بين الأباء والأبناء 5!!! [الأرشيف] - بوابة الثانوية العامة المصرية

أحمد2025

04-08-2009, 05:12 PM

ــ((السلام عليكم ورحمة الله وبركاته))ــ
أزيكم ياجماعة عاملين ايه وايه أخباركم يارب تكونوا بخير وفى الجنة جميعا ان شاء الله
والله انا بكتب التوبيك ده ومش متفائل اطلاقا,لإن انا متأكد انه ممكن يتحذف كالعادة أو يتنقل أو أو أو
يعنى الواحد مش عارف يقول بس بجد الواحد بقى محبط

المهم
بالنسبة لسلسلة بين الأباء والأبناء دى الحلقة الخامسة مع العلم ان الحلقة الرابعة اتحذفت بداعى انها خارجة عن قوانين المنتدى , وكانت بتحكى عن العلاقة بين الأباء والأبناء فى موضوع الحب,مش عارف بقى ايه حصل واتحذفت ولغاية دلوقتى معرفش اتحذفت ليه ولا حتى ابعتلى رسالة على الخاص يخبرونى بيها انها اتحذفت
مش عارف بقى مسلسل الإتهاض ده هيستمر طويلا ولا ايه النظام فى الإدارة اللى زى العسل دى

المهم بقى نخلينا ف موضوعنا
الموضوع ده أخدت بالى منه لما كنا بنخرج كتير أوقات الكلية وكده
الموضوع بيتكلم على ان الأباء وخوفهم الأكثر من اللازم على الأبناء
يعنى انا بكون مع صحابى كل شوية حد من والده اوا والدته يتصلوا بيه يعنى بتاع 6او 7 مكالمات فى الخروجة وانا مكنش بيحصلى الحوار ده علشان انا مسستم فى البيت على كده
يعنى أنا بستغرب هو لازم كل شوية يكون فى ضغط وكده علي الأبناء
يعنى مثلا لما بنخرج كل ما والد حد يكلمه يقولة انا ربع ساعة وجاى أو مفيش مواصلات فى نفس الوقت ياجماعة اللى احنا مش بنعمل فيه حاجة غلط وخلى بالكم من الجملة اللى فاتت دى
يعنى انا مش عارف ساعات بقول هو انا لو ربنا كرمنى بأولاد هفضل أكلمهم كده واقلق عليهم قوى كده ولا لما يتأخروا أشوف فى ايه
يعنى كتير اوى بنضطر نكدب علشان نطمن أهلينا وكده
أنا مش عارف برضه حاضرتكم فاهمين أنا قصدى ايه فى الموضوع ولا لا
ولكن يبقى السؤال
لماذا يستمر قلق وخوف الأباء الزائد عن اللزوم على الأبناء فى الخروجات؟؟!!

مع تحيات
أحمد2025
أكتب لأعبر وليس لأتكلم

الطامحة للافضل

04-08-2009, 05:40 PM

والله انت جيت عالجرح انا عندى الخوف محصلش انا شبه سجينه فى البيت يعنى اول امبارح اللى حصل انى انا وصحبتى كنا حنتقابل بسلام فى النادى ندردش شوية ونبعد عن جو البيت فجاه قبل ما امشى بنص ساعة بابايا اتصل وقاللى فيه تاكسى خاص جيلك حالا تحت البيت :oوبعد كده خلا ماما تيجى معانا النادى تصوروا انا وصحبتى مش عارفين نتكلم براحتنا حاجة صعبة بجد وطبعا عملت مشاكل وقال ايه ان بابا بيخاف عليا بس ده خوف مرضى وزايد عن الحد وكنت امبارح عاوزة اروح المكتبة نفس المشكلة حصلت ومروحتش اصلا :angry2: انا مش عارفة لغاية امتى حيعملونا كاننا اطفال والمشكلة انهم مش مرنين ومبيحولوش يتقبلوا فكرة تانية انا اتخنقت بجد وبابا صعب اوى فى المناقشة دى اسمها حماية زائدة خدناها فى علم النفس بس انا بقى اتفقت انا وصحبتى نتقابل فى المسجد اما نشوف بابا حيقول ايه:d ويستمر الصراع الازلى :stickjo4:

