المساعد الشخصي الرقمي

مشاهدة النسخة كاملة : خاص للطلبه اللى داخلين اعدادى صيدله

Bent 3bdo
08-08-2009, 12:02 AM
;)بسم الله الرحمن الرحيم;)
..................................................
وانا بتصفح ف منتديات الصيادله

لاقين ف منتدى

عالم الصيادله

الموضوع ده

للدكتورة

شيماء شيريف

ربنا يجعله ف ميزان حسناتها

..

انا نقلته هنا

علشان الكل يستفيد

وبالتوفيق للجميع ان شاء الله


:)................................................ ............................:)


أولا مبروك لكل الطلاب اللي خلصوا ثانوية عامة

وقبلوا في كليات الصيدلة

وبما إن فيه طلاب كتير بيستفسروا عن كلية الصيدلة .. وعن كيفية الدراسة

ونظام المواد وتوزيعات الدرجات ..

وطريقة المذاكرة ...

فحبيت اننا نساعدهم بما أننا أخذنا خبرة إلى حد ما وممكن نفيدهم بشكل أو بآخر

بالنسبة للمواد عموما .. فهي إلى حد ما مش صعبة وأجمل حاجه انك متسمعش لحد يقولك السنة الفلانية دي صعبة والكلية دي معقدة أو انها سهلة زيادة عن اللزوم أو مش محتاجة مذاكرة ...... أو أو ...

خليك لحد ماتشوف بنفسك وتجرب أول سنة وبعد كده تبقى تحكم وتقول ...

فيه نقطة كمان ...

انت لازم تحدد انت دخلت كلية الصيدلة ليه ... وإيه هدفك منها

هل هو مجرد دخول كلية من كليات القمة ... وهي 5 سنين وأتخرج .. وآخد لقب دكتور وخلاص .. ؟؟

اوعى يكون هو ده السبب اللي خلاك تختار الكلية دي ...

خلي عندك هدف أسمى من كده وهوا انك تقدر تعمل حاجه مفيدة ... لغيرك .... لبلدك ..

بالنسبة للتدريب في الصيدلية ... فأنا بفضل انك تنزل صيدلية من دلوقت .. ولو مجرد إطلاع ومشاهدة مش أكتر ... هتسمعلك كم اسم دواء وتقرأ كم روشتة ... وتشوف الأمور ماشية إزاي ... وكمان هتكسبك ثقة في نفسك ... بس أنصحك تختار صيدلية فيها دكتور عنده استعداد انه يفيدك ويعلمك ... مش واحد يبقى متضايق من وجودك..


............................................


بخصوص الدراسة في السنة الإعدادية



في البداية لازم يكون معاك قاموس ... ويفضل يكون قاموس طبي سواء إلكتروني ...أو كتاب ... أو حتى على الموبايل ...



لأنك هتحتاجه بشكل كبير خصوصا في الأول



لأن زي ما احنا عارفين الدراسة هتكون بالإنجليزي ومعظم المصطلحات هتكون مصطلحات علمية .. وإوعر تتردد في انك تسأل دكاترتك ومعيدينك عن أي كلمة أو مصطلح مش فاهمه .. عشان تبقى فاهم كل حاجه ومتابع خطوة بخطوة ومتحسش إنك تايه وضايع ومش عارف تجمع ...



المواد غالبا بتكون عبارة عن ( لغة ونبات وحيوان وفيزياء وكيمياء )

بالنسبة للنبات فهو بيكون فيه حفظ بكمية كبيرة وبيكون شبه مادة الأحياء اللي درستها فالثانوي



الحيوان بيكون فيه مصطلحات كتير جديدة وبيكون فيه جزء تشريح ضفادع ... والتعرف على أجزاء الجسم



الفيزياء والكيمياء ... مش هيختلفوا كتير عن اللي درسته فالثانوية العامة بس مع توسع إلى حد ما ... وطبعا باختلاف اللغة اللي درستهم بيها وممكن عشان تقوي نفسك فيهم تاخد حاجه اسمها ( رفع كفاءة ) بتكون الكلية عاملاها .. وهي بتكون زي دروس خصوصية كده بس بتتاخد فالكلية واللي بيدرسوها معيدين عندكم فالكلية ...



