت النهاردة و قالولى هنتصل بيكى علشان هيعملوا معاكى مقابلة انجلش فمش عارفة انا اول مرة برضة اسمع عنها و مرعوبة الا اتوتر و معرفش اجاوب على الاسئلة

لا عادي خليكي كوول كدا وماتخافيش .. وان شاء الله ربنا هايسهلها معاكي

GAMALEWEES

02-08-2009, 08:37 PM

والله العظيم انت مية مية انا مش عارفة الصبيان لية دايما كلهم بيبقوا حاطين اعصابهم فى تلاجة و باردين اوى ولا بيحطوا فى دماغهم
علشان كدا بيعيشوا اكتر من البنات وبيخلصوا عليهم بدرى بدرى
على العموم ربنا يستر اصل كفر الشيخ دى محافظة ذى العسل الوحيدة على مستوى الجمهورية الطلعة فى العلالى
نحن نختلف عن الاخرون خالص

عمرو ع

03-08-2009, 09:10 AM

لا معلش ليا اضافه هى كلام الطالبه ال قالت فى اختبارات فى الانجلش قبل ما ندخل تجاره انجلش صح بس دا فى جامعه واحده ونشرت دا فى جريده الجمهوريه وهى حلوان والله وانا قراتها

عمرو ع

03-08-2009, 09:14 AM

ولما بتحول من تجارة عادى لانجلش بتدفع 325 جنية

هو ازاى بتحولى من عادى لانجلش وانتى اصلا عربى يعنى اكيد مجموعك مش يدخلك انجلش

ahmed610

03-08-2009, 07:16 PM

انا اول مرة اسمع ان فى اختبارات قبل دخول تجارة انجلش سواء فى حلون او كفر الشيخ المفروض ان درجة الثانوية العامة ودرجة الانجليزى كفاية قوى عشان تضمن ان مفيش وسايط

عموما ابقى احكيلنا يا GAMALEWEES الاختبارات دى شكلها اية و good luck

lovables.tk

03-08-2009, 07:17 PM

ممكن حد من منكلم لو سمحتم يقولي هو مجموع الاعتباري بتاع تجاره انجلش السنه اللي فاتت كان كام في جامعه المنصوره او جامعة المنصوره بتبقي اقل من القاهره ولا لا

وانا مجموعي الاعتباري 411 ممكن الحق تجاره انجلش المنصوره ولا لا بليز

GAMALEWEES

03-08-2009, 07:28 PM

ياعم انت تدخلها و انت حاطت رجل على رجل دة مجموعك كويس جدا بس انتم عندكم كمان فى اختبارات انجلش

lovables.tk

03-08-2009, 09:17 PM

ميرسي كتير علي ردك ويسمع منك ربنا يا رب ادخلها

GAMALEWEES

04-08-2009, 12:30 AM

انا اول مرة اسمع ان فى اختبارات قبل دخول تجارة انجلش سواء فى حلون او كفر الشيخ المفروض ان درجة الثانوية العامة ودرجة الانجليزى كفاية قوى عشان تضمن ان مفيش وسايط

عموما ابقى احكيلنا يا gamalewees الاختبارات دى شكلها اية و good luck
والله انا كمان اول مرة اسمع عنها و معرفش نظامها اصلا
بس طبعا كفر الشيخ غير اى محافظة
واكيد طبعا هيكون فية كوسة فى الموضوع و هيخدوا العاطل مع الباطل
على العموم هما قالولى هنتصل بيكى علشان تعملى مقابلة انجلش والله اعلم اية الهيحصل
اوعدكوا اول ماامتحن هقول لكم اية الحصل و الاسئلة كانت عاملة ازاى
ربنا يستر
دمتم فى رعاية الله

vampire1188

05-08-2009, 06:33 PM

اوعدكوا اول ماامتحن هقول لكم اية الحصل و الاسئلة كانت عاملة ازاى

ياريت عشان انا عايز اشوف الاختراعات الجديدة العبقرية اللي الجامعات بقت تعملها دلوقتي دي شكلها ايه !!