أحمد2025

04-08-2009, 06:02 PM

Dream girl

04-08-2009, 08:14 PM

عاشقة الموج

05-08-2009, 07:03 AM

المطلوب من أولادنا أن يصبحوا أصدقاء مع الآباء و الأمهات
و أن يكون هناك مساحة من الحرية للتعامل فيها بحيث
لو تم خطأ تسحب تلك الحرية
و لا يمكن إعطائها مرة آخرى إلا لو ثبت الالتزام
و الآباء يراعون أولادهم خوفاعليهم من أصدقاء السوء الذين يتغغلون فى حياة أولادنا
و أن تفتح البنت قلبها لأمها تتحدث معها فى كل كبيرة و صغيرةو كذلك الشاب يتحدث مع أبيه فى كل ما يخص أمور الرجال
من خلال مستوى فهم لعقل الشاب و الشابة
لنصل فى النهاية لشباب يقدر المسئولية
و تخيل نفسك فى يوم من الأيام إنك أصبحت أب
فماذا تفعل مع ابنك؟؟؟؟؟؟؟؟؟؟؟؟؟؟؟

علاء سيف

05-08-2009, 07:18 AM

عارفين ما هو اصعب شئ في كونك اب او ام انك بعمل حاجات حاسس انا لازم تتعمل وعراف انها مش حلوة
وفاكر انك كنت بتكرهها زمان وانت ابن
وللحديث بقية

memoteto

05-08-2009, 11:42 AM

السلام عليكم و رحمة الله

المطلوب من أولادنا أن يصبحوا أصدقاء مع الآباء و الأمهات
حاولت كتييييييير و الله .. بس للاسف تقدري تقولي ان ده حلم صعب المنال لاسباب كتير .. منها الاختلاف في الاعمار و انخراط الاب و الام في ظروف الحياة المادية ( و انا لا الومهم على ذلك) في ظل الحياة الصعبة التي نحياها .. فبالعربي كده التواصل بين الاباء و الابناء بقى منعدم تقريبا في معظم الاسر .. و بقى مقتصر على توفير الفلوس و الاوامر الصارمة .. لازم المبادرة تيجي منهم يعنى هما اللي يحاولو ينزلوا لعمري شويا لان انا صعب اني افكر بتفكير حد عنده 40 او 50 سنة
و أن يكون هناك مساحة من الحرية للتعامل فيها بحيث

يا ريت و الله
و الآباء يراعون أولادهم خوفاعليهم من أصدقاء السوء الذين يتغغلون فى حياة أولادنا
هما الاباء بيكونوا سبب في ذلك .. عشان باردو التواصل منعدم .. فالابن بيكون غير حكيم في اختيار اصدقاءه عشان هوا عايذ يصاحب حد و خلاص ..غير كده يعني انا مثلا اكلم صحبي في موضوع معين اريد النقاش فيه و لا بابا .. طبعا صحبي الاول و بابا اخر من يعلم ده لو انا عايذ اقول له اصلا .. يعني مفيش تواصل مع الاباء .. حيبقى كمان مفيش تواصل مع الناس التانيا .. ده حتى يبقى حراام
و أن تفتح البنت قلبها لأمها تتحدث معها فى كل كبيرة و صغيرةو كذلك الشاب يتحدث مع أبيه فى كل ما يخص أمور الرجال
من خلال مستوى فهم لعقل الشاب و الشابة
لنصل فى النهاية لشباب يقدر المسئولية
و تخيل نفسك فى يوم من الأيام إنك أصبحت أب
فماذا تفعل مع ابنك؟؟؟؟؟؟؟؟؟؟؟؟؟؟؟
سوف احاول ان اكون صديقا لابني من البداية .. قبل فوات الاوان

اريد ان اقول لك يا سيدتي انني لا اختلف معك كثيرا في وجوب قلق الاباء على ابنائهم .. و لكنني اردت ان اعرض جانبا اخر من المشكلة و هو انعدام التواصل .. و السلام ختام

أحمد2025

05-08-2009, 03:33 PM

هو فعلا الموضوع ده بيحصل مع اصحاب ليه وبجد دى حاجه تخنق

وعندى بقى بيحصل بس مش مساله خوف زايد وبس اوقات بحس انهم مش مقتنعين ان انا كبرت واقدر اخرج لوحدى او مع اصحابى
يعنى ماما كذا مرة تخيل قالتلى اروح معاكى وانا بقدم التنسيق وتقولى هتعرفى تروحى لوحدك ؟!!! :040vk0: مع انى كنت مع اصحابى رحت قلتلها وهتبقى توصلينى للجامعة كمان:mad:

هما بس لو يعرفوا ان احنا كبرنا ويقتنعوا اننا عارفين الصح من الغلط بجد الدنيا هتبقى أحسن من كده بكتير
يلا الحمدلله
مشكور على مرورك