واللغة دي بتكون ماده من خمسين درجه سهلة أوي ومافيهاش حاجه .. وهي عبارة عن قواعد إنجليزي خفيفة كده ..
Bent 3bdo
08-08-2009, 12:09 AM
خلينا نكمل ...

بخصوص كيفية الدراسة والمذاكرة .....

[لازم على مدار الأشهر تجرب كذا طريقة وأكتر من وقت للمذاكرة وتشوف أنسب الطرق وأكثرها فائدة وتركيزا بالنسبة ليك ... ولازم تعرف أن مذاكرة الثانوية العامة حاجة ... ومذاكرة الكلية حاجة تانية خالص ...

أكيد فيه ناس بتسأل .. طب أذاكر منين ؟؟ مفيش كتب وزارة ولا حاجه ؟؟

بالنسبة للسنة الإعدادية يفضل إنك تحضر محاضرات .. تخطط ورا الدكتور وتذاكر من الكتاب ..

وتبعد عن أي ورق تلاقيه فالمكاتب عشان غالبا بيكون خاص بالسنة اللي قبلها ..

ولو فاتك حاجه ممكن تصور محاضرات من واحد زميلك شاطر ..

فالبداية هتحس بنوع من التوهان وإنك مش هتنجح السنة دي و...و...
بس لازم تعرف إن الإحساس ده طبيعي جدا وكلنا حسينا كده فالأول ... وفي نهاية السنة جبنا أحلى التقديرات .

المهم إنك تحاول تقرأ اللي أخدته وتترجم المصطلحات الجديدة أول بأول ..ومرة في مرة هتحس إن

الأمور اتحسنت كتير وثقتك في نفسك زادت ..

فيه إيه كمان ممكن نتكلم عنه ...

بخصوص النشاطات والأسر والحاجات دي ..

أنا بصراحة مش من مشجعينها ، خصوصا في البداية .. لانها هتاخد من وقتك كتير وهتشتت تفكيرك .. خلي كل تركيزك في مذاكرتك .

وبعد ماتثبت نفسك وتكون رحت كليتك الأساسية ، ابقى شوف نظام الأنشطة هناك إيه .. ولو فيه حاجه لقيت نفسك فيها .. انضم ليها .. مع إني عن نفسي بفضل إنك تشغل وقتك في دورات خارجية ( كمبيوتر ومحادثة ولغات ... )

كل الحاجات دي هتساعدك في دراستك وكمان تكون معاك شهادات تنفعك لما تتخرج في مجال الشغل
Bent 3bdo
08-08-2009, 12:13 AM
فيه نقطة كمان


وهي موضوع الصداقة والصحوبية ..


كلنا فالأول حسينا إن إحنا لوحدنا وإن كل أصحابنا اللي كانوا معانا فترة الثانوي سابونا وكل واحد

راح لكلية أو حتى جامعة مختلفة


وخصوصا طلاب شهادات المعادلة يعني اللي أخدوا ثانوية عامة من بلد تانية غير مصر .. هيحسوا

بأحاسيس صعبة شويتين ..


المهم


مش شرط تصادق حد من أول سنة خليها مجرد زمالة


واتفرج على اللي حواليك واتعرف على طباعهم

وسيبك من نظام الشللية دي


وبعد كده ان شاء الله هتلاقي الصديق المناسب أو الأصدقاء يعني اللي هتكمل معاهم الخمس سنين

دول


بس المهم في الموضوع إنك ماتستعجلش الاختيار واختار صح

............................................

