مشاهدة النسخة كاملة : (((= استفساراتكم واقتراحاتكم بخصوص مسائل التحويل والرغبات والتقديم =)))
eesraa 03-08-2009, 12:48 PM بسم الله الرحمن الرحيم
وبه نستعين
والصلاة والسلام على أشرف خلق الله أجمعين محمد صلى الله عليه وسلم تسليما كثيرا
بداية :-
مزيدا من التهنئة والتحية لكل طلاب الثانوية العامة وأرجو من الله عز وجل أن يوفقهم ويكرمهم ويجعلهم زخرا للاسلام والمسلمين
ثانيا :-
انتهت بفضل الله المرحلة الاولى وتقديم رغبات المرحلة الثانية ومنتظرين النتيجة أن شاء الله ثم بعد ذلك تأتى المرحلة الأهم
ثالثا :
مرحلة التحويل التى تقلل الاغتراب وتقلل الجهد وتوفر المال
رابعا :-
احببت أن يكون هذا الموضوع ملتقى للطلبة الذين يرغبون فى التحويل والطلبة المتقدمين وشروط التحويل ومستلزمات التقديم
وباذن الله سأسرد كل ما قيل ونقل بهذا الشأن الى أن تنتهى فترة التحويل والتنسيق وحتى يجد المحول حصيلة كافية من المعلومات التى تجعله ينطلق على هدى
أى اسئلة بخصوص التحويل أو التقديم وان شاء الله يشارك كلا منا الاخر لخدمة الطلاب
وبالتوفيق
eesraa 03-08-2009, 01:02 PM بداية التقديم بيختلف حسب الكلية ولكن عادة او نسبيا بعد 20 يوم من ظهور نتيجة المرحلة الاولى
وها هى شروط التقديم بحسب ما هو موجود فى موقع بوابة الحكومة المصرية
:
1) الاستمارة البيضاء الدالة علي النجاح.
2) عدد (6) صور شخصية.(وأحيانا ) 7 بس اعمل حسابك علشان ماترجعشى
3) شهادة الميلاد الأصلية أو مستخرج رسمي منها.
4) نموذج (2) جند للطلاب الذكور فقط (من مكتب البريد).
5) شهادة التفوق الرياضي (للطلاب الحاصلين علي حوافز رياضية فقط).
6) موافقة كتابية من مدير المدرسة الثانوية الجوية والثانوية العسكرية الداخلية للطلاب الحاصلين علي الثانوية العامة من إحدى هاتين المدرستين للالتحاق بإحدى الكليات أو المعاهد
تم ذكر هذه الاشياء سابقا ولكن أريد أن تكون كل المعلومات فى موضوع واحد لمساعدة الطلبة
كامل على 03-08-2009, 03:31 PM لمزيد من المعلومات عن هذا الموضوع ادخل هنا
http://www.thanwya.com/vb/showthread.php?t=140347
الله أعلم 03-08-2009, 03:38 PM عايزين نعرف معلومات اكتر يعنى بياخد وقت اد ايه على ما نتيجته تظهر والسنة اللى فاتت يعنى قبلوا كام طلب يعنى فى حدود
كام طلب فى اى كلية ولتكن ألسن
eesraa 03-08-2009, 03:57 PM لمزيد من المعلومات عن هذا الموضوع ادخل هنا
http://www.thanwya.com/vb/showthread.php?t=140347
شكرا جزيلا على المساعدة وجعله الله فى ميزان حسناتك
eesraa 03-08-2009, 04:06 PM عايزين نعرف معلومات اكتر يعنى بياخد وقت اد ايه على ما نتيجته تظهر والسنة اللى فاتت يعنى قبلوا كام طلب يعنى فى حدود
