http://www.facebook.com/group.php?gi...4469&ref=share (http://www.facebook.com/group.php?gid=239479795006#/event.php?eid=111056624469&ref=share)

انت من المنصورة وسمعت عن النظام الجديد اللي اعلنته شركات الإنترنت المصرية بتحديد كميات الدونلود للإنترنت الغير محدود للعملاء القدامى والجدد يبقى احنا بندعوك لانك تنضم لينا في وقفة إحتجاجية سلمية في المنصورة امام فرعي اكبر شركتين للإنترنت في مصر .

يعني ايه وقفة إحتجاجية سلمية ؟
يعني انا وانت واصحابنا وكل واحد مش عاجبه النظام ده وشايف ان ده ظلم ونصب هنتجمع مع بعض وهنقف في الشارع في مكان محدد قدام الشركتين وهنبقى شايلين يفط بنعبر فيها عن رفضنا للي بيحصل عشان صوتنا يوصل للمسؤولين في الشركات دي وللمسؤولين في البلد عشان يتدخلوا .
مش هنزعق ولا هنشتم ولا هنعمل مظاهرة ولا هنعمل اي حاجة ممكن تضرنا اكتر ما تفيدنا .. احنا عايزين نوصل رسالة وهنوصلها بطريقة حضارية نوصل بيها لشركات الإنترنت اننا شباب محترم لازم يحترموه ومينصبوش عليه .

طيب اشارك ازاي معاكوا ؟
اعمل
RSVP
على الـ
Event
عشان تأكد انك هتحضر إن شاء الله وعرف كل إصحابك وانشر المعلومة في اي جروب واي سايت

المعاد امتى بالظبط ؟
يوم الاحد الموافق 9-8-2009 في تمام الساعة الثالثة عصراً .

المكان فين بالظبط ؟
أمام فرع شركة TEdata بالمشاية السفلية امام نادي الحوار - المنصورة .

http://www.thanwya.com/vb/showthread.php?t=143043

فكرة أكثر من رائعة

وياريت تتنفذ فى كل المحافظات

ياريت متكسفوناش


Mohamed Medhat sent a message to the members of وقفة إحتجاجية سلمية ضد تحديد الإنترنت - المنصورة.

--------------------
Subject: قناة المحور تغطي الوقفة غداً

بإذن الله تعالى تغطي قناة المحور الوقفة غداً
أرجو من كل واحد انه يجيب كل اصحابه ومعارفه معاه عشان العدد يبقى كبير
ومع التغطية من قناة المحور دلوقتي صوتنا هيوصل لمصر كلها فلازم يبان اننا عدد كبير مش كام واحد بس اللي متضررين .
--------------------

هذا رأى أيضا المقاطعة
هى الحل الأمثل
لمن يلوى ذراعنا
و لسنا عبيد

ده الى حصل النهارده


37 minutes ago
تم اليوم التجمع امام شركة تي داتا وشركة لينك وعمل لافتت تعبر عن اعتراض الجميع على القرار وتجمع الكثير من الشباب وبعد قليل جاء قناة المحور برنامج 90 دقيقة للتصوير وعمل لقاء مع الشباب ومعرفة المشكلة وكنت من احد الذين تم عمل لقاء معهم وعبرت عن اعتراضي عن هذه السياسة الظالمة ولكن جأت الشرطة وفى بداية الأمر كان واضح انهم معانا وهايعملو محضر بالموضوع وعرفو المشكلة وعرفو انها عملية نصب ولكن سرعان ما جاء لهم تليفون ان يتم ايقاف التصوير ومنع النشر وايقاف هذه المظاهرة السلمية التى حتى لم نقوم فيها بعمل هتاف وكل ما فعلناه هو رفع لافتات مكتوب عليه لا لتحديد الأنترنت وأمرو بأنزال هذه الافتات فورا وان يرحل مجموعة التلفزيون من المكان وقام التلفزيون باخذ احد الشباب للتسجيل معهم فى مكان تاني ولا اعلم اذا كان سوف يتم عرض البرنامج ام سوف يتم منع النشر ؟
واضح ان الامر كبير وانهم يريدو تجاهل ما سوف نقوم به واسكات صوتنا والدليل انه حتى الان ولا قناة تم النشر فيها عن الموضوع ولكن وهددت الشرطة بعد ذلك بوصول الامر الى أمن الدولة ان لم نقوم بالرحيل من امام الشركة وانهم بيتعملو معانا بالذووووق
لدرجة انهم كمان منعو التصوير بالموبيلات واى واحد كان يصور بالموبيل كانو يمنعهو
انا بعد انتهاء هذا الموضوع ذهبت الى الشركة وقلت لهم افصلو لى الخط نهاية الشهر وهذا هو ما لا يقدرو ان يمنعونا عنه اكيد بعض الاخوة الذين كانو فى الأحتجاج اليوم هايجيب لنا تصوير كامل للموضوع

حسبي الله ونعم الوكيل

هو الموضوع مطلعش مجرد تحديد للنت

ده اوامر جايه من بره كمان !!!!!!!!

لا تكون اوامر جاية من اسرائيل كمان !!!!!

مادام دخل فيها حكاية امن الدولة يبقى في حاجة غلط وفي سر حوالين الموضوع

http://i782.photobucket.com/albums/yy102/bradbitt1/1-3.jpg


كتب/ وليد مدكور

نظم معارضو السياسة الجديدة للانترنت المحدود "سياسة الاستخدام العادل" وقفة احتجاجية الأحد في مدينة المنصورة أمام مقار شركتين من الشركات المزودة لخدمة الانترنت، وهددوا بنقل احتجاجاتهم الى المحافظات الأخري .

وقام المحتجون الذي بلغ عددهم ما يقرب من 500 شخص برفع لافتات للتنديد بهذه السياسة منها لافتات "لا للانترنت المحدود"، و "لا للسلبية.. لا للنصب".

وفى بداية الاحداث طوقت القوات الامنية المتظاهرين وبعد مكالمة تليفونية مفاجئة قامت بتفريقهم بالقوة ولقد قام تليفزيون المحور بتصوير الاحداث والتقى مع بعض المحتجين

وقال محمد مدحت منظم الوقفة الاحتجاجية ان المعارضين قد اتفقوا على عدم دفع اشتراكاتهم لشركات الانترنت الشهر القادم سبتمبر/ ايلول وذلك للضغط على الشركات، وأضاف ان الشهر القادم هو شهر رمضان المبارك ولا نحتاج للانترنت فيه كثيرا، ولكنه أوضح انه اذا لم يتم الغاء هذه السياسة سوف يقوم مستخدمو الخدمة بعدم دفع الشهر الذي يليه.

كان المعارضون قد دعوا لهذه الوقفة الاحتجاجية من خلال جروب خاص بهم على موقع "الفيس بوك" يحمل عنوان "وقفة احتجاجية سلمية ضد تحديد الانترنت - المنصورة"



المصدر



http://www.egynews.net/wps/portal/news?params=73954 (http://www.egynews.net/wps/portal/news?params=73954)

__________________

مش هنسلم مش هنبيع مش هنوافق علي التحديد