المطلوب من أولادنا أن يصبحوا أصدقاء مع الآباء و الأمهات
و أن يكون هناك مساحة من الحرية للتعامل فيها بحيث
لو تم خطأ تسحب تلك الحرية
و لا يمكن إعطائها مرة آخرى إلا لو ثبت الالتزام
و الآباء يراعون أولادهم خوفاعليهم من أصدقاء السوء الذين يتغغلون فى حياة أولادنا
و أن تفتح البنت قلبها لأمها تتحدث معها فى كل كبيرة و صغيرةو كذلك الشاب يتحدث مع أبيه فى كل ما يخص أمور الرجال
من خلال مستوى فهم لعقل الشاب و الشابة
لنصل فى النهاية لشباب يقدر المسئولية
و تخيل نفسك فى يوم من الأيام إنك أصبحت أب
فماذا تفعل مع ابنك؟؟؟؟؟؟؟؟؟؟؟؟؟؟؟

ماشى كلامك
بس فى فجوة دلوقتى كبيرة قوى بين الأباء والأبناء وبجد الأباء هما اللى عملوا الفجوة دى
طول عمرى بتخيل انى هصاحب أولادى مش هعمل انى والدهم وأوامر وديكتاتورية وكده
مشكور على مرورك

أحمد2025

05-08-2009, 03:44 PM

عارفين ما هو اصعب شئ في كونك اب او ام انك بعمل حاجات حاسس انا لازم تتعمل وعراف انها مش حلوة
وفاكر انك كنت بتكرهها زمان وانت ابن
وللحديث بقية
منتظرك مرة أخرى وللتفسير الأكثر

السلام عليكم و رحمة الله

اريد ان اقول لك يا سيدتي انني لا اختلف معك كثيرا في وجوب قلق الاباء على ابنائهم .. و لكنني اردت ان اعرض جانبا اخر من المشكلة و هو انعدام التواصل .. و السلام ختام

فعلا عدم وجود تواصل على الإطلاااااااق

MoHaMeD ELsHeRbEnY

05-08-2009, 05:14 PM

ــ((السلام عليكم ورحمة الله وبركاته))ــ

عليكم السلام ورحمة الله وبركاتة

أزيكم ياجماعة عاملين ايه وايه أخباركم يارب تكونوا بخير وفى الجنة جميعا ان شاء الله

امين يارب ان شاء الله

الحمد لله تمام ياباشا

والله انا بكتب التوبيك ده ومش متفائل اطلاقا,لإن انا متأكد انه ممكن يتحذف كالعادة أو يتنقل أو أو أو
يعنى الواحد مش عارف يقول بس بجد الواحد بقى محبط

لا حضرتك تعليق بسيط على الجزء دة

لما الموضوع السابق اتحذف وحضرتك نزلت موضوع

اترد عليك وتم توضيح الاسباب لحضرتك داخل الموضوع من قبل الادارى الى كان حاذف الموضوع

تقريبا كان محمود طة حضرتك محتاج توضيح تانى ؟

ولكن يبقى السؤال
لماذا يستمر قلق وخوف الأباء الزائد عن اللزوم على الأبناء فى الخروجات؟؟!!

بسم الله
هتكلم بصفة عامة شوية
لكل اب وام نظرة فردية فى الحياة بترجع لمستوى ثقافتهم
بالاضافة الى العامل الاجتماعى لان لكل بيئة انعكاسات على التربية فى الناحيتين السلبية والايجابية
فالقلق والخوف على الأبناء أمر طبيعى ولو بصينا لة بنظرة عامة
هنلاقية امر كويس جدا ولا بد منه فهو دافع للمتابعة والتربية
إلا إذا ازداد هذا الخوف وأصبح يشكل اضطرابا فى حياة الابناء
لان طبعا اكيد الشئ ان زاد عن حدة انقلب ضدة
وبكدة يكون هذا القلق مرضا
وينعكس بشكل سلبى على حياة الابناء فيكون الابن محاطاً دائماً بكلمات الرفض والمنع والتقييد وتلقي الأوامر والنواهي
فيعيش الأبن حالة من الخوف والرعب تمنعه من الإقدام والمغامرة والانطلاق في الحياة بشجاعة
وتحقيق رغباته وطموحاته واكتشاف أخطائه بنفسه ودا اكيد بيأثر فى نموة بشكل كامل ( التربوى والاسرى والسلوكى ..الخ )
الى لازم ان الاباء يعرفوة لان هما المسئولين الرئيسين عن ابنائهم
أن الحرص والقلق هو نتيجة طبيعية لهذه المسؤلية والمحبة والرحمة التي وهبها الله لهم
الا انة من اجل بناء شاب سليم قادر على مواجهة الحياة يتحتم على الوالدين معرفة قدرات أبنائهم
واتاحة المجال لهم في مواجهة مشاكلهم بأنفسهم
وإعطائهم الفرصة لاكتشاف الحلول لها
لان مش هيكون الطفل قادرً على التغلب على صعوبات الحياة إلا بعد أن يكون معتمداً على الله أولاً ثم على نفسه
وإلا سيكون الطفل ضعيفاً متواكل على غيرة غير قادر على تحمل المسؤولية

