مشاهدة النسخة كاملة : الاقبال علي الكليات الخاصه
timo mido 07-08-2009, 03:05 PM ليه كل الاقبال ده علي الكليات الخاصه؟
حاجه غريبه والله كل واحد مايجبش مجموع يروح داخل خاصه
ايه ده هي البلد كلها هتبقي مهندسين ولا ايه
انا رأيي ان في ناس تستحق تدخل خاصه لانهم كانوا بيذاكروا وكانوا قريبين جدا جدا من الهندسه الحكوميه لكن في ناس ما تستحقش تدخل تجاره مش هندسه
وابسط مثال انا معايا اتنين صحابي متميزين جدا بس ربنا مش وفقهم وبجد يستحقوا هندسه حكوميه مش خاصه وفي نفس الوقت معايا صحابي جايبين النص في الفيزياء ورياضه 2 وداخلين هندسه خاصه طب ده يبقي مهندس ازاي مش عارف ازاي حد يثق فيه ويديلوه شغل حاجه غريبه!!!!!!!!!!!!!!!!!!!!!!!!!
MuHaMeD kHaLeD 07-08-2009, 03:31 PM هو فعلا عدد المهندسين كتير اوي في مصر زي عدد المحامين كده
بس اللي معاه بيدفع
حد يكره انه يدخل خاااص
mohamed ashrf 07-08-2009, 03:37 PM حراام فعلا المفروض مثلا طب من 98 واحد جاب 96 ماشى يمكن اظلم ماشى يدخل جامعة خاصة لكن مش واحد يكون جايب 70 ويدخل حرام المفروض تكون القبول الجامعة الخاصة فى حدود بسيطة جدا مش يفتوحها بحرى
MuHaMeD kHaLeD 07-08-2009, 03:39 PM هو فعلا الموضوع مفتوح علي البحري
بس يا جماعه ما دام الناس دي معاها فلوس
و ربنا مديها ليه ما تتدخلش خاص
و اما بنعمة ربك فحدث
عادي يا جماعه ادعلهم ان ربنا يوفقهم
ميدو4 07-08-2009, 03:46 PM انا انشاء الله هخص خاص انا جايب 83.6%علمى رياضه مش لاقى كليات كويسه ده حتا علوم مجموعى يجباها لو انا علمى علوم مع ان علمى رياضه اصعب من علوم دى حاجه تقرف هى دى بلد ليه موفروش كليات زياده ماعملين يسرقوا من كل حته مع ان انا كنت جايب فى تانيه 93% وحاسس انى اتظلمت فى تالته مش مشكله لينا رب كريم
عاشق الارسنال 07-08-2009, 03:47 PM هو فعلا الموضوع مفتوح علي البحري
بس يا جماعه ما دام الناس دي معاها فلوس
و ربنا مديها ليه ما تتدخلش خاص
و اما بنعمة ربك فحدث
عادي يا جماعه ادعلهم ان ربنا يوفقهم
شكلك داخل خاصة :d
___omar___ 07-08-2009, 03:55 PM صدقوني ساعات بيبقى الجامعات الخاصة هى الحل يعني انا مثلا الهندسة فرقت معايا على 2% ...انا عارف انه الفرق
مش قليل اوي لكن انا مثلا رياضه 1 كنت مقفلها ومراجعها مع المدرس بتاعي مسئلة مسئلة ومع ذلك نقصت فيها 4 درجات!!!
ونفس الحكايه الاقتصاد كنت مقفله وكنت بحفظه صم طول السنه ونقصت فيه درجتين!!!