كام طلب فى اى كلية ولتكن ألسن
بالنسبة لموعد التحويلات فهو يوم السبت حسب تصريحات الوزير لجريدة الأهرام بتاريخ 1/8/2003
أما المدة فهى تقريبا 48 ساعة وان شاء الله أول اما الاحظ حاجة هقولكم عليها
بخصوص قبول الكلية فدا بنسبة 10% من طلبة الكلية وبتختلف من كلية لكلية
فمثلا فى كليات يحول اليها ويحول منها وفى كليات يحول منها فقط واخرى يحول اليها فقط
ومتقلقشى النسبة دى معمول حسابها
هوا صحيح بيادوا نسبة 10% من الراغبين فى التحويل؟
لو ال10% دول ببلاش سمعت انى ممكن ادفع 1000جنية واحول لو اسمى متطلعش من 10 %
انا اساسا جتلى فنون جميلة حلوان وانا من اسكندرية على فرق نصف درجة انا ادبى
eesraa 03-08-2009, 04:12 PM هوا صحيح بيادوا نسبة 10% من الراغبين فى التحويل؟
لو ال10% دول ببلاش سمعت انى ممكن ادفع 1000جنية واحول لو اسمى متطلعش من 10 %
انا اساسا جتلى فنون جميلة حلوان وانا من اسكندرية على فرق نصف درجة انا ادبى
ايوة ال 10% دول ببلاش
بداية مادام الفرق صغير زى مابتقول يبقى انت ليك الأولوية فى التحويل
بعد كده بقى ابقى شوف موضوع الفلوس ده
بس ان شاء الله هتنقل ومجانا كمان
بس ان شاء الله هتنقل ومجانا كمان
يارب شكرا جزيلا
طالبة الغفران 03-08-2009, 04:40 PM طب سيادتك يعني
لو الفرق درجة ونص وانا في عين شمس وعيزة اجي الزقازيق اقرب
وفي صحابي الفرق نص وهما في بنها مش بعيدة اوووي يعني تبع المنطقة أ ...وعيزين يجوا الزقازيق
يبقي مين الاولى ؟؟؟؟؟
وهل احتمال قبولي صعيف ؟؟؟؟؟
وهل النتيجة هتتطلع ساعتها ؟؟؟؟؟؟؟؟؟؟
وهل هقدم امتى ؟؟؟؟؟؟؟؟؟
برجاء الافادة
eesraa 03-08-2009, 04:52 PM طب سيادتك يعني
لو الفرق درجة ونص وانا في عين شمس وعيزة اجي الزقازيق اقرب
وفي صحابي الفرق نص وهما في بنها مش بعيدة اوووي يعني تبع المنطقة أ ...وعيزين يجوا الزقازيق
يبقي مين الاولى ؟؟؟؟؟
وهل احتمال قبولي صعيف ؟؟؟؟؟
وهل النتيجة هتتطلع ساعتها ؟؟؟؟؟؟؟؟؟؟
وهل هقدم امتى ؟؟؟؟؟؟؟؟؟
برجاء الافادة
على فكرة انا من نفس سنك يعنى قوليلى يااسراء يعنى بلاش تكليف
انا سألت فى الموضوع ده لقيت ان طالما انتى خارج المنطقة الجغرافية يبقى ليكى فرصة التحويل
مهما بعدت المنطقة ولو بنها خارج التوزيع الجغرافى لاهل الزقازيق يبقى زيها زى عين شمس مهى دى غربه ودى غربة وربنا يكرمك وتقدرى تحولى ولو محصلشى نصيب متزعليش برده عين شمس كلية متميزة
طالبة الغفران 03-08-2009, 05:00 PM الله يخليكي يا اسراءة يا رب
لا
بنها اقرب .... يعني تبع التوزيع الجغرافي ..
شكرا ويارب اقبل يا رب
ادعولى
eesraa 03-08-2009, 05:12 PM الله يخليكي يا اسراءة يا رب
لا
بنها اقرب .... يعني تبع التوزيع الجغرافي ..