لذلك فأننا بحاجة للتحرر من الخوف الزائد غير المنطقي
والتعامل مع الأبناء بواقعية
وإعطائهم الثقة في مواجهة الحياة

اسف على الاطالة
شكرا على الموضوع يا اخ احمد
فى رعاية الله

Travel

08-08-2009, 12:15 PM

أحمد2025

08-08-2009, 12:33 PM

بسم الله
هتكلم بصفة عامة شوية
لكل اب وام نظرة فردية فى الحياة بترجع لمستوى ثقافتهم
بالاضافة الى العامل الاجتماعى لان لكل بيئة انعكاسات على التربية فى الناحيتين السلبية والايجابية
فالقلق والخوف على الأبناء أمر طبيعى ولو بصينا لة بنظرة عامة
هنلاقية امر كويس جدا ولا بد منه فهو دافع للمتابعة والتربية
إلا إذا ازداد هذا الخوف وأصبح يشكل اضطرابا فى حياة الابناء
لان طبعا اكيد الشئ ان زاد عن حدة انقلب ضدة
وبكدة يكون هذا القلق مرضا
وينعكس بشكل سلبى على حياة الابناء فيكون الابن محاطاً دائماً بكلمات الرفض والمنع والتقييد وتلقي الأوامر والنواهي
فيعيش الأبن حالة من الخوف والرعب تمنعه من الإقدام والمغامرة والانطلاق في الحياة بشجاعة
وتحقيق رغباته وطموحاته واكتشاف أخطائه بنفسه ودا اكيد بيأثر فى نموة بشكل كامل ( التربوى والاسرى والسلوكى ..الخ )
الى لازم ان الاباء يعرفوة لان هما المسئولين الرئيسين عن ابنائهم
أن الحرص والقلق هو نتيجة طبيعية لهذه المسؤلية والمحبة والرحمة التي وهبها الله لهم
الا انة من اجل بناء شاب سليم قادر على مواجهة الحياة يتحتم على الوالدين معرفة قدرات أبنائهم
واتاحة المجال لهم في مواجهة مشاكلهم بأنفسهم
وإعطائهم الفرصة لاكتشاف الحلول لها
لان مش هيكون الطفل قادرً على التغلب على صعوبات الحياة إلا بعد أن يكون معتمداً على الله أولاً ثم على نفسه
وإلا سيكون الطفل ضعيفاً متواكل على غيرة غير قادر على تحمل المسؤولية

لذلك فأننا بحاجة للتحرر من الخوف الزائد غير المنطقي
والتعامل مع الأبناء بواقعية
وإعطائهم الثقة في مواجهة الحياة

اسف على الاطالة
شكرا على الموضوع يا اخ احمد
فى رعاية الله [/center]

ايه ياعم الكلام الجامد ده

بص انت شرحت كل حاجة تقريبا فى الموضوع
وخاصة قولت حاجة كويسة جدا (بالنسبة للمستوى الثقافى والعامل الإجتماعى عند الأباء)
وحقيقى الأباء لازم يكونوا زى ماحضرتك قولت كده بس للأسف هما حتى لو قرأوا الكلمات اللى حضرتك قولتها هما مش هيقتنعوا خالص مش عارف ليه
بس بجد شكرا جزيلا على الرد الرائع جدا

أحمد2025

08-08-2009, 12:39 PM

حمدلله ع سلامتك يا احمد
نورت المنتدى من تانى وبالنسبة للجزء الرابع انا بجد هحاول ارجعه
الله المستعان

بص بقى
حكاية خوف الامهات والاباء دى واردة واكيدة
متفقة معاك ف انها مش بتخلينا نتحمل المسؤلية عن نفسنا بس ف نفس الوقت لو حطينا نفسنا مكانهم هنلاقى فعلا ليهم حق يقلقوا علينا ويخافوا اوى
خاصة ف الزمن ده
البنت تعاكس الولد والعجوز يغتصب البنت