فانا عايز اقول ان ممكن حد يكون بجد تعب جدا لكن ربنا موفقهوش في المجموع ... فمش معقولة يروح تجاره ولا اداب بعد التعب
في رياضة وفيزياء(مع احترامي لكل اللي دخلوا الكليات دي)
وانا الحمد لله دخلت هندسة الشروق وبيقولوا ان محدش بينجح فيها الا اذا كان فعلا بيذاكر كويس يعني مش كوسة زى
بعض الجامعات الخاصة التانية
MuHaMeD kHaLeD 07-08-2009, 04:03 PM شكلك داخل خاصة :d
و الله العظيم ابدا
انا في كلية العلوم
جامعة الاسكندريه
ميدو4 07-08-2009, 04:09 PM انا انشاء الله هخص خاص انا جايب 83.6%علمى رياضه مش لاقى كليات كويسه ده حتا علوم مجموعى يجباها لو انا علمى علوم مع ان علمى رياضه اصعب من علوم دى حاجه تقرف هى دى بلد ليه موفروش كليات زياده ماعملين يسرقوا من كل حته مع ان انا كنت جايب فى تانيه 93% وحاسس انى اتظلمت فى تالته مش مشكله لينا رب كريم
timo mido 07-08-2009, 05:08 PM انا شايف اللي الكليه فارقه معاه علي 1% او2% ده من حقه يدخل كليه خاصه والمفروض الكليات دي معموله عشان الناس دي مش معقول واحد جايب 70% يبقي مهندس الناس دي المفروض تعرف ان ربنا خلق الناس درجات والكليه دي اعلي من قدراتك
بارقة امل 07-08-2009, 05:32 PM بس برضه الموضوع بيبقى متقيد بمجموع معين يعني مثلا طب خاص بياخد من 90%
timo mido 07-08-2009, 05:49 PM بس الطب من 98% يعني في فرق 32 درجه !!!!!!!!!!!!!!!!!!!!!!!!!!
basmasaad 07-08-2009, 06:09 PM هوه فعلا موضوع كويس ووحش فى نفس الوقت
انا بشجع الجامعات الخاصه بس للى بيستحقوها
يعنى مثلا صحبتى فرقت معاها على 3 من عشره
تحطم حلمها ولا ايه عشان اتظلمت فى النتيجه مع انها ممتازه
ولا تتدخل حاجه كلن نفسيها فيها
هوه فعلا موضوع وحش اوووووووووووى للمجموعهم قليل
timo mido 07-08-2009, 06:41 PM هوه فعلا موضوع كويس ووحش فى نفس الوقت
انا بشجع الجامعات الخاصه بس للى بيستحقوها
يعنى مثلا صحبتى فرقت معاها على 3 من عشره
تحطم حلمها ولا ايه عشان اتظلمت فى النتيجه مع انها ممتازه
ولا تتدخل حاجه كلن نفسيها فيها
هوه فعلا موضوع وحش اوووووووووووى للمجموعهم قليل
لو قراتي الموضوع هتعرفي اللي ده نفس الكلام اللي احنا بنقوله
علي العموم شكرا علي المشاركه
timo mido 07-08-2009, 10:05 PM صح نسيت اسأل هو كام عدد الكليات الخاصه؟
timo mido 07-08-2009, 11:20 PM صدقوني ساعات بيبقى الجامعات الخاصة هى الحل يعني انا مثلا الهندسة فرقت معايا على 2% ...انا عارف انه الفرق
مش قليل اوي لكن انا مثلا رياضه 1 كنت مقفلها ومراجعها مع المدرس بتاعي مسئلة مسئلة ومع ذلك نقصت فيها 4 درجات!!!
ونفس الحكايه الاقتصاد كنت مقفله وكنت بحفظه صم طول السنه ونقصت فيه درجتين!!!
فانا عايز اقول ان ممكن حد يكون بجد تعب جدا لكن ربنا موفقهوش في المجموع ... فمش معقولة يروح تجاره ولا اداب بعد التعب
في رياضة وفيزياء(مع احترامي لكل اللي دخلوا الكليات دي)
وانا الحمد لله دخلت هندسة الشروق وبيقولوا ان محدش بينجح فيها الا اذا كان فعلا بيذاكر كويس يعني مش كوسة زى
بعض الجامعات الخاصة التانية
ماشي من حقك تدخل خاصه بس مين قالك الشروق مابينجحش غير اللي بيذاكر بس !!!!!!!!!!!!!!!!
