مشاهدة النسخة كاملة : ازاى تدى حبيبتك استمارة 6
ريهام4 14-09-2006, 09:39 PM بسم الله الرحمن الرحيم
ازاى تقلب من حبيبتك بالذوق او بالعافية
خلاص بح.. بدأت تشعر بأن الفيلم جاب آخره.. وأن العلاقة بينك وبين من تحب أصبحت.. فاترة لا سخنة ولا باردة.. زي المية لا ليها لون ولا طعم.. م الآخر وصلت للمنتهى.. ولم يعد هناك بعد ذلك إلا "الخلع!"..
في السطور القادمة نقدم لك خمس طرق "مودرن وكلاسيك" للخلع من حبيبك.. بالذوق أو بالعافية.. مش فارقة معانا!
• خد نفس طويل وابدأ في كتابة إيميل غرامي من النوع الجامد جدا الذي يذيب أشد القلوب تحجرا واشرح لحبيبتك كيف أنك لا تستطيع أن تعيش من غيرها ثانية واحدة وأنك تفـــكر فيها طــول الليل والنهار وأنها -على رأي اللمبي- "الحب الحب.. الشوق الشوق" فقط لا تنسَ أن تبدأ رسالتك بـ"حبيبتي مروة" وأن تنهيها بـ" بحبك يا مروة".. نعم نحن نعلم أن حبيبتك اسمها "ليلى".. وهو المطلوب إثباته!
• اكتشف فجأة أن لك جذورا صعيدية واحضر في اليوم التالي إلى حبيبتك وأنت ترتدي الجلباب الصعيدي وتحمل كفنك علي يدك.. قبل أن تفيق هي من صدمتها قل لها الحقيقة العارية "امبارح بس اكتشفت إن جدي السابع كان من الصعيد.. وإن عليه تار بايت مع عيلة الدهاشنة".. ثم "والحل الوحيد عشان ماياخدوش بتارهم مني ومايقتلونيش.. إني أتجوز بنت عم جدي.." ودموعها تنهمر استمر في الضغط "طبعا أنا رفضت أضحي بحبك لي.. وقلت لهم أموت ولا أسيبك يا ليلى.. وعشان كده جبت معايا كفني وهاطلع من هنا عليهم على طول.. أموت ولا أضحي بحبك.." النتيجة مضمونة.. ليلى بنفسها هي التي ستقدم لك شبكة خطوبتك على بنت عم جدك.. الصعيدي !
• وأنت جالس في الكازينو مع حبيبتك وتنظر بعينين ساهمتين إلى منظر غروب الشمس في النيل.. قل لها.. "ليلى.. أنا عاوز أقول لك على حاجة".. ستنظر لك بعيون قلقة.. استمر في التسهيم في الغروب وأنت تقول لها "كان بقالي فترة حاسس إني تعبان قوي.. وصحتى مفستكة.. ومش قادر أقف على رجلي.. فرحت للدكتور اللي خوفني أكتر وطلب مني تحاليل وطلعت النتيجة.." فترة صمت طويلة ضرورية للتأثير الدارمي ويا سلام لو كان في الخلفية موسيقى تصويرية ثم ألقِ بالقنبلة.. "أنا عندي.. عندي.. المرض الوحش.. ومش هاعيش إلا شهور قليلة.. وماقدرش أظلمك معايا أكتر من كده" ثم انهض فجأة من مكانك واترك المكان كله ودعها وهي تبتلع الصدمة.. وتدفع حساب العصير أيضا !
• اتصل بحبيبتك وقل لها إنك تريد أن تقابلها لأمر مهم جدا.. اصنع كل علامات القلق والحيرة على وجهك ثم قل لها بأن خالك الموجود في البرازيل منذ أكثر من 30 سنة أرسل إليك عقد عمل في مزارع البن هناك وأنها فرصة لا يمكن أن تعوض وأن حال البلد هنا لا يسر عدوا ولاحبيبا وأن فرصة أن تعمل هنا في هذا المنصب الخطير "عامل في مزرعة بن" معدومة لأننا في مصر لا نزرع البن أصلا!.. ولأنك شهم وابن بلد فإنك ستقول لها "ليلى.. أنا مش ممكن أعذبك معايا أكتر من كده.. ومش عارف هارجع من البرازيل إمتى ولا أصلا جايز مارجعش.. البن كان أقوى ما بينّا.. الوداع.. الوداع يا ليلى"!.. ولا تنسَ أن ترسل لها بعد كام شهر كيلة من البن البرازيلي "المحوج" الذي يبيعه عم "طه" على أول شارعكم.. حتى تتأكد من أنك هناك فعلا!
إذا قمت بكل هذه المحاولات مع "ليلى"..
بعت لها إيميل غلط...
واتجوزت بنت عم جدك السابع ذات الجذور الصعيدية..