هعدل ردى وهكمله لما ادخل
:)

ترافل
وله زمان!!!!
بصى يا ترافل
البنات دول ليهم موضوع تانى أنا هكلم فيه
وأنا اطلاقا مش معارض ان الأباء يخافوا على بناتهم
بس بجد دى بقت زيادة جدا عن اللازم
والله انا عندى ناس صحابى طول الحيطة ولما نخرج والدته ولا والده كل ربع ساعة يكلموه
وبالنسبة للبنت يعنى المفروض الأب والأم يحطوا ليه قوانين معينة
يعنى مثلا متتأخرش عن البيت لغاية 11 ولما تخرج تكون معاها صحبها مينفعش تخرج لوحدها كده يعنى ده من وجهة نظرى المتواضعة جدا
منتظر مرورك مرة أخرى

سيف عبد العظيم

08-08-2009, 12:49 PM

أحمد2025

08-08-2009, 01:06 PM

السلام عليكم ورحمة الله وبركاته
انا مش هطول عليك استاذ احمد بس هقولك حاجه انا ضد الحريه اللى من غير هدف
وبعدين ايه هى الثقافه التى تقصدهاللاب والام
اخى الكريم ان الله سيحاسبنا جميعا انا لستو اب ولاكن دى وجهة نظرى
اما الاخت الكريمه بتقول بابا بعت تاكسى طيب وفيها ايه هل هو يعاقب انه خايف عليكى
سيجد عليكى اليوم الذى ستفعلين هذا مع اولادك
ارجو انكم تتقبلو مرورى
شكرا لك اخى الكريم احمد
وعليكم السلام ورحمة الله وبركاته
أولا شكرا على مرورك يا أخ سيف
ثانيا
انا مقولتش ان الأباء ميخافوش على أبنائهم
ولكن أنا قولت القلق الزائد عن الحدا وهو مده مغزى الموضوع اللى أنا كتبتبته
وفى حاجة تانية أنا مجبتش سيرة ثقافة معينة
بس أنا قولت فى ردى على اللورد يتوقف على المستوى الثقافى عند الأباء وأنا هنا محددتش انا قولت اختلاف مستويات ثقافية
وبالنسبةلموضوع التاكسى الأخت الكريمة قصدها ــ والله أعلم ــ انها بعد ماتخلص مش هتعرف توقف تاكسى أو مش هتعرف تعتمد على نفسها وأنا هسبها برضه توضح لحضرتك

فجر الإسلام

08-08-2009, 03:12 PM

أحمد2025

08-08-2009, 03:21 PM

فعلا الاباء الوقتي ليهم حق يقلقوا على أولادهم
لأن الزمن اللي احنا فيه صعب جداااااااااااا
يعني بالنسبه للبيت عندنا
لو اخويا خرج ومش هقولك اخويا عنده 13 سنه واللا حاجه
دا ماشاء الله 23 سنه ولو خرج في مرة بابا يرن عليه وماما ايديها على قلبها
هي المشكله اللي بجد انهم يعودونا ما نضطرش نكذب
يعني هنتاخر شوية مفيش مشكله لما نقول كده
لا 23 سنة أفورة جامد
وعلى فكرة أنت ربطى الموضوع بحاجة مهمة قوى اننا بنضطر نكدب واحنا أصلا مش عايزين نكدب
والله بجد ياجماعة الأبناء أحيانا بتبقى مخنوقة من الموضوع ده
يعنى انا نفسى يسبونا برحتنا ولو قليلا قليلا
شكرا على مرورك الجامد جدا

Meeroo92

08-08-2009, 03:27 PM

يا جماعه هو الموضوع بس زايد اليومين دول عشان اللى بيحصل الايام دى بس هو فعلا الحمايه الزايده عن الحد غلط جدا عشان بتعود الكدب وبنخلى الابن اصلا مايكونش واثق من نفسه بس احنا بنتكلم كلام بس هل ده فعلا هيغير من سلوك الاب والام؟؟؟؟؟؟بجد هيكون شعور حلو جدا ان احنا لينا الفرصه او الحريه طول ما احنا مش بنعمل حاجه غلط واكيد هما لما كانو فى سننا اكيد كان نفسهم برده يكونوا كده وانهم يحسوا بان لهم الفرصه يتحركوا من غير حمايه
اكيد نفسنا نحس ان اهالينا واثقين فينا وان القلق ده ممكن يخف ولو شويه بس الواحد بيخاف او مش بيخاف مش بيرضي يتكلم لانه ميعرفش هو لو كان مكنهم كان عمل ايه؟؟؟؟؟؟دايما لازم نحط نفسنا مكانهم عشان نعرف نحكم
وشكرا على الموضوع