انا اعرف ناس كتير فيها بيجيبوا امتياز وهم ولا بيذاكروا ولا حاجه وكمان في معيد فيها انا اعرفه يكفي ان اقولك اني اندهشت جدا لمل عرفت انه معيد لانه فاشل جدا ومش عايز اغلط فيه اكتر من كده
___omar___ 08-08-2009, 01:35 AM ماشي من حقك تدخل خاصه بس مين قالك الشروق مابينجحش غير اللي بيذاكر بس !!!!!!!!!!!!!!!!
انا اعرف ناس كتير فيها بيجيبوا امتياز وهم ولا بيذاكروا ولا حاجه وكمان في معيد فيها انا اعرفه يكفي ان اقولك اني اندهشت جدا لمل عرفت انه معيد لانه فاشل جدا ومش عايز اغلط فيه اكتر من كده
انا بصراحة اول مره اشوف حد بيقول على هندسة الشروق بالذات حاجة وحشة ...كل ما كنت
اخد راى حد فيها يقولي ممتازه وكل الدكاتره فيها من عين شمس وعلى فكره انا ابن عمي فيها ومطحون
وبيقولي ان الدكاترة والمعيدين ملتزمين جدا وما بينجحوش حد الا اذا كان فعلا يستحق
وانا لما رحت اقدم ورقي بصيت على نتيجة اعدادي السنة اللي فاتت ويارتني ما بصيت !!!!
الكام قائمة اللي بصيت فيهم اللي جايبين جيد لا يتعدوا 5 او 6 اشخاص والباقي في الضيااااااااااااااع!!!!
وافتكر ده دليل قوي جدا على انها جد جدا ومافيهاش تهريج و ان مش اى حد ينجح من غير ما يذاكر زي ما
حضرتك بتقول..وعلى فكره ده مش رايي انا لوحدي ده راى ناس كتير جدا ان هندسة الشروق والعاشر احسن
هندسة خاص ( باستثناء الجامعات الاجنبية امثال guc , bue ....)فانا بصراحة مش عارف انت جايب الكلام ده
منين..وبعدين حتى لو يعني حكاية المعيد اللي بتقول عليه ده حقيقه فده اكيد حالة فردية واكيد اى مكان
بيبقى فيه الكويس والوحش حتى لو كانت هندسة عين شمس...يعني اقصد اقول ان مافيش حاجة كاملة من كل حاجة
اما بالنسبة لحكاية النجاح من غير مذاكره فدي ممكن تقولها على المودرن مثلا اما الشروق
فمستحيل والا ماكنتش تبقى اعلى تنسيق في كليات الهندسة الخاصة على مدى كل السنين دى ( في 2007 كان مجموع الشروق 90.6%.. )
وده طبعا مجموع عالى جدا بالنسبة لانها خاص يعني ما بتاخدش اى حد ..وهو ده اللي مميزها عن باقى الخاص ومخلي ليها السمعة دي في سوق العمل اللي محدش يختلف عليها انها حلوه جدا....واسف للاطالة:078111rg3::078111rg3::078111rg3:
timo mido 08-08-2009, 11:41 AM انا بصراحة اول مره اشوف حد بيقول على هندسة الشروق بالذات حاجة وحشة ...كل ما كنت
اخد راى حد فيها يقولي ممتازه وكل الدكاتره فيها من عين شمس وعلى فكره انا ابن عمي فيها ومطحون
وبيقولي ان الدكاترة والمعيدين ملتزمين جدا وما بينجحوش حد الا اذا كان فعلا يستحق
وانا لما رحت اقدم ورقي بصيت على نتيجة اعدادي السنة اللي فاتت ويارتني ما بصيت !!!!
الكام قائمة اللي بصيت فيهم اللي جايبين جيد لا يتعدوا 5 او 6 اشخاص والباقي في الضيااااااااااااااع!!!!
