اللى دخل هندسة المنصورة بس يخش الموضوع ده!!! [الأرشيف]

masternew

08-08-2009, 03:29 PM

نبدأ بقى؟؟!!

نبدأ .. باسم الله

______________________________________

الماده: الميكانيكا
الدرجه: 125 الترم الاول 100 الترم التاني المجموع 225
الدكاتره: ا.د.وليد البشبيشي د.احمد عبدالله
المعيدين: م. منى م.جلال م.وليد م.عمرو
لمحه عن الماده: كتاب كبير جدا جدا جدا كلو مسائل ... بس الترم الاول تافه اووووي

لازم تجيبو امتباز فيها... ازاي؟؟!!! ...

1- احضروا كل المحاضرات وتركزو على اخر 4 محاضرات الامتاحن فيها...الدكاتره شرحهم ممتاز

2- احضروا كل السكاشن هو سكشن واحد كل اسبوع...

3- زاكرو المسائل اللي بتتقال في المحاضره والسكشن بس بس بس بس

4- بعد ما تخلصو مذاكره ... روحو ليله الامتحان هاتو مزكره مراجعه ليله الامتحان للمهندس جلال هتلاقي فيها 30 مساله مثلا تاكدو ان الامتحان كلو فيها واسال مجرب...

__________________________________

الماده: رياضه
الدرجه: 175 الترم الاول 175 الترم التاني المجموع 350
الدكاتره: ا.د صلاح البحيري ا.د مصطقى صالح د. رضا عبده د. ايهاب مصطفى
المعيدين: م.ايمن م.مصطقى العجمي م.احمد هيكل م.انتصار م. محمودعبدالهادي م.نيقين م. وليد رسلان
لمحه عن الماده: سهل جدا احضرو كل محاضارت الدكاتره الدكتور صلاح انا درست عنده قمه في الاخلاص وبيشرح تمام وبيبسط المداه وبيديكم الامتحات على مدى المحاضرات...اوعو تفوتو اي محاضر...وكذلك الدكتور رضا عبده... احضر محاضراته ومتفتحش الكتاب ... والدكتور مصطفى صالح و د. ايهاب مدرستش عندهم..بس الناس بتشكر فيهم جامد.. الدكتور مصطقى محاضراته دمها خفيف وحلوه اوووي..

المهم انا درست مع المهندس احمد هيكل ممتاز وشاطر وطيب ومحترم كذلك م مصطقى الهجمي ....

__________________________________

الماده: الكيمياء
الدرجه: 125 ارم واحد فقط
الدكاتره:ا.د. ابراهيم جار العلم ا.د احمد الصروي د. محمد الحلواني
المعيدين: د.فاروق م. محمود حنفي

لمحه عن الماده: الماده كلها انجليزي والناس كلها بتتعقد منها ... بس في الاول

لكن بعد كدا بتبقى سهله اووووووي... وخصوصا ان الدكاتره مبيسقطوش حد فيها الا اللي مبيحضرش خالص نسبه النجاح فيها 90%

اخر الترم الدكتور هيديكم شبتر عن الاسمنت هتحقظوه صم هم 4 صفحات.. وتحلو معاهم سؤال وتنجحو... الموضوع بسيط خاااااااااااااالص... في بنات زمايلي جابو 125/125

الماده: لغة انجليزيه فنيه
الدرجه: 50 ترم واحد فقط
الدكاتره: د. احمد ثابت
لمحه عن الماده: الماده بسيطه جدا بتحفظ مصطلحات هندسيه وتعرفها بالانجليزي.. بتزاكرها براحتك لانها عامله زي القصخ بس اللي بيسنهنر بيها بيشلها..

_____________________________________

الماده: الفيزياء
الدرجه:150 الترم الاول 150 الترم التاني المجموع 300
الدكاتره: د. محب د. مرفت د. سميه
لمحع عن الماده: الفيزيا اربع كتب صغيرين كل ترم كتابين 1- حراره 2- ضوء 3- كهربا 4- هواص ماده

سهله جدا جدا جدا بس متفوتوش ولا محاضراه لان مفيش فيها سكاشن... فيها معامل احضروها لان فيها غياب وبتمتحنو فيها اخر الترم

________________________________________

الماده: الرسم الهندسي والاسقاط
الدرجه: 150 رسم 75 اسقاط
الدكاتره:ا.د. احمد مصطفى البهلول ا.د.محمد شباره
لمحه عن الماده: الاسقاط ترم الاول بس ماده تافه جدا للزكي.. لانهنا كلها تخيل وماده جميله اوووووووووووي ..... بس متخلوش حد يعقدكم منها.... الرسم طول السنه... انا كنت مع العبقري د. احمد البهلول الدكتور دا عبقرررررررررري....متفوتوش ولا محاضراه لان المعيدين مبيشرحوش حاجه.. انت بتحضر المحاضر والدكتور بيديك رسمه تروح ترسمها في السكشن المعيد بس بيعلملك

الماده: تكنولوجيا الانتاج
الدكاتره: ا.د. توفيق توفيق الميداتي
لمحه عن الماده: احلى دكتور فس الدنيا بيديكم الماده دي... واحلى محاضره في الدنيا محاضرة الانتاج...مجرد حضور المحاضره يعني جيد جدا.... على فكره المادة دي ترم تاني بس... وفيها ورشه كل اسبوع...اوعو تغيبو اي ورشه لان حضور الورش من 30 من اصل ميه يعني النجاح........

واخر محاضرتين الدكتور هيديكم الامتحان بالنص... يس ركزو... واعرفو حاجه مهمه امتحان الانتاج والفيزيا بيجو بالنص من امتحانات السنين اللي فاتت .... بيجو بالنص

__________________________________________________ ___

الماده: حاسب الي
الدكاتره : د.علي الدسوقي د. عايده
الدرجه : 75
لمحة عن الماده : الماده دي لازم تحضر كل محاضراتها ... وتزاكرها اول باول... لانها بتدرس فيها برمجه فيجوال بيسك نت .... ولازم تحضروا كل السكاشن... هي ماده صغيره خالص... بس ممكن حد ميكونش ليه دعوه بالكمبيوتر فيكرهها....بس هي تافه.. للي بيحضر...

__________________________________________________ _________________

الماده : حقوق انسان
الدرجه : 50
لمحة عن الماده: مادي صغيره جدا الدكتور بيديك 10 اسئله وبيقولك هجبلك منهم 3 فالامتحان تحل منهم2 فقط فقط.... وماده جميله اوي اوي اوي..... والماده دي ماده نجاح وسقوط موش محسوبه في المجموع..

__________________________________________________ _____

الماده : الانسانيات
الدكاتره : نفس دكاتره مادى الكيماء
الدرجه: 50
لمحه عن الماده: المادي دي كلها بالعربي عكس كل المواد... هي عامله زي العلوم بتتكلم عن البيئه و طبقات الجو.... حاجت ممتعه جدا...لازم تجيبو فيها امتياز.... نصيحه زكروها من الكتاب ... وابقو راجعو المزكرات بتعاتها ليله الامتحان...... الماده دي حاولو ترفعو تقديركم بيها... لانها سهله وحرام متجبوش فيها تقدير

منقوووول من منتدى هندسة المنصورة

ريناد2025

09-08-2009, 03:49 AM

ميرسى ليك كتير انا كدة مرتاحة شوية بس يارب الكلام السهل دة يبقى زى الفعل

wafa2y

12-08-2009, 11:54 AM

masternew

12-08-2009, 11:37 PM

يا نهار

إيه ده يابني
علي فكرة إنت كده سهلتها عليهم
:p:p:p
زاكروا كل المحاضرات
احضروا كل المحاضرات
احضروا كل السكاشن
بجد بجد بجد جبت جديد
يا عم والله أنا أعرف ناس مبيفوتوش محاضرة و شالوا مادتين و نص
و ناس والله عمرهم ما شافوا الدكاترة جايبين جيد جيدا
يا شباب
أهم حاجة إنكم متغلطوش غلطتي
لازم تذاكروا
هتقولولا ما إحنا لازم هنذاكر
هقولكم لأ
الجامعة عالم تاني غير الثانوي
هتتفتحوا علي حاجات مشوفتوهاش قبل كده
اللي هيحط في دماغة الدراسة و مش هيفكر في لعب ودلع
هو ده اللي هيقدر بإذن الله
و تذاكروا مش يعني تموتوا نفسكوا من المذاكرة
لأ تخلصوا الجامعة و تعملوا اللي إنتوا عايزينوا و قبل ماتنموا تبيضوا اللي كتبتوا في المحاضرة
أنا بقولكوا تبيضوا بس مش تذاكروا
يعني تكتبوا في كشكول لواحده بخط حلو
عشا نأساسا مش هتعرفوا تلحقوا الدكاترة
و تيجوا يوم الرست اللي هو الخميس والجمعة عند معظمكم
تذاكروا اللي بيضتوه بإيديكم
مش هياخد ساعة
عشان بيدوا في الأول كميات قليلة
هتيجوا علي الميد ترم عارفين كل حاجة وتراجعوا بس
و هتحسوا بثمرة الكلام ده في الميد ترم
و إبقوا طمنونا عليكم
في أمان الله
:d:d:d:d