شكرا ويارب اقبل يا رب
ادعولى
على ايه ربنا يوفقك وان شاء الله تبقى طالبة فى جامعة الزقازيق
eng_dero 03-08-2009, 05:53 PM بليييز انا عندى كام استفسار كده
اولا: باذن الله انا ناويه احول من هندسه القاهرة لعين شمس وهى فى مربعى السكنى وكمان انا مجموعى اكتر من عين شمس بدرجه ونص هل ينفع ولا...؟
ثانيا: حاليا انا روحت جامعه القاهرة وعرفت انى المفروض اقدم يوم التلات بس فى حاله لو انا حولت واستنيت ليوم السبت هل هقدم فى القاهرة قبل ما احول ولا استنى التحويل يوم السبت
ثالثا: فى حاله لو انا استنيت التحويل يوم السبت ومش قدمت وساى انى مقبلتش فى التحويل هل كده مكانى مش هيبقى موجود فى القاهرة ولا لأ مع العلم ان كده ميعاد تقديمى فات
رابعا: سورى انى طولت بس بليييييييز محتاجه الرد فعلا
الله أعلم 03-08-2009, 06:34 PM شكرا يا اسراء على فكرة أنا بنت بس مش عارفه أغير كلمه عضو ديه
eesraa 03-08-2009, 07:13 PM بليييز انا عندى كام استفسار كده
اولا: باذن الله انا ناويه احول من هندسه القاهرة لعين شمس وهى فى مربعى السكنى وكمان انا مجموعى اكتر من عين شمس بدرجه ونص هل ينفع ولا...؟
ثانيا: حاليا انا روحت جامعه القاهرة وعرفت انى المفروض اقدم يوم التلات بس فى حاله لو انا حولت واستنيت ليوم السبت هل هقدم فى القاهرة قبل ما احول ولا استنى التحويل يوم السبت
ثالثا: فى حاله لو انا استنيت التحويل يوم السبت ومش قدمت وساى انى مقبلتش فى التحويل هل كده مكانى مش هيبقى موجود فى القاهرة ولا لأ مع العلم ان كده ميعاد تقديمى فات
رابعا: سورى انى طولت بس بليييييييز محتاجه الرد فعلا
بخصوص التحويل فمن كلامك يبقى اكيد مضمون ومتقلقيش على ميعاد التقديم (التقديم مفتوح بعد موعدة الاصلى بأكثر من شهر ) الا لو انتى عايزة مدينة جامعية دى حاجة تانية
eesraa 03-08-2009, 07:15 PM شكرا يا اسراء على فكرة أنا بنت بس مش عارفه أغير كلمه عضو ديه
العفو وانتى ممكن تغيرى اسمك بانك تتطلبى من الادارة ده ( على ما أعتقد )
eng_dero 03-08-2009, 07:26 PM ميرسى لردك اسراء وانا مش عايزه مدينه جامعيه ولا حاجه انا الاتنين فى المربع السكنى بس اتاكدت ان عين شمس احسن من القاهرة عشان كده بس هحول
طالبة الغفران 03-08-2009, 11:47 PM الف شكر ليكي يا اسراء
يارب سهل
shevaaa 04-08-2009, 03:32 AM السلام عليكم و رحمة الله
انا ادبي و جبت 378 و كنت كاتب السن عين شمس و بعديها السن المنيا و جاتلي السن المنيا و انا من سكان القاهرة جنب جامعة عين شمس و فرقني عن السن عين شمس درجتان قهل انا كده اقدر احول لالسن عين شمس ؟؟
يعني انا جايب الحد الادنى للالسن عموما انما عين شمس خدت 380 فهل ممكن اني اتقبل ان شاء الله
و هل لاقدر الله لم اقبل هل استطيع اني ادفع 1000 جنية و احول السن عين شمس ؟؟
و لكي جزيل الشكر .......
