بسم الله الرحمن الرحيم
السلام عليكم ورحمة الله وبركاته


ازيك يا اخواني / اخواتي
عساكم بخير ان شاء الله

كثيراً ما نسمع بورود شرط التكافؤ في الزواج و أثناء عقد الزواج يتأكد القاضي من التكافؤ بين طرفي العلاقة و يؤيد ما جاء بالاتفاق بينهما و يكون حريصاً على وجود التكافؤ بين الطرفين

فإذا كان عقد الزوج كسائر العقود الرضائية إلا أنه يشترط معه شرط التكافؤ

الرسول عليه أفضل الصلاة و السلام نادى بالتكافؤ بالزواج ولعل أهم شروط التكافؤ هو أن يكونا من نفس الدين . يعينها على امور دينه و تعينه على أمور دينه . و الأهم من ذلك الأولاد, فالأولاد دائما هم حصيلة زواج الأب و الأم و وينعكس إيجابا أو سلبا على الأولاد و نشأة حياتهم


هل ( تري ) أن التكافؤ بجميع أشكاله مطلوب ؟
وما هو التكافؤ الذي ليس بالضرورة مطلوباً ؟
وما المقياس المعتبر في إطار المطلوب كونه واجب؟
هل يمكن أن يكون فيها الزواج غير متكافئ
و لكنه قد يكون ناجحاً

ما رأيكم
الموضوع مطروح للحوار و النقاش

ولكم مني ارق التحيات :078111rg3:

منقول:av4056bb7jp3:

في رعاية الله
Messenger of Peace (http://www.thanwya.com/vb/member.php?u=67557)

اشكر حضرتك يااستاز معتز ع طرح الموضوع

المهم جدا دوت انا من رايى ان الموضوع

بيعتمد على التكافؤ ودرجة التفاهم والنقاش

لان الزواج ليس حبا واحسا فقط ولكنه اشياء اخرى

مثل التفاهم والعشرة وتقارب درجات الفكر

ولكن اذا لم يتوافر ذلك فيستحيل ان يتم الزواج

شكرا للموضوع الرائع

هو التكافؤ دا بيبقي في جوانب جتير اوي
زي المستوي الاجتماعي والثقافي والمادي والديني يعني دي تعتبر اهم حاجات ممكن الواحد يبص عليها
يعني بالنسبه للمستوي الاجتماعي يعني مكانه الزوج والزوجه مينفعش مثلا تبقي هي مديره قسم معرفش ايه
وهو يبقي موظف عادي او حتي سمكري يعني لازم يكونوا في نفس المستوي الوظيفه علي سبيل المثال يعني
والثقافي برضه يعني عشان يبقي فيه تكافؤا مابين اللغه اللي هيتكلموا بيها مع بعض يعني كل واحد يفهم التاني
والتعليمي متبقاش مثلا الزوجه معاها اعداديه والزوج معاه دكتوراه
والمستوي المادي مش مهم اوي بس انا ملومش البنت اللي تطلب مستوي اجتماعي مثلا عالي يعني بنت مثلا متعوده علي مستوي معين مينفعش تقل عنه لانها اتعودت علي حياه وعيشه معينه مهما كانت مبسوطه في الاول اكيد هتضايق بعد كدا ولو ان طبعا بيبقي في استثناءات ياما ناس متجوزين معندهمش تكافؤ ومع ذلك بيستمروا ودا بئا عشان مثلا العشره ولو فيه اولاد عشان ميتظلموش وفيه ناس كمان بتبقي مبسوطه بالاختلاف
وفيه ناس بتتقبل العيشه كدا وبتتاقلم معاها

التكافؤ امر مهم جداً

واحب اوضح حاجة
اعتقد اختلاف المهام بينهم يؤدي إلى التكامل في الاسرة
ولكن الاهتمامات المشتركة بينهم تؤدي لوجود اختلافات رأي تؤدي للمشاكل في بعض الاحيان

عشان كده لو كان كل واحد بيكمل مهمة في التاني حيبقى في تكامل وكل واحد شايف اللى بيعمله ايه

