نفسي أغني لك

نفسي أغنيلك
غنوه توصفلك غرامي
غنوه تشكيلك ألامي
غنوه فيها كل أحلامى و أمالي
غنوه فيها كل أشواقي وهيامي
غنوه تسمع فيها لحن قلبي
اللي دايب في هواك
اللي عاش في كل ليله
يتمنى لقاك
اللي كل نبضه فيه قالت بحبك
قالت تعالى مشتقاك
نفسي أدوب في حضن حضنك
نفسي أغنيلك
غنوه هتكون لك لوحدك
غنوه فيها كل لحظة اتمنناها
كل لحظة عشت فيها وعيشتك معاها
كل لحظة اشتقنا ليها وحبناها
نفسي أغنيلك
غنوه بيغنيها قلبي قبل صوتي
غنوه بتغنيها كل خصلة من جدايلي
غنوه بتغنيها كل نظرة لهفة من عيوني
غنوه بتغنيها نار شفايفي
غنوه فيها تحمر خدودي
غنوه ألاقي نفسي فيها بين اديك
غنوه بتقولك دا كل حاجة من حجاتي بتناديك
ايوه مشتاقة للمسة من اديك
غنوه يعلى فيها صوتي
ويقولك يا عمرى
دا انا عمرى كله يا حبيبي
مش كفايه لحبي فيك
دا انا كل ما ف كياني
ما ف وجودي ما ف حياتي
من اللي الحاضر و اللي آتي
حتى ان الماضي ذاته
يشتهي يرجع إليك
نفسي أغنيلك
غنوه فيها كل المعاني
اللي كانت ف الأغاني
واللي كانت قبل عشقي وحبي ليك
غنوه فيها كل كلمة
وأى كلمة قالوا عنها ف الغرام
نفسي اغنيلك
غنوه هتكون لك لوحدك
مش لاى حد غيرك
غنوه تأكد لى ان عمري رجعلى تانى
بعد ما ولى وراح
بين آلام وبين جراح
غنوه تأكد لك ياعمرى
ان عمري ما غنيت لغيرك
وغنوتي هتكون لك لوحدك
واسمها
نفسي أغنيلك يا عمرى
ذاهب بلا عودة / أمل مصر /sa

غنوتك هى أمل تعيش فيه ومعه وبه
كلماتك جميلة ومعبرة
الى الأمام دائما

اقتباس.نفسي أدوب في حضن حضنك

القصيده من الناحيه اللغويه جيده جدا
قصيده جريئه في الحب والهيام
تقبلي تحياتي

عزيزتى منى حسين ، نعرف الكلمات ونفهم مرادفاتها ولكننا نختار ما يلائمنا منها وما يساير هوانا رغم ادراكنا الكامل لما هو مقصودها الحقيقى .
أشكر مرورك ومشاركتك الكريمة والمبالغ فيها
أمل مصر / ذاهب بلا عودة s.d

الاخت الفاضلة: نغم محمد
شرفتنى بمشاركتكك وصارت عندى نغم يطربنى
اشكر لك اطراءك الكريم ويسعدنى مشاركتك بالحذف أو الاضافة
فما زلت احبو في فضاء الكلمات واقتبس نور العبارات فلك عظيم الشكر وأسمى أيات الود والاحترامات إذا ما كنتم دليلا لنا فى عالم الكلمات
كل الشكر والتقدير
رجاء:
يسعدنى مروركم على خاطرتى (أقرب صديق ) والتعليق عليها ، خالص تحياتى
ذاهب بلا عودة / أمل مصر s.d

عزيزتى منى حسين ، نعرف الكلمات ونفهم مرادفاتها ولكننا نختار ما يلائمنا منها وما يساير هوانا رغم ادراكنا الكامل لما هو مقصودها الحقيقى .
أشكر مرورك ومشاركتك الكريمة والمبالغ فيها
أمل مصر / ذاهب بلا عودة s.d



السيد أمل مصر الذاهب بلا عودة
يكفى أن يذهب الأمل
وتبقى أنت فى مصر
فالعودة الى مصر هى الأمل ذاته
تحياتى لردك الجميل
والى الأمام دائما

كلماتك جعلتنى أعيش فى عوالمها وأغوص فى معانيها

واضح جداً الإخلاص فى التعبير

شكراً على القصيدة الروعة

أخى الكريم komanda
شرفنى تواصلك معى ومرورك على خاطرتى وسلاسة تعبيرك عن رأيك ومجاملتك الرقيقة
خالص شكرى وتقديرى لشخصك الكريم
لا إله إلا الله
محمد رسول الله
ذاهب بلا عودة / أمل مصر / s.d

إحساس بالغ ترجمته كلمات رائعة وغلفته الأخيلة بغلافها الحريري الرقراق ..
دمتِ بخير يا أختي ودمتِ لنا مبدعة بارعة

جزاك الله كل الخير