وأصبت بالسرطان من أجلها.. وسافرت البرازيل حتى تخلع..
ورغم كل هذا ظلت متعلقة بك.. لا يوجد حل شيك آخر..
قل لها وأنت تنظر في عينيها بوقاحة: "بت.. أنا مش طايقك ومش عاوز أشوف وشك تاني!"..
إذا استمرت في حبها لك.. فلم يعد هناك حل عملي للتخلص منها سوى أن.. تتزوجها
وشكرا :D
رامى عادل 14-09-2006, 09:58 PM البنات دول ارخم مخاليق ربنا
ولو بايدى كنت كنت حطيتهم كلهم جوه اى قطر من قطرات مصر او اى عباره او طياره مصريه
الامير عبده 14-09-2006, 10:02 PM موضوع جميل........ تصدقى ؟؟
ليه بس يادنجوان رخمين ازاى
جايز بردك
ريهام4 14-09-2006, 10:02 PM طب ليه كدة بس ياعم دنجوان
على العموم بعض ماعندك
الحق عليا بجابلك نصايح جايز تنفعك
بس زى ما فى رخميين من الجنس الناعم والرقيق والجميل
فيه ارخم من الجنس الخشن هههههههههههههههههه بحس كانى قاعدة فى محل قماش
شكرا على مرورك وتعليقك
حاول تتخلص من مشكلة جمع الكلام دى !
(نصيـــــــــــــــــــحة)
FRANKENSTEIN 14-09-2006, 10:02 PM ههههههههههه
فيه بنت تنصح ولد ازاي يدي البت بتاعته استماره سته
ماهو طكبعا كل الرجاله عارفين
يعني احسن حاجه الصرؤاحه يعني يلف معاها لحد ما يزهق وبعدين يقولها خلينا اصحاب
او يقولها انا غلبان مش بتاع جواز ومقدرش ع تكاليفه
او انا بحبك عشان كدا حضحي واتخلي عن حبك عشان مصلحنتك
واي استشاره ف الحاجات دي انا موجود
هههههههههههههههههههههههههههههههههههههههههههه
ريهام4 14-09-2006, 10:03 PM شكرا الامير عبده على مرورك وتعليقك
بس جايز برضه ليه بس !
sonson 14-09-2006, 10:03 PM ايه يا عم الدنجوان انت :angry:
طيب يارب وانت بتحط كل البنات فى القطر او العبارة نملة ( تشنكلك ) جوة القطر :P
شكرا ياريهام على الموضوع
بس انا الحمد لله مش محتاجة لكل الكلام الفاضى ده :)
ريهام4 14-09-2006, 10:05 PM يا بات مان احنا بنعمل الحاجات دى لوجه الله
( طبعا لانكوا غلبانيين)
وشكرا لسونسون
FRANKENSTEIN 14-09-2006, 10:07 PM <div class='quotetop'>إقتباس(دنجوان @ Sep 14 2006, 10:58 PM) 220128</div>
البنات دول ارخم مخاليق ربنا
ولو بايدى كنت كنت حطيتهم كلهم جوه اى قطر من قطرات مصر او اى عباره او طياره مصريه
[/b]
حلوه اوي الحكايه دي
وخصوصا لو كان القطر رايح الصعيد او العباره تبع شركه السلام او الطياره تبع مصر للطيران
هههههههههههههههههههههههههههههههههه
رامى عادل 14-09-2006, 10:17 PM هو ده الكلام يا عم بات مان
الامير عبده 14-09-2006, 10:24 PM خلاص ياجماعه
البنات احسن حاجه فى الدنيا
هانعمل ايه يعنى
رامى عادل 14-09-2006, 10:33 PM بنات ايه وكلام فاضى
ayooosh 14-09-2006, 11:57 PM ايه يا عم انت يا اسمك دنجوان :angry:
على فكره بقى البنات احلى حاجه فى الدنيا وبلاش تريقه كتير :angry:
شكراااااااااا يا ريهام على الموضوع ;)
الموضوع جامد يا ريهام وحلو بس انا ما عتقديش ان فى بنات لصقة كده البنات لما بتصدق تخلع
FRANKENSTEIN 15-09-2006, 02:56 PM العكس والله
الشاب هو اللي ما بيصدق بس البت رقيقه فبيصعب عليها ان واحد يضحك عليها
لا لا واللهى احنا لما بنصدق نخلع لان الولاد هما اللى لصقة وما بنعرفش نخلع منهم
هههههههههههههههههههههههههههههههههههههههههههههههه
( أنتو اأصلا أصلا ما تسوووش بصلة بدون البنات )
لموا الدور
اللي يشوفكوا و أنتوا بتجروا وراهم في الشوارع
سلام
لؤلؤة 16-09-2006, 10:07 AM اهوا اعتراف من العدو بات مان ان بالبنات رقيقات وانا بقى بزود وبيقول جميلات
عسولات
وكمان البنات النص الحلو ( يعني الباقي كله وحش)
