اولا انا جبت 95 ادبى وكنت هاموت ع سياسه واقتصاد والحمد لله تجييلى
بعد كده كتبت فى الرغبات تجاره المنصوره وبعدين هاقدم قسم انجليزى وده علشان بابا وماما مش موافقين ع القاهره
دلوقتى انا لو عاوزه احول لسياسه واقتصاد ينفع ولا لاااااااااااااااااااااااااااء
ع العلم انى تبع منطقه المنصوره
ولو حد يقولى رايه فى الكليتين وانهى واحده الشغل بتاعها متوفر او حد ينصحنى ياااريت سااعدووووونى:frown:
ارجووووووووووووووووووووو الرد سريعاااااااااااااااااااااااااااااااااااااااااااااا ااااااااااااا

فيه موضوع فى الصفحة الاولى اسمه شروط التحويل وموعده للاستاذ كامل على هيفيدك اوى

اولا هى التجارة الانجلش جميلة جدا ولو جبتى مقبول بتشتغلى على طول

ثانيا انتى ينفعى تحولى الى سياسة واقتصاد بس بسرعة قبل ما باب التحويل يقفل

على فكرة التحويل يوم الخميس انا متاكدة

انا عندى علم انى انتى ممكن تحويلى بشرط يكون المجموع يقبل وممكن تروحى فى اى حته بس اهم المجموع

شكراااااااااااااااااا ع الرد
لو التحويل يوم الخميس هيبقى من ع النت ولا لازم اروح الكليه نفسها
ولو حد يا جماعه عنده معلومات عن الكليتين يساعدنى ويقولى انهى واحده ليها مستقبل لانى متششته خالص وكل همى المجموع الكبير خساره فى تجاره
ساااااااااااعدونى

اممممممممممممم محدش رد لييه

سااعدونى بالله علييكم

بصي التحويل من ع النت عادي مش هتروحي في حته
ثانيا انا رايي سياسه واقتصاد احسن بكتير
بس عشان تحوليلها في شرطين تكون جايبه مجموعها وتكوني كنتي كاتباها في الرغبات اصلا
وفي سياسه واقتصاد انجلش
دي بقا حاجه دمار

اه انا جايبه اعلى من مجموعها كمان الحمد لله وكنت كتباها بس بعد تجاره وتربيه ينفع ولا لاء
وكده ولو ادخل قسم انجليزى مجموع الانجليزى يبقى كام انا جايبه 46.5
معلش تعبتكم معايا
جزاااااكم الله كل خييييييييير
ياريت حد يجاوبنى بسررعه علشان الحق اقرر

اه ينفع تحولي وهتدخليها ان شاء الله
واعتقد مجموعك في الانجلش يدخلك
لان بيبقي مطلوب 45 او 44.5
اظن كده بقا تطمني وترتاحي وتروحي تنامي لحد يوم الخميس تصحي تحولي
وترجعي تكملي نوم تاني

ربنا يخلييييييييييييك يا حيران بجد طمنتنى
وربنا يجعله فى مييزان حسنااتك

الاقتصاد والعلوم السياسية افضل بكثير
علي الاقل ببلاش(لان مصاريف التجارة انكليزي لاتقل عن 5 الاف جنيه سنويا)


الاقتصاد كلية وجيهة وخريجيها ممتازون ويجدوا العمل بعدها في الاماكن الحيوية وخاصة وزارة الاقتصاد

اما التجارة فهي مراهنة غير مضمونة لانه يمكن الا تقبلي بها لان هناك صراعات علي دخول القسم من كافة الطلبة ويمكن ان يحدث تلاعب
وفي الاخر العمل بالبنوك يعتمد في الاساس علي الواسطة العالية



فهنيئا لكي الاقتصاد

قومي بالتحويل يوم الاربعاء علي الشبكة العنكبوتية وستقبلي رباذن الرحمن

وبرضو ان شاء الله لما تحولي وتدخليها
اسالي عن الدراسه بالانجلش انا اعرف واحده داخلاه وبتقول ممتاز جدا

يتقدم أغلب خريجيها لمسابقات وزارة الخارجية لشغل الوظائف الدبلوماسية التي تعلن عنها وزارة الخارجية المصرية


