الجامعات الخــاصة ظلم أم عدل؟ [الأرشيف] - بوابة الثانوية العامة المصرية

m_92

05-08-2009, 07:15 PM

انا لعبـت وخـرجت ونمـت وعملت كل اللي في نفسـي وذاكرت .. اكتشـفت ان اللي بـ يعقدها بـ تتعقد معاه .. اللي بـ يقولك انا بـ اتقطع وبـ اعيط وبـ اموت فـعلا بـ يخربها علي نفسـه .. أنـا لعبت وعملت كل الحاجات ديه ودخلت برده الكلـية اللي انا عايزها اللي هي هندسة القاهرة وبـ مجموع مرتاح وده طبعـا بـ فضل ربنا .. أهـم حاجة انك متخنقـش نفسك لـ إنك لو خنـقت نفسك مش هـ تعرف تعمل أي حـاجة .

بـ النسبـة لـ موضوع الجـامعات الخـاصة .. أنا أرفضـها من جهة إن الواحد يكون تعـب وبـهدل نفسه وفي الاخر يدخـل جامعة خاصة بـ فلوس .. ولكن موافق عليـها جدا إن واحد يدخلها بدل ما يـدخل مجال هو كارهه عشـان بس مجموعـه مجبهـاش .. انت هـنا حكاية الرضـا ملهاش دعوة .. لو هـ تجبيها من ناحية الدين وده طبعا انا موافق عليه ومؤيده جدا .. يبقـي الشخص يدور علي اللي هـ ينفع بيه دينه ومجمتعه أفضـل من إنه يدخل مجـال هو مش حابه ومش هـ يعمل فيه حاجة وهـ تبقي حياته روتينية معتادة مفيهاش اي جديد .. أما عن اللي جايبين 70 ويدخلوا هـندسة .. صـراحة في ناس اعرفهم جايبين المجاميع ديه في أدبـي ومظلومين جدا جدا في كل المـواد .. أما إن واحد يـجبيها في علمي فـ اعتقد انه مش هـ ينفع أي حـد لما يدخل هندسة بـ المجموع ده بس هـ يبقي اسمه " مهندس " .

أنـا مع الجامعـات الخاصة لو داخلـها وعندك هدف إنك حـابب المجال بـتاعها وحاسس ان الحـاجة اللي استرقت منك في الثـانوية بـ المجموع تقـدر تدخلها بـ فلوس وتنجح فيهـا .. أما اللي داخلين عشان أسـم " مهندس " أو " دكتـور " فـ دول ميستحقوش اساسا يدخلوا ثانوية عـامة .

m0ony

05-08-2009, 07:21 PM

هى الصراحة حلوة فى حاجات ووحشه فى حاجات

يعنى اللى جايبين 75 وبيخشوا طب دول انا مش معترفه بيهم ولو اعرف مش هروح تعالج عندهم كمان هههههههههههههه

لكن برضوا اللى جايبين درجات قليله مش هيروحوا ينتحروا

وكلوا وضميرواااااااا

booooooooody

05-08-2009, 07:27 PM

أنا ضد الجامعات دى
لاااااااااااااااااااااااااااااااااا للجامعات الخاصة اللى بتساوينا بأصحاب السبعينات

zizok

05-08-2009, 07:32 PM

أنا ضد الجامعات الخاصة كفاية البوظان اللى فيها و الفشلة
أنا أعرف حكايات غريبة عن الصياعة اللى فى جامعة 6 أكتوبر
و دى حاجة أكيده لإن معظم اللى داخلينها مالهمش حق فيها

M.E.M.s

05-08-2009, 07:35 PM

أنا ضد الجامعات دى
لاااااااااااااااااااااااااااااااااا للجامعات الخاصة اللى بتساوينا بأصحاب السبعينات
لا لحد كدة لأ أى نعم أنا ضد الجامعات الخاصة لكن مش ضد اللى جايبين 70%
يمكن ده لظروف او علشان قدرتهم
أنا بس ضد فكرة انهم يبقوا مهندسين بعد كده

dr/amera

05-08-2009, 08:28 PM

انا كليه صيدلة ان شاء الله القاهرة لكنى الجامعات الخاصةانا بصراحة بايدها وبرفضهابايدها لان بتكون فيه ناس بجد ممكت تتعب على الامتحانات جامد وبالتالى بتضيع فرصة كلياتن القمه لها فبالتالى حكاية الجامعة الخاصى افضل ليهالكن برفضها لان احيانا بيدخلها ناس مجموعها قليل كمان كانت مش بتذاكر وتتدخل كليات القمة لكن ربنا يوفق الكل ان شاء الله

انا قريت كل المشاركات المكتوبه بس للأسف فى مشاركات كتير معجبتنيش
فى الهجوم ع الكليات الخاصه.
الاانتى يا دكتوره عجبنى اوى رأيك وهو بالضبط الكلام اللى كنت عايزة اقوله
بهنيك على سلامة عقلك وعلى اسلوبك.
انا عن تجربه اعرف ناس كتير تعبت فى الثانويه العامه وفى الاخر حظهم مع التنسيق كان وحش
ومؤيده تماما لدخولهم الكليات الخاصه لويقدرو ولو مجتش الفرصه يبقى برده خير
لان فى الحالتين لازم نرضى باللى ربنا قسمه وبأن الله بيحطنا فى المكان الافضل
وبعدين عمر مكان الرضا بالقدر وحده مهم لكن لازم الاخذ بالاسباب
ده اللى ديننا قال عليه.
وبعدين _ان الله يحب ان يرى نعمته على عبده_

المشكله فعلا فى الموضوع ده ان فى ناس بتتعب نفس التعب ومبتلاقيش للأسف فرصه انها
تدخل الكليه اللى بتحلم بيها
ودى مشكلة الدوله ..........
التصرف اللى ممكن نعمله اننا نساعد الناس دول

وعلى فكره انا زميلتك برده فى كلية صيدله
بس اسماعيليه وتقبلى منى الهديه دى
بدل الجلاكسى وهو الشعار اللى بيربطنا ببعض
http://tbn2.google.com/images?q=tbn:nE3iLTe0nrPWZM:http://www.topgraphic.com/arabic/images/ph.jpg

hamada kiko

06-08-2009, 12:05 AM

انا فى صيدلة القاهرة لو حد معايا يرد عليا ويقولى

لولو77

06-08-2009, 12:09 AM

عارفين انا مجموعى
84,5%
واللى عمل كده
كانت فيزياء السنة
اللى فاتت لو فاكرين
ورياضة السنة دى
وجالى تجارة انجلش
الحمد لله
بس محدش يقدر يعرف
الاحساس اللى انا حاسه
لما واحد زميلى مايعرفش
اى حاجةفى اى حاجة
ومجموعه 69%
وربنا كرمه ودخل
هندسة خاصة
وعقبال عندكم:angry2:

heba 77

06-08-2009, 12:16 AM

انا ضد الجامعات الخاصه اولا لانها بتقدم مستوى احسن تعليميا (طبعا بعضها مش كلها ) ونضافه وكدا فاللى معاه فلوس هو اللى بيتعلم صح انا اعرف نااس جابوا مجاميع عاليه ودخلوا الجامعه الالمانيه عشان طبعا احسن وفى ناس جايبه اعلى منهم (العبده لله) وهتتبهدل فى الحكومه
واعرف واحده جايبه 91 وهتدخل طب ليه ماهى كانت بتذاكر نفس مناهجى وامتحنت نفس امتحانى تتساوى بيا ليه ويمكن لها افضليه لان انضف

heba 77

06-08-2009, 12:18 AM

:abdoog8:انا ضد الجامعات الخاصه اولا لانها بتقدم مستوى احسن تعليميا (طبعا بعضها مش كلها ) ونضافه وكدا فاللى معاه فلوس هو اللى بيتعلم صح انا اعرف نااس جابوا مجاميع عاليه ودخلوا الجامعه الالمانيه عشان طبعا احسن وفى ناس جايبه اعلى منهم (العبده لله) وهتتبهدل فى الحكومه
واعرف واحده جايبه 91 وهتدخل طب ليه ماهى كانت بتذاكر نفس مناهجى وامتحنت نفس امتحانى تتساوى بيا ليه ويمكن لها افضليه لان انضف اذا كان اوائل الثانويه بقى بيدخلوا خاص عشان تعليم احسن

دا غير اللى مش جايبين حاجه وويطلعوا داكتره ومهندسين ليه يعنى البلد دى بلد فلوس معاك اهلا وسهلا مش معاك ما تلزمناش

carpon

06-08-2009, 01:23 AM

انا واحد من الناس فرقت معايا الحاسبات علي كلام فاضي
مطلوب مني اعمل ايه
اخش مجال انا مش حابة سواء تجارة او حقوق
و لا اخش المجال الي انا عايزة خاص
ويعلم ربنا انا اتظلمت قد ايه في التصحيح السنة دي
و كل واحد و نيتة
في الي داخل عشان يبقي حاجة و يذاكر و بيدور علي حاجة خاصة كويسة
وفي الي بيبقي داخل عشان اللقب بس و دة بيبقي مقضيها و بياخد السنة في اتنين و زي ما في الوحش في الخاص في الوحش في الحكومة و لا ايه ؟؟