أحمد2025

09-08-2009, 04:14 PM

**تسابيح**

10-08-2009, 09:13 PM

أولا:: حمدلله ع سلامتك ... القسم نور بمواضيعك:022yb4:
ثانيا::انا ليه راي في موضوع في نوعان من الاباء
(1) اب وام بيثقوا في اولادهم اوي وبيخافوا عليهم بس خوف عادي
عشان كدا بيتصلوا يطمنوا عليهم يعني كل فترة من الزمن
وبالذات ان الدنيا مش فيه امان دلوقتي ممكن ولد يتخطف ولا حاجة:d
والاباء دول بيتصلوا في اليوم مرتين مش كل شوية ..
ومدين لاولادهم الحرية لانهم عارفين كويس ان اولادهم هيجيوا يحكوا ع كل حاجة بتصل لهم وهم معودينهم ع كدا
(2*) دا بقي النوع الثاني.. مش بيثق في اولاده وكمان بيخاف عليهم اوي
ومش مفروض نلوم الاباء ع خوفهم عشان ابنائهم هم حياتهم
عشان كدا تلاقي كل شوية قارف اولادهم في الموبايل وفين وبتعمل ايه
وبالذات في الشباب معلش في الجامعة الاولاد يتخاف عليهم
بس صدقني برده الكذب دا العيب في الاهل لانهم مش عودوا اولادهم ان يبقي فيه مبينهم صدق وكل حاجة زعيق وعصبيه وحاجات غريبة
(3) وطبعا النوع الاول هو الاحسن وهو الصح بس برده النوع الثاني مش لازم نلومه لانه بني غلط وع اساس مش صحيح ..
عشان كدا تلاقي الاولاد بيكذبوا ع اهلهم ومش بيقولوا هم فين
بس برده مش معني كدا انهم صح ((لا) الابناء برده غلطنين هم في سن
ممكن يسمح انهم يتكلموا مع اهلهم ويقولوا مشكلاتهم ايه وممكن تتحل ازاي
(4) ياريت مش تحلمنا مش باقي حلقات بين الاباء والابناء
(5) بالنسبة للموضوع اللي اتحذف ممكن تكتب موضوع غيره مثلا بيتكلم ع الصداقة بين الاباء والابناء وتدخل في الوسط الحب:dمش تقول لحد خليها في سرك
شكرا ع الموضوع الجميل كالعادة نورت المنتدي :d

**تسابيح**

10-08-2009, 09:14 PM

\\\\\\\\\\\\
فوق:p

ABEER $

11-08-2009, 07:10 PM

انا معاك ان لازم ابائنا يخافوا علينا بس فى نفس الوقت فيه ثقه متبادله يعنى انا مقدرش اعيش لو حسيت بشك منهم
وبالاخص انى بنت

JASSY

13-08-2009, 04:27 AM

هو بس الموضوع زايد اللايام ديه بالذات شوية..... للحوادث اللي بتكتر واللي بنسمعه اليومين دول ......

بس برده هيفضل فيه عدم تواصل بين الاباء والابناء وده في كل حاجة مش في كده وبس..... ومش عارفة انا لو مكانهم ممكن

هاعمل ايه؟؟؟؟ يعني فرق السن بيفرق جامد برده هما اتعودوا على عادات واتربوا في زمن تاني خاااالص غيرنا....فيبقى صعب

التواصل بينا.... بس اهم حاجة بجد انهم يقتنعوا اننا كبرنا وممكن نعتمد على نفسنا.....