GAMALEWEES

06-08-2009, 11:20 PM

ياريت عشان انا عايز اشوف الاختراعات الجديدة العبقرية اللي الجامعات بقت تعملها دلوقتي دي شكلها ايه !!
انشاء الله
تحت امرك
اوعدك اول مااعمل الانتر فيو هقولوكوا على طول
بس انا سالت طلبة من الدفعة الفاتت قالولى كل دة كلام فاضى و مفيش حاجة اصلا دة فى الوقت الهتروحوا فية هيعلنوا قبول الطلبة
بس طبعا الله اعلم
والخبر الدلوقتى بفلوس بكرة يبقى ببلاش
دمتم فى رعاية الله

_safa_

07-08-2009, 11:02 PM

طب انا مجموعى الاعتبارى 411.5 علمى رياضه ممكن الحق تجاره انجلش القاهره ولا ارجوكم قلولى

lomi_fces2

12-08-2009, 12:36 AM

المصاريف فى القاهرة 4500 شاملة الكتب ممكن تدفع على قسطين قسط فى الترم الاول وقسط فى الترم التانى وممكن تدفع مرة واحد اما بالنسبة لباقى الجامعات فهى تقريبا بتتراوح بين3.5الى 5 الاف

كنت عايزة اضيف بس على كلامك يا احمد
ان المصاريف سنة اولى وتانية بتبقى
1500 كتب و 3000 مصاريف
انما فى سنة تالتة ورابعة بتبقى
1500 كتب و 1500 مصاريف

وطبعا المصاريف فى اولى وتانية بتدفع على قسطين الاول فى الترم الاول والتانى طبعا فى الترم التانى

lomi_fces2

12-08-2009, 12:38 AM

ahmed610

12-08-2009, 12:02 PM

كنت عايزة اضيف بس على كلامك يا احمد
ان المصاريف سنة اولى وتانية بتبقى
1500 كتب و 3000 مصاريف
انما فى سنة تالتة ورابعة بتبقى
1500 كتب و 1500 مصاريف

وطبعا المصاريف فى اولى وتانية بتدفع على قسطين الاول فى الترم الاول والتانى طبعا فى الترم التانى
شكرا يا لlomi على الاضافة:022yb4: دى معلومة اول مرة اعرفها انا فاكر ان المصاريف ثابتة على طول
شكرا للمرور ونورتى الموضوع

ahmed610

14-08-2009, 01:02 AM

دى يا جماعة اخر الاخبار عن القبول فى تجارة انجلش القاهرة
أعلن الدكتور عادل مبروك عميد كلية التجارة أن الأقسام الداخلية بكليات الجامعة جامعة القاهرةستبدأ الأحد في تلقي طلبات الالتحاق من الطلاب ولمدة شهر.

وقال الدكتور مبروك، فى تصريح له الخميس، إنه من المقرر قبول هذا العام 500 طالب وطالبة بقسم اللغة الانجليزية بشرط الحصول على 80% فيها، كما يتم ترتيب الطلاب المتقدمين طبقا لمجموعهم فى الثانوية العامة، بالإضافة إلى درجة اللغة الانجليزية ودرجة المستوى الرفيع في اللغة الانجليزية أن وجد.
وأضاف أن مصروفات الكلية تصل إلى 3 آلاف جنيه تسدد على قسطين، بالإضافة إلى 1500 جنيه للكتب الدراسية، لافتا إلى أنه سيتم قبول 20 طالب وطالبة بالقسم (الاكتواري) المنشأ بالتعاون مع اتحاد شركات التأمين وذلك من طلاب الفرقة الثانية فى الشعبة العربية.

