mo0ny
04-08-2009, 06:06 PM
السلام عليكم ورحمه الله وبركاته
ياجماعه انا لسه هدخل باذن الله اولى علوم وعايزه اعرف ايه نظام الانجليزى
خصوصا انى كنت مدرسه حكومى يعنى دراستى بالعربى وكانت دراستى فى الاحياء بالعربى
يعنى هعرف اذاكر ازاى وافهم ازاى من الدكتور وهو بيشرح بالانجليزى
هل استخدام قواميس لما اجى ولااعمل ايه
ولوحد عنده قاموس للمصطلحات العلميه ياريت ينزله
لان ده بجد اكتر موضوع قالقنى ومش عارفه هعمل ايه
براءة
04-08-2009, 07:45 PM
مفيش اى حاجة تستدعى القلق يا جميل
تلت تربع اللى هيبقوا معاكى حكومى وعربي زيك
وبالظبط هتواجهى صعوبة فى الشهر الاول بعد كده لو جبنالك شرح عربي هتقوليلنا مش فهماه ترجموه انجلش :d
وبعدين ده حتى مادة اللغة الاجنبية بتوع عربي بيجيبوا تقديرات زيهم زى اللغات
انا كنت عربي وجبت جبد جدا ف مادة اللغة مثلا
عادى جدا جدا
واول ما هتدخلى الكلية هتعرفي طرق القواميس وهتجيبى واحد احسن من النت يبقي معاكى ف ايدك
الموضوع سهل متقلقيش خالص :)
mo0ny
04-08-2009, 08:21 PM
بجد متشكره اوى انا كنت قلقانه بسبب لموضوع ده جدا
وكنت حاسه بجد انى هضيع بسبب الانجليزى ده
انا مش بتكلم على الماده نفسها
لا بتكلم على الشرح وكده والمذاكره
براءة
04-08-2009, 11:12 PM
هيبقي سهل ان شاء الله متقلقيش
هتتعبى ف الاول فترة بسيطة جدا بعد كده مش هتحسي انه بيسببلك اى عائق
mo0ny
05-08-2009, 03:20 PM
تسلمى يابراءة ربنا يخليكى
islamfigo2007
05-08-2009, 04:54 PM
متقلقيش خاااااااااااااااااالص وصدقيني هتحبي الكليه
وهي فعلا كليه سهله
اكيد هتحسي انك مش فاهمه اي حاجه في الاول
بس بعد فتره صغيره
تبداي تهتمي وتخافي عشان الامتحانات الترم الاول بتيجي بسرعه
شدي حيلك وربنا يوفقك
الانجليزي مش هيسببلك اي مشكله
انا كنت خااااااااايف اكتر منك والحمد لله خلصت سنه اولي
جيد جدا
الحمد لله
ربنا يوفقك
eng...lido
06-08-2009, 03:25 PM
ممكن سؤال
اعمل ايه علشان اجيب جيد جدا ان شاء الله يعنى اذاكر من اول يوم وكده
ولا حيبقى فى فترات راحة وكده ومذاكرة جامدة اكيد يعنى
زيزو1900
07-08-2009, 07:55 PM
ممكن سؤال
اعمل ايه علشان اجيب جيد جدا ان شاء الله يعنى اذاكر من اول يوم وكده
ولا حيبقى فى فترات راحة وكده ومذاكرة جامدة اكيد يعنى
احضر كل السكاشن والمحاضرات
وبيض المحاضرات والسكاشن اول باول
وماتخليش المحاضرات تتراكم عليك
براءة
07-08-2009, 10:06 PM
احضر كل السكاشن والمحاضرات
وبيض المحاضرات والسكاشن اول باول
وماتخليش المحاضرات تتراكم عليك
الكلام ده مظبوط
لان علوم مش زى اى كلية ممكن تلم منهجها ف الاخر
متابعة اول باول = تقدير ان شاء الله
و ع فكرة المحاضرة بتبقي اخرها 3 او 4 صفحات ممكن اقل او اكتر حاجة بسيطة مش هتذاكر مرجع يعنى
اهم حاجة تبقي جد .. بس
MuHaMeD kHaLeD
08-08-2009, 02:50 AM
متشكرين و في انتتظار المزيد من النصائح
eng...lido
08-08-2009, 03:04 AM
شكرا على نصائحكم الغالية
اوجه شكرى طبعا للعضو الممتاز الناجح زيزو1900
والعضوة براءة
شكرا جدا