يا عم وفائى انا ناقل الموضوع ده من منتدى هندسة المنصورة مش انا الى كاتبه

و على العموم كلامك صح وكلامى صح والخلاصه
just do what do you supposed to do

ريناد2025

13-08-2009, 02:41 AM

حيران في الثانويه

13-08-2009, 05:24 AM

حيران في الثانويه

13-08-2009, 05:30 AM

للعلم مثلا انا ابن خالي برضو في هندسه المنصوره هو داخل تانيه
المهم كان زي حالاتي كده كان جايب مجموع كبير 98.5 % اقل مني ب .2 يعني
المهم كان متكرم كان الاول علي مدرسته وبتاع ورايح الكليه طبعا متخيل انو رايح بقا وطالع الاول وبتاع
المهم راح اول يوم قعد ع الارض حسب كلامه
فانا عايز اسال في الموضوع ده
هل في قعده ع الارض فعلا وكده ؟

حيران في الثانويه

13-08-2009, 05:34 AM

هضيف برضو شوية معلومات تفيد اللي رايح
مصاريف الكليه 180 جنيه و 40 قرش
ملف المدينه بـ 100 جنيه
في طابع هتشتريه عشان الكشف الطبي ب20 جنيه
في بعض الحاجات في الملف هيطلع ملهاش لازم زي طابع المهن التعليميه والدوسيه البلاستيك ده
الكشف الطبي يوم 23/8 في كليه حقوق
واحد سوبر كرانشي في كوك دور عامل 15.99 قول 16 جنيه
الهوت دوج عامل 10 جنيه
البيبسي 4.5
هههههههههههههه
يلا يا جماعه مظبطكو من كل النواحي اهه عشان تروحو يوم تبقو مظبطين كل حاجه :d

elaref

13-08-2009, 01:56 PM

انا جايب 98.9 وقدمت هندسة المنصورة بس مش عارف هدخل قسم ايه وانا نفسى فى احسن قسم بالنسبه لسوق العمل.
ولو حد عنده اقتراح ليا انى اطلع هنسة القاهرة علشان(هندسة طيران_هندسة طبيه_هندسة بترول وتعدين) وتكون احسن ربنا يوفقه ويحط فى الاعتبار ان فى القاهرة هبقى تقريبا لوحدى وكده ومتغرب وانا طول عمرى صحابى كتير اوى وهتخنق وكده.
مش كفايه داخل مع ناس عينيهم وارمه من المزاكره!!!!!

wafa2y

13-08-2009, 03:10 PM

حيران في الثانويه

13-08-2009, 03:50 PM

ههههههههههههههههههههههه
صح بالتوفيق لكوك دور

masternew

13-08-2009, 04:25 PM

الحمد لله اخيرا رحت قدمت و الجامعة حلوة اوى وشفت بنات فى اولى هندسة قالولى انى عادى احضر المحاضرات للدكتور اللى انا عايزاة بس السكاشن لازم التزم شوية عشان الغياب بس عادى ممكن احضر السكاشن لاى معيد تانى بس مش زى ما سمعت انى كل اسبوع امتحان قاللولى مفيش الكلام دة خالص وسالتهم عن الامتحانات الشفوية قاللولى ان احنا كنا خايفين منها فى الاول بس بعد كدة عادى خالص وقالوا كمان ان احنا فى الترم الاول منجبش الادوات الهندسية الا لو طلبوا بنستخدمها اكتر فى الترم التانى و اشتكوا شوية من الكيميا بس قالوا ان الدكاترة كويسين قوى وبيخافوا على مصلحتكم ماعدا دكتور اسمة ايهاب قاللولى متنطقيش معاة وشكروا فى دكتور اسمة احمد عبد اللة، اسفة طولت عليكم اوى دمتم بود

شوفت يا وفائى انا مجبتش حاجه من عندى

بجد يا ريناد الدكتور احمد عبد الله ده قمة الكلية فىالاحترام والادب و العلم والسنة الى فاتت كان اول واحد نشوفه بيدى محاضره لينا فى بدايت السنة و بجد كان من احسن الايام فى الكلية ....بصراحه ده راجل خرافه

والدكتور ايهاب بيقوله عليه كده عشان حركة وحشه كان عملها معانا لما لغلنا الكويز و رمه الورق وقعد يزعق ويشتم فينا ويتوعدلنا ......بس هو على العموم اعتذر المحتضره الى بعدها على طول

و بالنسبة للكيمياء
بص يا باشمهندسه بصراحة الكيمياء مش مادة سهلة ابدا فى اعدادى ....ده الى هتعتقده فى الاول ....بس على اخر الترم لما تبذل فيها مجهود هتكتشف انها مادة سهلة وماده مجموع

طب ايه المطلوب منك

اولاوقبل كل شئ لاااااازم تبذل مجهود فيها عشان هى فعلا مش سهلة ....بس ابذل مجهود وتوكل على الله

ثانيا لااااازم تحضر محاضرات الدكتور محمد الحلوانى .....انا عارف ان انت لو حضرت مع الدكتور جارالعلم هتتعقد نفسيا جداا على رابع محاضرة ....فأشترى راحة بالك واحضر مع الحلوانى من الاول وخلاص

وبرده اشترىورق الدكتور فارووق لو لقيته لانك صعب اوى تذاكر من الكتاب بس متيأس

و اعرف انك لو يأست من الكيمياء فى بداية السنة فأنت ماشى صح لأن هو ده الطبيعى

اهلا وسهلا ريناد
انا كمان اعدادي هندسه علي فكره
ومستغرب شوية من الكلام اللي انتي قلتيه ده وعايز احط علامات تعجب !!
انا كنت لسه هناك برؤضو بقدم امبارح الاربعاء يعني لو انتي كنتي هناك يبقي اكيد شفتك انا هناك لان كان هناك بالظبط حوالي 8 بنات
المهم
انا رحت المدرج بتاع اعدادي للاسف حاجه زباله ومش مستوي خالص المدرسه الثانويه انضف بكتييير
انا من بره شفت تكييفات قبل ما ادخل قلت قشطه الموضوع هيبقي اخر تمام وبتاع
وما هي الا دقائق دخلت ولقيت الموضوع مراوح ويقال ان نصها مش شغال
الدكاتره والمعيدين بصراحه هما اللي بيشكروا فيهم اوي وبيقولو كليه الهندسه جامعه المنصوره دكاترتها ممتازين والمعيدين كمان
وفي النهايه كل شىء له ايجابيات وسلبيات
يعني انا من كام يوم كنت رايح كليه هندسه بترول بتاع السويس مع احد صاحبي
كليه وحشه جدا يعني المنصوره تبقي قصر بالنسبالها مثلا
هي اصلا كانت مستشفي قديمه وقلبوها كليه
لكن للاسف مقدرش اقول غير ان الابنيه التعليميه في مصر مستواها وحش اوي في كل حته
باستنثناء بعض الاماكن زي الجامعه الامريكيه والالمانيه
وطبعا الكلام ده كلو بفلوس كتير
عموما انا في النهايه بقول
ربنا يوفقنا في اعدادي هندسه وكل واحد يحقق اللي بيتمناه
واتمني لكل واحد انو يعرف اصحاب كويسين لان الاصحاب هما اللي بيحددو انتي هتمشي ازاي
فمن الاول انصح كل واحد يختار صح

بصراحة مدرج اعدادى (مدرج 21) ده كاااارثة كبرى فى الكلية
بالاضافه انه مدرج زبالة زبالة كمان وسائل الايضاح فيه كانت فى منتهى السوء من اول البروجيكتور الى مكنش حد بيشوف منه اى حاجه وطالبنا بتغييره مييييييييت مره وقدمنا شكاوى بس لا حياه لمن تنادى بالاضافه الى الميكروفون الى كان بيبوظ فى الاسبوع مرتين ويتتعطل المحاضرات علشان او كان الدكتور بيتكلم منغيره فكتيير مكانوش بيسمعوا حاجه

للعلم مثلا انا ابن خالي برضو في هندسه المنصوره هو داخل تانيه
المهم كان زي حالاتي كده كان جايب مجموع كبير 98.5 % اقل مني ب .2 يعني
المهم كان متكرم كان الاول علي مدرسته وبتاع ورايح الكليه طبعا متخيل انو رايح بقا وطالع الاول وبتاع
المهم راح اول يوم قعد ع الارض حسب كلامه
فانا عايز اسال في الموضوع ده
هل في قعده ع الارض فعلا وكده ؟