HANCOOCK

06-08-2009, 02:00 AM

انا من راي الجامعات الخاصه افضل من الجامعات الحكوميه الف مره

و التعليم فيها احسن

MuHaMeD kHaLeD

06-08-2009, 02:47 AM

الجامعات الخاااااصه حلوه

و كويسه و احسن تعليم

M.E.M.s

06-08-2009, 07:56 AM

شكراااااااااااا على الردود

elmadawy

06-08-2009, 09:19 AM

الكليات الخاصة دى وهم كبير حرام عليكم واحد تعب وشقى 24 شهر متواصل دروس ومذاكرة والمجموع يفرق معاه نصف درجة على صيدلة واللى جايب 79 يدخل علشان معاه فلوس دا طالب فاشل وحيطلع صيدلى فاشل ليه الدولة بتعمل فى الى تعب بمجهوده كدة المفروض الكليات الخاصة تفرق 1% فقط عن الكليات الحكومية مش 65 % تدخل هندسة خاصة مش دا حرام

كــارمن

06-08-2009, 09:39 AM

انا جايبة 96% وملحيقتش حاجة

يبقى حلال ولا حرام ادخل جامعه خاصة

بارقة امل

06-08-2009, 08:09 PM

المجموع في الثانوية ده مبيجيش من المذاكرة والدروس والتعبوالذكاء بس
هو انك تجيب مجموع ده بيعتمد على توفيق ربنا
يعني ممكن واحد مخه نضيف جدا وميجبش حاجة مكن لان ربنا موفقوش وده نصيبه او ممكن يحصله ظروف في الامتحان او قبله او ممكن اي حاجة
وممكن واحد مذاكرش خالص وربنا يوفقه (زيي كده) مذاكرتش كتير السنادي ودخلت طب زي الناس الللي ذاكروا وده طبعا توفيق من عند ربنا
ايوه انا ضد الكليات الخاصة ولكن مش في كل الاحوال ممكن واحد يكون اجدر انه يدخل طب اكتر من اللي دخلوها وجايبين مجاميع عالية لكن حصله اي حاجة
ده طبعا مجرد راي

M.E.M.s

06-08-2009, 08:29 PM

شكراااااااااااا على الرأى

7med@

07-08-2009, 01:01 AM

انا مش بعترف بيها

لأنها ظلم واللي معاه فلوس يدرس اللي نفسه فيه والعكس صحيح
وياريت في الأخر بيتعلم لأ كلها قلة أدب ومسخرة و.....................
وهل بعد التخرج هيتساوي طالب الجامعة الحكومية وطالب الجامعة الخاصة ؟؟؟
لا طبعا لأن المجموع اللي جابه من الأول في الثانوية لا يؤهله اساسا للدراسة الجامعية في هذه الكلية من كليات القمة
ومش شرط كليات القمة لو مجموعه مجابهاش ممكن اي كلية تانية والنجاح غير مرتبط بالكلية ممكن واحد خريج تجارة او حقوق ويبقى احسن من 100 مهندس أو دكتور

7med@

07-08-2009, 01:21 AM

الجامعات الخاااااصه حلوه

و كويسه و احسن تعليم

الدعوة اللي في توقيعك دي غريبة اوي و حلوة اوي
يارب افتح لي باب علم لم يفتح لاحد من قبلي
زي اينشتاين كده لما اتفتح له باب النظرية النسبية

Ma7moud_442

07-08-2009, 01:51 AM

بس بقى كفاية ههههههههههههههههههههههههههههههه تعبت من الراء الكتير
بصوا بقى انا هقولكوا رأى واللى يحصل يحصل
حرام جدا يبقى واحد ملحقش هندسة مثلا ويدخل هندسة عشان معاه فلوس واللى زيه بالظبط من عامة الشعب اللى كلهم من الطبقة المطحونة يترمى فى حاجة دا كدا التعارض مع الخاص اللى انا شايفه لانه مينفعش انا يبقى جايب مجموع وعشان معيش فلوس واحد تانى معاه فلوس يدخل احسن منى لان كدا بيزود الفروق بين الاغنياء والفقراء لان الغنى هيفضل غنى والفقير هيفضل فقير

ممكن التعليم الخاص يبقى أفضل بس لو بقى بتنسيق يعنى يبقى اقل من الحكومى ب 3% مثلا
كدا معقوله

محمد نوكيا

07-08-2009, 02:00 AM

انا من صغرى كان نفسى ادخل هندسة بس راحت عليا انا زعلت فى الاول كتير لكن الزعل خف و اصحابى قالولى اكيد لو دخلت هندسة مش هتمشى فيها و طبعا هتكون شر ليك على فكر انا قبلت حاسبات فيه حد معايا

mena288

07-08-2009, 04:40 AM

طبيبة ان شاء الله

07-08-2009, 04:47 AM

على فكرة الجامعات الخاصة انا شايفة بقى مستواها احسن من الحكومية ومش كل اللي داخلين فيها بيبقو فشلة وبعدين البوظان في كل مكان مفي الجامعات الحكومية بوظان قد كدة وبعدين المجموع بتاع الثانوية مش مقدار للطالب لانه توفيق من عند ربنا وبعدين عمر مالطالب اللي اصلا فاشل هيتساوى بالطالب الناجح ده بيفرق في الدراسة وفي التقديرات انا بقول كدة لاني متاكدة من الكلام اللي بقولو يعني مثلا انا صحبتي جايبة 94.5 وجايلها حقوق هتدخل خاص مثلا معاها طالب جايب 70 ودخل بردو صيدلة خاص هل هما الاتنين هيبقو ماشيين فب الدراسة زي بعض لا طبعا وبعدين انا برجح الخاص في حالة اني ملحقتش كلية انا عاوزها مش اروح ادخل اي كلية وخلاص يعني مثلا ابن خالتي كان عاوز طب وجاب في تانية 96 فحول رياضة علشان هوة مكنش ضامن وجتله هندسة واستغنى عن حلمه وفي الاخر مش ماشي في الكلية ومش عاوزها ومكمل فيها كدة وبعدين موضوع الجامعات الخاصة ده عيب من الحكومة مش اكتر لو احنا على النظام الامريكي كان كل واحد بان مستواها في الدراسة صح ودخل الكلية اللي يستحقها فعلا ما في ناس بردو بتبقى حجايبة 98 وببقى شايفة انها متستهلش ليه علشان انا ذاكرت سنين علشان اوصل للمرحلة ده وابقى ناجح واجيب المجموع ده لكن دول بييجو على الثانوية ويذاكرو مدول بردو انا شايفة انهم ميستهلوش مع ان في واحد ممكن يذاكر سنين حياته كلها وفي الثانوية ميجبش لكن كل ده توفيق من عند ربنا فقط مش اكتر

طبيبة ان شاء الله

07-08-2009, 04:51 AM

asmaa_samakah

07-08-2009, 08:44 AM

اولا /اؤيد الجامعات الخاصه كل التأييد وذلك للأسباب الاتيه

1- البعض يقول ان تلك الجامعات بتساوى الى جاب مجموع الكليه الحكوميه مع الى مجبش
ذلك القول فى حد ذاته يدل على ان الكليه (مثلا لو فرضنا الهندسه) هى الهدف ولكن هذا ليس صحيحا فالكليه ليست هى الهدف
ولكنها بدايه
وكما انه الحاصل على 70/80 فى المائه لا يعنى بالضروره انه انسان فاشل بل ربما يكون يملك المهاره والذكاء اعلى ممن حصل على 101 % والتاريخ يثبت من العلماء والمفكرين
لماذا لا نعطى هؤلاء الفرصه مره اخرى ليثبتوا انفسهم

2- الجامعات الخاصه لهل مصروفات وذلك لانها لا تمول من الحكومه ولتقديم تعليم افضل وعند المقارنه مثلا بين هندسه الخاصه
العاشر تجد ان مناهجها اصعب من مناهج اى جامعه حكوميه هندسه فى مصر واكثر شموليه و تعمقا وامتحانتها ايضا
منظمه وتعد بصوره فائقه النظام وانظروا الى درجه الصعوبه مثلا من امتحانات العاشر للعام السابق لطلبه اعدادى وامتحانات جامعه عين شمس الى تلقب بانها اصعب كليه هندسه فى مصر وابلغونى بالفرق !!!!!!
ولذلك انى ارى ان خريج الجامعه الخاصه يكون اكثر تأهيلا من اى جامعه حكوميه مع ان سوق العمل يطلب الحكومى

3- البعض يقول ان تلك الجامعات تشترى العلم بالمال
سحقا !!!! والدروس الخصوصيه الذى كان البعض ياخدها وشراء الكتب كل هذا ماذا يسمى ؟؟؟

4- لماذا يا اخوانى نعتبر دخول الكليه هو نفسه الانجاز ما تسيب الى عايز يخش الهندسه يخش والى عايز طب يخش بالفلوس مش بالفلوس خليك فى حالك المهم تثبت كفأتك ونفسك وتبين انك جدير بحفظ لقب مهندس او صيدلى و البعض يقول ان الجامعات الخاصه تسهل الاجتياز منها هذا الكلام غير صحيح والمناهج والناس والامتحانات بتقول العكس