ولفت الدكتور مبروك إلى قرار مجلس الكلية بإعفاء 15 طالبا من المتفوقين من مصروفات الدراسة فى القسم، مشيرا إلى أنه سيتم قبول 120 طالبا فى برنامج "جورجيا تك" الذى يتم بالتعاون مع جامعة جورجيا الامريكية حيث يقوم أساتذة مصريين بالتدريس للطلاب فى أول عاميين ويقوم أساتذة أمريكيين بالتدريس فى العاميين الأخريين

بالمنسبة برنامج جورجيا دة بيدخل من سنة اولى ومصاريفة 20 الف فى السنة وهو برنامج مميز طبعا بس غالى شويتين

Yehemak_Fe_Eh

15-08-2009, 03:55 PM

يا جماعة انا عايزة اعرف مصاريف تجارة انجلش بتتدفع مرة واحدة والا بتتقسم على الترمين
يا ريت الرد بسرعة لو سمحتوا

Yehemak_Fe_Eh

15-08-2009, 03:58 PM

طيب هو فى تجارة انجلش عين شمس على ترمين برضه

ahmed610

15-08-2009, 04:47 PM

المصاريف فى انجلش القاهرة 4500 جنية ولو هتقسط يبقى هتدفع 3000 ترم اول و1500 ترم تانى دة بالنسبة للقاهرة عين شمس مش عارف واللة نظام الدفع اية بس ممكن يكون زى القاهرة

Yehemak_Fe_Eh

15-08-2009, 05:15 PM

طيب هى المصاريف 4500 دى بالكتب

totti_pop_2008

15-08-2009, 05:42 PM

هى تقريبا بتوصل ل 5 الاف بالكتب فى القاهرة واعتقد نفس الرقم فى عين شمس او اقل حاجة بسيطة

Yehemak_Fe_Eh

15-08-2009, 05:47 PM

طيب هو حضرتك متأكد ان جامعة عين شمس مصاريفها مش اكتر من 5 الاف بالكتب؟

ahmed610

15-08-2009, 06:14 PM

طيب هى المصاريف 4500 دى بالكتب
ايوة بالكتب بص يا سيدى فى 1500 مصاريف للكتب للترمين و1500 مصاريف دراسة ترم اول ودة اول قسط 3000 جنية
الترم التانى مصاريفة 1500 بس ودة القسط التانى عشان يبقى مجموع المصاريف 4500

معتقدش ان فى عين شمس المصاريف هتزيد عن خمس الاف

يارا احمد

25-08-2009, 12:28 AM

ازيكو كلكو انا كنت مسافره ز رمضان كريم وكل سنه وانتو طيبين
محدش عرف اخبار القبول ايه في تجاره انجلش القاهره ؟؟

vampire1188

25-08-2009, 12:51 AM

محدش عرف اخبار القبول ايه في تجاره انجلش القاهره ؟؟

1- ميعاد التقديم هايقفل ان شاء الله يوم الخميس 27/8

2- من المنتظر اعلان نتيجة التنسيق الداخلى لتجارة انجليش في الفترة بين 7/9 الى 14/9 ان شاء الله

3- الدفعة الجديدة عددها 500 طالب .. يعني هايتم قبول 500 طالب بس

4- الدفعة الجديدة مالهاش في الشيخ زايد

وبالتوفيق للجميع

يارا احمد

25-08-2009, 01:04 AM

ازيك يافامبير اولا حمد الله علي سلامتك
وكل سنه وانت طيب
ليه النتيجه هتتاخر كده مش هيا يوم 2 او 3 سبتمبر
معلش عايزه اسالك سوال
في واحده صحبتي مقدمه تجاره انجليش القاهره بردو وبعدين عملت تحةيل ع النت وجالها السن عين شمس
هيا كده حولت ولا لا يعني كده هيتسحب ورقها من تجاره انجلش

يارا احمد

25-08-2009, 01:05 AM

ارجو الرد لو سمحت ضروري

vampire1188

25-08-2009, 01:28 AM

ازيك يافامبير اولا حمد الله علي سلامتك
وكل سنه وانت طيب

وانتي بالف صحة وهنا ورمضان كريم عليكي .. الله يسلمك ومتشكر على سؤالك

ليه النتيجه هتتاخر كده مش هيا يوم 2 او 3 سبتمبر

اولاً .. من المعروف ان النتيجة عمرها مابتظهر بالسرعة دي

النتيجة بتاعة التنسيق الداخلي غالباً مابتظهر بعد غلق مواعيد التقديم بأسبوع

دا غير سببين مهمين اوي ..