يلا سلاملم
مغترب وبس 16-09-2006, 04:16 PM من غير مقدمات او توابع دنجوان كلامو صح ايه يعني بنات "وجع راس وصداع على الفاضي" " رغي في التليفونات وبص في المرايات " " تمشية في الاسواق بالساعات وياريتهم بيشترو حاجة " .... الخ
واساسا لو بصيتو للموضوع من زاوية تانية هتعرفو فعلا ان البنات الي لصقة في الجامعات دلوقتي هما الي بيجرو ورا الواحد
ولو افترضنا ان الواد راح وراها هيا تسمحلو ليه اساسا
فمن الاخر الغلط راكبكم كده ولا كده يعني من ساسكم لراسكم لو البنت تمشي في حالها ولابسه عدل محدش هيكلمها
وأضم صوتي لدنجوان ;) :D :P
zizo2_2 16-09-2006, 09:46 PM هي اللي كتبت الموضوع ده بنت
هههههههه
ما اعتقدش
انتي بتفتحي عنينا كدة
بدل ما تقوليلنا اتمسكوا باللي بتحبوهم
FRANKENSTEIN 16-09-2006, 10:40 PM <div class='quotetop'>إقتباس(مغترب وبس @ Sep 16 2006, 05:16 PM) 221798</div>
من غير مقدمات او توابع دنجوان كلامو صح ايه يعني بنات "وجع راس وصداع على الفاضي" " رغي في التليفونات وبص في المرايات " " تمشية في الاسواق بالساعات وياريتهم بيشترو حاجة " .... الخ
واساسا لو بصيتو للموضوع من زاوية تانية هتعرفو فعلا ان البنات الي لصقة في الجامعات دلوقتي هما الي بيجرو ورا الواحد
ولو افترضنا ان الواد راح وراها هيا تسمحلو ليه اساسا
فمن الاخر الغلط راكبكم كده ولا كده يعني من ساسكم لراسكم لو البنت تمشي في حالها ولابسه عدل محدش هيكلمها
وأضم صوتي لدنجوان ;) :D :P
[/b]
اضم صوتي ليهم طبعا
القطة الروشة 17-09-2006, 06:09 PM اولا ميرسي على الموضوع
وبعدين على الاقل احنا بنمشي فى الاسواق لسبب معين
بس تقدر تقول لى الشباب الى فى الكافى شوب والكافيتريا والقهاوى بيعملوا ايه غير انهم بيشربوا شيشة وتعبين اهاليهم على الفاضى ويا ريت فالحين الا انهم فاشلين وحتى لو حد دخل كلية عدلة بيمشي فيها بالبركة ولا الموضه الى طالعين فيها بنطلونات الصاعقة وهما لسه فى تالتة اعدادى ال ايه بيحبوا الوطن يعنى :angry:
ومتنسوش ان وراء كل رجل عظيم امراءة ومحدش يقدر يستغنى عن البنات والاولاد :)
وثبت ان نسبة النجاح فى الثانوية العامة البنات اكتر من الصبيان ;)
ولم الدور منك له انا لمضة شويتين وبقول كلام زى الدبش فافلتوا بجلدكوا احسن
ولا منتش عارفين الى احنا هنعمله
هنموتكم وهنزيلكم من على مش المنتدى :P
7
7
7
7
7
7
7
7
7
7
7
7
7
7
7
7
7
7
7
7
7
7
علشان تصدقوا
http://www2.0zz0.com/2006/09/17/16/702413828.GIF
7
7
7
7
7طبعا انتوا ظاهرين فى الصورة
لؤلؤة 17-09-2006, 06:12 PM <div class='quotetop'>إقتباس(بات مان 2 @ Sep 16 2006, 11:40 PM) 222062</div>
<div class='quotetop'>إقتباس(مغترب وبس @ Sep 16 2006, 05:16 PM) 221798
من غير مقدمات او توابع دنجوان كلامو صح ايه يعني بنات "وجع راس وصداع على الفاضي" " رغي في التليفونات وبص في المرايات " " تمشية في الاسواق بالساعات وياريتهم بيشترو حاجة " .... الخ
واساسا لو بصيتو للموضوع من زاوية تانية هتعرفو فعلا ان البنات الي لصقة في الجامعات دلوقتي هما الي بيجرو ورا الواحد
ولو افترضنا ان الواد راح وراها هيا تسمحلو ليه اساسا
فمن الاخر الغلط راكبكم كده ولا كده يعني من ساسكم لراسكم لو البنت تمشي في حالها ولابسه عدل محدش هيكلمها
وأضم صوتي لدنجوان ;) :D :P
[/b]
اضم صوتي ليهم طبعا
[/b][/quote]
ليه هو مفيش بنات في المنتدى ولا ايه؟
وكل واحد بيضم صوته للكابتن دنجوان
هو كان مين يعني رئيس حزب الاولاد يعني
ده اولا .