شكلي رحت بعيد :d

ياااااااااااااة رجعتونى لسنة تانية لما كنا بناخد الجواز والطلاق والخلع
بس على قد ما انا فاكر يعنى ان التكافؤ المطلوب هنا هو التكافؤ فى كل شيى
وفى احاديث ومواقف كتير من السنة بتدل على كدة بس للاسف مش فاكرها دلوقتى

http://www.p-yemen.com/highstar/arog6/pemenn%20(18).gif

التكافؤ مطلوب جدا لان اساس الزواج التفاهم ففي حالة عدم التكافؤ الديني أو الثقافي أو العقلي يكون التفاهم شبه مستحيل وتكون زيجه فاشله
ممكن يكون الزوج أكثر مالا من الزوجه وده مش بيأثر إنما العكس لاhttp://www.arabsys.net/pic/thanx/35.gif

اممممممم
التكافؤ
اولا كلنا متفقين انه لازم يبقى فى تكافؤ بين الزوجين
و اللى بيرضى كل الاطراف من اول الزوجين للاهل
المشكله بقى اللى بيتعرض ليها المجتمع دلوقتى هو ان مفهوم التكافؤ بقى غلط
بقى مجرد العامل المادى هو المحرك الجوهرى فى كل حاجه
معاك قرش تسوى قرش
يعنى فى الاحصاءيات الحديثه تلاقى بنات بدوكتورهات و متجوزين اميين
دول بقى مش ليهم غير حاجه واحده
الفلوس
و ضل راجل و لا ضل فانوس
مع ان الفانوس بينور و اهو ونس بردو
:d
لو جينا بقى بره حتلاقى ان اغلب العامل بيبقى عامل التكافؤ الروحى اكتر من اى حاجه تانيه
و دى على قد ما هى ليها مشاكلها الكتير فى الاختيار و كده
بس بتقلل كتير من نوعيه معاك قرش تسوى بطيخه تى
:bosyht9:
المهم بقى خلاصه القول
بلا جواز بلا وكسه
محلاها عيشه الحريه
:d:d:d

يلا فى رعايه الله

صراحة انا شايفة ان التكافؤ ده ليه ابعاد كتيرة منها المهم ومنها اللى مش مهم وبتختلف طبعا من شخص لاخر
بالنسبة للتكافؤ التعليمى انا شايفه ان الفرق ميكونش شاسع ولكن يكون بسيط
وشايفه انه ميكونش نفس التخصص او المهنة لانه بيخلق مجال للمنافسة واللى بينتهى بمشاكل
اما بالنسبة للتكافؤ المادى فده حاجة نسبية انا عن نفسى مقدرش ادى راى فيه لانى ممكن يبقى تفكيرى مثالى
بس انا شايفه انه مش فارقة اوى
لان مش معقول ان فيه شاب حيتخرج كامل من مجاميعه ومعاه فلوس بالعقل كده حيجبها منين;)
انا شايفه ان عادى لو واحدة اتجوزت واحد وتبدا معاه من الصفر او من مستوى متوسط ويبتدوا يبنوا الاسرة ويرفعوها مع بعض
لكن طبعا مينفعش واحد يبقى مستواه المالى منخفض وكمان فرصته فى رفعها ضعيف كده البنت حتحس انها ضيعت نفسها معاه بالذات لما تحس بالفرق
اما اللى بيضايقنى هو المقارنة فى التكافؤ من ناحية العيلة يعنى مثلا مينفعش واحد يفسخ خطوبته مع واحدة لانه اكتشف ان عمها بيشرب مخدرات او كده لان ده صراحة منتهى الظلم ولا تزر وازرة وزر اخرى او ان الولد لما يسال عن البنت يدور على وظيفة ابوها وتاريخه وسجله المدنى بالمرة :confused:
لان ده انا شايفه انه ظلم وان الانسان مستقل بذاته فمينفعش نحكم على اخلاق حد اننا نشوف قرايبه وعيلته ممكن اسرته لانها بتاثر تاثير كبير
اما التكافؤ الثقافى بمعنى التكافؤ فى الاسلوب وطريقة الكلام والتعامل فانا شايفه انه معيار لايمكن اهماله لانه بياثر على تربية الاولاد بس طبعا محدش يروح يدور على حد تيبكال ليه بتبقى فيه فروق بسيطة فى العادات والتقاليد وفى النهاية
دى كلها اراء شخصية بحتة وانا اقبل لو فيه حد مش متفق معايا فى حاجة يحاورنى فممكن اقتنع بحجته اكتر وشكرا على طرح الموضوع