مشاهدة النسخة كاملة : كيف الحصول على دبلوم تربوى معتمد ؟
صفوت داود 03-08-2009, 07:41 PM كيف الحصول على دبلوم تربوى معتمد ؟
السادة الزملاء
مطلوب دبلوم تربوى من المتعاقدين حديثا وحسب قول وزير التعليم ( يجب الحصول على دبلوم تربوى وسيكون بنظام التعليم عن بعد )
وبالسؤال فى كلية التربية - جامعة الاسكندرية افادوا انة لديهم دبلومات نظام السنتين مع ضرورة الالتزام بالتدريب العملى مما يتعارض مع نظام الدراسة بالتربية والتعليم
لذا نرجو افادتنا عن اماكن الدبلوم التربوى المعتمدة حتى لايتعرض المتعاقدين لضرر فى حالة الالتحاق بدبلوم غير معتمد
رجاء سرعة التعاون والرد الموضوعى حيث ان التسجيل بالكليات اخر موعد لة شهر اغسطس
مع تمنياتى للجميع بالتوفيق
(هند) 03-08-2009, 11:22 PM السلا م عليكم
اى جامعه قدم فيها للتربوى وهى اكيد معتمدة طبعا جامعة قريبة من حضرتك فى كلية التربية اسال فى الدراسات العليا وهى سهلة على فكرة وان شاء الله ربنا يوفقك
صفوت داود 03-08-2009, 11:32 PM على فكرة انا مسئول عن 100 متعاقد حديث بالتربية الاجتماعية
وقد سالت فى كلية التربية بالاسكندرية ولكن نظامها لايتوافق مع نظام العمل حيث نظام الحضور والتدريب
ولكن تردد ان هناك جامعات تنفذ ماتم الاتفاق علية مع وزير التعليم وليس لدينا علم بذلك والزملاء الجدد يتسالون يوميا ولاندرى كيف نرشدهم
ممدوح مصطفى الانصارى 04-08-2009, 05:33 AM ربنا يوفقك استاذ / صفوت
ويمكن ايام التدريب ان تنسق بينها وبين جدولك بالمدرسة
او عملك .
فهذا حق لك لانها دراسة لصالح العمل
ويجب على جهة عملك تيسير مأموريتك فى الدراسة .
Abu Menna Mohamed 04-08-2009, 06:34 AM بسرعة توجه لاي كلية تربية قريبة منك و اسال في الدراسات العليا ففي اغلب كليات التربية يوجد نظامين نظام السنة الواحدة للمتفرغين اي غير المعينين لانه يستلزم الحضور و هناك نظام السنتين و ده لغير المتفرغين و هذا النظام يوجد في جامعة بني سويف حيث حصلت زوجتي علي الدبلومة التربوية هذا العام بنظام العام الواحد وحصلت علي تقدير جيد جدا و الحمد لله
صفوت داود 04-08-2009, 03:11 PM شكرا جدا للسادة الزملاء على مشاركتهم مع تمنياتى للجميع بالتوفيق
miss asma 05-08-2009, 10:40 PM السلام عليكم
افضل دبلومة بالنسبة للموطفين هي الدبلومة الالكترونية
بنتقدملها عن طريق جامعة القاهرة معهد الدراسات التربوية
وشروطها مناسبة لينا جدا لا بتشترط الحضور ولا المتابعة
كله عن طريق الانترنت المحاضرات والابحاث وكل حاجة
هو بس زيارة واحدة كل اسبوع وانا سبق ونزلت لينك المعهد
في موضوع تاني والتقديم قرب او ابتدا
طالبين شهادة تخرج مؤقتة مش صورة الاصل
وشهادة ميلاد كمبيوتر وصور والمصروفات حوالي 900 جنيه
وعلى فرة في مواد مرتبطة بتقارير بتعملهانا مدارسنا ومش بنمتحن فيها
يعني مناسبة لينا جدا وبردو كل اللي عملوها نجحو وجابو تقديرات