ثانيا:
انتوا فاكرين البنات اهم حاجة عندهم المرايا ليه مش كل البنات كده
من ناحية الرغي في التلفون فا ده زيكم قاعدين في الشارع 24 ساعة فا الرغي بدل الشارع ( ولا ايه رايكم)
ومن ناحية الشوبنج فا ده موضوع تاني فيها ايه يعني لما البنت تروح تشترلها حاجة وبالمرة تتمشي شوية
وتقابل صحبتها وترحم الكلام(الرغي على رايكم) على التلفون
في نقطة بتاعت البنت تجري ورا الواحد مفيش بنت بتعمل كده ابدا الا اذا كانت في موخها حاجة غريبة
بمعنى اصح مجنونة وده نادر
انتوا دايما شايفين سلبيات البنات مش ايجابيتهم
وكفاية كده
و اللي هايتكلم عن البنات جملة او كلمة او حرف او حتى جزء من الحرف
يبقى
الله يسمحه
القطة الروشة 17-09-2006, 07:31 PM [/quote]
ليه هو مفيش بنات في المنتدى ولا ايه؟
وكل واحد بيضم صوته للكابتن دنجوان
هو كان مين يعني رئيس حزب الاولاد يعني
ده اولا .
ثانيا:
انتوا فاكرين البنات اهم حاجة عندهم المرايا ليه مش كل البنات كده
من ناحية الرغي في التلفون فا ده زيكم قاعدين في الشارع 24 ساعة فا الرغي بدل الشارع ( ولا ايه رايكم)
ومن ناحية الشوبنج فا ده موضوع تاني فيها ايه يعني لما البنت تروح تشترلها حاجة وبالمرة تتمشي شوية
وتقابل صحبتها وترحم الكلام(الرغي على رايكم) على التلفون
في نقطة بتاعت البنت تجري ورا الواحد مفيش بنت بتعمل كده ابدا الا اذا كانت في موخها حاجة غريبة
بمعنى اصح مجنونة وده نادر
انتوا دايما شايفين سلبيات البنات مش ايجابيتهم
وكفاية كده
و اللي هايتكلم عن البنات جملة او كلمة او حرف او حتى جزء من الحرف
يبقى
هو ده الكلام
ماشاء الله عليكي ايه الجمال ده
احسدك :lol:
لؤلؤة 17-09-2006, 07:32 PM لا شكر على واجب احنا بنات زي بعض وعارفين بعض كويس ولا في حد عنداعتراض
القطة الروشة 17-09-2006, 07:51 PM هو فى حد يقدر يتنفس
طبعا لان البنات اكتر من الاولاد
ودنجوان ده مضايقنى اوى :angry:
اهدى شوية يا بابا كده غلط على اعصابك حاسب لحسن يطقلك عرق :P
ويا ريت تكلمنى فرنساوى علشان مبفهمش غير المانى :blink:
هع هع هع هع هع :lol:
هو انت مصري مش عارفة حاسه ان الى ردوا من الاولاد فى الموضوع ده من بوركينا ...............
كملوا انتوا
لؤلؤة 17-09-2006, 07:53 PM هههههههههه
القطة الروشة 17-09-2006, 10:39 PM ميرسي على الضحكة الجميلة
مغترب وبس 18-09-2006, 10:07 AM مش هرد الا بقول بالمقولة الي بتقول " إذا وجدت المصائب فعلم ان وراءها امرأة " :D :P
وبالنسبة لمقولة " كل رجل عظيم ورأه امرأه " محددوش امرأة ايه :D
ممكن تكون امرأه مطلعه عينو يا حرام ومن كتر الي هيا بتعملو الراجل بقة عظيم :P
احنا مش فاكرين ان اهم حاجة عندهم المرايا احنا متأكدين :D
وبعدين احنا نازلين القهاوي ليه مهو بسببكو :D
كل واحد عندو اخت في البيت سواء كبيرة ولا صغيرة مطلعة عينو يعمل ايه هيطفش من البيت وده الحمد لله انو منتحرش بسببكو يا معشر البنات :P :D
وفيها ايه بناطيل صاعقة ولا مش صاعقة اهو على الاقل الواد ساتر عورته شوفو بقة البنات ماشيين ازاي :D :P
ال فيها ايه لما تشتريلها حاجة :D
مهي لو تشتري حاجة وترجع تاني اوكى بس دي بتلف السوق كلو وفي الاخر متخرجش الا بحاجة واحدة وتقولك عاوزة اروح سوق تاني يا جماعة ارحمونا بقة :P :D