وافتكر ده دليل قوي جدا على انها جد جدا ومافيهاش تهريج و ان مش اى حد ينجح من غير ما يذاكر زي ما
حضرتك بتقول..وعلى فكره ده مش رايي انا لوحدي ده راى ناس كتير جدا ان هندسة الشروق والعاشر احسن
هندسة خاص ( باستثناء الجامعات الاجنبية امثال guc , bue ....)فانا بصراحة مش عارف انت جايب الكلام ده
منين..وبعدين حتى لو يعني حكاية المعيد اللي بتقول عليه ده حقيقه فده اكيد حالة فردية واكيد اى مكان
بيبقى فيه الكويس والوحش حتى لو كانت هندسة عين شمس...يعني اقصد اقول ان مافيش حاجة كاملة من كل حاجة
اما بالنسبة لحكاية النجاح من غير مذاكره فدي ممكن تقولها على المودرن مثلا اما الشروق
فمستحيل والا ماكنتش تبقى اعلى تنسيق في كليات الهندسة الخاصة على مدى كل السنين دى ( في 2007 كان مجموع الشروق 90.6%.. )
وده طبعا مجموع عالى جدا بالنسبة لانها خاص يعني ما بتاخدش اى حد ..وهو ده اللي مميزها عن باقى الخاص ومخلي ليها السمعة دي في سوق العمل اللي محدش يختلف عليها انها حلوه جدا....واسف للاطالة:078111rg3::078111rg3::078111rg3:
اولا انا ساكن في اسماعيليه وليا صاحبي في الشروق بيروح وبيجي كل يوم يعني مفيش وقت للمذاكره وجاب امتياز لو مش مصدق هجيبلك رقم جلوسه عشان تتأكد
___omar___ 08-08-2009, 03:30 PM اولا انا ساكن في اسماعيليه وليا صاحبي في الشروق بيروح وبيجي كل يوم يعني مفيش وقت للمذاكره وجاب امتياز لو مش مصدق هجيبلك رقم جلوسه عشان تتأكد
يبقى اكيد بيذاكر من وراك يا ماااااااااااااااااااان عشان يجيب التقدير ده:d:d:d
timo mido 08-08-2009, 04:01 PM يبقى اكيد بيذاكر من وراك يا ماااااااااااااااااااان عشان يجيب التقدير ده:d:d:d
الشروق جميله وكل حاجه بس عايز اقولك حاجه( عمرك ما هتبقي زي المهندس اللي متخرج من جامعه حكوميه)
eslam_2009 08-08-2009, 04:22 PM على فكرة البلد محتاجة مهندسين كتير بس مش للدرجة اللى بيتخرج منها خريجى كليات الهندسة كل سنة ده 20 الف وشوية وده طبعا عدد لا يستهان به .
والصراحة انا من نظرى احسن كلية هندسة فى مصر هندسة القاهرة دى جامدة اوى وكمان فيها قسم بترول
timo mido 08-08-2009, 04:32 PM 20 الف من جامعات حكوميه فقط!!!!!!!!!!!!!!!!!!!!!!!!!!!!!!
timo mido 08-08-2009, 06:14 PM انا شايف ان الجامعات الخاصه هدفها الاول والاخير هو الربح المادي مش افاده التعليم المصري
___omar___ 08-08-2009, 06:37 PM الشروق جميله وكل حاجه بس عايز اقولك حاجه( عمرك ما هتبقي زي المهندس اللي متخرج من جامعه حكوميه)
صدقني اى شغل محترم ومرتبه حلو لازم واسطة!!!
انا اعرف واحد خريج الشروق بيشتغل في شركة بترول واتعرض عليه فرصه شغل
في السعودية ورفضها لانه مرتبه فى مصر اعلى !!!! فتخيل انت ده بياخد كام ما شاء لله يعنى اكيد حاجه محترمه
فحكاية ان في فرق بين الخاص والحكومة ده فعلا كان زمان ...انما دلوقتي ممكن تلاقى واحد خريج المودرن وعشان معاه واسطه شغال فى شركه محترمه وطبعا مرتب جامد جدا
والله انا قريبى هندسه عين شمس وشغال فى شركة فى الشرقية ومطحون كل يوم من 8 الصبح ل 9 باليل
في حين ان ممكن في نفس الوقت واحد نفس دفعته ومتخرج من هندسه خاص وعشان معاه واسطه شغال فى حته قريبه منه واخر دلع!!!!:blush::blush:
timo mido 08-08-2009, 06:53 PM صدقني اى شغل محترم ومرتبه حلو لازم واسطة!!!