1- انك في شهر رمضان .. يعني كل واحد مكسل وعايش في دور اعلانات موبينيل الجديدة !!

2- ان الدراسة لسه هاتبقي بعد العيد يوم 27/9 تقريبا ..

يعني قدامهم شهر رمضان كله بالكامل ..

يعني مافيش زنقة في الكشوفات ولا زحمة في الطلبات ولا الكلام دا كله .. شغالين براحتهم

في واحده صحبتي مقدمه تجاره انجليش القاهره بردو وبعدين عملت تحويل ع النت وجالها السن عين شمس هيا كده حولت ولا لا يعني كده هيتسحب ورقها من تجاره انجلش

المفروض انها حولت .. طالما جالها اخطار انها حولت يبقى هيا كدا فعلا حولت لألسن

اولاً الف مبروك ليها ..

ثانياً .. من المفترض انها تروح تسحب ملفها (بنفسها) من كلية تجارة

وتروح تقدم (بنفسها) في السن عين شمس هناك ..

هاتقوليلي امتى .. اقولك ياريت تروح دلوقتى تسحب ملفها من شئون تجارة انجليش

ودا عشان تلحق تاخد الورق وتقدم في السن عين شمس

لإن كل اللي بيحصل ان طالما نتيجة التحويل ظهرت ..

مكتب التنسيق بياخدله يومين

على بال مايبعت الكشوفات بأسماء الناس المحولة من كليات تانية لكلية السن

عشان كدا خلي صاحبتك تطبع الاستمارة بتاعة التحويل اللي ع النت دي ..

وتاخدها معاها وهيا رايحة تقدم هناك في السن .. ويبقي معاها ملفها اللي سحبته من تجارة

ويبقي كدا تمام وميه ميه .. اي استفسارات تحت امرك

يارا احمد

25-08-2009, 01:42 AM

شكرا ع الاهتمام بس سوال تاني معلش
دلوقتي لو لا قدر الله ماتقبلتش في تجاره انجلش ساعتها ينفع احول تحويل ورقي ولا ايه
معلش انا عارفه اني رخمه بس انا قلقانه اوي

vampire1188

25-08-2009, 01:45 AM

دلوقتي لو لا قدر الله ماتقبلتش في تجاره انجلش ساعتها ينفع احول تحويل ورقي ولا ايه

قولتلك قبل كدا ان شاء الله هاتتقبلي وانتي حاطه رجل على رجل .. ماتخافيش

طالما انا قولت هاتتقبلي ان شاء الله يبقي هاتتقبلي ..

وعموما اذا ماتقبلتيش لا قدر الله يعني ..

للاسف مش هاينفع تحولي لإن باب التحويل هايكون اتقفل ساعتها

وساعتها هاتتدبسي في تجارة عربي .. ابقي استني بقي السنة اللي بعدها عشان تحولي لكلية تانية

ahmed610

25-08-2009, 02:22 AM

قولتلك قبل كدا ان شاء الله هاتتقبلي وانتي حاطه رجل على رجل .. ماتخافيش

طالما انا قولت هاتتقبلي ان شاء الله يبقي هاتتقبلي ..

وعموما اذا ماتقبلتيش لا قدر الله يعني ..

للاسف مش هاينفع تحولي لإن باب التحويل هايكون اتقفل ساعتها

وساعتها هاتتدبسي في تجارة عربي .. ابقي استني بقي السنة اللي بعدها عشان تحولي لكلية تانية
ههههههه مادام فامبير قال اتقبلتى يبقى خلاص وبطلى القلق دة ....تقريبا يا فامبير بيبقى فى وقت للتحويل لان النتيجة بتطلع قبل الدراسة بفترة لان انا كنت فاكر على ايامى كنت عامل حسابى انى لو متقبلتش هحول كلية تانية .....سيبك انت نورت المنتدى بس انت غيرت مكان اقامتك لية انتا مش كنت عند العيوطى

يارا احمد

25-08-2009, 02:27 AM

يانا مش عارفه اشكركو ازاي انتو الاتنين
انا حاسه اني ان شاء الله اذا اتقبلت هقولكو انتو قبل بابا وماما
بجد المنتدي ده رائع ربنا يطمنكو ويااارب اتقبل

vampire1188

25-08-2009, 02:36 AM

بس انت غيرت مكان اقامتك لية انتا مش كنت عند العيوطى

ياعم بقيلي سنتين مرزوع قدام العيوطي .. اتخنقت منه

بص .. في سنة اولي كان مقر اقامتي الفعلي عند العيوطي

في سنة تانية كنت ببدل مابين كلية علوم والعيوطي ومبنى تجارة انجليش

سنة تالته ان شاء الله وبعون الله هابقي لاجئ قدام مبنى انجليش ..

