السلام عليكم ورحمة الله وبركاته

معلش يا جماعة لو سمحتم عندي استفسار عن التحويل وهو ان التحويل بيتم ازاي
يعني هل الطالب لازم ياخد اوراقهويروح الكلية اللي هيقدم فيها وبعدين يرجع يحول ولا مش لازم يروح قبلها ويستنى نتيجة التحويل
وبليز كمان عايزة اعرف النتيجة بتاعت التحويل بتظهر بعدها بكام يوم
وبتبدأامتى
ومتشكرة جدا مقدما

مفسش حد يرد ؟؟؟؟؟؟؟؟؟؟؟؟؟؟؟؟؟؟؟؟

هو التحويل بدأ

اولا: مبروك عليكى طب
ثانيا :انا طالع عينى فى موضوع التحويل ده بردو
ثالثا بقه: بصى ياستى انا روحت مركز التحويل المركزى فى جامعه القاهرة وقالولى بالظبط
( التحويل يوم السبت من عالنت ومتقدميش فى كليتك الاول استنى ميعاد التحويل ولما تطلع النتيجه اطبعى ورقه الترشيح وروحى بيها الكليه الجديده)
واللى عرفته ان التحويل لمده اسبوع والنتيجه بعده بيومين كمان
ويارب لوالتحويل فيه الخير ليا وليكى نقبل يا رب ونحول

شكرا ليكي يا eng_dero (http://www.thanwya.com/vb/member.php?u=219788) على المعلومات دية
والله يبارك فيكي يا باشا بس على فكرة انا طالعة تانية طب ان شاء الله
وباسأل علشان واحدة قريبتي
بس عموما بجد ميرسي كتير جدا جدا على ردك
وربنا يوفقك للي فيه الخير باذن الله

طيب لو سمحتو

بجد ياريت حد يساغدني

أنا جاتلي صيدلة القاهرة وعايزة أحول صيدلة عين شمس

علم اني ساكنة في مدينة نصر

انا اصلا عايزة أدخل القسم المميز في صيدلة عين شمس

وقالولنا روحو قدمو في القاهرة واحنا (صيدلة غين شمس القسم المميز) هنسحب الملف رسميا

اليوم رحت لادارة جامعة عين شمس أسأل ايه الخطوات الجية
قالو لازم الاول تحولي لصيدلة عين شمس وبعدين تحولي المتميز

المسكلة ان مجموعي مايجيب صيدلة عين شمس على نص درجة

دلوقتي أنا بجد تهت أعمل ايه؟؟؟؟؟؟؟؟؟؟؟


ياريت حد يقوللي بجد