|
مشاهدة النسخة كاملة : الى كل من حصل على 50 فيزياء و50 احياء ....ارجو الدخول.... KING KOOONG 05-08-2009, 04:53 PM يا جماعه انا ماجل فيزياء واحياء ونفسى اقفلهم ان شاء الله و هعمل كل اللى عليا ان شاء الله علشان انا لو قفلتهم يبقى مجموعى الكلى 97% علشان نفسى ادخل صيدله فياريت كل اللى جاب 50 فيزياء و50 احياء يقولى اعمل ايه وشكرا ليكم بجد وياريت اللى يعرف حاجه عن تنسيق السنه اللى جايه سنه الفراع بالنسبه للكليه الصيدله يقولها ...... hana ebrahim 05-08-2009, 04:56 PM بص والله انا عملت كده وجبت 50 فى الاتنين ذاكر بس حل كتيييييييييييييييييييييييييييييييييييرمن جميع الكتب اللى تعرفهاااااااااااااااااااااااااااااااااااااااوخاصى الكتاب السامى فى الاحياء والله الامتحان ما طلع منهوالوسام فى الفيزياء واى كتاب تاااااانى اوووووكىربنا يوفقك ان شاء اللهانا هحجزلك مكان عندى بقى اووووووكى ~: Zac :~ 05-08-2009, 05:01 PM يا اخ كنج الموضوع سهل والله بس لازم تاخد الموضوع بجد وتحطه هدف ادامك تتعب عشانه زاكر على قد متقدر واكتر هات كتب خارجية واقرا كتير وحل اكتر متخليش اي حاجة تفوتك ف وقتها خلص كل جزء اول باوال على حسب الجدول اللي انت ماشي بيه او الدرس اللي انت فيه .. اهم حاجة الهدف والتنظيم والتعب ... بس متنساش باقي المواد بردو مهمين جدا بردو .. وربنا يوفقك ان شاء الله M.E.M.s 05-08-2009, 05:02 PM المهم المذاكرة اول بأول و الحل الكتيييييييييييييييييير و الله و الله و ده حلفان اتحاسب عليه الحل هو اللى خلانى صاروخ فى الفيزيا بعد ما كنت ضايع فيها M.E.M.s 05-08-2009, 05:03 PM ربنا يقويك ان شاء الله KING KOOONG 05-08-2009, 05:07 PM معلشى هتعبكم معايا انا مش حلو اوى فى الرسم فى الاحياء اعمل ايه smart .doctor 05-08-2009, 05:11 PM انا جبت 412 يعنى100.5%وانا جبت 50فى الفيزياء و49فى الاحياء انا عايزه اقول ان الموضوع سهل جداااااااا المهم انك تاخد الموضوع جد من الاول وتذاكر من كتاب المدرسةوبالنسبة للفيزياءتحل كتيييييييييييييييييييييييير واهم حاجةانك تحب المادة اللى بتذاكرها عشانتتفوق فيها وربنا يوفقك وعلى فكرة انا دخلت صيدلة smart .doctor 05-08-2009, 05:12 PM حاول تتدرب على الرسومات اول باول لحد ما ترسمها كويس pinkykitty 05-08-2009, 05:23 PM بالنسبة للفيزياء فبصراحة أنا المستر اللي كنت بأخد معاه كن جباااااااااااااااااار وماكانش عاطي أي حد فرصة انه ما يذاكرش أو حتي يفكر ما يذاكرش:stickjo4: أنا عن نفسي ما ذاكرتش غير مذكراته والامتحان ما خرجش عنها أي نعم المستر ده كان مطلع عنينا وكنت قبل ما اروح الحصة ادعي ربنا انها تعدي على خير واجيب درجة كويسة في الامتحان لانه كان بيعمل امتحان كل حصة تقريبا :( بس للأمانة أنا ما عرفتش قيمة المستر ده غير وانا براجع لأني ما كنتش لأقية حاجة أراجعها:av4056bb7jp3: وطبعا في الامتحان لأني خلصت في ساعة ونص تقريبا وراجعت نص ساعة ونمت باقي الوقت :d .... اه وعلى فكرة المستر ده ما كانش في درس خصوصي ده كان في المجموعة المدرسية لأن فعلا غلطتي اللي ضيعتني في سنة ثانية هي الدروس الخصوصية....:( أما بقى بالنسة للأحياء فأنا ما أعرفش لاني رياضة 2 قصدي كنت رياضة والحمد لله دلوقتي حدخل هندسة إن شاء الله بس صحباتي كانوا نفس