مشاهدة النسخة كاملة : ما الفرق بين كلية الهندسة الزراعية وكلية الزراعة؟
إنتحار طالب ثانوي 05-08-2009, 11:00 AM عايز أعرف الفرق بينهم من حيث
1- الدراسة:- ده بيدرس أيه و ده بيدرس ايه ؟
2-لغة الدراسة: الأتنين عربي ولا هندسة زراعية بالأنجليش ؟
3-توفر فرص العمل:- وهل خريجين هندسة زراعية بيلاقوا شغل ؟ ولا زي خريجين الزراعة بيشتغلوا سواقين تاكسي ؟
4-النقابة:- ده بيدخل نقابة أيه و ده بيدخل نقابة أيه ؟
إنتحار طالب ثانوي 05-08-2009, 03:05 PM :confused::confused::confused::confused::confused: :confused::confused::confused::confused::confused: :confused:
casper.eg 05-08-2009, 03:53 PM للاسف كل اللي بيدخل القسم هنا
من الطلبه ومفيش تقريبا مدرسين
او حد ممكن يدينا معلومه موثوقه
انا كمان عايز اعرف معلومات عن الهندسه الزراعيه
هنتابع معاك هنا
يمكن حد عارف يرد
إنتحار طالب ثانوي 05-08-2009, 04:18 PM المفروض أن فيه مدرسين في المنتدى ده وطلبه جامعيين كتير
يا ريت اللي يعرف والنبي ما يبخلش علينا
شكراً لكم
mfa csa 05-08-2009, 04:22 PM مفيش حاجة اسمها كلية الهندسة الزراعية .. دي بتبقي كلية الزراعة تخصص هندسة زراعية
ودي مالهاش دعوة بنقابة المهندسين .. لكن بتبقي تبع نقابة المهن الزراعية
إنتحار طالب ثانوي 05-08-2009, 04:33 PM شكراً لك يا محمود أنا عارف أيوه أنها تبع كلية زراعة
لو حد تاني يعرف أجابة باقي الأسئلة يا ريت ما يتأخرش
1- الدراسة:- ده بيدرس أيه و ده بيدرس ايه ؟
2-لغة الدراسة: الأتنين عربي ولا هندسة زراعية بالأنجليش ؟
3-توفر فرص العمل:- وهل خريجين هندسة زراعية بيلاقوا شغل ؟ ولا زي خريجين الزراعة بيشتغلوا سواقين تاكسي ؟
mfa csa 05-08-2009, 05:56 PM شكراً لك يا محمود أنا عارف أيوه أنها تبع كلية زراعة
لو حد تاني يعرف أجابة باقي الأسئلة يا ريت ما يتأخرش
1- الدراسة:- ده بيدرس أيه و ده بيدرس ايه ؟
2-لغة الدراسة: الأتنين عربي ولا هندسة زراعية بالأنجليش ؟
3-توفر فرص العمل:- وهل خريجين هندسة زراعية بيلاقوا شغل ؟ ولا زي خريجين الزراعة بيشتغلوا سواقين تاكسي ؟
بيبقوا في الاخر سواقين تاكسي
انا لما كنت بشتغل في شركة في الاجازة اللي فاتت .. كان سائق المدير معاه بكالوريوس زراعة تخصص هندسة زراعية
نورا 2008 06-08-2009, 03:25 AM مش عايزين تاليف عشان هندسة زراعية حاجة وزراعة حاجة اولا بص هندسة زراعية من علمي رياضة ومن مجموع كبير شوية وزراعة في عربي وفي انجلش والانجلش بفلوس حوالي 3الف جنية والقسم التاني 5الف جنية اوكية ودي من علمي علوم او متادب وكمان الاتنين في شبرا الخيمة ماشي وبعدين كلية جامدة والله
MuHaMeD kHaLeD 06-08-2009, 03:32 AM بالتوفيييييييييييييييييييييييييييق للجميييييييييييييييع
إنتحار طالب ثانوي 06-08-2009, 07:14 AM هي كلية زراعة التخصص العادي بياخد من علمي علوم و علمي متأدب ؟؟؟ولا أيه
وأدبي أنا سمعت أنهم ممكن يدخلوا كلية زراعة بردوا !!!! الكلام ده صح ولا غلط ؟ يا جماعه ؟
Sunset Lover 06-08-2009, 08:06 AM لا يا جماعة ادبى مبيعرفش يدخل كلية الزراعة دى للعلمى بس اما هندسة زراعية لازم يكون علمى رياضة
إنتحار طالب ثانوي 06-08-2009, 08:11 AM علمي علوم و علمي متأدب بيدخل زراعة كل التخصصات ما عدا هندسة زراعية ؟ ولا أيه ؟
إنتحار طالب ثانوي 08-08-2009, 01:59 PM ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياسمينايا 08-08-2009, 04:27 PM بصراحه الاراء كترت ..
