انا والدى معترض اعتراض شديد انى اخرج بره مدينتى اللى هى دمياط
وطبعا كتبت رغباتى الاولى كالتالى
فنون تطبيقيه
وعلوم دمياط
وتجاره دمياط
وتجاره انتساب دمياط
وتربيه رياضه دمياط
وبعدين ادب واداب انتساب ودخلت بقى ع المنصوره
هو ينفع اكتب تجاره المنصورة بعد دمياط ولو جتلى ينفع احول دمياط؟
والا ايه النظام؟؟
انا محتاره من الصبح وخايفه مالحقش تجاره دمياط انتظام وانا اتمنى تجاره انجلش
انا جايبه 89,6
قولولى انا كده ماشيه صح والا اكتب ايه قبل التنسيق ما ينتهى

انتي كل يوم الصبح تطلعيلنا بمشكله جديده

اكتبي المنصورة وبعد كدا حولي

يا سيدى استحملنى مش اسمها ثانويه عامه
ومستقبل ومصير يعنى اكتب بعد دمياط المنصورة وينفع انى احول؟
عموما شكرا على ردك ومعلش تعبناك معانا

انتي تؤمريي بس

اعتقد اه ينفع تحولي لان فيه اولوية للبنات في التحويل

اكتبي المنصورة ولا قدر الله مينفعش تحولي نزيي على باباكي لغاية لما يوافق

ماشى نزن منا طول اليوم نازله زن
عموما ربنا يكرمك والف الف شكر

انا اللي سمعته والله اعلم مش عايزة افتي لكن في ناس قالتلي ان التحويل من جامعة الى جامعة تقريبا لازم تحولي للاقل يعني مثلا جاتلك تجارة اسيوط وعايزة تحولي القاهرة لازم تحولي حقوق القاهرة او تجارة انتساب القاهرة لان عملو موضوع التحويل وتبقي نفس الكلية في جامعة تانية لاول 300 على الجمهورية هما بس اللي مسمحلهم انهم يحولو بنفس الكلية لجامعة تانية والله اعلم الكلام ده صح ولا غلط معرفش اتاكدي الاول

انا اللي سمعته والله اعلم مش عايزة افتي لكن في ناس قالتلي ان التحويل من جامعة الى جامعة تقريبا لازم تحولي للاقل يعني مثلا جاتلك تجارة اسيوط وعايزة تحولي القاهرة لازم تحولي حقوق القاهرة او تجارة انتساب القاهرة لان عملو موضوع التحويل وتبقي نفس الكلية في جامعة تانية لاول 300 على الجمهورية هما بس اللي مسمحلهم انهم يحولو بنفس الكلية لجامعة تانية والله اعلم الكلام ده صح ولا غلط معرفش اتاكدي الاول


لا في تحويل حتى لو واخده اعلى طالما انها اقرب بس بياخدوا اعداد معينة مش كلهم

و 300 الاوائل مسموح لهم انهم ميتبعوش التوزيع الجراغفي يعني لو هو ساكن في القاهرة و عاوز يحط اول رغبة كلية في الاسكندرية براحته محدش هيقوله لأ لكن لو مش من ال300 يبقى لازم يحط عين شمس و القاهرة و حلوان الاول

انا توكلت على الله وكتبت فعلا تجاره المنصورة وربنا يستر بقى
وشكرا على ردودكم جزاكم الله كل خير
وادعولى الحق هنا فى دمياط بدل السفر والشحططه

انا توكلت على الله وكتبت فعلا تجاره المنصورة وربنا يستر بقى
وشكرا على ردودكم جزاكم الله كل خير
وادعولى الحق هنا فى دمياط بدل السفر والشحططه


هى و لا شحططه و لا حاجة
هو بس بتهيالى تجارة دمياط احسن من تجارة المنصورة

منا عارفه ان دمياط احسن وكتبتها الاول بس المنصورة بتاخد اقل شويه منها
انا خفت تجيلى المنصورة ومتجيش دمياط عشان كده كنت بسال قبل ما اكتب عشان اعرف ممكن احول لدمياط لو جتلى المنصورة والا لا
وشكرا الف شكر على ردك

ان شاء الله تجيلك دمياط ولو جت المنصورة
هتحولي كليات متناظرة 10% لمنع الاغتراب

بس انا سمعت انى لو التحقت مثلا انتظام المنصورة ينفع احول لدمياط اه بس انتساب هل ده صح والا لا؟؟؟
جاوبونى الله يخليكم عشان لو كده الحق ادخل واغير فى الرغبات

لا لان تحويل كليات متناظرة يعني نفس الكلية بالظبط
يعني انا من حلوان جالي سياحة وفنادق فيوم ممكن احول حلوان نفس الكلية بالظبط
بس هقعد هناك :d
ماتخافيش بس

انت كلامك صح لان سياحه وفنادق مفيش فيها نظام الانتساب
لكن تجاره واداب وحقوق فيها نظام الانتساب
حد يجاوبنى الله يخليكم هو فعلا ينفع احول لو انتظام بس احول انتساب؟؟
لو كده يبقى تجاره انتساب دمياط بقى بدل كده كده هبقى انتساب

حضرتك كليات متناظرة يعني نفس الكلية ومتقلقيش
خير ان شاء الله
وربنا يفدم اللي فيه الخير ومحدش يعرف الخير فين
اللي انتي بتقولي عليه ده تحويل عادي يعني لو ماتقبلتيش 10% كليات متناظرة لمنع الاغتراب
هتحولي تحويل عادي فاتضطري انك تاخدي حسب مجموعك
وبجد ده اخر كلام في الموضوع ده لاني واثق فيه
تحبي تعرفي حاجة تانية :d

• فى الكليات التى بها انتساب موجه، يسمح للطالب المرشح كطالب انتظام، بالتحويل لكلية مناظرة بمنطقته الجغرافية (أ) ولكن بنظام الانتساب الموجه فقط.


ده اللى جبته من موقع التنسيق ومعلومات عن التحويل
معلش تعبتك معايا
وربنا معايا بقى

اولا مافيش تعب ولا حاجة بس الكلام ده في التحويل العادي
وسبيها زي ماهي ممكن تجيلك دمياط
ولو جيتي تقدمي تحويل قدمي كليات متناظرة
يعني كليات متناظرة بتاعتي سياحة
تحويل عادي تجارة
بس كده
انا هقوم ناو وهدخل تاني لو عايزة حاجة اكتبيها