مسابقة وزارة الخارجية، التي لم ينجح فيها مؤخرا سوى ثلاثة متقدمين من أصل 417 خريجًا في اخر مسابقة

لو حتمشى ورا كلام الناس يبقى مش حتخلص باذن الله .. المهم ان تدرسي الحاجه الى انت عايزاها و حاببها لانك حتدى فيها كويس .. بالنسبة لحكاية الشغل فده اولا و اخيرا بيد الله سبحانه و تعالى .. و طبعا بيعتمد على القسم اللى سيادتك حتختاريه ... يعنى فرص الشغل بتكون اكتر لقسم اقتصاد و احصاء عن قسم علوم سياسية .. لكن ده مش شرط ان كل خريجى علوم سياسية بيقعدوا فى بيوتهم ولا شغله و لا مشغلة ..

عامة سنة اولى مافيهاش تخصص ..
التخصص الرئيسى بيكون من تانيه و الفرعى من تالته ..
انا شخصيا افضل ان لو ربنا كتبلك انك تنضمي وتحولي فى الكلية باذن الله .. انك تدخلي اولى بهدف الاستطلاع ... بمعنى انك ما تدخلش حاطط فكرة مسبقة عن اى قسم .. يعنى انتي حتدرسي مواد الاقسام كلها تقريبا موزعة على التيرمين .. و انت الى حتقدر ي تحكمي انت حاببة ايه و مش حاببة ايه .. او انهى قسم مستهويكي اكتر من الاتنين التانيين فى الكلية ..

انا شايف سياسة و اقتصاد ممممممممممم كده يعنى
محتاجة واسطة عالية علشان تشتغلى
انا اعرف واحده خريجة منها بامتياز و لسه ما اشتغلتش من حوالى سنتين
و التجارة النجلش احسن ليكى قريبه منك و مش بهدلة
و شغلها مضمون

لو انتى حابه السياسه وحابه دراستها

ودراسه الاقتصاد

ادخليها


بس من رأيى ان التجاره الانجلش دى جامده جدا

شغلها باذن الله مضمون جدا


انما الناس اللى بتقولك لما تتخرجى من سياسه واقتصاد وتبقى سفيره

والكلام ده كله

اهو كلام وخلاص

تتكون كلية الاقتصاد والعلوم السياسية من خمسة أقسام علمية هى:

(1) قسم الاقتصاد
(2) قسم الإحصاء
(3) قسم العلوم السياسية
(4) قسم الإدارة العامة
(5) قسم تطبيقات الحاسب الآلى فى العلوم الاجتماعية

http://www.feps.edu.eg/Images/bu.gif أنشئت كلية الاقتصاد والعلوم السياسية بموجب قرار رئيس الجمهورية رقم 91 لسنة 1959م، ونص القرار على أن
تتكون الكلية من ثلاثة أقسام علمية هى الاقتصاد والإحصاء والعلوم السياسية.

http://www.feps.edu.eg/Images/bu.gif بدأت الدراسة بمرحلة البكالوريوس بالكلية مع بداية العام الأكاديمى 1960/1961 بالفرقتين الأولى والثانية، حيث تم
فتح الباب أمام الناجحين بالفرقة الأولى بكليتى التجارة والحقوق بتقدير عام "جيد" علىالأقل للالتحاق بالفرقة
الثانية بالكلية إذا رغبوا فى ذلك.

http://www.feps.edu.eg/Images/bu.gif أول دفعة من الطلبة تخرجت من الكلية هى دفعة 1963.

http://www.feps.edu.eg/Images/bu.gif بدأت الدراسة بأقسام الاقتصاد والإحصاء والعلوم السياسية بمرحلتى الماجستير والدكتوراه مع بداية العام
الدراسى 65/1966م .

http://www.feps.edu.eg/Images/bu.gif مع بداية العام الجامعى 69/1970 تم افتتاح المبنى الرئيس للكلية بعد أن كانت فى استضافة كلية الحقوق خلال
السنوات التسع الأولى من عمرها.