كامل على 04-08-2009, 09:38 AM بليييز انا عندى كام استفسار كده
اولا: باذن الله انا ناويه احول من هندسه القاهرة لعين شمس وهى فى مربعى السكنى وكمان انا مجموعى اكتر من عين شمس بدرجه ونص هل ينفع ولا...؟
ثانيا: حاليا انا روحت جامعه القاهرة وعرفت انى المفروض اقدم يوم التلات بس فى حاله لو انا حولت واستنيت ليوم السبت هل هقدم فى القاهرة قبل ما احول ولا استنى التحويل يوم السبت
ثالثا: فى حاله لو انا استنيت التحويل يوم السبت ومش قدمت وساى انى مقبلتش فى التحويل هل كده مكانى مش هيبقى موجود فى القاهرة ولا لأ مع العلم ان كده ميعاد تقديمى فات
رابعا: سورى انى طولت بس بليييييييز محتاجه الرد فعلا
اتحويل يوم السبت لمدة اسبوع تقريبا
النتيجة بتظهر بعدة بيومين
التقديم لغاية اخر 8
مكانك فى الكلية محفوظ
لو قبلتى فى التحويل اطبعى بطاقة الترشيح الجديدة واذهبى للكلية الجديدة حيث فى هذة الحالة مكانك فى الاثنين واللى هتروحى تقديمة لة هو اللى هتدخلية
لو التحويل مقبلش روحى كليتك اللى جاتلك وخلاص (وارض بما كتبة الله لك تكن اغنى الناس)
hatem mahfouz 04-08-2009, 11:11 AM أنا جاتللي صيدلة الاسماعيلية وعاوزة أحول طب الاسماعيلية ومجموعي هو مجموع طب الاسماعيلية بالضبط هل ينفع ولا لأ راحت عليا خلاص
طالبة الغفران 04-08-2009, 11:38 AM المشكلة ان النتيجة ظهرت دلوقتي على كل المواقع مرحلة تانية
ومظهرتش ع الوزارة
خيبة ليعمل كده في التحويل
وتروح علينا الفرصة
طالبة الغفران 04-08-2009, 02:18 PM هو التحويل بدأ يا جماعة ؟؟؟؟؟؟؟؟؟؟؟؟؟؟؟؟؟؟؟؟؟
ارجو الافادة بسرعة
eng_dero 04-08-2009, 02:25 PM اولا : شكرا جدا مستر كامل لرد حضرتك
ثانيا :انا الحمد لله هرضى فعلا باللى ربنا هيكتبهولى وباذن الله اتأقلم معاه
ثالثا :انا اتصلت برقم التنسيق بتاع الوزاره وشرحتلهم الموقف قالولى ان غرض التنسيق تقليل الاغتراب وطالما انتى فى المربع السكنى للقاهرة وعين شمس يبقى صعب التحويل جدا لعين شمس لان الجامعتين دول ومعاهم حلوان مش بيتحول كليات مناظرة بينهم هل فعلا الكلام ده صح ؟
طالبة الغفران 04-08-2009, 02:27 PM هو التحويل بدأ يا جماعة ؟؟؟؟؟؟؟؟؟؟؟؟؟؟؟؟؟؟؟؟؟
ارجو الافادة بسرعة
eng_dero 04-08-2009, 02:56 PM لسه التحويل باذن الله يوم السبت لسه مفتحش
the best boy 04-08-2009, 03:54 PM معلش انا جاتلى كلية هندسة جامعة حلوان هل ممكن احول القاهرة . اصل انا قريب اوى من جامعة القاهرة
هل ممكن ولا مش هينفع
eng_dero 04-08-2009, 04:57 PM والله انا زيك بالظبط بس عايزه احول من القاهرة لعين شمس ومهما حد قال هينفع ولا لأ محدش هيحدد غير نتيجه التحويلات اللى هيبدا من يوم السبت باذن الله
belaleb 04-08-2009, 05:02 PM ممكن استفسار يا جماعة
انا مجموعي ثانوية عامه السنة الي فاتت كان يجيب اداب انتساب القاهرة بس توزيعي الجغرافي عين شمس لكن جامعة القاهرة خارج التوزيع الجغرافي ودخلت معهد خاص والسنادي عايز احول اداب قسم اسباني والقسم ده مش موجود في عين شمس . هل ينفع احول القاهرة عشان ادخله ولو ينفع ايه الطريقة عشان احول وانا جايب في العربي 53.5 والانجليزي 43 والفرنساوي 44 ومجموع اللغات 140.5 من 160
وهل قسم الأسباني بيقبل انتساب ولا لأ ؟ ونتيجة التنسيق الداخلي لاداب القاهرة هتطلع امتى ؟