حكايت العدد والمكان هجيبهالك من الاخر
بص يا سيدى اولا فى بداية السنة هيكون المجموعات لسه متقسمتش يعنى المدرج الى بياخد 700 بالكتير هيبقى مضطر انه يستحمل 2000 طالب بقدرة قادر ...متسالنيش هيحصل ازاى بس على الاقل هتقعدوا اسبوعين قبل ما المجموعات تتقسم فبالتالى هتشوفوا بهدلة جامده جدا فى المحاضرا و زحااام شديد (انا عن نفسى كرهت الكلية فى البداية بسبب الزحمه) ده طبعا لو مكنتش الكلية حلت المشكلة دى السنة دى
بس بصراحة كانت السنة الى فاتت مشكلة الزحمة مشكلة شديدة فى بدايت السنة و كنا بنقعد فى اى حته سواء على الارض او على الشبابيك (احلى مكان) او حتى بقعد فوق جنب الدكتور و هو بيشرح ده طبعا لو لقيت مكان تقعد انما لو ملقتش هتفضل واااقف طول المحاضره زى ناااس كتير فانا تحمد ربنا لو لقيت مكان تقعد فيه وخلاص

انما بعد ما المجاميع تتقسم بيبقى ال2000 مثلا يتقسموا على 3 مجاميع فبيبقى العدد معقول و بيقعد الكل فى مكانه ومبيبقاش فى مشكلة خالص

بس فى مشكلة برده لما يكون الناس بتحب تحضر لدكتور معين وتسيب دكتور معين
يعنى مثلافى الكيمياء كان فيه عميد الكلية السابق (الدكتور ابراهيم جار العلم) ده راااجل علامه ودماغه عاليه اوى بس المشكلة انه مكنش بيعرف ينزل لمستوى الطلاب فمكناش بنفهم حاجه خاااالص فوق ان الراجل ده فوق ال60 سنة
و كان فيه دكتور محمد الحلوانى ده اقل من 35 سنة و بيعرف يشرح ويبسط الامور بالبلدى وبالعربى فكانت كل الدفعه بتحب تحضر له وتسيب الدكتور جارالعلم فبالتالى كان بيبقى محاضرة الحلوانى زحمة اوى اوى اوى ومكنتش بلاقى مكان اقعد فيه ولا حتى اقف فيه ......زى بداية السنة قبل ما تنقسم المجموعات

wafa2y

13-08-2009, 04:41 PM

جد يا ريناد الدكتور احمد عبد الله ده قمة الكلية فىالاحترام والادب و العلم والسنة الى فاتت كان اول واحد نشوفه بيدى محاضره لينا فى بدايت السنة و بجد كان من احسن الايام فى الكلية ....بصراحه ده راجل خرافه

والدكتور ايهاب بيقوله عليه كده عشان حركة وحشه كان عملها معانا لما لغلنا الكويز و رمه الورق وقعد يزعق ويشتم فينا ويتوعدلنا ......بس هو على العموم اعتذر المحتضره الى بعدها على طول

يابني أحمد عبدالله لازم يكون كده
مش جاري يابني
:friendsxs3::friendsxs3:
و إيهاب مصطفي متتكلمش عليه كده يا واد
ده عسل
و إلا وربنا هقوله
إحتمال هو اللي يدينا رياضة 3
و إنت عارف مبيتوصوش
:stickjo4::stickjo4:

masternew

14-08-2009, 09:56 AM

يابني أحمد عبدالله لازم يكون كده

مش جاري يابني
:friendsxs3::friendsxs3:
و إيهاب مصطفي متتكلمش عليه كده يا واد
ده عسل
و إلا وربنا هقوله
إحتمال هو اللي يدينا رياضة 3
و إنت عارف مبيتوصوش
:stickjo4::stickjo4:

منا مقولتش نص كلمة على الدكتور ايهاب انا حكيت بس الى حصل فى الموقف ده
و عن رأى الشخصى بجد ميختلفش معاك لانه فعلا دكتور محترم وانا بعد الموضوع الى حصل ده كنت حصلى موقف معاه و روحت قعدت معاه فى المكتب تلات تربع ساعه و عرفت فعلا اد ايه هو محترم بس بيحصل سوء تفاهم

ريناد2025

14-08-2009, 09:12 PM

اهلا وسهلا ريناد
انا كمان اعدادي هندسه علي فكره
ومستغرب شوية من الكلام اللي انتي قلتيه ده وعايز احط علامات تعجب !!
انا كنت لسه هناك برؤضو بقدم امبارح الاربعاء يعني لو انتي كنتي هناك يبقي اكيد شفتك انا هناك لان كان هناك بالظبط حوالي 8 بنات
المهم
انا رحت المدرج بتاع اعدادي للاسف حاجه زباله ومش مستوي خالص المدرسه الثانويه انضف بكتييير
انا من بره شفت تكييفات قبل ما ادخل قلت قشطه الموضوع هيبقي اخر تمام وبتاع
وما هي الا دقائق دخلت ولقيت الموضوع مراوح ويقال ان نصها مش شغال
الدكاتره والمعيدين بصراحه هما اللي بيشكروا فيهم اوي وبيقولو كليه الهندسه جامعه المنصوره دكاترتها ممتازين والمعيدين كمان
وفي النهايه كل شىء له ايجابيات وسلبيات
يعني انا من كام يوم كنت رايح كليه هندسه بترول بتاع السويس مع احد صاحبي
كليه وحشه جدا يعني المنصوره تبقي قصر بالنسبالها مثلا
هي اصلا كانت مستشفي قديمه وقلبوها كليه
لكن للاسف مقدرش اقول غير ان الابنيه التعليميه في مصر مستواها وحش اوي في كل حته
باستنثناء بعض الاماكن زي الجامعه الامريكيه والالمانيه
وطبعا الكلام ده كلو بفلوس كتير
عموما انا في النهايه بقول
ربنا يوفقنا في اعدادي هندسه وكل واحد يحقق اللي بيتمناه
واتمني لكل واحد انو يعرف اصحاب كويسين لان الاصحاب هما اللي بيحددو انتي هتمشي ازاي
فمن الاول انصح كل واحد يختار صح
انا رحت يوم الثلاثاءوفضلت واقفة اربع ساعات متسالنيش لية وبعدين احنا رايحين نتعلم ولا نكيف زى ما بتقول مش مشكلة اعدادى انا بردة شفت مدرج 21و22 كان وحش اوى بس الاقسام جميلة جدا والكلية حلوة كتير وعجبتنى وفى مدرجات جديدة بتتبنا بيقلوا لهندسة مش متاكدة يعنى وكمان اول كلية اتبنت فى الجامعة كلية هندسة عايز اية بقى اوعى تكون فاكر نفسك داخل سيتى ستار لالالالالالالالالالالالا وكمان الاصدقاء مش اللى بيحددوا اتن تمشى ازاى غلط كدة انت لو مصاحب واحد وهوكويس اوك ماشى بس لو انت بيعجبك دكتور اومعيد معين وعايز تحضرلة وصاحبك مش عاجبة هتقول اية لالالالا هحضر مع صاحبى انا متفقة معاك ان الاصحاب لازم يكونوا كويسين بس مش نسمع كلامهم فى كل حاجة لازم يبقالك شخصيتك المستقلة متخليش حد يفرض رأية عليك وما تطمنش لحد بسرعة وتامنة على حاجة تخصك لان فى ناس بعد سنين بنكتشف انهم مش كويسين ومتزعلش من كلامى

ريناد2025

15-08-2009, 02:28 AM

[quote=sai;1498020]هههههه

البنات هما اللي بيقولوك خلي بالك من الدكتور إيهاب
:d:d:d:d
عجبي!!
ده لما ساب المحاضرة و مشي و لغي إمتحان
كتبولوا شعر
و بوكيهات ورد
و شوكلاتات
و إحنا مكانش في دماغنا
و حكاية تحضري في أي محاضرة دي غلط
ليه؟؟؟
إنتي كده هتاخدي مكان زمايلك
الدفعة 2200 طالب
متقسمة 3 مجموعات
لكل مجموعة دكتور
و المدرج مايخدش 500 طالب علي بعض
ده اللي بيخلي الناس اللي من حقها المحاضرة اللي دي مجموعتها
يعدوا علي الأرض
و الدكتور إيهاب ده كان بيحضروا التلات مجاميع و بتبقي المدرجات فاضية للدكاترة التانين
الدكتور إيهاب ده أصلا من أكتر الدكاترة المحترمين
و هو قريب في السن مننا
في أوائل التلاتينات
و دمه زي العسل
و الدكتور أحمد عبدالله ده بردوا مشكلة في الإحترام
من أكتر الدكاترة اللي هتفتقدوهم لو سابكم
إنتي أه ممكن تحضري في سكاشن تانية بس لازم تحضري بتاعتك الأول
عشان الغياب عليه درجات