dina naguib 19-09-2006, 03:37 PM كل الولاد الي بيتكلمو كده تلاقيهم واخدين استمارة 12 من بنات ولا حاجة او واخدين بالشبشب قبل كده علشان كده معقدين ومش قادرين يطلعو الي جواهم ياعيني ويقولو الي حصلهم فبيقولو كده بيطلعو الكبت والحقد الي جواهم من ناحية البنات الي ظبطوهم
وشكرا يا ريهام علي موضوعك والمفروض تعملي موضوع ازاي البنت تدي للواد استمارة 6 علشان هما محتاجين كده والله وسيبيهم بقي يعيشو من غير بنات وشوفي حيحصلهم ايه
هيروحو كلهم مستشفي المجانين دا اذا منتحروش من الاكتئاب
انتم مفكرين ان مفيش بنات هنا ترد ولا ايه :P
ههههههههههههههههههههههههههه :lol:
ريهام4 20-09-2006, 04:09 AM لا دة بقت زايدة اوى :ph34r:
يا جماعة حد يلحقنا بطفاية
يعنى دى اخرتها :angry: بقى اجيبلكوا موضوع يفيدكوا كدة تطولوا لسانكوا
بس انا اصلا كنت جايباه ونيتى نظيفة
وعلى اساس انكوا غلابا ودى خدمة لوجه الله :lol:
بس يخسارة ديل الكلب عمره ما يتعدل :angry:
دة احنا حتى النص الحلو فى المجتمع وبعدين يا اخوة صوابعك مش زى بعضها
يـــــــــــــــــــــا ويلتـــــــــــــــــــــــــاه
:rolleyes:
مغترب وبس 20-09-2006, 09:58 AM نص حلو ايه وبتاع ايه بس انت فاكرين ايه قولي النص المر النص المالح النص الي مالوش ملامح كده :D
هيكون مجتمع 100% من غير البنات وراحة دماغ على الأخر وهيكون فيه شغل وانتاج :)
ولو بتقرو الاساطير اليونانية هتشوفو هما معتبرين البنات ايه " ليس لنا علاقة بها لأننا مسلمين ونحمد الله على ذلك " بص بردو هقول عشان تعرفو مش احنا لوحدنا الي بنقول عليكو كده :D
بيعتبرو المرأة التي هبطت الي الأرض هيا سبب كل المشاكل " فقر - مرض - جوع - فضول - حسد ... الخ " وكان المجتمع قبل ذلك خالي من اي منغصات حياتية لأنه كان من الرجال فقط ;)
يعني اسكتو خالص بقة :D
هو صح يا ريهام صوابعي مش زي بعضها بس دول صوابعي مش البنات :P
dina naguib 20-09-2006, 03:03 PM اعوذ بالله عليكم مش عايزين تعترفو انكم ولا حاجة من غير المراة :angry:
ومتنسوش اساسا ان المراة دي اساس وجودكم في الحياة ومن غيرها مكنش حد شاف وشكم :D
وكان يبقي احسن بلا ولاد بلا ارف عكرتولنا مزاجنا والي بيقول المراة كانت زمان بيعتبروها ايه
جه الاسلام كرمها واداها حقها يعني كان كل المعتقدات القديمة دي متخلفة وملهاش اساس من الصحة
جربو تعيشو من غيرنا وشوفو هتعيشو ازاي
جربو تبعدو عن امهاتكم واخواتكم وكل البنات وشوف هتقدر تعيش ولا لاء
جربوا وابقو قولولنا النتيجة :P
مغترب وبس 20-09-2006, 05:39 PM احنا كل حاجة من غير البنات :D
مين قال ان انتو اساس وجودكنا دي دي غلط 100% الكلام ده
وبعدين آدم عليه السلام هو اول واحد وجه من ضلعو حواء يعني شوفتي الاصل منين
وحكاية جربوا انا جربت 6 سنين لوحدي وكانت والله سنين مفيش زيهم وراحة بال مفيش بعد كده واهو جيت اقعد معاهم الصداع اشتغل
اعمل ايه اقول منكم لله وحسبي الله ونعمل الوكيل فيكم :D
sara777 20-09-2006, 08:22 PM :angry: :angry:
مع احترامي لصاحبة الموضوع بقي ريهام روح قلبي
انتوا كده دخلتوا شمال اوي