وشكرا مقدما :)
tamo7a 04-08-2009, 07:53 PM http://www.thanwya.com/vb/life/icons/impp.gif
ارجوووووووووووكم ساعدونى
انا جالى علوم عين شمس لانى كتبتها الاول ودلوقتى غيرت رايى وعاوزة احول طب بيطرى القاهرة فهل هذا ممكن ومتى يبدا التحويل الخميس ام السبت !!!!!!!! مع العلم مجموعى اعلى من بيطرى القاهرة بدرجة ونصف:(
bibo.bibo 04-08-2009, 08:50 PM طيب انا دلوقتي تجاره انتساب حلوان
وملحقتش القاهره
ممكن دلوقتي احول للقاهره ولا مش ممكن
مع العلم ان انا في الجيزه القاهره في النطاق الجغرافي ا وحلوان نطاق ب
يا ريت حد يرد عليا
sama_es 04-08-2009, 09:24 PM طب انا جاتلى كليه البنات اداب انتساب عين شمس بس انا بفكر احول لجامعه عين شمس مع العلم انى معديه الحد الادنى لان اداب عين شمس واخده من 72.6 وانا جايبه 74 % فياترى انا يقبل تحويلى ولا لا وشكرا لتعب حضراتكم معانا
tomkrouz2010 04-08-2009, 09:39 PM لو سمحت انا جايب 77.3% وجالى تجارة انتساب حلوان ممكن احول تجارة انتساب القاهرة
ياريت الرد المفيد
eng_dero 05-08-2009, 08:27 PM حد يرد علييييييييييييييييييييييييييييييينا
د/بسمة الاسلام 07-08-2009, 11:09 PM التحويل يوم السبت يعني ايه
يعني النهاردة بليل ؟؟؟؟؟؟؟؟؟؟؟؟؟؟؟؟؟؟؟؟؟
برجاء الرد
ممدوح الملاى 07-08-2009, 11:26 PM التحويل يم الاثنين وكل الجرائد بتقول كده
كامل على 08-08-2009, 12:00 AM بليييز انا عندى كام استفسار كده
اولا: باذن الله انا ناويه احول من هندسه القاهرة لعين شمس وهى فى مربعى السكنى وكمان انا مجموعى اكتر من عين شمس بدرجه ونص هل ينفع ولا...؟
ثانيا: حاليا انا روحت جامعه القاهرة وعرفت انى المفروض اقدم يوم التلات بس فى حاله لو انا حولت واستنيت ليوم السبت هل هقدم فى القاهرة قبل ما احول ولا استنى التحويل يوم السبت
ثالثا: فى حاله لو انا استنيت التحويل يوم السبت ومش قدمت وساى انى مقبلتش فى التحويل هل كده مكانى مش هيبقى موجود فى القاهرة ولا لأ مع العلم ان كده ميعاد تقديمى فات
رابعا: سورى انى طولت بس بليييييييز محتاجه الرد فعلا
قواعد تقليل الاغتراب:
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية داخل أو خارج النطاق الجغرافى (أ)، باختيار أى عدد من الكليات فى نطاق منطقته الجغرافية (أ) طبقا لرغباته. وعلى الطالب الراغب فى الحصول على أعلى فرصة للتحويل كتابة أكبر عدد من الرغبات.
· فى الكليات التى بها انتساب موجه، يسمح للطالب المرشح كطالب انتظام، بالتحويل لكلية مناظرة بمنطقته الجغرافية (أ) ولكن بنظام الانتساب الموجه فقط.
· يتم ترتيب الطلاب طبقا لرغباتهم فى كل كلية بالنطاق (أ)، وتحويل العدد الذى حدده المجلس الأعلى للجامعات وطبقا للإمكانيات الاستيعابية للكليات. .
ملحوظة هامة:
تعتبر الكليات والمعاهد التالية هي كليات فريدة ليس لها مناظر، والتحويل منها أو إليها يخضع لنظام التحويل لكليات غير مناظرة، وهذه الكليات هي:
1. كلية الطب بالإسماعيلية.
2. كلية الهندسة الإلكترونية بمنوف.
3. كلية البترول والتعدين بالسويس.
4. المعهد العالي للتكنولوجيا ببنها.
5. المعهد العالي للطاقة بأسوان.
التحويل
ياشباب كل الاسئلة مكررة بنقول:
1- التحويل سيبداء يوم الاثنين القادم والنتيجة على طول بعد انتها مدة التحويل بيومين.