مش عارفه مين الصح ؟؟
يلا ان شاء الله بالتوفيق للجميع ..
إنتحار طالب ثانوي 08-08-2009, 05:06 PM علمي علوم و علمي متأدب بيدخل زراعة كل التخصصات ما عدا هندسة زراعية ؟ ولا أيه ؟
abod. 18-09-2009, 10:01 PM خريج كلية زراعة يجد فرص عمل فين
شيخ العرب1 14-11-2009, 02:37 PM السلام عليكم اخى المنتحر كيف حالك عموماكتر سؤالك عن زراعه سواء عاديه او هندسه زراعيه يعتبر فى حد ذاته قمة الانتحار وارجومن الله انك تعقل وبلاش تفكر فى اى حاجه تمت للزراعه بصله عشان اكيد ليك اهل بيحبوك ويخافوا عليك وشكرا لك تقبل مرورى شيخ العرب بكالوريوس زراعه
زائر غير مسجل 25-02-2010, 08:11 PM انا اختي كانت في كليه هندسه زراعيه وبعض المواد كانو بياخدوها بالانجليزي وعلى فكره هي قسم من زراعه وبيدرسو فيها الالات الزراعيه والات التصنيع الغذائي اللي في المصانع ولازم من علمي رياضه والالات الزراعيه دي اكيد بيبقى مصممها مهندس بس لو مهندس عادي صممها مش هيبقى عينو على الارض فعشان كده في كليه هندسه زراعيه و بيدخلو نقابه الزراعيين بس انا اختي كانت بتقول عليها صعبه اوي
ashihata 26-09-2010, 06:38 AM الكلية عشان نبقا واضحين هى زراعية قسم هندسة زراعية لكن القسم دا له تنسيق لواحده خالص بياخد من حوالى ا92% انما الزراعة من حوالى 60%
والزراعة العادية للازم تكون علمى علوم لانك بتاخد تشريح احياء يعنى والهندسة الزراعية لاززم تكون علمى رياضة لانك بتاخد فيزياء ورياضيات وكيمياء وبرمجيات "برمجة يعنى" وحاجات لها علاقة بدراستك ف الثانوى والكلية شيقة لانك بتدرس مثلاً الكيمياء عملى بأيديك وبتقف ف المعمل وف الفيزياء كماان و القسم دا افضل كتير من كليات تانية زى تربية و تجارة واداب وحقوق وناس بتبقا جايلها علوم بس مش بترضى تدخل علوم وبتدخل هندسة زراعية لان لها مجالات شغل فى الدول العربية والأجنبية والكلية بتاعة الهندسة الزراعية دى بتتوسط كلية الزراعة وكلية الهندسة لانك بتدرس مواد من هندسة زى الرسم الهندسى والميكنة وبتدرس من زراعة مواد زى المجتمع الريفى والى من الأخر يجيله هندسة زراعية ويحول لاى كلية نظرية يبقا ولامؤخذة مش عارف حاجة لانها افضل من كل الكليات النظرية وبعدين كل واحد وميوله بقا بس انت ف الأخر و دماغك
mahmoud kartam 30-09-2010, 03:21 PM عايز أعرف الفرق بينهم من حيث
1- الدراسة:- ده بيدرس أيه و ده بيدرس ايه ؟
ازيكوا يا جماعة انا طالب حاليا في الهندسة الزراعية جامعة المنصورة بدرس في نظام الساعات المعتمدة وده النظام الجديد للدراسة في الهندسة الزراعية في المنصورة واسكندرية وفي كام مكان كمان نفس النظام وبصراحة كلية جميلة اوي اوي اوي انا حاليا في المستوي التاني برنامج هندسة زراعية وده علي عكس المسميات القديمة اللي هي فرقة وشعبة والحاجت دي اتغيرت الاسامي دي مع تغيير النظام في الكلية كلها اللي هي زراعة
الفرق بقي واللي انا شايفه لصالح القسم بتاعنا ان كل واحد حاليا بيتخصص في حاجة معينة في الزراعة يعني فيه مثلا تخصص منشات زراعية وده هيدرس التخصص احسن من هندسة مدني ومعماري لانه بيتخصص في حاجة بعينها مش حاجة عامة ولو قلنا الات وقوي زراعية هتلاقيه احسن من هندسة في انه عارفها بالتحديد فاكيد هيكون عارف كل حاجة عنها بالتفصيل عن هندسة ميكانيكا باور وهكذا في الري والصرف والانتاج والتصنيع ...................