ميرسي ليك على الحوار الجميل......جزاك الله خيرا

I promise you

13-08-2009, 06:19 AM

السلام عليكم ..
شـكراً لك أخى أحمد على الموضوع
المميز والهادف .. وشـكراً بردو للاعضاء الافاضل
اللى شاركوا بوجهة نظرهم ..
بص يا أحمد إية رايك لو أن الوالد بقى عارف
صحاب إبنة أو بنتة مثلاً ؟ !
ممكن على لسانك وهوة هايعرفهم كلهم يعنى !
اه معاك .. يبقى هوة ما يعرفش كل الصحاب اللى
الولد او البنت مصحبنهم .. يبقى لية حق يطمن ولا لأ ..؟
آه لية حق .. بس مش بالطريقة المتشددة دى تمام ..
أنت بتسمع حضرتك وكلنا عن حوادث كتيرة بتحصل وبصراحة
الامن فى البلد مش اللى هوة دلوقت (( سرقة و تثبيت وحاجات مش كويسة ))
إحنا لازم نقدر يا جماعة وندرك الكلام دة وأنا أولكم
البلد بجد بقت فوضى وكلام فاضى .. من ناحية آخرى بقى لازم الوالدين يبقوا عارفين يفرقوا كويس
ما بين التدليل الزائد والحماية الزائدة (( لا ندلع أوى ولا نشدد أوى ))
حتى رسولنا الكريم علية الصلاة والسلام قال (( خير الامور الوسط )) .. صدقك يا رسول الله
ممكن كل واحد يحط نفسة مكان والدية بالظبط ويفكر تفكيرهم بالظبط ويشوف رد فعلة ..!;)
وفى ناس بتفهم غلط إن لما الوالد مثلا يعمل كدة يبقى دى عدم ثقة !
لا هيا مش كدة الفكرة .. دى حاجة نسبية شوية بمعنى إن الولد مثلا يبقى حالة مش عاجب والده
يبقى لازم التشديد ! وكذلك البنت .. (( طب هات م الاخر عشان انت صدعتنا :mad:)) ..:d
طيب خلاصة الكلام إية إن الاب و الام هما أكتر ناس بيخافوا علينا ..

أحمد2025

19-08-2009, 12:20 AM

أولا:: حمدلله ع سلامتك ... القسم نور بمواضيعك:022yb4:
الله يسلمك
منور بوجودكم كلكم طبعا
ثانيا::انا ليه راي في موضوع في نوعان من الاباء
(1) اب وام بيثقوا في اولادهم اوي وبيخافوا عليهم بس خوف عادي
عشان كدا بيتصلوا يطمنوا عليهم يعني كل فترة من الزمن
وبالذات ان الدنيا مش فيه امان دلوقتي ممكن ولد يتخطف ولا حاجة:d
والاباء دول بيتصلوا في اليوم مرتين مش كل شوية ..
ومدين لاولادهم الحرية لانهم عارفين كويس ان اولادهم هيجيوا يحكوا ع كل حاجة بتصل لهم وهم معودينهم ع كدا
تمام ودى نوعية كويسة جدا وأباء عقلانين جدا
(2*) دا بقي النوع الثاني.. مش بيثق في اولاده وكمان بيخاف عليهم اوي
ومش مفروض نلوم الاباء ع خوفهم عشان ابنائهم هم حياتهم
عشان كدا تلاقي كل شوية قارف اولادهم في الموبايل وفين وبتعمل ايه
وبالذات في الشباب معلش في الجامعة الاولاد يتخاف عليهم
بس صدقني برده الكذب دا العيب في الاهل لانهم مش عودوا اولادهم ان يبقي فيه مبينهم صدق وكل حاجة زعيق وعصبيه وحاجات غريبة
تماااااااااام قوى
أخيرا لقيت حد فهمنى فى النقطة دى
(3) وطبعا النوع الاول هو الاحسن وهو الصح بس برده النوع الثاني مش لازم نلومه لانه بني غلط وع اساس مش صحيح ..
لا نلومه لأنه بنى غلط
عشان كدا تلاقي الاولاد بيكذبوا ع اهلهم ومش بيقولوا هم فين
بس برده مش معني كدا انهم صح ((لا) الابناء برده غلطنين هم في سن
ممكن يسمح انهم يتكلموا مع اهلهم ويقولوا مشكلاتهم ايه وممكن تتحل ازاي
لا ماهو بالعلاقة التانية اللى بين الأباء والأبناء فهو أصلا مفيش تفاهم فالكذب علشان يكبروا دماغهم عادى يعنى
(4) ياريت مش تحلمنا مش باقي حلقات بين الاباء والابناء
(5) بالنسبة للموضوع اللي اتحذف ممكن تكتب موضوع غيره مثلا بيتكلم ع الصداقة بين الاباء والابناء وتدخل في الوسط الحب:dمش تقول لحد خليها في سرك
لا مهما ان عملت فى الموضوع ده هيتحذف هيتحذف إدارة زى الفل أصلا و.....:022yb4:
شكرا ع الموضوع الجميل كالعادة نورت المنتدي :d
ربنا يخليكى منور بوجودك

قولتى كل اللى عايز اقوله
مليون مشكور على الكومينت

أحمد2025

19-08-2009, 12:24 AM

انا معاك ان لازم ابائنا يخافوا علينا بس فى نفس الوقت فيه ثقه متبادله يعنى انا مقدرش اعيش لو حسيت بشك منهم
وبالاخص انى بنت
أكيد طبعا كلامك صح
وحضرتك قولتى جمله حلوة قوى
مقدرش أعيش لو حسيت بشك منهم
فيها معانى كتير قوى قوى
وشكرا على المرور الجامد جدا

هو بس الموضوع زايد اللايام ديه بالذات شوية..... للحوادث اللي بتكتر واللي بنسمعه اليومين دول ......