http://www.feps.edu.eg/Images/bu.gif مع بداية العام الجامعى 73/1974م بدأت الدراسة بالديبلومات المهنية التى تمنحها الكلية.

http://www.feps.edu.eg/Images/bu.gif مع العام الجامعى 90/1991 تم قبول أول دفعة طبق عليها نظام التخصص الفرعى بمرحلة البكالوريوس.

http://www.feps.edu.eg/Images/bu.gif فى نفس العام بدأت الدراسة بقسمى الإدارة العامة وتطبيقات الحاسب الآلى فى العلوم الاجتماعية على مستوى
المقررات المساندة ، ثم بعد ذلك على مستوى التخصص الفرعى.

http://www.feps.edu.eg/Images/bu.gif بدأت الدراسة بقسم الإدارة العامة على مستوى الماجستير والدكتوراه فى العام الجامعى 90/1991 .

http://www.feps.edu.eg/Images/bu.gif فى العام الجامعى 2004/2005 بدأت الدراسة بمرحلتى الماجستير والدكتوراه فى تخصص تطبيقات الحاسب الآلى
فى العلوم الاجتماعية.

http://www.feps.edu.eg/Images/bu.gif فى سنة 1984 تم إنشاء أول مركز بحثى بالكلية هو مركز البحوث والدراسات الاقتصادية والمالية.

http://www.feps.edu.eg/Images/bu.gif فى سنة 1985 أضافت الكلية مركزاً ثالثاً هو مركز الدراسات السياسية.

http://www.feps.edu.eg/Images/bu.gif فى سنة 1986 تم إنشاء ثالث أقدم مركز بحثى بالكلية هو مركز نظم العلومات والحاسبات.

http://www.feps.edu.eg/Images/bu.gif بعد ثمان سنوات، فى سبتمبر 1994، تم إنشاء مركز الدراسات الآسيوية.

http://www.feps.edu.eg/Images/bu.gif فى مارس 1995 أضيف إلى وحدات الكلية البحثية مركزان آخران هما مركز دراسات وبحوث الدول النامية، ومركز
دراسات واستشارات الإدارة العامة .

http://www.feps.edu.eg/Images/bu.gif أخيراً، وفى مايو 2002 صار يتبع الكلية تسعة مراكز بحثية وذلك بإنشاء مركز الدراسات الأوروبية، ومركز
الدراسات الأمريكية ، ومركز المسوح والتطبيقات الإحصائية.

http://www.feps.edu.eg/Images/bu.gif فى أكتوبر 2005 تم افتتاح المبنى الجديد للكلية



http://www.feps.edu.eg/Images/bdsplns.jpg
تطرح كلية الاقتصاد والعلوم السياسية فى مرحلة البكالوريوس ثمانية برامج دراسية: ثلاثة منها على مستوى التخصص الرئيس، وخمسة على مستوى التخصص الفرعى.
http://www.feps.edu.eg/Images/bu.gif التخصصات الرئيسة الثلاثة هى:
(1) الاقتصاد
(2) الإحصاء
(2) العلوم السياسية

http://www.feps.edu.eg/Images/bu.gif التخصصات الفرعية الخمسة فهى:
(1) الاقتصاد
(2) الإحصاء
(3) العلوم السياسية
(4) الإدارة العاة
(5) تطبيقات الحاسب الآلى فى العلوم الاجتماعية

ويتعين على الطالب لنيل درجة البكالوريوس تحقيق متطلبات خطة دراسية تحتوى على مواد أحد التخصصات الرئيسة الثلاثة فضلاً عن مواد أحد التخصصات الخمسة الفرعية، ولا يجوز أن يكون التخصص الفرعى للطالب مطابقاً لتخصصه الرئيس.

اقتصاد وسياسه ..
حرام عليكي مجموعك ماشاء الله جميل وانا مستخسراه في تجااره بصرااحه ..
صلي استخاره ياقمره وان شاء الله ربنا معاكي ..

ربنا يخليييييييكوا ليا يا رب انا من الاول عوزااهااااااا وحاسه انى حباها عن تجاره وموضوع الشغل ده لربنا بقى
شكرااااااااا ع ردووودكم
بجد ريحتووووونى ربنا يريح بالكم