5- المبادىء هذه رجعيه ومازالت تحمل الجهل والتخلف فى رحابها ومواعيها الجامعات الخاصه فى كل الدول المتقدمه ولكن ما زال يحمل البعض منا نظره التمييز بالماده مع ان هذا من المفترض لا يفرق مع شخص حاصل على مجموع عال لانه يعلم انه سيكون الاكثر مهاره والاكثر علما والاكثر طلبا لسوق العمل انما غير ذلك فهى نظره حقد
انا أؤيد رأيك تماما وقبل ماحد يقول اه تلقيها جايبه مجموع كده علي قده الحمد الله انا دخلت هندسه كفر الشيخ وجايبه اكبر من مجموعها تمام اللي عايزه اقوله انا اول ماقريت الموضوع والردود زعلت جدا لان الناس فاهمه اناللي جاب مجموع عالي اذكي وافضل ماللي جاب مجموع علي اده احب اقول ان الرأي ده مش تمام من وجهه نظري علي الاقل لان الثانويه العامه عمرها مكانت هي اللي بتحدد مين ينفع يبقي حاجه او مين كويس ومين مش كويس وده في حد ذاته هو الي مبوظ التعليم المصري في بره مثلا من الاول خلص بيشوف ميول الطفل ايه وبيحدده طريقه مش بقي علي اساس المجموع والحجات دي لا علي اساس هو حابب ويقدر يعمل الحاجه دي وعمر المجموع هو اللي يبقي مقياس انك ممكن تبقي مثلا دكتور او مهندس او مدرس اولا ميولك وقدراتك هم دول الاساس كتير دخلو هندسه وطب وكانوا جايبيين مجاميع عاليه طبعا وفشلوا في الكليه لان ميولهم وقدراتهم كانت في حاجه تانيه هما مدخلوش فيها وعلي فكره انا كنت ممكن اكمل علمي علوم كان ممكن مجموع يساعدني بس انا الحمد لله كنت محددد هدفي قبل حتي مدخل ابتدائي لان ابويا وامي هم اللب لاحظوا في القدرات دي ونبهوني انا اقدر ابقي حاجه بأذن الله في مجال الهندسه
معلش طولت عليكم بس انا استفذني قوي الناس اللي فاهمه انا اللي جاب مجموع عالي افضل من اللي مجب وعالي فكره كل انسان عنده عقل بيفكر زي اي انسان المهم يستخدمه مفيش حد اسمه غبي وحد اسمه ذكي في واحد بيستخدم النعمه اللي ربنا وهبها ليه وواحد لا

M.E.M.s

08-08-2009, 12:10 AM

شكرااااااااااااااااااااااا

mezogo

09-08-2009, 02:17 AM

mezogo

09-08-2009, 02:23 AM

انا اعرف ناس جايبين 98% و 95% والله العظيم بالغش وداخلين كليات حكومية دول بقى هما الى هيصلحو البلد صح !؟ وفى ناس جايبة اقل من 80% ومخها نضيف جداً جداً بس عايزة فرصة تانية بلاش انانية يا شباب واتمنى لغيرك الخير

واحد اتخنق من الجهل

ayala

09-08-2009, 08:42 AM

على فكرة لو واحد فيكم كلكم مكنش جاب الكلية اللى هو عايزها كان دخل خاصة
مش ممكن يكون فى ناس كويسة اصلا واتظلمت فى التصحيح و عايزه تعوض

M.E.M.s

09-08-2009, 11:53 AM

الجامعات والمعاهد الخاصة افضل مليون مرة من الحكومية نضافة وتعلم افضل والاخوة الى متضايقين اوى ان فى ناس اقل منهم داخلين هندسة بلاش حقد وغل قول ربنا يكرمه مش تعد تقول حسى الله ونعم الوكيل هوة عمل حاجة حرام ولا ايه مش فاهم تانى حاجة الى بقى يقول الجامعات الخاصة وحشة يبقى ده من القرن الماضى انا جايب مجموع ادخل بيه كلية حكومية محترمة بس انا دخلت هندسة خاصة عشان عارف انى هتعامل مع ناس محترمة وفاهمة والمكان الى هدرس فيه نضيف وراقى والاخوة الى جايبين درجات عالية اوى والنبى بلاش حقد وغل طلاما انتو مبتحبوش حد يحسدكو على الدرجة بتعتكو ا يبقى بلاش حقد وغل والنبى

واحد اتخنق من الجهل

أولا ما تقولش و النبى
لأنه من حلف بغير الله فقد أشرك
ثانيا كون اننا نعارض الجامعات الخاصة فده مش حقد و لا غل ده حقنا أنا مش عندى مانع ان واحد يجيب أقل درجة فى المية و لا اتنين و يدخل جامعة خاصة
الاعتراض ع اللى جايب 70 و 80 و يتساوى باللى تعب و جاب 99
و لو بقى مشينا بنظام ان الطالب اللى جاب 80 و لا 70 عايز فرصة تانية يبقى البلد خربت
و على فكرة مستحيييييييييييييييييييل واحد يكون جاب 98 بالغش و حرام شك و ظلم ف الناس
ما أنا برضه الحمد لله جايب 99.55
و ياما ناس حقودين قالوا انى غشاش لغاية ما جيت ف لجنة كلها أدبى و مستواها متوسط و أدينى جبت المجموع ده و الحمد لله

M.E.M.s

09-08-2009, 11:55 AM

على فكرة لو واحد فيكم كلكم مكنش جاب الكلية اللى هو عايزها كان دخل خاصة
مش ممكن يكون فى ناس كويسة اصلا واتظلمت فى التصحيح و عايزه تعوض

مين قال ان كل اللى نزل يدخل خاص أنا عندى فى أسرتى مبدأ ان مفيش حاجة اسمها خاص

___omar___

09-08-2009, 02:59 PM

مين قال ان كل اللى نزل يدخل خاص أنا عندى فى أسرتى مبدأ ان مفيش حاجة اسمها خاص

يعني حضرتك عايز تفهمنا انه لو (لا قدر لله يعني) مكنتش جبت مجموع الكلية اللي انت
عاوزها وانت متاكد انك اتظلمت في التصحيح او انك فعلا تعبت وكنت تستحق اكتر من كده
كان عادي يعنى انك بعد التعب فى المواد العلميه ترمي كل ده على الارض وتدخل تجاره مثلا عشان حكومة ولا ايه؟؟!!!!! ( طبعا مع احترامي للي دخل تجاره )

وبعدين الجامعات الخاصة ما بتساويش الناس ببعضها ولا حاجة لانه ببساطه ممكن اى حد يدخل الكلية
اللي عاوزها خاص ..بس مين قللك انه لو قدراته العقلية قليلة انه هيمشى فيها؟؟؟؟

انا مثلا الهندسة فرقت معايا على 2% ...هل ده معناه انى متعبتش مثلا والمفروض بقى انه بعد ما طلع عيني طول السنتين في الكيميا والفيزيا والرياضة اروح ادخل اى حاجة ولا ايه ..ده حتى يبقى حرام ...ولانت رايك ايه؟؟؟؟؟

براءة

09-08-2009, 03:23 PM

mezogo

09-08-2009, 03:30 PM

مين قال ان كل اللى نزل يدخل خاص أنا عندى فى أسرتى مبدأ ان مفيش حاجة اسمها خاص
طيب حضرتك عندك مبدا ان مفيش حاجة اسمها خاص جاى بقى تكره الناس فى الخاص ولا ايه مش فاهم ؟ هنفضل كدة طول عمرنا بنتكلم وخلاص حضرتك مش عايز كليات خاصة صح؟! اكتب كدة وخلاص متعدش تقول حسبى الله ونعم الوكيل وظلم وعدل والكلام ده عشان انتة لو مدخلتش الكلية الى انتة عايزها هتحس بندم شديد لاكن الايدو فى المية مش زى الى ايدو فى النار يعنى حضرتك ما شاء الله جايب 99% خلاص بقى زعلان ليه لما واحد جايب 70% يدخل الى هوة عايزو ربنا يكرمه ولعلمك الخاص افضل من ناحية التعليم والنضافة والمعاملة :078111rg3::078111rg3::078111rg3:

mezogo

09-08-2009, 03:32 PM

يعني حضرتك عايز تفهمنا انه لو (لا قدر لله يعني) مكنتش جبت مجموع الكلية اللي انت
عاوزها وانت متاكد انك اتظلمت في التصحيح او انك فعلا تعبت وكنت تستحق اكتر من كده
كان عادي يعنى انك بعد التعب فى المواد العلميه ترمي كل ده على الارض وتدخل تجاره مثلا عشان حكومة ولا ايه؟؟!!!!! ( طبعا مع احترامي للي دخل تجاره )

وبعدين الجامعات الخاصة ما بتساويش الناس ببعضها ولا حاجة لانه ببساطه ممكن اى حد يدخل الكلية
اللي عاوزها خاص ..بس مين قللك انه لو قدراته العقلية قليلة انه هيمشى فيها؟؟؟؟