واللي قال البنات ارخم مخاليق ربنا شكله كده دايما بيتشنكل وبيتكعبل علطول في بنات رخمة وغبية وفيهم كل العاهات العقلية
ده مش ذنب البنات بقي :angry:
ده ذنب اللي مش عارف ينقي ولا يختار
اللي هو انت يا نجوان :P
انا مش هقدر ارد عليك واقول الاولاد رخمين
مش علشان هما لاسمح الله مش رخمين
لا اغلبهم رخمين
لكن مش كلهم :rolleyes: :rolleyes:
اكيد فيه منهم الكويس
بس لا انت يا دنجوان ولا انت يا بات مان ولا انت يا مغترب من ضمن القائمة بتاعة الكويسين :P
من الاخر كل اللي بيدي علي البنات اكيد عندهم عقدة نفسية
وانصحهم انهم يتعالجوا علشان كده غلط علي اعصابهم B)
شكرا يا عسل يا ريهام انتي علشان انتي بنت :D
بس مش شكرا علي الموضوع :angry:
علشان انتي بتحسسينا ان البنات معندهومش كرامة
انا عن نفسي لو حسيت في يوم ان فيه حد مش معبرني مش هستني لما يقولي في وشي انا هسيبه احسن من اولها بس انا الحمد لله معرفش حد ولا حابة كده B)
bosy .. mostafa 21-09-2006, 09:42 PM البنات مش رخمين
و بعدين الرجاله يعني اللي حلوين .. بس محدش يقدر يعيش من غير التاني
الست هي اللي بتجيب العيال و الراجل هو اللي بيتحمل المسئوليات
دي خلقة ربنا نعمل ايه يعني
ريهام4 21-09-2006, 10:16 PM يا سارة انا كنت عاملة الموضوع دة لوجه الله لانهم غلبانين بقى
بس الظاهر انهم فهموه غلط
معلش بقى ديل الرجل عمره مايتعدل
القطة الروشة 22-09-2006, 12:22 AM معلش يا بناتيت
هدوا اللعبة لازم نعزره شكله اخذ استمارة 6 قبل كده
لؤلؤة 22-09-2006, 03:18 AM ماشي مش مشكلة طلما واخد الاستمارة قبل كده ها نعزره
وعلى فكرة البنات يمكن غلسين بس طيبين
يمكن عصبيات بس هما برده رقيقات
وقلبه رقيق وحنينه مش زي ناس كده نعرفهم
و .. و... و.. كتير اوي مش لازم نذكرها لان كده كفاية
وعلى فكرة المثل بقول ايه
وراء كل رجل عظيم امراة عظيمة
و ورا كل بنت عظيمة ولد معكنن عليها حياتها
وبس كده لما باقي البنات يجوا
اسلام رشوان 22-09-2006, 11:08 AM هههههههههههههههههههههههههههههههههههههههههه
اوقل ايه مش عارف
بس اكيد البنات لزقة لدرجة النها مع كل ده ممكن متسيبكش
القطة الروشة 22-09-2006, 11:27 AM مش البنات كلها
فى بنات محترمة كتير
اوك
ونسال مجرب
بنوته مسلمه 22-09-2006, 02:45 PM ايه يا شباب
كل ده علي البنات
لالالالا مش ينفع
انا مش هقول انه غلط ولا حاجه
بس كل حاجه فيها الحلو والوحش
يعني فيه بنات محترمه بنات مش محترمه
واكيد فيه شباب محترم وفيه مش محترم
بس عييييييييييييييييييب اوي يا شباب اللي بتقولوه ده
sara777 22-09-2006, 05:48 PM مين دي اللي لزقة يا سي اسلام افندي
يمكن انت اتدبست قبل كده في واحدة لازقة
لكن لااااااااااااااااااااااااااااااااااااا
الكرامة هيا اهم حاجة عند البنت
انا لو حد عمل معايا ربع ده
وده طبعا مستحيل يحصل
بس اهو لو حصل
انا هقوله في ستين الف دااااااااااااااااااااااااااااااهية
بلا رجالة بلا وجع دماغ
ايه قلة القيمة دي
ولا ايه يا بنات
مغترب وبس 22-09-2006, 10:46 PM المثل الصحيح بيقول " اذا رأيت المصائب فعلم ان سببها امرأة "
انزل الشارع واسأل الرجالة الي متجوزين ستاتهم مطلعين عينهم الشوبينج التليفونات العيال ال .. ال .. لحد ما زهقتو الرجالة في عيشتها ...