و الشفوي
مافيش إلا في ماده واحده اللي هي الفيزياء

ما هم البنات قالولى ان هم راحوا يتاسفوا وجابولوا بويكهات ورد وكلام من دة هم قالوا خلى بالك منة عشان هوعصبى شوية وبعدين مش الولاد هم اللى عملوا دوشة ووقفوا قال اية بيسلموا الورق ي*** القتيل ويمشى فى جنازتة :stickjo4::stickjo4::stickjo4: عامة الدفعة بتاعتنا 612 وبعد التحويلات قول تبقى750او800 ولما يتقسموا على 3 مجموعات يبقى كدة كويس وممكن نحضر المحاضرة لدكتور اللى احنا عايزينة واحنا مرتاحين،وبطل ذم فى البنات احسن لك :stickjo4::stickjo4::stickjo4:انت حر:d:d:d

masternew

15-08-2009, 03:34 AM

[
ما هم البنات قالولى ان هم راحوا يتاسفوا وجابولوا بويكهات ورد وكلام من دة هم قالوا خلى بالك منة عشان هوعصبى شوية وبعدين مش الولاد هم اللى عملوا دوشة ووقفوا قال اية بيسلموا الورق ي*** القتيل ويمشى فى جنازتة :stickjo4::stickjo4::stickjo4: عامة الدفعة بتاعتنا 612 وبعد التحويلات قول تبقى750او800 ولما يتقسموا على 3 مجموعات يبقى كدة كويس وممكن نحضر المحاضرة لدكتور اللى احنا عايزينة واحنا مرتاحين،وبطل ذم فى البنات احسن لك :stickjo4::stickjo4::stickjo4:انت حر:d:d:d

هههههههههههههههههههههههه
والله يا حماعة انتوا تضحكوا جدااا
على العموم سيبكم من موضوع الدكتور ايهاب لانه موضوع فى المجمل تااافه وانتهى خلاص و الى كان غلطان اعتذر سواء من الطلاب او حتى الدكتور اعتذر لينا عن الى كان قاله

المهم

يا ريناد الى بتقوليه مستحييييييييييييييييييييل
ان يكون عددكم 800 او اى كلام من ده خاااالص

السنة الى قبل الى فاتت كان العدد 2400 متقسمين على 4 مجاميع

السنة الى فاتت كان العدد 1800 تقريبا متقسمين على 3 مجاميع و على 48 سكشن

تلاقى انتى مفكرة ان عدد المقبولين من الثانوية العامه الى هم 700 دول كل هندسة ....لأ طبعاااااااااا

السنة الى فاتت كان عدد المقبولين من الثانوية العامة 900 او 950 وبعدين لقينا الدفعه بقت 1800 بقدرت قادر

اقولك ازاى
اولا لان كلية الهندسة مبتقبلش بتوع الثانوية العامة بس بس بتقبل بتوع الشهادات المعادلة (صنايع والمعاهد العلية و المتوسطه ) يعنى بيبقى فى تنسيق تانى ليهم بالاضافه للوافدين (من الدول العربية) بالاضافه للمدبلرين (كانوا السنة الى فاتت حوالى 250-300 طالب) بالاضافه للمحولين

فمتحلميش خالص ان الدفعه تنتهى عند 800 بس ده اقلها لو كانوا فعلا عاوزين يقللوا الاعداد تبقى 1500 او حتى زينا 1800

وده الى حصل معانا من بعد 900 فى الثانوية بقينا 1800 :078111rg3::078111rg3:

EnG.DarSh

15-08-2009, 03:50 AM

ازيكم يا شباب

انا ان شاء الله معاكم فى هندسة المنصورة اعدادى

اه والله يا عم صبرى فكرتنى ب 93 جنيه فى كوك دوررررر

يلا عيييش

ريناد2025

15-08-2009, 04:41 AM

دا رابط بياكد الكلام اللى قلتة بالنسبة لعدد الدفعةhttp://www.elostaz.com/nat2009.php?stage=than&govern=as7ab

masternew

15-08-2009, 07:02 PM

مش لاقى حاجه فى اللنك ده ؟

etisalat__011

16-08-2009, 08:06 AM

دا رابط بياكد الكلام اللى قلتة بالنسبة لعدد الدفعةhttp://www.elostaz.com/nat2009.php?stage=than&govern=as7ab

اللينك بيفتح على الصفحة الرئيسية يا انسة ريناد أولا
ثانيا إحنا عددنا 600 و شوية من محافظة الدقهلية فى هندسة المنصورة

و عددنا 919 طالب بالظبط من جميع المحافظات داخلين هندسة المنصورة

و قولى كمان حيحول 80 طالب يعنى حنقفل 1000 طالب فى الدفعة

و قول كمان 300 طالب من المدبلرين و الوافدين و التعليم الفنى يعنى ان شاء الله حنوصل 1300 او 1500 بالكتير

و على فكرة مدرج 22 و 21 كويس يعنى انا شايف انه حلو مش وحش يعنى معقول ولا ايه ؟

masternew

16-08-2009, 08:42 AM

اللينك بيفتح على الصفحة الرئيسية يا انسة ريناد أولا
ثانيا إحنا عددنا 600 و شوية من محافظة الدقهلية فى هندسة المنصورة

و عددنا 919 طالب بالظبط من جميع المحافظات داخلين هندسة المنصورة

و قولى كمان حيحول 80 طالب يعنى حنقفل 1000 طالب فى الدفعة

و قول كمان 300 طالب من المدبلرين و الوافدين و التعليم الفنى يعنى ان شاء الله حنوصل 1300 او 1500 بالكتير

و على فكرة مدرج 22 و 21 كويس يعنى انا شايف انه حلو مش وحش يعنى معقول ولا ايه ؟

طب انتا نسيت فى حسبتك دى الكلام الى انا قولته عن الشهادات المعادة ؟؟؟ يعنى بتوع المعاهد او بتوع صنايع و كمان الوافدين من البلاد العربية والمدبلرين هيبقوا 500 بس ازاى ده المدبرليرن لواحدهم حوالى 300

المهم يا جماعة بخصوص مدرج 21 هتلاقوا ان المدرج الجديد الى اشتغل واتكمل على نهية السنة الى فاتت احسن منه بمراحل و هتحسوا بالفرق مبينهم

والعيب بس فى مدرج 21 هو البروجيكتور الى اكيد هيكووا غيروه السنة دى وإلا تبقى كلية فاشله بجد

ريناد2025

16-08-2009, 12:57 PM

الينك بيفتح على الصفحة الرئيسية ممكن انت تختار الكلية (هندسة المنصورة) والمحافظة (الدقهلية)هتلاقى العدد612 انا بقى ماكنتش فاكرة اللى بتقولوه دة فعلا بس كدة العدد هيبقى كبير اوى وانا نفسى احضر لدكاترة كويسين السنة باينة من اولها من قبل ما ندخل حتى

حيران في الثانويه

16-08-2009, 05:06 PM

مين اللي بيقول مدرج 21 حلوووو ؟؟!!!!
دي مدرسه الثانوي انضف منه 10 الاف مره

حيران في الثانويه

16-08-2009, 05:09 PM

ههههههه يا خساره كنت فاكر نفسي داخل سيتي ستارز فعلا زي ما قلتي

حيران في الثانويه

16-08-2009, 05:13 PM

يااارب طلعنا علي خير من الكليه دي

masternew

16-08-2009, 06:56 PM

كدة العدد هيبقى كبير اوى وانا نفسى احضر لدكاترة كويسين السنة باينة من اولها من قبل ما ندخل حتى

ليه كده بس يا ريناد ؟؟؟؟
فيه ايه ؟؟ ليه بتقولى الكلام د ؟
و على فكرة انك تعرفى الى فيها احسن ما تدخلى وتتصدمى بمشاكل التعليم الحكومى كما اسميها فى اول يوم
انما كل شئ هيبقى تمام و بكره هتخدى على النظام و هتحبى الكلية اكتر واكتر
بس بلاش تشاؤم