انا مثلا الهندسة فرقت معايا على 2% ...هل ده معناه انى متعبتش مثلا والمفروض بقى انه بعد ما طلع عيني طول السنتين في الكيميا والفيزيا والرياضة اروح ادخل اى حاجة ولا ايه ..ده حتى يبقى حرام ...ولانت رايك ايه؟؟؟؟؟ الله ينور عليك هوة ده الكلام :abdoog8::abdoog8:

mezogo

09-08-2009, 03:37 PM

طبيبة ان شاء الله

09-08-2009, 06:22 PM

دلوقتى دكاترة 6 اكتوبر بيتكلفوا زيهم زى الحكومى
اللى يغيظ بقي انهم بيتكلفوا بتقدبراتهم
يعنى بتوع الخاص تقديراتهم كلها فى العالى بفلوسهم
ييجى تكليفهم جنبهم
والحكوميين اللى بيفهموا عنهم يتكلفوا ف اخر الدنيا وده لان تقديراتهم حقيقية مش مبالغ فيها زى الخاص
ده ظلم بقي ولا عدل؟ iهوة فيه ايه يا جماعة اولا انا هعلق انك متتهمش حد انه مبيفهمش لانك متعرفش هوة بيفهم ولا مبيفهمش وبعدين ممكن يبقى في حكومة ومبيفهمش ثانيا حضرتك ايه اللي مدايقك انت دخلت طب وشايف نفسك اجمد من بتوع الخاص هات تقدير هوة حد يعني هيمنعك واتمنلهم الخير وبعدين هما يعني سبب ان خريجين الجامعة الحكومية مجبوش تقدير وطب وهما مالهم وبعدين انا حاسة ان الحوار والنقاش اتحول بقى خناقة

___omar___

09-08-2009, 06:56 PM

دلوقتى دكاترة 6 اكتوبر بيتكلفوا زيهم زى الحكومى
اللى يغيظ بقي انهم بيتكلفوا بتقدبراتهم
يعنى بتوع الخاص تقديراتهم كلها فى العالى بفلوسهم
ييجى تكليفهم جنبهم
والحكوميين اللى بيفهموا عنهم يتكلفوا ف اخر الدنيا وده لان تقديراتهم حقيقية مش مبالغ فيها زى الخاص
ده ظلم بقي ولا عدل؟

انا عايز اقولك ان مش معنى ان واحد جاب 99% انه اذكى من اللي جاب 90 او 80 فى الميه لان الثانوية عمرها ماكانت مقياس الذكاء بدليل ان اوائل الثانوية العامة نفسهم مش كلهم بيبقوا بعد كدا علما ودكاتره

يعني ممكن واحد يبقى جايب اقل من واحد تانى في الثانوية بس بيفهم عنه ومخه انضف منه....بس بيبقى ربنا هو اللي عايز كده مش اكتر....

mezogo

09-08-2009, 07:19 PM

والله مش عارف اقول ايه واحد جايب 99% عاااااااااااااااااااااااااااااايز ايه تانى يا جدع ماتسيب الى يدخل هندسة يدخل والى يدخل طب يدخل ان شالله جايب 50%

انتة مش شايف انك اذكى واشطر منو خلاص زعلان ليه مهوة لو مش شاطر مش هيعدى من الكلية ديه خلاص بقى بلاش نفسنة وحقد

والحمد الله فى ناس بتفهم ما شاء الله عليهم طبيبة ان شاء الله (http://www.thanwya.com/vb/member.php?u=228153) و ___omar___ (http://www.thanwya.com/vb/member.php?u=286670)

طبيبة ان شاء الله

09-08-2009, 08:23 PM

mezogo

09-08-2009, 10:39 PM

والله فعلاً الموضوع يتلخص فى كلمة <فيها ايه> المشكلة اول لما دخل اشوف التعليقات لقيتهم عمالين يقولو حسبى الله ونعم والكيل على الى يدخل الكليات الخاصة وده مش عدل ومش عارف ايه فبجد دمى اتحرق جايب 99% ومضايق اوى مش عارف ليه

M.E.M.s

09-08-2009, 10:41 PM

شكرا بس كل عضو ليه وجهة نظر المفروض الآخر يحترمها

carpon

10-08-2009, 02:35 AM

M.E.M.s

10-08-2009, 01:06 PM

شكرا على ذوقك
و يا دكتور أنا الحمد لله مش مغرور انت شايف كده فده وجهة نظرك
أنا بس علشان مش بحب الظلم
و شكرا مرة تانى و أنا أحترم رأيك

mezogo

10-08-2009, 07:11 PM

mezogo

10-08-2009, 07:16 PM

شكرا على ذوقك
و يا دكتور أنا الحمد لله مش مغرور انت شايف كده فده وجهة نظرك
أنا بس علشان مش بحب الظلم
و شكرا مرة تانى و أنا أحترم رأيك
والله انا محترم رئيك بس مش بالطريقة ديه والله العظيم احنا نفتخر ان فى واحد فى وسطينا جايب 99% وربنا يكرمه
لاكن عمرى فى حياتى مهقول ده غشاش او اطلع اى حجة وخلاص او اعد اقول حسبى الله ونعم الوكيل ده جايب اكتر منى

المهم احنا بنتفاهم هيا مش خناقة :040vk0:

ربنا معانا كلنا ان شاء الله عشان الكلية او المعهد او الاكاديمة هيا ديه بداية الحياة مش نهايتها

يلا كلو يفرفش كدة :av4056bb7jp3::av4056bb7jp3::av4056bb7jp3:

Emin3m

10-08-2009, 11:39 PM

برضة لسة عندنا في مجتمعنا عقدة الغرور

ياعم انت ربنا كرمك و جبت 99% ايه الي مزعلك لما واحد جايب ان شالله 50% و دخل طب مش عايزة يبقي زيك
عايز تبقي احسن منة و خلاص
الكلية مش هيا نهاية المطاف
لا ممكن يمشي في الكلية وممكن لا
و علي فكرة كليات القمة بتعتمد اكتر علي الابداع و دة الي هيفرق
مهو ممكن واحد جايب 98% عشان عندة ملكة الحفظ كويسة جدااااا يعني يشوف ورقة يخزنها في عقلة
و ممكن واحد جايب 80% و بيفهم و عندة ابداع احسن من ابو 98%
و لو فاكر ان التعليم الخاص كلة بالفلوسو بننجح بفلوسنا زي ما بتقول
يبقي هندسة الشروق مكنش يبقي في ساقطين و مكنش يبقي فيها تقديرات متنوعة و لا هتقولي الي بيدفع اكتر بياخد تقدير اعلي
و علي فكرة اول كلمة في اول محاضرة عندنا في الكلية " اوعي تفتكر انك بتتعلم بفلوسك "
و كمان الدكاترة من عين شمس و القاهرة و شبرا
يعني مش جايبين عم عبدو البقال يدرس

و كفاية ان طلبة الخاص " الشروق و العاشر " الاربع سنين الي فاتو واخدين مراكز متقدمة في مسابقة روبوكون العالمية
و لا دي كمان بالفلوس

سيب الناس تخش الي هي عايزاة و بلاش نبقي مغرورين و

أنا معاك في كل حرف كتبته لأن أنا السنادي الحمد الله عملت اللى عليا ومن غير غرور الواحد كان مخلص 7كتب فيزياء و3 كتب رياضة ومخلص العربي من شهر11 وجبت بعد كل دة في السنتين 90% ومحصلتش حتى حاسبات فربنا وفقني ودخلت هنسة الشروق.
............................................
فالريس اللى بيقول اني الجامعات الخاصة ظلم بقولة حط نفسك مكاني وشوف اية هيكون احساسك لما تتساوى مع واحد اخد السنة كلها لعب وخروج وتدخ زيك زية.
.............................................
ارحموا من في الارض يرحمكم من في السماء

الرحمة حلوه برضوا

M.E.M.s

11-08-2009, 01:53 PM

أنا معاك في كل حرف كتبته لأن أنا السنادي الحمد الله عملت اللى عليا ومن غير غرور الواحد كان مخلص 7كتب فيزياء و3 كتب رياضة ومخلص العربي من شهر11 وجبت بعد كل دة في السنتين 90% ومحصلتش حتى حاسبات فربنا وفقني ودخلت هنسة الشروق.
............................................
فالريس اللى بيقول اني الجامعات الخاصة ظلم بقولة حط نفسك مكاني وشوف اية هيكون احساسك لما تتساوى مع واحد اخد السنة كلها لعب وخروج وتدخ زيك زية.
.............................................
ارحموا من في الارض يرحمكم من في السماء

الرحمة حلوه برضوا

يا ريت تركز اكتر فى الكلام أنا قولت اللى جايب 50 و 80 و 60
ما قلتش 90
و بعدين انا قلت مش عندى مانع انه يكون اقل بواحد و لا تلاتة ف المية

شريف ابوالنصر

12-08-2009, 02:09 AM

انا بايد الكليات الخاصة لانى داخلها انا داخل طب خاص واتحدى اى واحد داخل طب حكومى ان دماغة انطف من دماغى او احسن منى وباذن الله هبقى احسن من اى دكتور عادى وبعدين التعليم فى الخاص احسن من الحكومى واعرف ناس كتير جابت مجموع طب عادى ودخلت خاص وبعدين انتم مزعلين نفسكم لية واحد معاه فلوس يخش الى هو عاوزه امال يضيع نفسة ياجماعة لية يعنى وبعدين طلام ماواحد معاه فلوس يقدر يسافر امريكا وياخد طب من هناك ويجى معاه شهاده وبيفهم من اجعصها دكتور فيكى يامصر