في كل حتة البنات عاملين ازمة حرام عليكو وحكاية الكرامة دي يا آنسة سارة نادر متلاقي البنت الي عندها كرامة والمحترمة في عصرنا ده زمان كنت اقولك ماشي دلوقتي استحالة
وكفاية بقة وانا الحمد لله مخدتش استمارات ولا ناوي اجرب عشان مأعانيش منكم سيبوني في حالي حطو بيني وبينكم جدار عازل ;)
dina naguib 23-09-2006, 12:37 AM مين ده الي مطلعين عنيهم ده الراجل بيجيب للست المرض من الي هو بيعملة والي متحمل مشاكل البيت والعيال مين مش الست برده
وهو ملوش دعوة بحاجة غير انو يطلع يشتغل ساعتين ويجي يشخط وينطر وياكل وينام وعلي كده والست تشتغل وتزعق وتربي وتزاكر للعيال طول النهار
وفي الاخر الستات الي تعبينكم
القطة الروشة 23-09-2006, 08:06 AM عسل من يومك
ايه دة اديلهم شوية كمان فوق دماغهم خليهم يتعدلوا :P
وانت يا اخ محمود اهدى يا بابا :angry:
يعنى الى بيلبس الوان تبقي انسانة مش محترمة
انا بلبس الوان وفوشيا كمان
مالى انسانة الناس كلها بتحلف ما شافت احترام زى
ومش انا بس والبنات كلها ومالها البنات احنا ملناش دعوة باحد احنا قصدنا على الى نعرفهم والى فى المنتدى والبنات المحترمة وملناش دعوة بالاستمارات الى انتم اخذتوها
اكيد فى من كل حاجة الوحش والحلو
وانتم بتقولوا كده لانكم مش شايفين غير الوحش
او يمكن اخذتوا قبل كده فتعقدو
هدى اللعب شوية يا اخ مينفعش كده
والا هضطر اوحى عليك الواد شلاطة والواد سحلول :P
اه صحيح انا بتكلم على الموضة الذفت الى طالعة جديد الى عايزة تدخلكم الجيش قبل الاوان
تصدق بالله انت شكلك هتدخل الجيش والحرب تقوم من الى بتعملوا فينا
:P :P :P :P
dina naguib 24-09-2006, 05:35 PM الله ينور عليكي يا قطوطة هما عايزين الي يرد عليهم ويقفلهم بالمرصاد
واحنا وراكو والزمن طويل
باذن الله هننتصر :P
القطة الروشة 24-09-2006, 09:07 PM ميرسي يا عسل
طبعا احنا منتصرين منتصرين
البنات اكتر منهم الا لو فى بنات خاينة وهتخونى
وكويس انه مردتش طبعا لانه خاف ولانه عارف انى مش هسكتله
اوك يا محمود
محمد السلماوى 26-09-2006, 05:13 PM انا هقول لصاحبة المضوع كلمة واحدة
يخرب عقلك
حرام عليكى هتضعينا
واحنا اصلا مأدبين ومبنكلمش بنات
القطة الروشة 26-09-2006, 09:13 PM احم احم
اكلم عن نفسك كل واحد عارف نفسه ملكش انت دعوة وروح ذاكر واحنا هنادبهم ونخليهم يكرهم اليوم الى اتولدوا فيه
مغترب وبس 28-09-2006, 02:01 PM اولا ياريت تقولولي مغترب
ثانيا انا مالي ومال الالوان كلو على الاحترام بس انا الي قلتو افضل الالوان للبنت الاسود هو ده الاكثر احتشاما ده ميعنيش ان لازم تلبسيه ده الرد على الكلام الاول
ثالثا انا الحمد لله مخدتش حاجو ومش ناوي اخد عشان انا بتبع مع البنات اسلوب " وأعزلهم وما يعبدون " مايعبدون يعني الموضة حضرتك
رابعا انا لو كنت مقتنع من الكلام الي بقولو 100% لما دخلت الكلية الحد الي فات اقتنعت بكلامي 1000% ومحدش هيغير رأي عن البنات
خامسا انا كلامي عن 99% من البنات ومش كلهم
اما حضرتك يا اخت دودا كلامك غلط
الراجل بيشتغل من صباحية ربنا لحد العصر ولا المغرب مش ساعتين بس وفي الاخر بدل ما مراتو تريحو لا تطلع عينو الولاد كذا والبنات كذا وجارتي جابت كذا انا عاوزة زيها ولحد ما يقرفو الواحد
وشكرا ;)
haytham383 29-09-2006, 11:08 PM البنات جملتين منقدرش نعيش من غيرهم و منقدرش نعقد معاهم اكتر من ساعتين
محمود رفعت 29-09-2006, 11:29 PM والله كل الرجالة بيعرفوا عطوا البنات كل الاستمارات 6 و 9 وغيرا
وعموما شكرا علي الموضوع
حمادة نور 30-09-2006, 12:12 AM تعرفى ان دى معلومات جميلة وموضوع منك جميل وجزاكى الله خيرا
القطة الروشة 05-10-2006, 11:01 AM <div class='quotetop'>إقتباس(مغترب وبس @ Sep 28 2006, 03:01 PM) 225897</div>
اولا ياريت تقولولي مغترب