masternew

17-08-2009, 04:48 PM

http://www.up-00.com/oqfiles/zRn20384.jpg

menna98

18-08-2009, 12:24 AM

[quote=حيران في الثانويه;1497212]اهلا وسهلا ريناد
انا كمان اعدادي هندسه علي فكره
ومستغرب شوية من الكلام اللي انتي قلتيه ده وعايز احط علامات تعجب !!
انا كنت لسه هناك برؤضو بقدم امبارح الاربعاء يعني لو انتي كنتي هناك يبقي اكيد شفتك انا هناك لان كان هناك بالظبط حوالي 8 بنات
المهم
انا رحت المدرج بتاع اعدادي للاسف حاجه زباله ومش مستوي خالص المدرسه الثانويه انضف بكتييير
انا من بره شفت تكييفات قبل ما ادخل قلت قشطه الموضوع هيبقي اخر تمام وبتاع
وما هي الا دقائق دخلت ولقيت الموضوع مراوح ويقال ان نصها مش شغال
الدكاتره والمعيدين بصراحه هما اللي بيشكروا فيهم اوي وبيقولو كليه الهندسه جامعه المنصوره دكاترتها ممتازين والمعيدين كمان
وفي النهايه كل شىء له ايجابيات وسلبيات
يعني انا من كام يوم كنت رايح كليه هندسه بترول بتاع السويس مع احد صاحبي
كليه وحشه جدا يعني المنصوره تبقي قصر بالنسبالها مثلا
هي اصلا كانت مستشفي قديمه وقلبوها كليه
لكن للاسف مقدرش اقول غير ان الابنيه التعليميه في مصر مستواها وحش اوي في كل حته
باستنثناء بعض الاماكن زي الجامعه الامريكيه والالمانيه
وطبعا الكلام ده كلو بفلوس كتير
عموما انا في النهايه بقول
ربنا يوفقنا في اعدادي هندسه وكل واحد يحقق اللي بيتمناه
واتمني لكل واحد انو يعرف اصحاب كويسين لان الاصحاب هما اللي بيحددو انتي هتمشي ازاي
انت عندك حق يابنى مدرج 21 ده مدرج مش زباله بس ولو قلت صفيحه زباله نبقى بنظلم الزباله انا مش متوقعه ايه الارف ده دى منظر مدرجات كليه المفروض انها من كليات القمه ده مدرجات مدرسين الثانويه العامه انضف ومكيفه انا اتصدمت اول مارحت اقدم كنت متوقعه حاجه تانيه خالص بس المشكله ان الطلبه اصلا برده مستهترين مهو لو الكليه بتجدد والناس بتحافظ عليها متبقاش بالمنظر ده بس هى دى مصر ومش هتتغير

menna98

18-08-2009, 12:27 AM

انا بقى يا جماعه اعدادى هندسه السنه دى وقدمت هندسه مخصوص عشان امسك المسطره t ده الرغبه الاولى انى ادخلها طبعا ونفسى اوى ابقى معيده فى الكليه بس لما بقول لحد كده بيعد يضحك عليه وخاصه لما يعرف انى هبقى فى المنصوره

menna98

18-08-2009, 12:31 AM

[quote=menna98;1508987]انا بقى يا جماعه اعدادى هندسه السنه دى وقدمت هندسه مخصوص عشان امسك المسطره t ده الرغبه الاولى انى ادخلها طبعا ونفسى اوى ابقى معيده فى الكليه بس لما بقول لحد كده بيعد يضحك عليه وخاصه لما يعرف انى هبقى فى المنصوره ومحدش يضحك عليه ولما روحت اقدم وشفت منظر المدرجات وخاصه مدرج 21 اتصدمت ونفسى فى مدرج من مدرجات الثانويه العامه جميله ومكيفه ونضيفه مكنتش متوقعه المدرجات كده كنت فاكره انها هتبقى زى مابشوفها غ\فى التلفزيون كده لكا طلعت حاجه تانيه خالص اكتر من اللى بحلم بيه وهبقى كمان لوحدى محدش من اصحابى هيبقى معايا وكل سنه وانتوا طيبين

menna98

18-08-2009, 12:32 AM

[quote=menna98;1509000][quote=menna98;1508987]انا بقى يا جماعه اعدادى هندسه السنه دى وقدمت هندسه مخصوص عشان امسك المسطره t ده الرغبه الاولى انى ادخلها طبعا ونفسى اوى ابقى معيده فى الكليه بس لما بقول لحد كده بيعد يضحك عليه وخاصه لما يعرف انى هبقى فى المنصوره ومحدش يضحك عليه ولما روحت اقدم وشفت منظر المدرجات وخاصه مدرج 21 اتصدمت ونفسى فى مدرج من مدرجات الثانويه العامه جميله ومكيفه ونضيفه مكنتش متوقعه المدرجات كده كنت فاكره انها هتبقى زى مابشوفها فى التلفزيون كده لكا طلعت حاجه تانيه خالص وياريتنى ماكنت شفتها وهبقى كمان لوحدى محدش من اصحابى هيبقى معايا وكل سنه وانتوا طيبين بمناسبه رمضان

ملال بوى

18-08-2009, 12:38 AM

يا جماعه انا احمد من دمياط الحمد لله انى دخلت المنصوره حلم حياتى اللى كان بتاع زمان اللى اتمنيت انى ماحلمش بيه وده طبعا بعد ما قدمت ومش هاقول شفت ايه لانكم كلكم شفتوه انا نفسى اعرف اصحاب كتير ف كليتنا واعرف ورق المدينه اخلر معاد لتقديمه امتى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

masternew

18-08-2009, 11:53 AM

يا جماعة لازم تعرفوا انكم فى جامعه حكومية يعنى مدرج 21 ده مش مفاجاة ولا حاجه وادعوا ربنا انهم يكونوا غيروا البروجيكتور البااايظ بتاع المدرج عشان حتى تبتدوا السنة بشوية تفاؤل
و لعلمكم فى مدرج تانى لمحاضرات اعدادى و نظيف جدا اسمه المدرج الجديد ....ده لسه معمول السنة الى فاتت ملحقش يتبهدل لسه

etisalat__011

19-08-2009, 03:16 AM

ريناد2025

19-08-2009, 09:16 AM

أنا يا جماعة مقدر زعلكوا ده
و انا كمان زعلان بس مش للأسباب الترفيهية اللى انتوا عايزينها دى

اللى مزعلنى ان المنتخب ياخد بطولة تلاقى نصيب كل لاعب مليون جنية من المكافأت و تيجى تشوف ميزنية اى كلية فى اى جامعة حكومية يقولك صفر ايه ؟؟؟؟ صفر ؟؟ ازاى ؟؟؟؟ هوه كده و أقسم بالله فى كلية فى جامعة المنصورة ميزانيتها صفر بشهادة أحد المعيدين فيها

الكلية و الله حلوة و يا سيدى كلها 30 سنة واحنا اللى حنمسك البلد دى فلو زعلان حاول تصلح لما تمسك وظيفتك

و يا ريت و الله نعاهد بعض على الإصلاح الإصلاح الإصلاح فى أى وظيفة نشغلها

و بالتوفيق يا جماعة

و بينى و بينكوا اللى عاجبنى فى مدرج 21 و 22 شكل البروجكتور تجيب بلايستيشن بقى و حتبقى ماية ماية و فرفشوا بقى

يلا سلام
الحمد لله انى لقيت حد يتفق مع وجهة نظرى فعلا كلام صحيح 100%انا مش مضايقة لاسباب الترفيهية اطلاقا و30سنة لية وهنمسك البلد بالرغم ان احنا مش بنقدر نتحكم فى مصيرنا الحالى يعنى الكلام الخاص بالامتحانات والمناهج والتنسيق الا انك ممكن تتحكم فى نفسك الاول وتبدا الاول ببناء نفسك او كما قلت هتمسك نفسك ثم تفكر بعد ذلك بانك تمسك البلد ونعاهد بعض الا صلاح من دلوقتى فى حياتك كلها مش فى الوظيفة بس فى دراستك فى تعاملك مع الناس فى نفسك طبعا اولا ههههههههههه دا اللى مش عاجبهم ان البروجيكترمش شغال وهو عاجبك؟؟؟؟؟؟؟؟؟؟؟

حيران في الثانويه

19-08-2009, 01:30 PM

ewess (http://www.thanwya.com/vb/member.php?u=71238)

صح عندك حق
اكيد كلنا بعد ان شاء الله بعد سنين هنكون ناس لينا وضع في البلد
وهيكون بايدينا نغير
وساعتها لازم نعمل حاجه بجد
عشان ولادنا واحفادنا ميقعدوش في مدرج 21 و22
وميكونش في نفس البروجيكتور

yasasa

20-08-2009, 12:58 AM

حيران في الثانويه (http://www.thanwya.com/vb/member.php?u=52292)
يا مثقف

etisalat__011

20-08-2009, 09:12 AM

نعاهد بعض الا صلاح من دلوقتى فى حياتك كلها مش فى الوظيفة بس فى دراستك فى تعاملك مع الناس فى نفسك طبعا اولا

ewess (http://www.thanwya.com/vb/member.php?u=71238)

صح عندك حق
اكيد كلنا بعد ان شاء الله بعد سنين هنكون ناس لينا وضع في البلد
وهيكون بايدينا نغير
وساعتها لازم نعمل حاجه بجد
عشان ولادنا واحفادنا ميقعدوش في مدرج 21 و22
وميكونش في نفس البروجيكتور

بصوا يا جماعة انا و الله بعاهد الله و بعاهدكوا ان أى وظيفة حمسكها حصلح فيها ان شاء الله
و يا ريت نعاهد بعض على كده

و بعدين يا حيران والله لو بصيت دلوقتى مين اللى ماسك البلد دلوقتى الناس اللى مواليد 1950 و 1960 يعنى كلها و الله حاجات بسيطة و احنا نمسك و يا ريت يبقى فى عندنا دم و الله و الناس كلها تتجه للأصلح لمصلحة مصر كفاية اوى كده كفاية و الله الوضع لا يطايق و الله