M.E.M.s

12-08-2009, 02:21 AM

™ Ī ДӍ ҊǾŦ ДLΣǤΣҊÐ

12-08-2009, 08:40 AM

معلش حد يتأكدلنا من الخبر ده :D

http://www.google.com.eg/search?hl=ar&safe=active&client=firefox-a&rls=com.ubuntu:en-US:unofficial&hs=gon&ei=SmyCSqfdOo2KnQOmn-3vCw&sa=X&oi=spell&resnum=0&ct=result&cd=1&q=%D8%A7%D9%84%D8%B3%D9%85%D8%A7%D8%AD+%D9%84%D8%B 7%D9%84%D8%A7%D8%A8+%D8%A7%D9%84%D8%B9%D9%84%D9%85 %D9%8A+%D8%A7%D9%84%D9%85%D8%AA%D8%A3%D8%AF%D8%A8+ %D9%84%D8%AF%D8%AE%D9%88%D9%84+%D9%83%D9%84%D9%8A% D8%A7%D8%AA+%D8%A7%D9%84%D9%87%D9%86%D8%AF%D8%B3%D 8%A9+%D9%88%D8%A7%D9%84%D8%AD%D8%A7%D8%B3%D8%A8%D8 %A7%D8%AA+%D9%85%D9%87%D8%B2%D9%84%D8%A9+%D8%AA%D8 %B9%D9%84%D9%8A%D9%85%D9%8A%D8%A9+%D8%AC%D8%AF%D9% 8A%D8%AF%D8%A9+%D9%84%D8%A5%D9%86%D9%82%D8%A7%D8%B 0+%D8%A7%D9%84%D8%AC%D8%A7%D9%85%D8%B9%D8%A7%D8%AA +%D8%A7%D9%84%D8%AE%D8%A7%D8%B5%D8%A9+%D9%85%D9%86 +%D8%B3%D9%86%D8%A9+%D8%A7%D9%84%D9%81%D8%B1%D8%A7 %D8%BA&spell=1

معلش بقى اللينك كبير شويه :D

Emin3m

12-08-2009, 02:42 PM

يا ريت تركز اكتر فى الكلام أنا قولت اللى جايب 50 و 80 و 60
ما قلتش 90
و بعدين انا قلت مش عندى مانع انه يكون اقل بواحد و لا تلاتة ف المية

طاب واللى جايب 89؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عند حضرتك مانع انة يكون اقل ب4%؟؟؟؟

mohamed1992

12-08-2009, 03:40 PM

عاملين ايه يا جماعة
انا رأيى ان الخاص زيه زى العام
مع ان فرص العمل للعام اكتر
انا داخل هندسة خاص
جايب 91% و كان نفسى ادخل هندسة

mohamed1992

12-08-2009, 03:48 PM

والأساتذة عندنا من جامعة المطرية
و اشراف كامل من المطرية
بس اللى مضايقنى واحد صحبى جايب 70% و داخل معايا

___omar___

12-08-2009, 04:01 PM

والأساتذة عندنا من جامعة المطرية
و اشراف كامل من المطرية
بس اللى مضايقنى واحد صحبى جايب 70% و داخل معايا

وليه تضايق نفسك ؟؟؟...دلوقتى صحبك ده لو قدراته العقلية مش كبيره مش حيقدر يكمل في هندسة اما لو قدر يبقى هو فعلا يستحق انه يكون مهندس لان الثانوية العامه عمرها ما كانت مقياس للذكاء لان ببساطة نظام التعليم الثانوي نظام فاشل...

وانا زيك ملحقتش اى حاجة ودخلت هندسة الشروق وكنت جايب 90.9%:lol::lol:

dr.remo

12-08-2009, 06:34 PM

التعليم الخاص كان زمان ظلم لانه كان بيقبل الطلبة باى مجموع لكن دلوقتى الجامعات الخاصة بقا ليها تنسيق عندكم مثلا جامعة مصر للعلوم والتكنولوجيا بتقبل بشرى من 95 % والصيدلة 90% والاسنان 92% يعنى طالب زاكر وممكن اوى اوى يكون اتظلم
واللى بتفرق معاه على كام درجة دة بتيجى برده على دماغه وبيكمل مجموعه فلوس اقل حاجة دلوقتى بقت مثلا علاج طبيعى جامعة مصر ب 12 الف وصيدلة 20 الف وطلبة كلهم ممتازين واللى مستواه ضعيف مش بينجح برضه مفيش حاجة اسمها بينجح بفلوسه والمهم انهم فى الاخر بيتخرجوا دكاترة معترف بيهم

ESSAM.KASEB

12-08-2009, 08:00 PM

براءة

12-08-2009, 09:19 PM

كورابيكا

12-08-2009, 10:48 PM

ممكن نقول ظلم وممكن نقول عدل بس انا عندى عادى
لان واحد زى حلاتى مقداموش الا مودرن اكاديمى ومن بعدها ان شاء الله الشروق
انا جبت فى تانية ثانوى 93% وجبت فى ثالثة ثانوى درجة وحشة- بسبب حالة وفاه-عملو الاتنين 83.7%
عايزني اعترض على قضاء الله واقول مكنش المفروض ........والمفروض.....وكده يعنى
فـــــ فى الحالة دى عندى الخاصةموجوده وحل مش بطال وعدل
انما للفاشين اكيد.............................................. .......... ظلم
ولا انتو رايكو ايه

احلى حاجه انك راضى بالقضاااء والقدر لان مجموع تانيه عالى جداااااا بالنسبه لهندسه

وحاجه تزعل لما يكون سبب نزول مجموعك خارج عن ايدك لكن لازم تقول الحمد لله وتحس من قلبك

ان ده احسن ليك لأن ...........الخير فيما اختاره الله

ومش محتاج تسأل حد اذا كان عدل ولا ظلم
توكل على الله

M.E.M.s

13-08-2009, 12:30 AM

شكرا على الردود و انا احترم كل الآراء

Dr.Cheetah

13-08-2009, 06:24 AM

هيا مفيدة يعني انا معارض ان واحد ياخد 80 ويخش طب لكن اما يكون جتمعة تنشيقها 95 يبقي متهيألي اللي واخد 95 مش فاشل . وانا عن نفسي ليا 12 درجة ف التصحيح يعني اعمل اية بعد المجهود اللي عملتو اخش علوم لأ طبعا طب خاص وبعدين الفلوس ان هتعلم بيها مش هرميها ف الشارع

Dr.Cheetah

13-08-2009, 06:27 AM

البعلى99

13-08-2009, 05:19 PM

يا شباب من الاخر كدة كل حاجة بالفلوس بتمشى

Dr.Cheetah

15-08-2009, 06:23 AM

يا شباب من الاخر كدة كل حاجة بالفلوس بتمشى
مش للدرجادي يعني

M.E.M.s

15-08-2009, 03:15 PM

thanx
so much

الدكتورة ميرو

15-08-2009, 03:29 PM

انا عن نفسى شايفه الى بيخشوا المجموعة الطبية و خصوصا الطب فى اى جامعة خاصة عادى مش ظلم لان جامعة مصر للعلوم بتاخد طب من 95% وطب 6 اكتوبر بياخد من 91.5% يعنى مستويات عليا مش ناس يعنى فشله ناس عادية وفية اناس بتجيب مجموع طب عادى وتخش خاص بس طبعا واحد جايب 80% ويخش صيدلة او طب اسنان ده حراااااااااااااااااااااااااااااااااااام جدا

وعلى فكره انا داخلة طب المنصورة مش خاص اصل ممكن تفتكروا انى متحيزة للخاص اكمن انا داخلة لا بس انا شايفة الى يجيب فوق 91 لة الحق يخش اى كلية ولو جايب 95 ليه الحق يخش الكلية الى عاوزها من غير فلوس حتى

angil

16-08-2009, 01:22 PM

على فكره انا بعارض وفى نفس الوقت بوافق الجامعات الخاصه

بعارضها لو كان طال او طالبه جايببين 80 % مثلا وعايز يدخل طب
يدخل طب على نيله ايه ده عشان يموت العيانين وهو فاشل اصلا

وبوافقها لما يكون فرق معاه واحد او اتنين فى الميه على الحكومى

انا فى كليه خاصه فى اكاديميه اخبار اليوم
فرقت معايا نص فى الميه على اعلام حكومى
كنت اعمل ايه
اضيع حلمى عشان مزاج الوزير يعمل تنسيق اعلام عالى
ولا اعمل ايه

المعاهد الخاصه سلاح ذو حدين
بس فى معلومه احب اقولها فى الاخر
انا لما دخلت خاص زعلت وقلت اكيد التدريس بتاعها هيكون اقل من الحكومى
ولكنى اتفاجئت انى بدرس حاجات احسن واوسع وامتع من الحكومى
عشان كدا حمدت ربنا وعرفت ان النص فى الميه ده كان خير ليا