وربنا يوفقنا كلنا باذن الله
أبوطالب82 07-08-2009, 02:02 PM احنا قدمنا فى الدبلومة الإلكترونيه فى جامعة القاهرة والتقديم لحد 30/8
والمصروفات 845جنيه وربنا يوفق الجميع
nivana 09-08-2009, 07:17 PM انا روحت اسأل امبارح فى كليه التربيه اسكندريه عشان اعمل دبلومه تربوى
وقالولى لازم تكونى متفرغه عشان اولا انا اخصائيه مش مدرسه
وكمان لان فيه تدريب مره فى الاسبوع لازم احضره
ولان اللى مسموح لهم بعدم التفرغ بيكونوا مدرسين مواد بس
ومش عارفه الغى الموضوع ولا؟
النجم الكبير 12-08-2009, 10:32 PM السلام عليكم
افضل دبلومة بالنسبة للموطفين هي الدبلومة الالكترونية
بنتقدملها عن طريق جامعة القاهرة معهد الدراسات التربوية
وشروطها مناسبة لينا جدا لا بتشترط الحضور ولا المتابعة
كله عن طريق الانترنت المحاضرات والابحاث وكل حاجة
هو بس زيارة واحدة كل اسبوع وانا سبق ونزلت لينك المعهد
في موضوع تاني والتقديم قرب او ابتدا
طالبين شهادة تخرج مؤقتة مش صورة الاصل
وشهادة ميلاد كمبيوتر وصور والمصروفات حوالي 900 جنيه
وعلى فرة في مواد مرتبطة بتقارير بتعملهانا مدارسنا ومش بنمتحن فيها
يعني مناسبة لينا جدا وبردو كل اللي عملوها نجحو وجابو تقديرات
وربنا يوفقنا كلنا باذن الله
شكرا كتيييييييييير miss asma
بس ياريت رابط المعهد
miss asma 13-08-2009, 03:39 PM السلام عليكم
شروط التقديم اهيه انا قدمت امبارح الحمد لله
المصروفات 845 وبيشترط الحصول على شهادة ال i c d l
وطبعا ده عشان نقدم في معهد الدراسات الافريقية اللي هناك
يعني من الاخر قدمو في جامعة القاهرة للي مش معاه الشهادة وهما هايرضو بالوصل
شهادة التخرج اصلية واصل شهادة ميلاد كمبيوتر و6 صور
وتقرير من مدرستك اللي هو التقرير السنوي بتاع الاداء
و افادة تفيد بانكم هاتكونو شغالين طوال العام الدراسي في مدارسكم
عشان يعفونا من التربية العملي
وربنا يعينكم ويساعدكم على اللي هاتشوفوه هناك وانتو بتقدمو
انا من 7 الصبح لحد 7 المغرب هناك
يعني خدو اكلكم وشربكم معاكم احسن
وماتنسوش تاخدو الفاكهة عشان ترطبو على قلوبكم
والله الكلام ده عن خبرة يوم كامل
romansicgirl 22-08-2009, 11:18 PM السلام عليكم رمضان كريم
انا مدرسة فى الهرم الفندقية بشتغل بالاجرمثل الشيفات وعاوزة اعمل دبلومة اخدها سنة ولاسنتين
romansicgirl 22-08-2009, 11:22 PM ارجو حد يرد محتاجة اراءكم
azzam_2006 19-10-2009, 07:31 AM بسرعة توجه لاي كلية تربية قريبة منك و اسال في الدراسات العليا ففي اغلب كليات التربية يوجد نظامين نظام السنة الواحدة للمتفرغين اي غير المعينين لانه يستلزم الحضور و هناك نظام السنتين و ده لغير المتفرغين
naglaelawady 20-10-2009, 12:22 AM لو سمحتم انا بكالوريوس تجارة جامعة اسكندريه دفعة 2001 وتقديرى مقبول فهل شرط التقدير ممكن يمنعنى انى اعمل الدبلومه التربوى
|