2- شروط قبول التحويل:
مراعاة التوزيع الجغرافى من اجل تقليل الاغتراب ( اى ان يكون الهدف من التحويل هو تقليل الاغتراب وليس اعادة ترشيح) بمعنى ان تكون محول الى كلية فى منطقة أ بالنسبة لك فقط غير كدة لن يقبل تحويل(سوف اضع التوزيع الجغرافى لكل المحافظات
3-اتحويل نوعانا-تحويل كلية مناظرة بمعنى جالك هندسة طنطا وانت من المنصورةتحول هندسة المنصورة فقط ولو فارق عنها درجات 2او 3او 4 او00000 قدم وانت ونصيبك ممكن تدخل ضمن العشرة فى المية المحددة اى كان الفرق .
ب- تحويل كلية غير مناظرة(بمعنى جالى طب اسيوط وبعيد على والفرق بينى وبين طب المنصور اللى انا منها مثلا كبير ممكن 3او4 درجات ومش مضمون فقلت احول صيدلة المنصور مثلا (مجموعى جايبها (لازم) علشان اضمن اكون فى محافظتى فى هذة الحالة التحويل يقبل فورا طالما انت جايب مجموع الكلية المحول اليها وهى فى منطقة أ بالنسبة لك
خلاصة الكلام
التحويل كليات مناظرة انت ونصيبك ممكن تقبل من العشرة فى المية وممكن لا تقبل
اما تحويل كليات غير مناظرة مجموعك جايبها وفى منطقة أ بالنسبة لك مضمون ويقبل فورا
كل ذالك على النت وانت لما تفتح صفحة التحويل وتضع رقمك السرى ومجموعك بيفتح اللى ينفع تحول لة فقط
ان كان غير مناظرة هيفتح لك الكليات اللى فى منطقتك ومجموعاك جايبها تختار
وان كان كليات مناظرة هيفتح كلية مثل كليتك بس محافظتك فقط يعنى مفيش اختيار
واللى محتاج اى شيىء اتصل على الاميل او 0108852693 واللى مش عارف يحول يكلمنى وساعة التحويل اكون معة على الاميل او التليقون وارشدة
الرجاء الدعاء لنا
MuHaMeD kHaLeD 08-08-2009, 12:24 AM اولا برحب بيك
موتوا بغيظكم
ثانيا !! انا عايز اعرف يا خوانا نظام التحويل ايه بالظبط
توزيع جفرافي
محل اقامه
المجموع
ارجو الرد من ذوي الخبره
كامل على 08-08-2009, 12:31 AM اكلم باحترام الاول اية اخونا واية موتو بيغظكم الله يبارك فيك
د/بسمة الاسلام 08-08-2009, 12:40 AM المشكلة
انهم قالو ترقبو ساعة نتيجة المرحلة التانية
وكل المواقع
نزلتها
قبلهم
هو في حتة احسن او اي موقع تاني نحول منه
alone445 08-08-2009, 02:39 AM لو سمحتو انا جايبه 73.5 وتنسيق جاب ليه حقوق وانا عيزه اداب ودى درجاتى 45 فلسفه 44 علم نفس اعمل اى هل هلحق اداب ولا ارجز الرد
عروسه المدينه 09-08-2009, 05:20 AM انا جايبه 84%
وجالى اداب القاهرة وانا عاوزة اداب عين شمس
وانا مجموعى معدى الحد الادنى ليها بكتير
وهى فى النطاق الجغرافى
هل ينفع احول لها؟
ونفس الكليه اداب
وهايكون انتظام ولا انتساب انا جالى انتظام القاهرة؟
لو حولت عين شمس هايكون انتساب؟
eesraa 09-08-2009, 05:26 AM انا جايبه 84%
وجالى اداب القاهرة وانا عاوزة اداب عين شمس
وانا مجموعى معدى الحد الادنى ليها بكتير
وهى فى النطاق الجغرافى
هل ينفع احول لها؟
ونفس الكليه اداب
وهايكون انتظام ولا انتساب انا جالى انتظام القاهرة؟
لو حولت عين شمس هايكون انتساب؟
بداية مبروك عليكى
ثانيا :- أنا سمعت والله أعلم ان مفيش تحويل فى منطقة القاهرة الكبرى
ثالثا :- الموضوع ده انتى جبتيه منين أنا بقالى كتير عملاه وكان زمانه اختفى
على العموم اتأكدى من العضو 19468 وهو عنده الكلام اليقين وربنا يوفقك
|