اما عن الفرق بينها وبين زراعة انا من وجهة نظري شايف فرق واحد وهو التنسيق وطبعا الي جانب ان دي من علمي رياضة وزراعة من علمي علوم
وفيه فرق دلوقتي بين الهندسة الزراعية نظام جديد وقديم
النظام الجديد فيه تخصص زي ما انا بقول كده زي مثلا الري والصرف وتخصص المنشات الزراعية والتحكم البيئي وتخصص الالات والقوي الزراعية وكده يعني انما القديم مفيش فيه تخصص بتبقي هندسة زراعية عامة بتدرس فيها كل المجالات فاكيد مش هتكون ملم بكل حاجة في التخصصات دي
2-لغة الدراسة: الأتنين عربي ولا هندسة زراعية بالأنجليش ؟
هو في كلية هندسة معروفة طبعا الدراسة انجليش اما عن هندسة زراعية فهتلاقي شوية عربي وشوية انجليش انما زراعة مش عارف بصراحة
3-توفر فرص العمل:- وهل خريجين هندسة زراعية بيلاقوا شغل ؟ ولا زي خريجين الزراعة بيشتغلوا سواقين تاكسي ؟
لالالالالالالالالالا سيبك من خريجي زراعة دلوقتي خليك في هندسة زراعية اصها لسة قسم جديد جدااااااااااااا فبيحتاجوا منه ناس كتير اوي في سوق العمل
4-النقابة:- ده بيدخل نقابة أيه و ده بيدخل نقابة أيه ؟
للاسف نقابة الزراعيين
وعشان بقي تدخلوا في جو القسم الجميل ده اللي انا حبيته اوي والله ممكن تدخوا هنا وتتعرفوا علي كل طلبة الهندسة الزراعية في مصر كلها اللي انا واحد منهم
www.age-eng.com (http://www.age-eng.com) وده منتدي الهندسة الزراعية اللي فيه نشاط مستمر للطلبة ان شاء الله هيعجبكوا
الششتاوى2010 21-05-2012, 05:02 PM هى الكليه ديه نظمها اه اصلا وحلوه ولا لا وبتشغل ولا اه
Šuȑgêøn Øf Ďeãtħ 27-07-2015, 11:22 PM معلومات خاصة عن الهندسة الزراعية
هى عبارة عن علم يهتم بتطبيق الهندسة فى الزراعة لتطويرها وتنميتها وهى تنقسم الى
1- هندسة الجرارات والالات الزراعية
2-هندسة الرى والصرف الزراعى( تصميم شكبات الرى الرش والتنقيط)
3-هندسة المبانى الزراعية و الانشاءات الزراعية( وهى تهتم بتصميم مزاراع الابقار والدواجن والصوب)
4-هندسة التصنيع الزراعى(هندسة التصنيع الغذائى)( مصانع الاغذية)
5_هندسة النظم الحيوية (bio systems) وهى تضم هندسة الزراعة المائية
(aquacultural engineering) وهى تختص بتصميم المزارع السمكية من انشاءات
وخرسانات واسماك وتغذية على اسس هندسية زراعية وليس هندسية فقط اوزراعية
فقط وتضم ايضا هندسة التحكم البيئى
6_هندسة كهرباء الريف وهى ليس هندسة كهربية بالمعنى المعروف الكبير ولكنها هى الكهرباء التى تستخدم فى المزارع
والهندسة الزراعية تطورت من هذا المسمى(agricultural engineering) الى
مسمى الهندسة الحيوية (biological engineering) والهندسة الزراعية هى تخصص
هام جدا اذ انها تهتم بالزراعة اى الغذااااااااء وفى امريكا ينفق عليها
مبالغ طائلة لانها الغذااااااااااااء لذلك امريكا مستولية على الغذاء
العالمى وخاصة القمح .
وتختص ايضاا الهندسة الزراعية باستصلاح الاراضى الصحراوية .
وطلبة الهندسة الزراعية فى مصر هم طلبة شعبة علمى رياضة ومجموع الهندسة
الزراعية حوالى 90% او اكثر ويوجد هذا القسم فى مصر فى كليات الزراعة
ولكنه ذو تنسيق مختلف ولكنه فى بعض الدول العربية له كليه مستقلة وبعضها
يوجد فى كليات الهندسة كما فى الدول الاجنبية . ويوجد فى مصر جعمية
للهندسة الزراعية تسمى ( الجمعية المصرية للهندسة الزراعية) ومقرها قسم
الهدسة الزراعية جامعة عين شمس
Šuȑgêøn Øf Ďeãtħ 27-07-2015, 11:24 PM اه كمان مفيش حاجة اسمها هندسة زراعية و انما هي كلية زراعة و الهندسة الزراعية دي قسم فيها
هذا والله اعلي واعلم
|