اتعلموا ان اى حاجه تحصل ليكم تقولوا لعله خير
ومحدش عارف الخير فين

M.E.M.s

17-08-2009, 05:00 PM

شكرا على الاراء

Dr.Cheetah

18-08-2009, 05:28 PM

يا جدعان انتو بتقولو كلام غريب ازاي طب يخشها %70 خاص دي جامعة 6 اكتوبر طب فيها 94% وجامعة مصر للعلوم 96% يعني فرقت اية ...... انا واخد 95% وليا حوالي 12 درجة في التصحيح كنت هخش بيهم طب اسنان حكومي قولولي اعمل اية ارضي بعلوم حكومي ولا اخش طب خاص و بعدين اللي يصرف فلوسو عشان يعلم ابنة ده مضيعهاش ف الهوا يعني و الجامعات دي فيها شدة وصرامة وكل الدكاترة ف جامعة مصر من القصر العيني و عين شمس يعني هي هي الحكومي و امكانيات فيها اكتر من الحكومي انتو عاوزين اية يعني

kemooo17

21-08-2009, 01:27 AM

على فكرة مش كل الجامعات الخاصة وحشة يعنى فى مثلا الجامعات الاجنبية مش بتقبل اى حد ياعنى لازم يكوم 100% في الانجليزي و مثلا الالمانية بتعمل iq تست امتحان درجة الذكاء و لازم تجيب اقل حاجة 149علشان تدخل وكمان من فوق التسعين يعني مش اى حد و السلام

محمد القناص

08-09-2009, 02:33 PM

اولا فى الدول الاوربية الى بيجيب50% لة الحق فى دخول اى كلية وهذا النظام لا يطبق فى مصر لانهم متخلفييييييييييين ونظام التنسيق الغبى انا عمى رياضة جايب 50من50 فى الرياضة 2 وجايب 47 فى الكميا و49فى الرياضة 1و 46 فى الفيزيا ثانيا مفيش اوسخ من التعليم الحكومى المصرى والدليل على كدة دوروا على اوائل الثانوية العامة ((العباقرة))حد سمع اساميهم بعد كدة:abdoog8:

Dr. R KH

08-09-2009, 05:02 PM

أساسا بعض الطلاب اللى أعرفهم اللى دخلوا خاص و بالأخص اللى دخلو جامعة الضيااااااااااااااااااع 6 أكتوبر فشلوا و ضاعوا ضياع ما بعده ضياع.

طيب و حضرتك متعرفش طلاب دخلوا جامعات حكومية و فشلوا و ضاعوا ضياع ما بعده ضياع برده
أخويا كان في جامعة الضياع اللي حضرتك بتتكلم عنها بس الحمد لله ماكنش فاشل وضايع و مش معنى انك تعرف ناس كده ان كل طلبة 6 أكتوبر فشلة كل مكان فيه ناس ناجحة و ناس فاشلة
و بعدين التعليم في الجامعات الخاصة أحسن 100 مرة من الجامعات العريقة بتاعتنا عندهم أحسن الأجهزة ده غير المناهج و ان كل طالب بياخد حقه في التعليم بالذات في الكليات العملية

اولا انا نسقت مرحله اولي وجالي معهد الطاقه اسوان
وطارة الهندسه علي درجه
الحمد لله
قاللولي في البيت ادخل خاص
لكن انا مرضيتش
يعني الواحد بعد ما ذاكر وكده يدخل خاص طيب ليه التعب والدروس و الحيره
تاني حاجه لو في فرص عمل هيكون الاولويه للعام طبعا
وكمان اغلب طلبة الخاص بيكون مستهترين
انا بقول اغلبهم مش كلهم علشان محدش يقول انتا عممت
وكمان نظرة المجتمع للخاص
علي ان الطالب فاشل
بينجح بفلوسه
واخد الشهاده بفلوسه وكده
________________________

أنا مش فاهمة هو الخاص ده عار مثلا لكن هي وجهة نظر أحترمها
و بعدين نظرة المجتمع دي عيب في مين في الطالب اللي المصحح ظلمه عشان مزاجة مش رايق و للا الجامعة اللي بتقدم أحسن تعليم و للا بعض اللاسعين اللي في المجتمع

مش مهم نظافة الكلية و لا معاملة الدكاترة و بعدين ده أكيد علشان الطلاب داخلين بالفلووووووووووووووس يعنى لو ما دفعوش الجامعة هتتخرب و الدكاترة مش هيشتغلوا
دول بيشتروا العلم بالفلوس
على كده انت رافض بردو المدارس الخاصة ماهي نفس النظرية
طب و ايه المشكلة في انك تدفع فلوس مقابل تعليم على مستوى

الجامعات الخاصه للأسف انا بعارضها ..
بتبقى حاجه جميله قووي ..لما واحد يدخل كليه حاببها بتعبو وبجهدو ..وبمجموعه الجميل ..ومش خاصه طبعا ..
احسن بكتير لما حد يبقى جايب مجموع مش قد كده ويدخل خاص!!!
اظن نظره المجتمع ليه هتبقى مختلفه شويه ..
معاكي انها بتبقى حاجة جميلة أوي لما الواحد يدخل كلية بتعبه وبردو بتبقى حاجة وحشة أوي لما الواحد يتعب و يعمل اللي عليه و ميدخلش اللي هو عايزه بفضل مصحح فاضل

بصو انا راااااااااااااااااااااااااااااافضة تماما موضوع الجامعة الخاصة مش لانها بتساوى الروس بس ولكن عشان هيا بتقدم مستوى تعليمى افضل من الحكومى مش تعليمى بس ده كمان معامله افضل من الدكاتره على الرغم دول عمرهم ماذاكرو انا اعرف زمايل ليا دخلوا صيدلة 6اكتوبر ومجموعهم لايزيد عن91 % انا بجد زعلانه على كل جابو زيهم وممعهمش فلوس يدخلو زيهم وشوف من ده كتييييييييييييير
لا تعليق

أنا ضد الجامعات الخاصة كفاية البوظان اللى فيها و الفشلة
أنا أعرف حكايات غريبة عن الصياعة اللى فى جامعة 6 أكتوبر
و دى حاجة أكيده لإن معظم اللى داخلينها مالهمش حق فيها
طب و أنا أعرف حكايات غريبة بردو في جامعة القاهرة و عين شمس و المنصورة و اسكندرية و ........

:abdoog8:انا ضد الجامعات الخاصه اولا لانها بتقدم مستوى احسن تعليميا (طبعا بعضها مش كلها ) ونضافه وكدا فاللى معاه فلوس هو اللى بيتعلم صح انا اعرف نااس جابوا مجاميع عاليه ودخلوا الجامعه الالمانيه عشان طبعا احسن وفى ناس جايبه اعلى منهم (العبده لله) وهتتبهدل فى الحكومه
واعرف واحده جايبه 91 وهتدخل طب ليه ماهى كانت بتذاكر نفس مناهجى وامتحنت نفس امتحانى تتساوى بيا ليه ويمكن لها افضليه لان انضف اذا كان اوائل الثانويه بقى بيدخلوا خاص عشان تعليم احسن

دا غير اللى مش جايبين حاجه وويطلعوا داكتره ومهندسين ليه يعنى البلد دى بلد فلوس معاك اهلا وسهلا مش معاك ما تلزمناش
طيب أنا داخلة أسنان المنصورة و كان نفسي أدخل جامعة خاصة علشان أتلقى أحسن تعليم ومعاملة
مش معنى كده اني أحقد على اللي داخلين خاص لأنهم هيتعلموا كويس
بالطريقة دي عمرنا ما هنتقدم و لا هنتحرك من مكاننا لما كل واحد ميحبش حد يكون أحسن منه

الكليات الخاصة دى وهم كبير حرام عليكم واحد تعب وشقى 24 شهر متواصل دروس ومذاكرة والمجموع يفرق معاه نصف درجة على صيدلة واللى جايب 79 يدخل علشان معاه فلوس دا طالب فاشل وحيطلع صيدلى فاشل ليه الدولة بتعمل فى الى تعب بمجهوده كدة المفروض الكليات الخاصة تفرق 1% فقط عن الكليات الحكومية مش 65 % تدخل هندسة خاصة مش دا حرام
متهيألي في حاجة اسمها تنسيق الجامعات الخاصة حتى لو مفيش ايه المشكلة لما واحد يدخل اللي هو عايزه عشان معاه فلوس طالما عنده استعداد انه يبدع في المجال ده
انا مش بعترف بيها

لأنها ظلم واللي معاه فلوس يدرس اللي نفسه فيه والعكس صحيح
وياريت في الأخر بيتعلم لأ كلها قلة أدب ومسخرة و.....................
وهل بعد التخرج هيتساوي طالب الجامعة الحكومية وطالب الجامعة الخاصة ؟؟؟
لا طبعا لأن المجموع اللي جابه من الأول في الثانوية لا يؤهله اساسا للدراسة الجامعية في هذه الكلية من كليات القمة
ومش شرط كليات القمة لو مجموعه مجابهاش ممكن اي كلية تانية والنجاح غير مرتبط بالكلية ممكن واحد خريج تجارة او حقوق ويبقى احسن من 100 مهندس أو دكتور