أنتهى

عايزة اقولكوا

انا بحاول انزل ف الموضوع ده

بقالى يجى 3 او 4 ايام

والمنتدى معلق معايا خالص

ومش بيرضى ينزل مواضيع:mad:

بس الحمد لله الناهرده

جربت

ونزل:redface:

........

تقريبا المنتدى


أتصلح لما

:022yb4:الزمالك كسب:022yb4:

بالتوفيق لجميع

يا رب
VIP_Amr
08-08-2009, 12:16 AM
جزاكِ الله خيراً وربنا يسهل اهو الواحد بيجهز نفسه وان شاء الله كلٌ سينال مُراده
Dr.ahmed91
08-08-2009, 12:18 AM
هو الموضوع مكرر
بس جزاكي الله خيرا
حلو قوي
استمري ف المواضيع القيمة دي
Bent 3bdo
08-08-2009, 12:33 AM
جزاكِ الله خيراً وربنا يسهل اهو الواحد بيجهز نفسه وان شاء الله كلٌ سينال مُراده

ان شاء الله كل واحد يحقق اللى نفسه فيه

هو الموضوع مكرر
بس جزاكي الله خيرا
حلو قوي
استمري ف المواضيع القيمة دي
جزانا واياكم
الموضوع مكرر بقى مش جرا حاجه
بس اهم حاجه ان المنتدى يرضى ينزل مواضيع
انا كرهت الموضوع دع اصلا
م كتر مانا عماله بحاول انزله والمنتدى مش راضى
انا تقريبا كنت فقدت الامل
بس زى ما قولت
الزمالك وشه حلو:av4056bb7jp3:
dr_bosy
08-08-2009, 01:25 AM
اذيك يادكتوره..... عامله ايه
Bent 3bdo
08-08-2009, 01:41 AM
اذيك يادكتوره..... عامله ايه
تمام الحمد لله:022yb4:
وطبعا عارفه السبب:blush:
emanmasoud
08-08-2009, 08:21 PM
شكرا يا د.نغم جزاك الله خيرا انت ود.شيماء
-ameer-
08-08-2009, 09:13 PM
ان شاء الله كل واحد يحقق اللى نفسه فيه


جزانا واياكم
الموضوع مكرر بقى مش جرا حاجه
بس اهم حاجه ان المنتدى يرضى ينزل مواضيع
انا كرهت الموضوع دع اصلا
م كتر مانا عماله بحاول انزله والمنتدى مش راضى
انا تقريبا كنت فقدت الامل
بس زى ما قولت
الزمالك وشه حلو:av4056bb7jp3:
هههههههه المنتدي مش راضي ينزل الموضوع لانة مكرر بيطلعك رسالة تقريبا كدة
fatal error......you are trying to allocate 12545200bytes
يعني حاجة زي كدة فلازم تغييري في الموضوع او في العنوان علشان يقبلة :)
الماساة
08-08-2009, 09:32 PM
شكررررررا كتيييييييييييييييييييييييييييييييييييييييييييييييي يييييييييييييييييييييييير يا دكتوره نغم الله يخليكى ويباركلك
Bent 3bdo
09-08-2009, 02:18 AM
شكرا يا د.نغم جزاك الله خيرا انت ود.شيماء
جزانا واياكم

هههههههه المنتدي مش راضي ينزل الموضوع لانة مكرر بيطلعك رسالة تقريبا كدة
fatal error......you are trying to allocate 12545200bytes
يعني حاجة زي كدة فلازم تغييري في الموضوع او في العنوان علشان يقبلة :)
انا الموضوع ده اعملت عنوانه (للللللللللللللللللللل) وقبله
بعد كده بقى غيرت العنوان