و احب افكركوا بردوا

خير الناس أنفعهم للناس

و تقبلوا مرورى

و اه على فكرة فى منتدى حلو اوى لطلبة هندسة المنصورة و اللينك اهه www.manseng.net (http://www.manseng.net) و لو اسم الموقع اتحذف ابحث فو جوجل على منتدى كلية الهندسة جامعة المنصورة

يا ريت نشوفكوا هناك منتدى كويس و فى حاجات حلوة

يلا بقى معلش طولت عليكوا شوية سلام

smartman2000

21-08-2009, 12:13 PM

أنا أحمد السعيد يوسف من دمياط و جايب 98.9 و رايح هندسة المنصورة بإذن الله

masternew

22-08-2009, 12:41 AM

بصوا يا جماعة انا و الله بعاهد الله و بعاهدكوا ان أى وظيفة حمسكها حصلح فيها ان شاء الله
و يا ريت نعاهد بعض على كده

و بعدين يا حيران والله لو بصيت دلوقتى مين اللى ماسك البلد دلوقتى الناس اللى مواليد 1950 و 1960 يعنى كلها و الله حاجات بسيطة و احنا نمسك و يا ريت يبقى فى عندنا دم و الله و الناس كلها تتجه للأصلح لمصلحة مصر كفاية اوى كده كفاية و الله الوضع لا يطايق و الله

و احب افكركوا بردوا

خير الناس أنفعهم للناس

و تقبلوا مرورى

و اه على فكرة فى منتدى حلو اوى لطلبة هندسة المنصورة و اللينك اهه www.manseng.net (http://www.manseng.net) و لو اسم الموقع اتحذف ابحث فو جوجل على منتدى كلية الهندسة جامعة المنصورة

يا ريت نشوفكوا هناك منتدى كويس و فى حاجات حلوة

يلا بقى معلش طولت عليكوا شوية سلام

ما شاء الله بجد كلام حضرتك اكتر من رائع
و ربنا يثبتنا كلنا لحد ما نعرف ننفذ الى اتفقنا عليه لما نكبر

بس مندخل فى موضوع "مسك البلد" و الحجات دى لانها هتفتح مواضيع ملهاش مجال هنا لان البلد دى من الاخر بااايظه

أنا أحمد السعيد يوسف من دمياط و جايب 98.9 و رايح هندسة المنصورة بإذن الله
اهلا وسهلا بيك معانا يا احمد
مقلتليش انتا كنت فى العسكرية ولا فين ؟:d

emmy - zaian

23-08-2009, 10:41 PM

وانااااااااااا جيت معاكم هندسه المنصوره بمجموع 98.3بس متاخر شوويه النت كان وحش اوى والمنتدى الى قلتوعليه ده بجد حلوووو ويااارب نكون صداقات من هنابجد عشان معرفش حد دااخل معايا

emmy - zaian

23-08-2009, 10:42 PM

نسيت اقوول كل سنه وانتو طيبين ورمضاااااااااااااااااان كريم واللى راح الكشف الطبى انهارده يقول رايه بقى انادوخت وده كله عشان السمااعه بس

soso2025

24-08-2009, 04:51 AM

ريناد2025

24-08-2009, 11:45 PM

هيييييييييييييييييييييييييييه
انا اخييييييييييرا هبقى معاكم فى هندسه المنصوره
تحويلى اتقبل:av4056bb7jp3::av4056bb7jp3::av4056bb7jp3::02 8ja7::028ja7::028ja7::022yb4::022yb4::022yb4:
الحمد لله لووووووووووووووولى صبرتوا ومولتوا ياسوسو قصدى نولتوااااا :d:dاخييييرا وجعتيلى اعصابى ابقى اسمعى الكلام

soso2025

24-08-2009, 11:56 PM

معلش يا ماما ريناد تعبتك معايا الفتره اللى فاتت
بس ان شاء الله من هنا ورايح هسمع كلامك:romarioxp6:

etisalat__011

25-08-2009, 07:54 AM

هيييييييييييييييييييييييييييه
انا اخييييييييييرا هبقى معاكم فى هندسه المنصوره
تحويلى اتقبل:av4056bb7jp3::av4056bb7jp3::av4056bb7jp3::02 8ja7::028ja7::028ja7::022yb4::022yb4::022yb4:
ألف مبروك على التحويل يا بشمهندسة
بس كان عندى سئوال انتى جاتلك كلية ايه فى الأول ؟

نسيت اقوول كل سنه وانتو طيبين ورمضاااااااااااااااااان كريم واللى راح الكشف الطبى انهارده يقول رايه بقى انادوخت وده كله عشان السمااعه بس

و انتى طيبة يا إيمى و الكشف طبعا أى كلام فى أى كلام و على فكرة أنا و حوالى 30 طالب كشفنا فى تجارة :d
و الموضوع كان سهل خالص هما ثلاثة أسئلة بتاخد أدوية ؟ عملت عمليات ؟ بدخن ؟

بس الخزنة ايه ؟؟؟ زحمة مووووووووووت زحمة زحمة يعنى مش ليه كده ؟يمكن عشان احنا فى مصر مش عارف

etisalat__011

25-08-2009, 07:59 AM

و بعدين يا جماعة قولولى اشتركتو فى المنتدى هندسة المنصورة ولا لا ء؟

عموما اللينك اهه www.manseng.net (http://www.manseng.net)

لا المنتدى بتاعى ولا ليه فيه مصلحة انكوا تشتركوا بس هوه فى معلومات للطلبة الجدد و بس

soso2025

25-08-2009, 05:14 PM

ألف مبروك على التحويل يا بشمهندسة
بس كان عندى سئوال انتى جاتلك كلية ايه فى الأول ؟

الله يبارك فيك يا باشمهندس
انا كنت فى هندسه.........اسمها ايه..........اسمها ايه............اسمها ايه.........
اااااه اسمها اااا
شبرا بنهاااا

etisalat__011

25-08-2009, 06:20 PM

عموما الف مبروك على التحويل

أكيد هندسة المنصورة أحسن من اللى اسمها.......... اسمها ايه ؟

soso2025

25-08-2009, 11:46 PM

يا جماعه فى المنصوره بيعملوا حفل استقبال للجدد ولا للا ؟
ولو فى هيبقى امتى ؟

masternew

26-08-2009, 03:00 AM

السنة الى فاتت كانوا عملوا باين انما محدش راح غير 20 واحد

emmy - zaian

26-08-2009, 05:16 AM

انا اشتركت قى المنتدى من اول الاجاازة و هو مفيد اوى

etisalat__011

28-08-2009, 09:40 PM

دى خريطة الكلية يا جماعة عشان ما تمشوش تيهين فيها
http://www.mans.edu.eg/maps/emptymaps/engfac/ (http://www.mans.edu.eg/maps/emptymaps/engfac/)

و إن شاء الله تتعودوا عليها بسرعة و بدون خرايط

جعلتني مهندسا

28-08-2009, 09:46 PM

حريطه ...ليه

أنتو داخلين تحاربوا ولا ايه

ريناد2025

29-08-2009, 01:50 AM

حريطه ...ليه

أنتو داخلين تحاربوا ولا ايه
حاجة شبة كدة

etisalat__011

29-08-2009, 08:33 AM

حريطه ...ليه

أنتو داخلين تحاربوا ولا ايه

ههههههه

للعلم بس يعنى:d

soso2025

29-08-2009, 09:06 AM

شوفتها
ايه ده دا الكليه دى عامله زى المغاره بالظبط:o

etisalat__011

29-08-2009, 09:33 AM

شوفتها
ايه ده دا الكليه دى عامله زى المغاره بالظبط:o

هههههههههههه

مش هندسة بقى

masternew

29-08-2009, 03:31 PM

ههههههه
زى المغارة !!!!
ده الى احنا قولناه فى الاول برده
بس لو شوفتىهندسة القاهرة اكيد هتغيرى رأيك

eng_salwa

30-08-2009, 08:09 PM

موفقييين جميعاااا
واهلااا بيكم في كلية الهندسه

حيران في الثانويه

01-09-2009, 03:52 AM

الكليه مش حاجه كبيره يعني
دا الموضوع كله كام مبني الواحد حفظهم من اول مره
ربنا يوفقنا ونعدي نضيف ونروح كايرو السنه الجايه

ريناد2025

01-09-2009, 10:30 AM

الكليه مش حاجه كبيره يعني
دا الموضوع كله كام مبني الواحد حفظهم من اول مره
ربنا يوفقنا ونعدي نضيف ونروح كايرو السنه الجايه
احسن من غيرها مالازم تعمل حساب انها من اقدم الكليات اللى اتبنت فى جامعة المنصورة يالة بالتوفيق عشان نخلص مش عايزين شغب من اولها:p:p:p

حيران في الثانويه

01-09-2009, 06:43 PM

احسن من غيرها مالازم تعمل حساب انها من اقدم الكليات اللى اتبنت فى جامعة المنصورة يالة بالتوفيق عشان نخلص مش عايزين شغب من اولها:p:p:p
هههههههههههههههههه :d
علي فكره الكليه عندنا حلوه جدا
واحلي من كليات هندسه كتير
زي طنطا والزقازيق و بترول نفسها
ودي ميزه فيها
مكتوب باين متأسسه سنه 1923 لو مكنتش نسيت
يعني قبل ما الملك مينا يوحد القطرين بنص ساعه

حيران في الثانويه

01-09-2009, 06:46 PM

يا جماعه محدش يكسب ثواب يقولنا عندنا كام ماده في التيرم الاول
وايه هما ؟

emmy - zaian

02-09-2009, 12:40 AM

الماده: الميكانيكا
الدرجه: 125 الترم الاول 100 الترم التاني المجموع 225
الدكاتره: ا.د.وليد البشبيشي د.احمد عبدالله
المعيدين: م. منى م.جلال م.وليد م.عمرو
لمحه عن الماده: كتاب كبير جدا جدا جدا كلو مسائل ... بس الترم الاول تافه اووووي

لازم تجيبو امتباز فيها... ازاي؟؟!!! ...