اجابة السؤال ده لأ طبعا لأن طالب الجامعة الخاصة تلقى أحسن تعليم فبالتالي هيكون أفضل
دلوقتى دكاترة 6 اكتوبر بيتكلفوا زيهم زى الحكومى
اللى يغيظ بقي انهم بيتكلفوا بتقدبراتهم
يعنى بتوع الخاص تقديراتهم كلها فى العالى بفلوسهم
ييجى تكليفهم جنبهم
والحكوميين اللى بيفهموا عنهم يتكلفوا ف اخر الدنيا وده لان تقديراتهم حقيقية مش مبالغ فيها زى الخاص
ده ظلم بقي ولا عدل؟
تقديراتهم عالية بفلوسهم ازاي يعني الجامعات دي بتفرق درجات مثلا
طب هما كلهم دافعين فلوس هل كله بيجيب امتياز و الدفعة كلها بتطلع الأول
و العضو اللي فوق اللي بيقول انهم فاشلين
زي ما قلت كل مكان فيه الناجح و الفاشل
حضرتك بتقول ان مجموعه في الثانوية لا يؤهلة طيب انت معترف ان مجاميعنا دي تؤهلنا لحاجة أصلا
يا ريت نغير طريقة تفكيرنا و نحاول نستوعب اللي بيحصل أكتر من كده

Dr.Cheetah

09-09-2009, 07:49 AM

طيب و حضرتك متعرفش طلاب دخلوا جامعات حكومية و فشلوا و ضاعوا ضياع ما بعده ضياع برده
أخويا كان في جامعة الضياع اللي حضرتك بتتكلم عنها بس الحمد لله ماكنش فاشل وضايع و مش معنى انك تعرف ناس كده ان كل طلبة 6 أكتوبر فشلة كل مكان فيه ناس ناجحة و ناس فاشلة
و بعدين التعليم في الجامعات الخاصة أحسن 100 مرة من الجامعات العريقة بتاعتنا عندهم أحسن الأجهزة ده غير المناهج و ان كل طالب بياخد حقه في التعليم بالذات في الكليات العملية

أنا مش فاهمة هو الخاص ده عار مثلا لكن هي وجهة نظر أحترمها
و بعدين نظرة المجتمع دي عيب في مين في الطالب اللي المصحح ظلمه عشان مزاجة مش رايق و للا الجامعة اللي بتقدم أحسن تعليم و للا بعض اللاسعين اللي في المجتمع

على كده انت رافض بردو المدارس الخاصة ماهي نفس النظرية
طب و ايه المشكلة في انك تدفع فلوس مقابل تعليم على مستوى

معاكي انها بتبقى حاجة جميلة أوي لما الواحد يدخل كلية بتعبه وبردو بتبقى حاجة وحشة أوي لما الواحد يتعب و يعمل اللي عليه و ميدخلش اللي هو عايزه بفضل مصحح فاضل

لا تعليق

طب و أنا أعرف حكايات غريبة بردو في جامعة القاهرة و عين شمس و المنصورة و اسكندرية و ........

طيب أنا داخلة أسنان المنصورة و كان نفسي أدخل جامعة خاصة علشان أتلقى أحسن تعليم ومعاملة
مش معنى كده اني أحقد على اللي داخلين خاص لأنهم هيتعلموا كويس
بالطريقة دي عمرنا ما هنتقدم و لا هنتحرك من مكاننا لما كل واحد ميحبش حد يكون أحسن منه

متهيألي في حاجة اسمها تنسيق الجامعات الخاصة حتى لو مفيش ايه المشكلة لما واحد يدخل اللي هو عايزه عشان معاه فلوس طالما عنده استعداد انه يبدع في المجال ده

اجابة السؤال ده لأ طبعا لأن طالب الجامعة الخاصة تلقى أحسن تعليم فبالتالي هيكون أفضل

تقديراتهم عالية بفلوسهم ازاي يعني الجامعات دي بتفرق درجات مثلا
طب هما كلهم دافعين فلوس هل كله بيجيب امتياز و الدفعة كلها بتطلع الأول
و العضو اللي فوق اللي بيقول انهم فاشلين
زي ما قلت كل مكان فيه الناجح و الفاشل
حضرتك بتقول ان مجموعه في الثانوية لا يؤهلة طيب انت معترف ان مجاميعنا دي تؤهلنا لحاجة أصلا
يا ريت نغير طريقة تفكيرنا و نحاول نستوعب اللي بيحصل أكتر من كده

Snx 3la elrad elgamd dah da elra2i el9a7 el3alm klo fieh gam3at 5a9a ..... :av4056bb7jp3:

nabilka

27-09-2009, 04:51 PM

اية الكلام دة كلة هو الى جايب0 8% فاشل ولا دة نظام تعليم فقير و فاشل فى مصر

ارجعو للاسباب الاصلية يا جماعة

سمسمه2

04-10-2009, 10:41 PM

الخاص وحش وحلو زى الحكومى وحش وحلو بردو

انا مثلا كان نفسى ادخل هندسه او اعلام بس حصلت ظروف شديده اثناء الامتحانات ومعرفتش ارركز

فدخلت السلاب علوم حاسب وانا مقتنعه وان شاء الله ربنا يوفقنى ويوفق الجميع

لكن الوحش للناس اللى لاتعبت ولا ذاكرت ومرتبين نفسهم على خاص من البدايه (ده اللى حرام)

الحكومى كمان كويس لان ف كليات القمه ناس تعبت بمجهودها ( بس مش معنى ده ان كلهم نجحوا ف اللى دخلوه)

ووحش بسبب طبعا الاعداد الكبيره جدا والاهمال بعض الشىء
وفيه ناس ف طب وهندسه حكومى (فشله) بقول بعضهم

والخاص اللى بيجتهد فيه بس هو اللى ربنا بيوفقه
ربنا مش بيوفق الفشله يا دكاتره

والفشله ف اى كليه ف العالم خاص او حكومى

shady.fci

04-10-2009, 11:58 PM

انا بردوا عايز اضيف حاجة

في ناس بتفرق معاهم على درجة أو نص درجة كمان يعني حاجه من عشرة في الميه كده!!!!
وأكيد أي حد فينا مر بوقف بيحس فيه إن كل أحلامه خلاص رااااااحت
طب ذنبه أي الطالب ده، أو حتى هيكون فين الغلط لو فكر يدخل جامعة خاصة؟؟
بالعكس في الحالة دي أنا شايف انصاف ليه وكمان الدكاترة اللة عندهم فى الكليه غالبا نخبة من اساتذة الجامعات الحكومية
وفالمقابل انا مش موافق على الطلبه اللى جايبين اقل من المجموع بكتير ويدخلو خاص عشان الشهاده وبس وياريت بيذاكروا لا دول بيقضوها وبس

وكمان فى الجامعات الخاصة بيكون فيها التعليم احسن وارقى وعلى مستوى اظن انه اعلى من الحكومى بس التعليم النضبف ده بيكون فى الخاص الى بجد الى زى guc,must الكنديه والحاجات اللى زى دى مش المعاهد

وبعدين يا جماعة مش مهم تدخل ايه بس المهم انك تثبت نفسك فى الكجال ده وتكون حابه فعلا عشان تبقى حاجو فيه

وربنا يوفقك الجميع

Ҳ̸ҳx●• ŞĦadŸ •●ҳ̸Ҳ̸ҳ MiGo (http://www.facebook.com/profile.php?id=1367042877&ref=name)

بنوووتة

23-10-2009, 07:49 PM

السلام عليكم ورحمة الله وبركاتة
بالنسبة لرأي عن الموضوع
والله يا جماعة انا شايفة ان الجامعات والكليات الخاصة دي بتختلف من جامعة لجامعة يعني لو في جامعات نظامها قوي متقبلش اي ناس يعني اققل من 90 مايدخلش ولا كلية طب حتى العلاج الطبيعي ونظام دراستها معترف بيه اكيد هيكون مستقبلها كويس لو توفرت الشروط دي اكيد
اما بالنسبة للكليات الي بتخلى الي تعب وزاكر زي الي معملش ولا حاجة ومقضيها ...... وبعدين عاوز يتخرج منها يلاقي هو شغل.....وبتاع الحكومة مش لاقي دا يبقى معلش يعني...... ظلم :confused:
ودا رايي واسفه لو يزعل اي حد

عبدالله عبدالقادر سيد

24-10-2009, 12:02 AM

ياجماعة اوعى حد يدخل هندسة خاصة هيئة الابنية التعليمية ترفض تشغيل خريجى الجامعات الخاصة

عبدالله عبدالقادر سيد

24-10-2009, 12:06 AM

انا اعرف ناس خريجى جامعات خاصة اطباء وصيادلة ومهندسين مستواهم المهنى افضل من الجامعات الحكومية
والجامعات الاوروبية كلها خاصة وكتب التنسيق ده اختراعنا احنا

BINT EGYPT

24-07-2010, 05:26 PM

الجامعات الخاصة لها ايجابيات ولها ف نفس الوقت سلبيات .

وفي النهاية سلبياتها تطغى على ايجابياتها ..

BINT EGYPT

24-07-2010, 05:27 PM

اوافق كلام سمسمة ..

و بالأخير تذكروا ان الله لا يضيع اجر من احسن عملا ..

و لكل مجتهد نصيب ..