انا اعرف واحد خريج الشروق بيشتغل في شركة بترول واتعرض عليه فرصه شغل
في السعودية ورفضها لانه مرتبه فى مصر اعلى !!!! فتخيل انت ده بياخد كام ما شاء لله يعنى اكيد حاجه محترمه
فحكاية ان في فرق بين الخاص والحكومة ده فعلا كان زمان ...انما دلوقتي ممكن تلاقى واحد خريج المودرن وعشان معاه واسطه شغال فى شركه محترمه وطبعا مرتب جامد جدا
والله انا قريبى هندسه عين شمس وشغال فى شركة فى الشرقية ومطحون كل يوم من 8 الصبح ل 9 باليل
في حين ان ممكن في نفس الوقت واحد نفس دفعته ومتخرج من هندسه خاص وعشان معاه واسطه شغال فى حته قريبه منه واخر دلع!!!!:blush::blush:
لا تعليق!!!!!!!!!!!!!!!!!!!!!!!!!!!
civil2020 08-08-2009, 07:07 PM يا جميل الشغل ده ارزاق.......
___omar___ 08-08-2009, 07:13 PM لا تعليق!!!!!!!!!!!!!!!!!!!!!!!!!!!
ايه يا مان انت زعلت ولا ايه؟؟؟؟
ولله انا ما قصدي ادافع عن الخاص وابينه انه احسن حاجة ...انا واحد من الناس كان نفسي ادخل حكومي
بس ربنا موفقنيش فى ده....والكلام اللي انا قولتهولك قبل كده ده هو الواقع..صدقني!!!!!
___omar___ 08-08-2009, 07:14 PM يا جميل الشغل ده ارزاق.......
طبعا ونعم بالله ..عندك حق الشغل ده ارزاق فعلا ومش مرتبط بكلية حكومة او خاصة
دكتور ريهام 08-08-2009, 11:36 PM انا من راى مفروض يخفضوا اعداد الهندسة زى الطب وبعدين احنا دلوقتى مهما اتكلمنا عمرنا مهنغير حاجة ده هوه اللى عايزة الحكومة التعليم اما بالمزاكرة وتخش الكليه بمجهودك يا اما اللى معاه فلوس هوه اللى يخش يعنى التاريخ بيعيد بعضه
ENG:3assoma 09-08-2009, 02:39 AM انا حاسبات فرقت معايا على 00.7% وهندسة على 1.75 %
وكنت مش عاوز خااااااااااص ومحتقر الفكرة
وكتبت تجارة اجليزي المنصورة وجات .... بس بعد عدد من الاقناعات من الناس اللي حواليا هخش هندسة اكاديمية السلاب
ربنا يسهلي بقى
timo mido 09-08-2009, 09:06 PM انا مش معترض علي فكره الخاصه في حد ذاتها انا معترض علي مجاميع الكليات
فمش معقول واحد جايب 70% يبقي زي واحد جايب 95%
dr_mido 2050 09-08-2009, 09:17 PM الراجل ده بيقول كلام زى الفل وانا من موقعى برشحك وبأيد موقفك وبدعمه بكافة الوسائل المشروعة والغير مشروعة والسلام عليكم
___omar___ 10-08-2009, 12:31 AM انا مش معترض علي فكره الخاصه في حد ذاتها انا معترض علي مجاميع الكليات
فمش معقول واحد جايب 70% يبقي زي واحد جايب 95%
انا في دي مش هقدر اقولك حاجة وعندك حق لان فعلا فيه جامعات بتستهبل
بتاخد هندسة وحاسبات من65% زى المودرن كده ..ده فعلا حاجة مش كويسة ولو ان برضو اللي جايب
70% مش هيمشى فى كليات القمة الا اذا كان فعلا اتظلم في التصحيح او ربنا موفقهوش في المجموع لاى سبب تاني وانه فعلا يستحق مجموع اكبر
kemooo17 18-08-2009, 06:08 PM أنا لسة مخلص ثانوية عامة و محتار بين ال BUE and GUC
فيا جماعة حد يقولى اية الجامعة الاحسن فيهم فى الهندسة فى كل حاجة
ارجو الرد بسرعة
شكرا
|