1- احضروا كل المحاضرات وتركزو على اخر 4 محاضرات الامتاحن فيها...الدكاتره شرحهم ممتاز

2- احضروا كل السكاشن هو سكشن واحد كل اسبوع...

3- زاكرو المسائل اللي بتتقال في المحاضره والسكشن بس بس بس بس

4- بعد ما تخلصو مذاكره ... روحو ليله الامتحان هاتو مزكره مراجعه ليله الامتحان للمهندس جلال هتلاقي فيها 30 مساله مثلا تاكدو ان الامتحان كلو فيها واسال مجرب...

__________________________________

الماده: رياضه
الدرجه: 175 الترم الاول 175 الترم التاني المجموع 350
الدكاتره: ا.د صلاح البحيري ا.د مصطقى صالح د. رضا عبده د. ايهاب مصطفى
المعيدين: م.ايمن م.مصطقى العجمي م.احمد هيكل م.انتصار م. محمودعبدالهادي م.نيقين م. وليد رسلان
لمحه عن الماده: سهل جدا احضرو كل محاضارت الدكاتره الدكتور صلاح انا درست عنده قمه في الاخلاص وبيشرح تمام وبيبسط المداه وبيديكم الامتحات على مدى المحاضرات...اوعو تفوتو اي محاضر...وكذلك الدكتور رضا عبده... احضر محاضراته ومتفتحش الكتاب ... والدكتور مصطفى صالح و د. ايهاب مدرستش عندهم..بس الناس بتشكر فيهم جامد.. الدكتور مصطقى محاضراته دمها خفيف وحلوه اوووي..

المهم انا درست مع المهندس احمد هيكل ممتاز وشاطر وطيب ومحترم كذلك م مصطقى الهجمي ....

__________________________________

الماده: الكيمياء
الدرجه: 125 ارم واحد فقط
الدكاتره:ا.د. ابراهيم جار العلم ا.د احمد الصروي د. محمد الحلواني
المعيدين: د.فاروق م. محمود حنفي

لمحه عن الماده: الماده كلها انجليزي والناس كلها بتتعقد منها ... بس في الاول

لكن بعد كدا بتبقى سهله اووووووي... وخصوصا ان الدكاتره مبيسقطوش حد فيها الا اللي مبيحضرش خالص نسبه النجاح فيها 90%

ده من منتدى هندسه المنصوووره

emmy - zaian

02-09-2009, 12:42 AM

الماده: لغة انجليزيه فنيه
الدرجه: 50 ترم واحد فقط
الدكاتره: د. احمد ثابت
لمحه عن الماده: الماده بسيطه جدا بتحفظ مصطلحات هندسيه وتعرفها بالانجليزي.. بتزاكرها براحتك لانها عامله زي القصخ بس اللي بيسنهنر بيها بيشلها..

emmy - zaian

02-09-2009, 12:43 AM

الماده: الفيزياء
الدرجه:150 الترم الاول 150 الترم التاني المجموع 300
الدكاتره: د. محب د. مرفت د. سميه
لمحع عن الماده: الفيزيا اربع كتب صغيرين كل ترم كتابين 1- حراره 2- ضوء 3- كهربا 4- هواص ماده

سهله جدا جدا جدا بس متفوتوش ولا محاضراه لان مفيش فيها سكاشن... فيها معامل احضروها لان فيها غياب وبتمتحنو فيها اخر الترم

________________________________________

الماده: الرسم الهندسي والاسقاط
الدرجه: 150 رسم 75 اسقاط
الدكاتره:ا.د. احمد مصطفى البهلول ا.د.محمد شباره
لمحه عن الماده: الاسقاط ترم الاول بس ماده تافه جدا للزكي.. لانهنا كلها تخيل وماده جميله اوووووووووووي ..... بس متخلوش حد يعقدكم منها.... الرسم طول السنه... انا كنت مع العبقري د. احمد البهلول الدكتور دا عبقرررررررررري....متفوتوش ولا محاضراه لان المعيدين مبيشرحوش حاجه.. انت بتحضر المحاضر والدكتور بيديك رسمه تروح ترسمها في السكشن المعيد بس بيعلملك

emmy - zaian

02-09-2009, 12:45 AM

تكمله الموااد,::::::::::::::

الماده: تكنولوجيا الانتاج
الدكاتره: ا.د. توفيق توفيق الميداتي
لمحه عن الماده: احلى دكتور فس الدنيا بيديكم الماده دي... واحلى محاضره في الدنيا محاضرة الانتاج...مجرد حضور المحاضره يعني جيد جدا.... على فكره المادة دي ترم تاني بس... وفيها ورشه كل اسبوع...اوعو تغيبو اي ورشه لان حضور الورش من 30 من اصل ميه يعني النجاح........

واخر محاضرتين الدكتور هيديكم الامتحان بالنص... يس ركزو... واعرفو حاجه مهمه امتحان الانتاج والفيزيا بيجو بالنص من امتحانات السنين اللي فاتت .... بيجو بالنص

__________________________________________________ ___

الماده: حاسب الي
الدكاتره : د.علي الدسوقي د. عايده
الدرجه : 75
لمحة عن الماده : الماده دي لازم تحضر كل محاضراتها ... وتزاكرها اول باول... لانها بتدرس فيها برمجه فيجوال بيسك نت .... ولازم تحضروا كل السكاشن... هي ماده صغيره خالص... بس ممكن حد ميكونش ليه دعوه بالكمبيوتر فيكرهها....بس هي تافه.. للي بيحضر...

__________________________________________________ _________________

الماده : حقوق انسان
الدرجه : 50
لمحة عن الماده: مادي صغيره جدا الدكتور بيديك 10 اسئله وبيقولك هجبلك منهم 3 فالامتحان تحل منهم2 فقط فقط.... وماده جميله اوي اوي اوي..... والماده دي ماده نجاح وسقوط موش محسوبه في المجموع..

__________________________________________________ _____

الماده : الانسانيات
الدكاتره : نفس دكاتره مادى الكيماء
الدرجه: 50
لمحه عن الماده: المادي دي كلها بالعربي عكس كل المواد... هي عامله زي العلوم بتتكلم عن البيئه و طبقات الجو.... حاجت ممتعه جدا...لازم تجيبو فيها امتياز.... نصيحه زكروها من الكتاب ... وابقو راجعو المزكرات بتعاتها ليله الامتحان...... الماده دي حاولو ترفعو تقديركم بيها... لانها سهله وحرام متجبوش فيها تقدير

حيران في الثانويه

02-09-2009, 04:17 AM

طب عادي هنجيب فيهم امتياز كلهم وخلاص :d
الموضوع سهل جدا

حيران في الثانويه

02-09-2009, 04:19 AM

انا بيتهيالي شفت الكلام ده
بس فعلا عدد المواد كتير بطريقه رخمه :(

emmy - zaian

02-09-2009, 04:38 AM

هههههههههه ياارب يبقى سهل كده انا عااوزه احول القاهره السنه الجاايه

emmy - zaian

02-09-2009, 04:45 AM

وهماا عشر مواد بس مش كتير يعنى عااااادى خالص

حيران في الثانويه

02-09-2009, 05:57 AM

10 مواد في التيرم مش كتير ؟
اذا كان الثانويه الموضوع كله كان 5 مواد :d
علي فكرهانا عايز احول القاهره برضو
عشان ادخل كيميا
انتي هتدخلي ايه هناك ؟

حيران في الثانويه

02-09-2009, 06:10 AM

emmy - zaian

02-09-2009, 11:07 AM

اناعااوزة ادخل هندسه طبيه بس لسه مش عاارفه حاجه عنهااا وبيقولوالازم تقديرر كويس عشانهاا

emmy - zaian

02-09-2009, 11:10 AM

هما مش عشر فى التيررم تقريبا يعنى فى مواد ترم اول بس وفى ترم تانى بس

etisalat__011

02-09-2009, 11:52 AM

يا جماعة أى معلومات عايزينها عن أى حاجة فى هندسة موجودة على المنتدى ده
www.manseng.net (http://www.manseng.net)