رابعة بقي .. ماعتقدش انك هاتلاقيني اصلا في الجامعة !!

انا مش عارفه اشكركو ازاي انتو الاتنين انا حاسه اني ان شاء الله اذا اتقبلت هقولكو انتو قبل بابا وماما

ياسلام .. دا يبقى احلي خبر والله .. عايزك لحظة نزول النتيجة على النت

ماتقفليش الكمبيوتر وتروحي تفرحيهم ..

لأ قبل ماتفرحيهم خشي ع المنتدي وقولي يا جماعة انا اتقبلت ..

عشان تسمعي زغروطه من هنا لغاية مانتي ساكنه http://l.yimg.com/us.yimg.com/i/mesg/emoticons7/4.gif

GAMALEWEES

25-08-2009, 02:39 AM

فامبير ممكن سؤال من برة المنهج هى فين الصورة الانت حاطتها راحت فين بس ياريت مترجعهاش تانى حط واحدة غيرها غيرها زى ماغيرت مدرج العيوطى اشمعنى هى يعنى كدة هتعيط يرضيك برضة

vampire1188

25-08-2009, 02:55 AM

ى فين الصورة الانت حاطتها راحت فين بس ياريت مترجعهاش تانى حط واحدة غيرها غيرها زى ماغيرت مدرج العيوطى

اديني غيرتها ياستي اهو .. ولا تزعلي نفسك خالص .. انتي تأمرى

GAMALEWEES

25-08-2009, 03:00 AM

اديني غيرتها ياستي اهو .. ولا تزعلي نفسك خالص .. انتي تأمرى
ربنا يخليك
بس الصورة دى احلى كتير من الصورة التانية مكنش ليها منظر اصلا
على العموم كل سنة و انت بصحة و سلامة يا فامبير و تتخرج كدة بقى زى ماانت عايز و تبقى راجل مهم
رمضان كريم

vampire1188

25-08-2009, 03:12 AM

بس الصورة دى احلى كتير من الصورة التانية مكنش ليها منظر اصلا

لا كان ليها .. الصورة التانية كانت لصابر اللي كان بيطلع في اعلان شركة اتصالات لو تفتكريه

ودا كان بيعبر عن كمية الصبر اللي جوايا تجاه شئ معين .. والشئ المعين دا راح لحاله :frown:

يعني موضوع كدا كبير وخنيق ورخم .. خلينا في اللي احنا فيه وخلاص

على العموم كل سنة و انت بصحة و سلامة يا فامبير و تتخرج كدة بقى زى ماانت عايز و تبقى راجل مهم

راجل مهم ؟ هههههههههههه .. رئيس جمهورية مثلا :o ؟!

عموما وانتي طيبة وان شاء الله انتي كمان ربنا يرزقك بتقديرات عالية كدا ويبيض وشك في الكلية دايما

nooosa

01-09-2009, 10:37 PM

تجارة انجلش القاهرة اخدت 41505 ادبى و420 علمى ...........والله الكلام دة موثوق فيه من منسقى الشعبه والنتيجه اعتمدها العميد وهتتعلق بكرة

nooosa

01-09-2009, 10:38 PM

415.5 ادبى و420 علمى

العاشق الصغير

07-09-2009, 02:36 PM

طيب مفيش حد هنا تجاره انجلش بنها انا مقدم وكل مروح يقولولى كمان اسبوع انا جايب 45 فو الانجليزى وده الايميل بتاعى يارب حد يكلمنى ويطمنىahmed_love5155