شكررررررا كتيييييييييييييييييييييييييييييييييييييييييييييييي يييييييييييييييييييييييير يا دكتوره نغم الله يخليكى ويباركلك
الله يخليكى يا جميل
وبالتوفيق للجميع ان شاء الله
د. رغد
17-08-2009, 07:16 AM
شكرا د/ نغم علي الموضوع المفيد
بس كان عندي سؤال هل في مواقع علي النت للصيادلة و نقدر نستفيد منها
* dr.sara*
17-08-2009, 09:03 AM
اها فى موقع صيدلى المستقبل والصيدلى اليوم
د. رغد
17-08-2009, 09:05 AM
جزاكي الله خيرا د/ سارة
ربنا يوفقنا و يوفقك ان شاء الله
د. رغد
17-08-2009, 09:07 AM
بس ممكن الروابط باللغة الانجليزية
مشكورة كتييييييييييييييييير
:078111rg3:
Bent 3bdo
18-08-2009, 12:55 AM
موضوع قيم بالفعل و يستحق الاهتمام!

"بركاتك يا زمالك"
شكرا للرد

اها فى موقع صيدلى المستقبل والصيدلى اليوم
و ف عالم الصيادله بردو و صيادله ع خطى الحبيب
وف بتاع الكليه اللى كله انجليزى ده:022yb4:
* dr.sara*
18-08-2009, 08:39 AM
وف بتاع الكليه اللى كله انجليزى ده:022yb4:
على فكرة هوا شكله من بره كده لكن لو دخلتى اى توبيك هتلاقى بالعربى عادى
Bent 3bdo
19-08-2009, 12:36 AM
على فكرة هوا شكله من بره كده لكن لو دخلتى اى توبيك هتلاقى بالعربى عادى
انا جربت أدخل
بس برده مفهمتش حاجه(أصل انا طول عمرى متفوقه ف الانجليزى:022yb4:)
انا بخش كده القسم وانا اصلا مش فاهمه ده بتاع ايه
ف بلاقى مواضيع كده عجيبه بس فيها انجليزى برده
يلا بكرة نتعود
marwa.m
23-08-2009, 07:43 AM
شكرا د/ نغم على الموضوع المفيد والجميل

وكل سنو وحضرتك طيبة ومبروك على الصيدلة معلش جت متأخر قوى :(
Bent 3bdo
24-08-2009, 03:15 AM
شكرا د/ نغم على الموضوع المفيد والجميل



وكل سنو وحضرتك طيبة ومبروك على الصيدلة معلش جت متأخر قوى :(

حضرتك ودكتورة مرة واحده:eek:
لالالا
انا مش متعوده ع كده
وانتى طيبه يا جميل
ورمضان كريم
والله يبارك فيكى
ومبروك ليكى
روميو العاطفي
24-08-2009, 06:14 AM
eshtaaaaaaaaaaaaaaa ya dkatrah
ana medo saidala el z2aze2 ehstaaaaaaaaaaa 3lena :D:D
Dr.KaJoo
27-08-2009, 01:29 PM
ربنا يجازيكى كل خير
Bent 3bdo
27-08-2009, 09:20 PM
جزانا واياكم
MENH
28-08-2009, 09:17 PM
جزاك الله خيرا وهحاول ان شاء الله انفذ اللى انتى قولتيه وربنا يوفقنا بقى.
Dr.KaJoo
29-08-2009, 05:15 AM
يا رب يوفقنا جميعا ان شاء الله
Bent 3bdo
29-08-2009, 10:07 PM
جزاك الله خيرا وهحاول ان شاء الله انفذ اللى انتى قولتيه وربنا يوفقنا بقى.

جزانا واياكم
ربنا معاكى يا جميل

يا رب يوفقنا جميعا ان شاء الله


يارب
يا الهي
02-09-2013, 05:12 AM
جزاكي الله كل خير
Lovely student
05-09-2013, 11:05 PM
جزاااااااااااااااااااكم الله خيرااااااااااااا
خالد زكرياابراهيم
14-10-2013, 07:43 PM
جزاك الله خيرا
يا الهي
18-01-2014, 10:29 PM
ياريت حد يقولي الاقي القاموس الصيدلي فين ... عايزة اي مكان في دمياط او المنصورة ﻻني مش عارفة اعتمد علي ترجمة جوجل