بس برده هيفضل فيه عدم تواصل بين الاباء والابناء وده في كل حاجة مش في كده وبس..... ومش عارفة انا لو مكانهم ممكن

هاعمل ايه؟؟؟؟ يعني فرق السن بيفرق جامد برده هما اتعودوا على عادات واتربوا في زمن تاني خاااالص غيرنا....فيبقى صعب

التواصل بينا.... بس اهم حاجة بجد انهم يقتنعوا اننا كبرنا وممكن نعتمد على نفسنا.....

ميرسي ليك على الحوار الجميل......جزاك الله خيرا
اتعودوا واتربوا على حاجات فى زمن تانى خالص
ده تقريبا زى ما حضرتك قولتى سبب عدم التواصل
شكرا جزيلا على وجهة النظر الجامدة جدا

أحمد2025

19-08-2009, 12:35 AM

السلام عليكم ..
شـكراً لك أخى أحمد على الموضوع
المميز والهادف .. وشـكراً بردو للاعضاء الافاضل
اللى شاركوا بوجهة نظرهم ..
مشكور وجودك طبعا ومشاركتك
بص يا أحمد إية رايك لو أن الوالد بقى عارف
صحاب إبنة أو بنتة مثلاً ؟ !
تمام مفيش أحسن من كده
ممكن على لسانك وهوة هايعرفهم كلهم يعنى !
لا على الأقل الأنتيم
اه معاك .. يبقى هوة ما يعرفش كل الصحاب اللى
الولد او البنت مصحبنهم .. يبقى لية حق يطمن ولا لأ ..؟
الموضوع هنا ثقة
آه لية حق .. بس مش بالطريقة المتشددة دى تمام ..
أنت بتسمع حضرتك وكلنا عن حوادث كتيرة بتحصل وبصراحة
الامن فى البلد مش اللى هوة دلوقت (( سرقة و تثبيت وحاجات مش كويسة ))
معاك حق طبعا
إحنا لازم نقدر يا جماعة وندرك الكلام دة وأنا أولكم
البلد بجد بقت فوضى وكلام فاضى .. من ناحية آخرى بقى لازم الوالدين يبقوا عارفين يفرقوا كويس
ما بين التدليل الزائد والحماية الزائدة (( لا ندلع أوى ولا نشدد أوى ))
حتى رسولنا الكريم علية الصلاة والسلام قال (( خير الامور الوسط )) .. صدقك يا رسول الله
ممكن كل واحد يحط نفسة مكان والدية بالظبط ويفكر تفكيرهم بالظبط ويشوف رد فعلة ..!;)
وفى ناس بتفهم غلط إن لما الوالد مثلا يعمل كدة يبقى دى عدم ثقة !
لا هيا مش كدة الفكرة .. دى حاجة نسبية شوية بمعنى إن الولد مثلا يبقى حالة مش عاجب والده
يبقى لازم التشديد ! وكذلك البنت .. (( طب هات م الاخر عشان انت صدعتنا :mad:)) ..:d
طيب خلاصة الكلام إية إن الاب و الام هما أكتر ناس بيخافوا علينا ..

بص هو انا معاك لأن لو حد قالك انه بيخاف عليك أكتر من والدك وولدتك يبقى كداب
انا بكلم فى ايه
بيبقى الموضوع مش كويس لو الأم ولا الأب قعدوا يتصلوا ابنهم فى تالته جامعة وتقولى خايفين عليه وكل ربع ساعة اتصال
دى تبقى افورة وشك وكل حاجة فى الدنيا
هقولك حاجة ياعم
انت النهاردة روحت المصيف مع أصحابك
لو والدك اتصل بيك كل ربع ساعة اكيد هتتخنق
لكن لما يتصل بيك كل 3 ساعات ولا ساعتين ياعم فرق شاسع واطمئنان وكل حاجة
وبعدين انا بقول مثلا لو واحد خرج ومعاه بنات ووالدته اتصلت بيه هو هيقول معاه بنات ماهو هيكدب برضه
عادى يعنى
هو الموضوع عايز ثقة ووضع حدود للأبناء
وشكرا على مناقشتك الهامة