حب سات

02-09-2009, 12:19 PM

الموضوع جميل يا جماعة و مشكرين كلكم على تعبكم
--------منتظر التحويل لهندسة المنصورة-----
-----------يوسف -----هندسة اسيوط -----------

etisalat__011

02-09-2009, 04:44 PM

الموضوع جميل يا جماعة و مشكرين كلكم على تعبكم
--------منتظر التحويل لهندسة المنصورة-----
-----------يوسف -----هندسة اسيوط -----------

ان شاء الله تحول يا يوسف
بس هيه النتيجة امتى بتاعت التحويل الورقى ؟

masternew

04-09-2009, 04:21 PM

هما مش عشر فى التيررم تقريبا يعنى فى مواد ترم اول بس وفى ترم تانى بس

دول بتوع السنة كلها

خمسه تم اول و خمسه ترم تانى

انما المشكلة ان هتلاقى ف مواد مقسومه انين يعنى الرياضه مثلا فرعين بكتابين ودكتورين و محاضرتين و كده بردهه الفيزياء
انما متخافوش كله بيبى سهل اوى فى النهاه

يا جماعة أى معلومات عايزينها عن أى حاجة فى هندسة موجودة على المنتدى ده
www.manseng.net (http://www.manseng.net)

المنتدى ده ممكن تلاقوا فيه حاجات مفيده

انما ادارة المنتدى ناس غير مسؤلين و غير محترمين .....فخليكوا فيه لحد ما نظبط بديل له على بداية الدراسه بأذن الله او نحاول نغير ادارته الفاشلة دى

و فيه بدائل حالية مثل :
http://www.mansuni.com/vb/
www.topeng.net (http://www.topeng.net)

اناعااوزة ادخل هندسه طبيه بس لسه مش عاارفه حاجه عنهااا وبيقولوالازم تقديرر كويس عشانهاا

هندسة طبية موجوده فى القاهة وحلوان بس و مش موجوده فى المنصورةز... و عشان تحولى لازم تقدير جيد جدا علىالاقل ومتخافيش هو سهل مش صعب

الماده: الفيزياء
الدرجه:150 الترم الاول 150 الترم التاني المجموع 300
الدكاتره: د. محب د. مرفت د. سميه
لمحع عن الماده: الفيزيا اربع كتب صغيرين كل ترم كتابين 1- حراره 2- ضوء 3- كهربا 4- هواص ماده

يا خوفي من دي

ليه بس الخوف ده من تهيب صعود الجبال يعيش ابدا الدهر بين الحفر

و الله العظيم الفيزيا مهتلاقى فيها اى مشكلة خالص
بس انا احضر وواظر على المعامل
و لو انتا مفمتش حاجه روح اسأل الدكاتره فى المكتب
واشترى و رق الباشمهندس هانى هيظبطلك المادى دى ان شاء الله

etisalat__011

04-09-2009, 08:38 PM

انما ادارة المنتدى ناس غير مسؤلين و غير محترمين .....فخليكوا فيه لحد ما نظبط بديل له على بداية الدراسه بأذن الله او نحاول نغير ادارته الفاشلة دى

و فيه بدائل حالية مثل :
http://www.mansuni.com/vb/
www.topeng.net (http://www.topeng.net)

هيه إدارة المنتدى الأول مالها يا بشمهندس ؟(مجرد سؤال)

ثانيا هوه فى لينا حفل استقبال يوم 13/9 ولا إمتى ؟

masternew

05-09-2009, 12:32 AM

هيه إدارة المنتدى الأول مالها يا بشمهندس ؟(مجرد سؤال)

ثانيا هوه فى لينا حفل استقبال يوم 13/9 ولا إمتى ؟

الادارة مالها!!!!!!!!!!!!
لأ دى مالها ونص بس لا يتسع المجال لهذا النقاش هنا ...لو عاوز تعرف اكتر كلمنى على الخاص او اميلى اهو
m.elbanna(a)windowslive.com

و بالنسبة لحفل الاستقبال فنا معرفش والله المعاد
بس هو السنة الى فاتت مكنش حفل يعنى
ده كانوا جمعوا الطلاب فى مدرج 11 (او كما يسمونه مسرح الكلية -انضف مكان فى كلية هندسة على الاطلاق-)
و قالولهم كلمتين عن الكلية و ووزعوا خريطه للكلية
بس السنة الى فاتت الى كان حضر اقل من 40 طالب بس ...يعنى كانت حاجه تكسف:022yb4:

masternew

05-09-2009, 12:48 AM

بخصوص الانشطه والجماعات والاسر والحاجات دى يعنى اللى بتبقى فى الكليه
هل الحاجات دى بتعطلنا عن شغلنا الاساسي فى الكليه زى المذاكره والحاجات دى يعنى ؟ وللا ممكن تفيدنا فى دراستنا ؟
و هل للبنات تواجد كبير فى الجماعات دى يعنى دورهم فعال وللا لأ ؟
ومعلش اخر سؤال اهوه
ايه هيه احسن الجماعات او الاسر اللى فى الكليه ؟ ومقرهم فين بالظبط فى الكليه ؟

بخصوص الانشطة والاسر الطلابة فهى من اجمل الاشياء فى كليتنا

و معلش انا مقدرش احكم اذا كانت بتعطل عن الدراسة ولا لأ لانى مكنتش مشترك .....انما كل شئ فى حدود المعقول كويس يعنى مفيش عطلة ولا حاجه على ما اعتقد

و اذا كانت ممكن تفيد فى الدراسة فده ممكن يكون فى مجال الكمبيوتر والتكنولوجيا لانى معظم الاسر الطلابية بتعمل ندوات خاصة بتكنولوجيا المعلومات والحاسب و دى اكيد بتستفيدى منها

و البنات موجود زى الولاد بالظبط مفيش اى فرق على حسب علمى

وعلى فكرة هتسمعى كلام كتير فى بداي السنة من الدكاتره بيشجعوا الانضمام للاسر والمشاركه فى النشاطات الطلابية دى لان بيتصرف عليها كتير من الكلية و ده حقكم لازم تخدوه لما تشاركوا فيها

و بالنسبة لاشهر الاسر فى الكلية :

اولا اسرة 90 درجة -صناع الحياه سابقا- :

http://www.90daraga.com (http://www.90daraga.com/)

ودى اكبر اسرة فى الكلية وانجحها و شعارها التنمية بالايمان و بجد دى الى انصحك تشاركى فيها وانا عن نفسى كان نفسى اشارك فيها طول السنة الى فاتت س كنت بكسل و كانوا عاملين فى الصيف ندوات وورش عمل للاعضاء الجداد بس برده انا كسلت اروح ...بس هى على العموم احسن اسرة فى الكلية كفايا ان رائدها الدكتور العبقرى توفيق الميدانى
و هتلاقيهم فى مقرهم جوه مبنى الورش (لو مش عارفاه اسئلى عليه) اول ما تخشى تخدى شمالك للاخر خالص او اسألى فين معمل الدكتور توفيق الميدانى و هتلاقيهم هناك بيجهزوا شنط رمضان دلوقتى:d
و كانوا السنة الى فاتت عاملين حملة "تفرق كتير" فى كل الجامة وبجد نشاطهم اكتر من رائع

ثانيا اسرة كات (CAT— (Computer Assistant Team :
http://forum.cat-hackers.net/index.php (http://forum.cat-hackers.net/index.php)
http://www.catreloaded.net (http://www.catreloaded.net/)
و دى اسرة تكنولوجيا بتهم بالكمبيوتر و التكنولوجيا وهتلاقيهم على مدار السنة بينظموا ندوات و محاضرات عن الكمبيوتر والبرامج و التكنولوجيا
بس بجد ندواتهم هتلاقيها مفيده جدا بس مش لازم تكونى عضوه فى الاسر ممكن تبقى تتابعى ندواتهم بس ...و السنة الى فاتت كانو عاملين اكتر من نادوه تحت عنوان Scope و عملوا حتى الهاكرز داى Hackers Day لتعليم الهاكنج

ثالثا اسرة جودتايم Good Time :
www.goodtime4me.com (http://www.goodtime4me.com/)
ودى برده اسرة عامة بيتهيقلى ملهاش اهتمام محدد ...كانوا نظموا السنة الى فاتت ندوه بالاشراك مع شركات انتل وميكروسوفت و اتصالات و سيسكو و ايتيدا تحت عنوان التكنولوجيا و تطوير التعليم العالى
و هتلاقى فى لاسرة دى معظم شباب اتحاد الطلبة الى هما تقريبا محتلينها:d:dبس بصراحة رائدها الدكتور محمد عبدالعظيم دكتور محترم جدا من قسم اتصالات وخلى الاسرة احلى و احلى

ودول اشهر الاسر الطلابة الى فى الكلية عندنا و بجد دول من الحجات الكويسة القليلة فى كليتنا:p:022yb4:

اتمنى انى اكون فتحت نفسك شوية من جهة الكلية