ياريت حد من الدكاترة الحلوين يقولنا اول يوم ف الكلية كان شكلة ايه ومفيش مانع برده لو ادالنا فكرة عن السنة بحالها يعنى كان بينام كام ساعة----كان بيرجع م الكلية امتى---- اية احسن مادة كان بيحبها-----وايه اكتر مادة كان بيكرهها----وايه علاقته بالدكاترة والطلبة------ وبيقعد كام ساعة فى الكلية----وبيذاكر كام ساعة-------ويا تري الاحسن انك تذاكر المحاضرة ف يومها ولا تبيتها لتانى يوم(اصل انا لو ذاكرت حاجة ف يومها ببقى كأنى مذاكرتهاش وبذاكرها تانى يوم)-------ويا تري الكلية اثرت على علاقته مع اخواته فى البيت(يعنى كنت بتتفزلك عليهم بالمعلوماتك الطبية ولا لأ------ وبرده يا ترى المذاكرة خدتك من القعدة مع اسرتك ولا عادى-----واى حاجة اضافية انتو عايزين تقولوها-عشان بس يبقى عندنا خلفية

هو مفيش دكاترة هنا ولا ايه

بصي هو اكيد اي طالب جديد في الطب او الأسنان او صيدله بيبقى مش فاهم حاجه
في الأول عشان الدراسه بالأنجليزي وناس كتير قالولي كده وده ممكن يحبطنا في البدايه
وممكن نفكر نحول من الكليه كمان بس طبعا هنتعود بعد كده
وربنا يستر

بسم الله الرحمن الرحيم


اريت حد من الدكاترة الحلوين يقولنا اول يوم ف الكلية كان شكلة ايه

ياه اول يوم كان اصعب يوم عندى فى الكلية , نسيت بطاقة الترشيح اللى مفروض اخش الكلية بيها
وكان الوقت الساعة 8 كل الكفيهات كانت مقفولة لحسن الحظ صورت بطاقة الترشيح بتاعت صحبى
ودخلت بيها :stickjo4::stickjo4::stickjo4:
وبعدين لما دخلت الكلية عرفت ان مفيش سكاشن اول اسبوعين يعنى قعدت لغاية الساعة 12
وضاع عليا اول محاضرة لانى كنت فى مدرج تانى وكان فاضى:(
بس الحمد لله الموضوع مشى وكل حاجة كانت كويسة والحمد لله جبت امتياز :av4056bb7jp3:


ومفيش مانع برده لو ادالنا فكرة عن السنة بحالها يعنى كان بينام كام ساعة
عادى جدا بنام الساعة 11 واصحى الساعة 6 -7 كدا علشان الحق السكشن الساعة 8

----كان بيرجع م الكلية امتى
والله حسب الظروف لو في سكشن الساعة 3 برجع على 5-6
لو مفيش 4-5
---- اية احسن مادة كان بيحبها
طبعا بتختلف من شخص لاخر فى واحد مكن يقول الفسيولوجى وتكون اصعب واحده لواحد تانى
بتختلف من شخص لاخر , عن نفسى اكيد بالترتيب من الاسهل للاصعب
هستولوجى ---- كميا ----- تشريح ------فسيولوجى
واظن دا شعور معظمنا

-----وايه اكتر مادة كان بيكرهها
اكيد اكيد الفسيولوجى ,,, السنة اللى قبلينا كانت الكميا بس رئيسة القسم الجديدة سهلت الموضضوع جدا
وخلت المادة ممتعة

----وايه علاقته بالدكاترة والطلبة
معظم الدكاترة عندنا كويسين فى التعامل يعنى لو فى اى سؤال ممكن نسالهم فى الساعة المكتبية

------ وبيقعد كام ساعة فى الكلية
السكشن الصبح من الساعة 8 لغاية 10 وبعدين المحاضرات بتبدا من 12 الى 3 يعنى ثلاثة محاضرات
كل محاضرة فى ساعة

----وبيذاكر كام ساعة
دى بالذات بتختلف من شخص لاخر يعنى عن نفسى انا باخد 2 كل يوم رايح جاى موصلات
فى ناس سكنين فى المدينة , يعنى كل واحد وظرفة بس المفروض يعنى الواحد يهتم

-------ويا تري الاحسن انك تذاكر المحاضرة ف يومها ولا تبيتها لتانى يوم(اصل انا لو ذاكرت حاجة ف يومها ببقى كأنى مذاكرتهاش وبذاكرها تانى يوم)
ههها لو المحاضرة ما اتذكرتش فى يومها مش هتتذزاطر الا فى اخر السنة بجد عن تجربة شخصية
وبجد كفاية نقرا الجزء الللى خدناه فى المحاضرة كل يوم بس

-------ويا تري الكلية اثرت على علاقته مع اخواته فى البيت(يعنى كنت بتتفزلك عليهم بالمعلوماتك الطبية ولا لأ
يـــــــــــــــــــــاه فى الموضوع دا بالذات مش عاوز اقول :049gc0:
------ وبرده يا ترى المذاكرة خدتك من القعدة مع اسرتك ولا عادى

يعنى اكيد بتاثر شوية
-----واى حاجة اضافية انتو عايزين تقولوها-عشان بس يبقى عندنا خلفية
اى استفسار انا موجود

تحياتى,,,

اول يوم ف الكلية
مرحتش :d

انا ايه اللي يصحيني الساعه 7 الصبح

العالم دي بتستهبل اوي :d


بس بجد اول شهرين ف الكلية قضيتهم تايه
لا عارف انا باخد ايه ولا عارف اسامي الدكاتره ولا اجيب كتب ايه :d


يالا كانت ايام كميله اوي :d

ها ها كملوا كملوا
احنا متشوقين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