MR : ABO BATTA

24-07-2010, 06:25 PM

هي فعلا خلطبيطة و أساءات الى التعليم

MisS BeauTy

24-07-2010, 11:18 PM

انا مش فى كليه بس بعارضها

لانها بتساوي اللى تعب وذاكر باللى لعب وكان مكبر دماغو

فارسة صغيرة

27-07-2010, 12:06 AM

والله ياناس ده نصيب يعنى مش معنى الى جاب مجموع وحش كان بيلعب ولا حاجة , بل بالعكس ممكن يكون هو بس الى جاب مجموع حلو عنده قدرة حفظ جامدة مع ببعض الذكاء فنص الساعة منه تساوى 5 ساعات من الى وشه فى الكتاب وجايز عنده اكبر فى الذكاء (انا لا اقول الى بيجيب درجات عالية اغبية)ولكن قدرة حفظه صفر فلا يستطيع ان ينجح مثل ما نجح الاخر

ثانيا : هو مثلا حد عايز يدخل كمبيوتر يعنى بيدرس ومنهجة كمبيوتر وبعض الرياضيات وبسم الله ماشاء الله (مثلا زى ) والله الاوائل فى ساعات ما بيعرفوا يحلوا مسائل و لو حلوها يحلوها 3 صفح ومن حاجات غريبة وانا والى مستواى مش جامد زيهم والله حلتها فى 3 سطور مش صفح ولقيتها سهلة مش صعبة زى ما قالوا (انا لسة دخلتش خاص وباذن الله هحاول انى اجيب الحكومى لكن بضرب مثال) وبموت فى الكمبيوتر ومافى مادة فى الكمبيوتر وكمان فى الكيمياء ومواد اخرى ليس لها علاقة برغبتى هل معنى انى متفوقتش فيها بالدرجة الى تخلينى اجيب مجموع كبير يبقى انا فاشل ومش نافع ولو دخلت الحاجة الى انا عيزاها يبقى انا ظالم لانى سويت واحد بيعرف يحفظ اكتر منى بمستواى مع ان المجال الى هدخله عايز تركيز وذكاء وحب للكمبيوتر وعشق له واضيع مستقبلى لانى ربنا اعطانى قدرة على الحفظ ضعيفة شوية لا والله لانى ممكن اما ادخل الكلية اوريلهم قد ايه انا ممتاز فى مجالى وان المجال هو الى تشوف مستواك فيه , مش مستواك فى حاجة انت اصلا ملكاش علاقة بيها فى مجالك الى عايز تتخصص فيه

وسلامى ختامى واسفة كتير على التطويل بس ده كلام كنت عايزة اقولة وربنا يسهل وادخل الحكومى حد طايل بس لو مقدرتش مش هضيع احلامى وهدخل اى كليه تجبلى شهادة والسلام وانا اصلا لا افقه فى المجال ده شىء

ياسر بك

04-08-2010, 08:25 PM

الجامعات الخاصة بتنقذ الفاشلين

ROMEOOOO

13-08-2010, 10:57 PM

أنا فاتح موضوع مهم جدا وهو وجهة نظر بعد الناس عن الجامعات الخاصة زي وجهة النظر اللي هي إن مينفعش واحد جايب سبعينات يتساوي بالي جايب 98 في المية[

بصوا معايا احنا نمسك منظومة التعليم المصرية من أيام زمان احنا عندنا نظام القبول بتاع الجامعات عقيم وهو نظام ا

المجاميع النظام ده ظالم لاقصى الحدود يعني هدلكو مثال واحد مثلا شاطر جدا في الفيزياء وجاب فيها مثلا 49 وفي

الكيمياء برده كويس و ييجي مثلا في العربي يجب 23 من 30 في السنتين ويجيب في الفرنساوي 42 ويجيب في علم

النفس 46 و يجيب في الانجليزي كويس والانجليزي مهم فالكلية اللي الدراسة فيها انجليزي وبالنسبة للطالب ده هو لو

دخل هندسة هيبقى جامد جدا بس مينفعش يدخلها عشان المجموع

و واحد تاني ناقص 6 درجات فيزياء وكيمياء وفي ال رياضة جايب برده درجة زي كده ويبقى مجموعه جايب هندسة

عشان فالعربي والحاجات التانية جاب درجة جامدة والحاجات اللي جاب فيها درجة جامدة ملهاش علاقة بالهندسة

فـنظام الحد الأدنى للقبول ده عقيم ومحتاج يتغير زي برة أنا نظرتي إن المفروض الانسان يبقى رقم 1 ناجح في كل

المواد رقم 2 يدخل الكلية اللي جايب فالمواد بتاعتها اعلى مجموع في درجاته بس مش كده وبس يبقى فيه امتحان

اسمه امتحان القبول ده امتحان بتعمله الجامعة وميعديش منه غير اللي يستحق الكلية فـبالطريقة ديه كل واحد يدخل

الحاجة اللي يستحقها وفاهم فيها والنظام ده أحسن بكتير وأكيد امتحان القبول هيبقى فالمواد اللي تبع الكلية يعني

هندسة مثلا كيمياء وفيزياء ورياضة طب مثلا كيمياء وفيزياء ورياضة بس أقل من هندسة واحياء ويبقى فيه برده امتحان

انجليزي عشان مش اللي يدخل الكلية يبقى ضايع في لغة المنهج والنظام ده هيصفي عدد الناس اللي دخلين الكلية

حسب قدرتهم فـحيبقى توزيع الطلاب على الكليات والمعاهد صح وهيبقى كل واحد دخل الكلية اللي بيفهم فيها

حتى لو جامعة خاصة يعني لو جامعة خاصة يبقى فيه امتحان قبول برده مع المصاريف بحيث إن ميبقاش فيه تمييز بين

أي طالب والتاني وأنا ليَّ رأي مهم جدا إن مفيش حاجة اسمها كليات قمة وهي ديه الحقيقة كل الكليات زي بعض

واللي سبب موضوع كليات القمة نظام المجاميع أنا ليَّ رأي كمان مع الكلام اللي قلته يكون كل جامعة كيان مستقل

بمعنى إن مفيش حاجة اسمها وزارة التعليم العالي وإن كميبقاش كل الجامعات الحكومية كيان واحد لأ المفروض كل

جامعة تبقى كيان منفصل زي الجامعات الخاصة والكلام ده موجود في الدول اللي اتقدمت يعني كل الجامعة المفروض

يبقى ليها مصاريف ويبقى ليها منح بحيث إن الطالب المتفوق ياخد منحة أما اللي مش متفوق فـده قدامه مستقبل عن

طريق إن يتعمل تطوير للتعليم الفني وميبقاش عندنا العقد بتاعت سباك و الكلام ده هو اللي جايبنا لورا كل المهن

شريفة لان منغير المهن ديه كان زمنا عيشين في خيم فـالمفروض نهتم بالشغلنات ديه لان احنا وصلنا دلوقتي ل

مرحلة إن عدد المهندسين كتير وفيه نقس في العمال بمعني إن مثلا المهندس ممكن يقبض تقريبا 1000 جنيه ده

بالكتير لو متخرج واشتغل في المقاولون العرب وده صعب جدا غلبان مش هيلاقي شغلانة غير بواسطة جامدة ويجي

مثلا العامل بتاع الحفر ياخد في اليوم 100 جنيه أو 150 وده بسبب موضوع كلية القمة والكلام اللي مرجعنا ل ورا

كلامي ده ينطبق على الكليات كلها الأدبي وعلمي علوم برده بس أنا اديت مثل بالهندسة لان أنا في ثانوية عامة

وداخل تالتة ثانوي وأنا في علمي رياضة و على فكرة أنا الحمدلله جبت في تانية 94.6 في المية وعاوز أجيب في حدود

96 في تالتة وأنا عالافكرة مش عاوز أدخل هندسة بس أنا ضربت مثال بالهندسة لانها في النظام المصري هي القمة

بتاعت الرياضة أنا عاوز أدخل اقتصاد إن شاء الله وبعد لما اخلص آخد حاجة اسمها mba *ماجستير مهني إدارة اعمال*

واشتغل في أي شركة أو بنك اجنبي المرتبات بتبقى جامدة جدا وأنا إن شاء الله داخل اقتصاد لان أنا بحب الاقتصاد جدا والسياسة

شوية فـقررت أدخل المجال ده وأنا إن شاء الله ححاول أدخل جامعة خاصة بمنحة بس مش منحة مية فالمية يعني بس

تخفيض شوية بس إن شاء الله لو حفظت على المجموع

أنا نفسي أدخل ال AUC و إن شاء الله هدخلها لان هي أحسن جامعة في مصر في مجال إدارة الاعمال والاقتصاد

وشهادتها معترف بيها في امريكا كلها و بريطانية *فـسهل إني لو اتخرجت أعمل ماجستير مهني إدارة الاعمال اللي

هو الMBA في اي جامعة من جامعات المتميزة برة بس يارب احافظ على درجتي وأتمنى لكل الطلاب التوفيق

وده لينك موضوع أنا عمله بخصوص الجامعة الخاصة والحكومية ياريت أشوف ردودكم وارائكم على هذا الموضوع و وجهة نظري http://www.thanwya.com/vb/showthread.php?t=237522

لكم مني جزيل الشكر وفائق الاحترام وكل عام وانتم بخير