النظام برضه كانوا بياخدوا مع أستاذة في مجموعة المدرسه برضه وكتيييير منهم جابوا 50 رغم صعوبة الامتحان ... معلش أنا رغيت كتير ربنا يوفقك وتدخل الصيدلة اللي انت عايزها:redface: dr_shosho_2009 05-08-2009, 05:24 PM انا صراحة مش جايبة 50 وده انا متأكده ان ظلم فى التصحيح لأنى مراجعة نماذج الاجابة الرسمية بس عشان مطولش عليك انا شايفة والله ان الثانوية كلها ماعايزة غير حبة تركيز ومذاكرة واهتمام وتنظيم الوقت اهم شىء وبالنسبة للفيزيا محتاجة مذاكرة كتيرة شوية عن بقبة المواد وحل اسئلة كتير بس مش لدرجة تعقدك لأن الفيزيا بحرواسع لو تعمقت فيه اوى ممكن تغرق فركز اكتر على متطلبات الامتحان والاحياء اهم حاجة فيها فهم جامد وشوية مذكرة واهتم بالرسومات والاهم من ده كله متراكمش اى درس فى الفيزيا او الاحياءذاكر اول باول توكل بس على الله واعمل اللى عليك ونصيحة من اخت فى الله مجربة بلاش توتروخليك كووووووووووول ومتسمعش للناس اللى بتقول ان الفيزيا والاحياء مواد معقدة خالصومتقدرش تجيب فيها 50 هى بس صراحة متضمنش تصحيحهم ولكل مجتهد نصيب وقل لن يصيبنا الا ما كتب الله لنا وعلى فكرة انا كنت كول خالص فى الثانوية ومكنتش بتوتر جامد وجبت 98%على عكس واحدة صحبتى فى نفس مستواى بس توترها ضيعها وجابت 93 وان شاء الله بالتوفيق وتدخل كليتى المفضلة الصيدلة dr_shosho_2009 05-08-2009, 05:29 PM متخفش من الرسومات كلها سهلة والى بتيجى فى الامتحان بتكون صغيرة ومتخدش وقت ومش بيشترط فيها جمالها اهم جاحة الرسمة والبيانات يكونوا صح mmmnhsaa 05-08-2009, 05:34 PM انتوا اتكلمتوا عن المذاكرة وماحدش اتكلم عن الصلاة الى هي الاول و بعدين المذاكرة TheSCORPION_-_Dr 05-08-2009, 05:56 PM طبعا أنا موافق ع كل الكلام اللي تقال قبلي بس ياريت تاخد نصيحتي وتحط في دماغك هدف انك تجيب٦٠من ٦٠في الإتنين مش خمسين صدقني دا هيخليك تيجب الخمسين لو مقدرتش تجيب الستين بس دا طبعا بجهدك انت موضوع الأحياء سهل قوي بس متسبش أي كلمه ولا رسمه من غير متكون مذاكرها والفيزيا حل كل حاجة تقابلك أنا كنت مخلص ٦ ملخصات غير كتاب الوزاره والدليل أهم حاجة الحل الكتير وحل الإمتحانات تحريري وتصحيحها وربنا معاك حط هدفك وسير نحوه KING KOOONG 05-08-2009, 05:58 PM بجد شكرا اووووووووى لكل واحد دخل ورد وتعب نفسه بجد مش عارف اقولكم ايه بس ربنا معاكم يارب The Philosopher 05-08-2009, 05:59 PM السلام عليكم ورحمة الله وبركاته بص ياأخى بالنسبة للفيزياء فمنتهى السهولة أنا جبت 49 ونص بالنسبة للأحياء فأنت تحتاج الى قدرة عالية على الحفظ والتركيز طول السنة وأثناء الامتحان وربنا يوفقك يارب والسلام عليكم ورحمة الله وبركاته ** MR.SmilE ** 05-08-2009, 06:11 PM اولا حضرتك بتسأل ع المذاكرة و لا تنسيق السنة اللي جاية بالنسبة للتنسيق هيكون ان شاء الله متوسط اخر 5 سنين بمعني تشوف تنسيق سنين 2009 2008 2007 2006 2005 و تجمع درجة كل كلية و تقسم ع الخمسة بالنسبة للمذاكرة انتا هتستفيد من سنة الفراغ في ان الامتحانات احتمال كبير اوي تيجي سهلة جدا خصوصا ان درجاتهم مش حلوة خالص و لكن ماتعتمدش علي كدة طبعا الفيزيا لازم هتحتاج اكتر من كتاب خارجي انا عن نفسي ذاكرت من 6 كتب و لكن الاحسن بالترتيب هم المثالي ( نظري و مسائل ) الوسام (مسائل ) الاول ( مسائل و نظري ) الماسي و بالاضافة لمذكرة الاستاذ اللي هتاخد عنده و دليل التقويم و تركز اوي علي السنين السابقة و خصوصا من 2006 الاحياء اوعي تركز ف كتب خارجية ابدا !! المذاكرة الاولي و الاخيرة من كتاب الوزارة حتي الدليل ماتعطهوش وقت كبير لأن اسئلته معظمها من برا المنهج يتحفظ كتاب الوزارة بالحرف خصوصا و ان الخمسين ما بياخدهاش طالب الاحياء الا بنص الوزارة عشان كدة قليل جدا من الطلبة هما اللي جابوها السنة دي و اللي قبلها ( ان شاء الله انتا تكون منهم ;) ) ممكن تستفيد باسئلة فقط من كتب خارجية و علي رأسها بلا منازع الامتحان ( 3745 سؤال .. اكتر كتاب ) و تشوف ف اخر السنة كتاب خارجي جايب امتحانات السنين السابقة و تركز عليها بدءا من 2003 يا رب تكون استفدت ربنا يوفقك KING KOOONG 05-08-2009, 11:34 PM شكرا لكل اللى دخل ورد بجد شكرا اووووووى....... جعلتني مهندسا 06-08-2009, 01:11 AM أنا كنت بذاكر فيزياء من المثالي عشان بجد كان فيه مسائل حلوة أوي والحمد لله جبت 48 بس أنا كنت علمي رياضة etisalat__011 06-08-2009, 02:21 AM شوووووووووووف ذاكر مهما تذاكر و يبقى من أهم العوامل تركيزك فى الامتحان و توفيق ربنا بس حل النماذج و كتاب المدرسة و كتاب الامتحان و أوعى تاخد درسين فى أى مادة سيب اللى ياخد ياخد سيبك منهم و زى ما قولتلك و الله التركيز 50% من الامتحان و الباقى مذكرتك و التوفيق MuHaMeD kHaLeD 06-08-2009, 02:43 AM لا تؤجل عمل اليوم الي الغد !!!!!!!!!!!!! Bent 3bdo 06-08-2009, 03:36 AM انا حطيت الموضوع عندى ف الفافوريت وان شاء الله بكرة ارد عليك ع رواقه علشان الفجر قرب يأذن خلاص وان شاء الله توصل للانت عاوزه basmet el rabi3 06-08-2009, 08:43 AM انا - العبد لله - كنت علمى رياضة , و مدرسين الرياضة و الفيزياء نصحونى بحاجة مهمة جدا و هى تلخيص المنهج باسلوبى , صحيح حياخد منك وقت جامد بس إوعى تزهق ... لإنك مش حتعرف قيمته غير لما تنتهى منه , و بمجرد البداية فيه حتحس إنك بدأت تمسك المادة فى إيدك كويس , و ربنا يوفق الجميع dr/amera 06-08-2009, 09:37 PM انا مش عارفه اقوللك ايه بعد الكلام الرااااائع اللى كتبوه الطلبه المميزين اللى ردو عليك.................. الفيزياااااااء اهم حاجه تحط فى دماغك انها سهله مش بعبع زى مالناس خوفتنا منهاا لازم تفهم المنهج كويس جدا ومتعديش اى جزئيه حتى لوصغيره منغير متفهمها الحل الكتييييييير بس بالكتير 3 كتب بلاش لخبطه مع مراعاة انك لازم تكون فاهم فكرة المسأله مش متعود عليها وحافظها ولو حليت كتابين فاهمهم بنسبة 100% كفايه اوى متهملش الجزء النظرى ولا الرسومات ابدااا لان معظم الناس بتركز بس ع المسائل وبتسيب الباقى وده بيضيع ناس كتير لازم مذاكره اول بأول عشان متتعبش اهم اهم حاجه ..........الفهم dr/amera 06-08-2009, 10:12 PM بالنسبه للأحياء هى كمان سهله اوى بس محتاجه مذاكره كتييييييييير ومراجعه اكتر من مره وهى ماده عايزه خيال ولازم تديها حقها وتبذل فيها مجهود الاسئله الصعبه فيها مش محتاجه تعب ولف ورا الكتب بس محتاجه اوى انك تكون فاهم وحل الاسئله مهم جدا بس ياريت تكتب كتير وتحل نظرى وبلاش بخل فى اجابات الاحياء مسائل الوراثه والتنفس بس هما اللى فيهم افكار بعيده شويه لازم تاخدها من المدرسيين فى الاخر بقوللك