ثانيا انا مالي ومال الالوان كلو على الاحترام بس انا الي قلتو افضل الالوان للبنت الاسود هو ده الاكثر احتشاما ده ميعنيش ان لازم تلبسيه ده الرد على الكلام الاول
ثالثا انا الحمد لله مخدتش حاجو ومش ناوي اخد عشان انا بتبع مع البنات اسلوب " وأعزلهم وما يعبدون " مايعبدون يعني الموضة حضرتك
رابعا انا لو كنت مقتنع من الكلام الي بقولو 100% لما دخلت الكلية الحد الي فات اقتنعت بكلامي 1000% ومحدش هيغير رأي عن البنات
خامسا انا كلامي عن 99% من البنات ومش كلهم
اما حضرتك يا اخت دودا كلامك غلط
الراجل بيشتغل من صباحية ربنا لحد العصر ولا المغرب مش ساعتين بس وفي الاخر بدل ما مراتو تريحو لا تطلع عينو الولاد كذا والبنات كذا وجارتي جابت كذا انا عاوزة زيها ولحد ما يقرفو الواحد
وشكرا ;)
[/b]
وهو انا قلت لك تغير راْيك وبعدين انا برد على كلامك
وهو انت هتمنعنى انى اقول محمود وبعدين فى حد فى الدنيا ميحبش الناس ينادوه باسم الرسول وينادوه باسم مغترب
وفى الرجالة الى مبلطجة فى البيت ومش بتعمل حاجة غير انهم ارفانين عليهم
مش حراااااااااااااااااااااااااااااام
اهدى شوية احنا بنكلم ونتناقش مش بنتخانق
سلام
مغترب وبس 05-10-2006, 03:58 PM اولا انا مش بتخانق
ثانيا انا فعلا مش هغير رايي ومقلتلكيش مترديش ده حق ليكي انك تعبري عن رايك وحقي بردو
ثالثا مش حكاية مش بحب حد يناديني بيه بس انا بردو ليا الحرية في اني اطالب بكده
خامسا انا اسف لو ضايقتك ودي اخر مرة هتكلم عن الموضوع ده عشان مش بحب حد يضايق او يتخانق معايا
ريهام4 10-06-2007, 05:49 PM يااااااااااااااااااااااااه كل دة حصل وانا معرفش
انا كنت عاملة الموضوع دة علشان بس البنات الرخمة لكن مش كل انواع البنات
طالبه ثانوى 13-06-2007, 08:48 AM :lol: هو اعتراف البنات بعضهم تافهيين والولاد كلهم خاينيين :P ريهام انا موفقكى فيه بنات رخمه اوووووووووى كتير وعددهم حوالى 80% والعشريين التانيين مش بطليين :lol:
ازهريه 13-06-2007, 08:52 AM حرام عليك فى قطر مره واحده
طالبه ثانوى 13-06-2007, 08:52 AM :lol: والله كل الرجالة بيعرفوا عطوا البنات كل الاستمارات 6 و 9 وغيرا
وعموما شكرا علي الموضوعوغير كده البنات كلهم خدو استمارات كتيرة ال80% بس والباقى مخدش :P :lol:
dr.mansorawy 13-06-2007, 09:56 AM اكتشف فجأة أن لك جذورا صعيدية واحضر في اليوم التالي إلى حبيبتك وأنت ترتدي الجلباب الصعيدي وتحمل كفنك علي يدك.. قبل أن تفيق هي من صدمتها قل لها الحقيقة العارية "امبارح بس اكتشفت إن جدي السابع كان من الصعيد.. وإن عليه تار بايت مع عيلة الدهاشنة".. ثم "والحل الوحيد عشان ماياخدوش بتارهم مني ومايقتلونيش.. إني أتجوز بنت عم جدي.." ودموعها تنهمر استمر في الضغط "طبعا أنا رفضت أضحي بحبك لي.. وقلت لهم أموت ولا أسيبك يا ليلى.. وعشان كده جبت معايا كفني وهاطلع من هنا عليهم على طول.. أموت ولا أضحي بحبك.." النتيجة مضمونة.. ليلى بنفسها هي التي ستقدم لك شبكة خطوبتك على بنت عم جدك.. الصعيدي !
هههههههههههه ولله فكر شديدة
بس يا جماعة لو جينا للحق ان المشكلة فى الولد لما يحب بيحب بنص قلبة لكن البنت لو حبت بتديلة كل عواطفها عشان كدة ساعة لما يحصل فراق البنت بتتعذب اكتر من الولد
وعشان كدة البنت متديش قلبها لولد بسهولة بس لو ادتهولة تدهولة كلة
ومشكلة الارتباط فى مرهلة المراهقة ان بيبقى الولد والبنت فى قمة ظهور عواطفهم فممكن يختار اى حد على الرغم انة مش مناسب لية والحكاية متنتهيش غير بصدمة تخلية يقول على البنات ارذل خلق الله ويخليها تقول على الولاد معقدين
والسبب كلة انة ملقاش نصة التانى الصح لكن هو كان عايز يجرب
بس للأسف التجارب دى مبتزودش القلب غير القسوة ويفضل كل مرة يضيع جزأ من قلبة لغاية ما يجى يتجوز ما يعرفش يدى لزوجتة الحب الكامل اللى تحتاجة واللى المفروض انة يكون محافظ علية ليها
معرفش كلامى هيعجبكوا ولا لأ بس انا فعلا مقتنع بية ويارب تقتنعوا معايا </span> </span>
|