ربنا يوفقك اكيد انت سمعت طرق كتيره للمذاكره بس احسن طريقه هى الطريقه بتاعتك اللى تريحك وتوكل على الله ان شاء الله احجزلك مكان فى صيدله معايا KING KOOONG 07-08-2009, 12:20 AM ميرسى اووووووووووى بجد ليكم وربنا معااااااااكم كلكم وتتفوقوا فى الكليات اللى دخلتوها.............. بس ياريت كل اللى عنده معلومه عن تنسيق سنه الفراغ اللى جايه يقولها و بالذات الصيدله هتاخد من كام ....... Bent 3bdo 07-08-2009, 12:20 AM انا الحمد لله جبت 50 ف الاتنين اهم حاجه ف الاول طبعا توفيق ربنا وانك تعمل اللى عليك وتخلى نيتك خالصه لربنا نقظه مهمه ف الاول انك متقعدش تقول السنه طويله و هما مادتين بس والكلام ده لا ابتدى م الاول ومتكسلش علشان مش تزنق ف الاخر لو اتكلمنا ع الاحياء فهى ماده طويله جدا ومحتاجه فهم وحفظ كتير جدا واهم حاجه متذاكرش م كتب خارجيه خالص ف الماده دى كتاب المدرسه وبس والكتب الخارجيه حل اسئله وبس ولازم تحفظ كتاب المدرسه بالنص لو وصلت لانك تحفظ أرقام الصفح أحفظها انا كنت بذاكر الاحياء بأنى الاول اقرأ الدرس وافهمه م غير ماحفظ بس أبقى فاهمه بيتكلم عن ايه واوشوف الاسئله وأشوف هعرف أحلها ولالا وغالبا كنت بحل الواجب ع طول ياعنى كنت ببقى عارفه الحل فين بس مش حفاظه فكنت بنقله م الكتاب وأخلص وبعد كده أحفظ م الكتاب انت شوف النظام اللى يريحك وامشى علي بس اهم حاجه انك تحفظ بالنص م كتاب المدرسه بالنسبه للروسومات فحاول تتعود عليها كذه مرة هى رزله وكل حاجه بس معلش نصيبنا بس عامه ف كام رسمه بس هما اللى رزلين الباقى حلو واهم حاجه انك تراجع ع طول أول بألو للانها بتتنسى بسرعه جدا وحاول تاخد مع مدرس بيعمل امتحانات ع طول لان الماده دى عايزة كده وتكون امتحانات شامله بالنسبه للفيزيا اهم حاجه انك متيأسش منها لان اكيد هتلاقى مسائل كتير مش عارفاها وبلاش تشتت نفسك بين كتب كتير وتبدى تحل بمسائل صعبه يعنى اهم حاجه اهتم بالنظرى ومتديش همك كله للمسائل النظرى عليه35 درجه والمسائل 15 ياعنى حاول انك تتضمن ال35 دول والمسائل ابتدى بالسهل وحاول انك تفهم طريقه الحل وف الصعبه حاول انك ف المسائل الصعبه تفهم طريقه التفكير بس ع الاق ف الاول غلطه كبيرة كتير بيهعملها انك تهتم بالصعب وتسيب السهل يارب انى اكون قدرت أساعدك بأى حاجه ولو قليله و ربنا يعملك اللى فيه الخير Bent 3bdo 07-08-2009, 12:35 AM انا مش عارفه ف ايه كل شويه أرد والرد ميتحطش ليه؟ basmet el rabi3 09-08-2009, 09:05 AM ميرسى اووووووووووى بجد ليكم وربنا معااااااااكم كلكم وتتفوقوا فى الكليات اللى دخلتوها.............. بس ياريت كل اللى عنده معلومه عن تنسيق سنه الفراغ اللى جايه يقولها و بالذات الصيدله هتاخد من كام ....... لا بعلم الغيب إلا الله , محدش يعرف حيحصل إيه بكرة , لكن عاوزة أقول ما تعلقش أمل كبير على إنخفاض المجاميع بدرجة كبيرة السنة الجاية ( سنة الفراغ ) , لإن كليات المجموعة الهندسية و المجموعة الطبية لازم تضمن إن مستوى الطالب المتقدم لها مرتفع , أما بالنسبة للجامعات و اللى حتتأثر بالمشكلة إبتداء من السنة الجاية فعندهم ألف حل و حل عشان يعوضوا قلة عدد الطلبة غير إنهم يقبلوا مجاميع منخفضة . إعمل اللى عليك و ذاكر كويس لإنك أولا و أخيرا بتتعلم عشان تفيد نفسك و سيب الباقى على ربنا و هو المعين |