فيه حد هنا حاسبات ومعلومات الزقازيق [الأرشيف] - بوابة الثانوية العامة المصرية

E/GOGO

08-08-2009, 03:05 AM

طب انت قرفان من الكلية ذنبهم ايه ال دخلنها قرفان منهم ليه هما عملوا حاجة
عمتا انادخلة حاسبات الزقازيق
والصراحة بعد مسمعت عنها بلاوى انا كمان قرفت منها
ناس كتير عمالين بيقولوا انهامش متجهزة
يعنى المعامل مش كويسة والاجهزة بيظة والحالة يعنى 00000
ربنا يستر

amour_amour88

08-08-2009, 09:55 AM

ربنا يطمنك

E/GOGO

09-08-2009, 12:52 AM

ياريت بجد لو حد فى حاسبات الزقازيق يقولنا عنها
هى حالها وحش اوى كدة
يااريت الافادة

eng.ahmed55

09-08-2009, 06:31 PM

ياجماعة انا الحمد لله دخلت حاسبات الزقازيق ومش عارف اعمل ايه اخلينى فيها ولا احول شبين ولا احول المنصورة بس المنصورة صعبة وبعدين انا انا معنديش قدرة علة المذاكرة كتير وحاسبات شبين كده كده ذى الزقازيق بس بيقولوا ان الزقازيق معاملها وحشة طب اعمل اييييييييييييييييه

drop water

11-08-2009, 11:40 AM

ربنا يطمنكم انا جالى حاسبات الزقازية وعاوزة احول الى المنصورة

raghdamohammad

22-08-2009, 01:41 PM

السلام عليكم و رحمه الله وبركاته
يا جماعه بلاش التشاؤم ده , مفيش كلية وحشه و متتاثروش بكلام حد , انت اللى بتعمل الكليه مش الكليه هى اللى بتعملك و لو عندك ثقة فى نفسك حتقدر تتميز فى اى مكان لا فى الاول و الاخر مهما كانت الكليه حلوه برضه مش هى كل حاجه انت اللى لازم تتطور نفسك و تدور السوق عاوز ايه و تستعدله , على فكره انا اخويا خريج هندسه الزقازيق و لما جه يدخل برضه سمع الكلام ده و انها وحشه جدا و ان اى انترفيو بيرفضوا بتوع الزقازيق و كلام فاضى كده, و دلوقتى الحمد لله اتخرج واشتغل فى احسن اماكن و الحمد لله

محمد سليمان 2010

24-08-2009, 05:01 PM

السلام عليكم انا قبلت فى حاسبات الزقازيق بس بصراحة انا عندي خبرة فى الكمبيوتر واخوي اتخرج منها بس هو ضابط مهندس دلوقتي

eng--zako

24-08-2009, 05:12 PM

السلام عليكم انا قبلت فى حاسبات الزقازيق بس بصراحة انا عندي خبرة فى الكمبيوتر واخوي اتخرج منها بس هو ضابط مهندس دلوقتي
ممكن تقولي ايه الاقسام و الكليات اللي بياخدو منها ظباط و ازاي بيتعمل انا سمعت ان ده بيبقي تدريب 6 شهور بعد الكلية ياريت تجاوبني بسرعة

محمد سليمان 2010

24-08-2009, 05:27 PM

الطب هندسة<اتصالات-حاسبات> حاسبات و معلومات دي التخصصات الاساسية ممكن يطلبوا تخصصات تانية لو عايز تعرفها خش علي موقع اكاديمية مبارك للامن

محمد سليمان 2010

24-08-2009, 05:36 PM

بس في شرط اساسي للتقديم ان ما يمرش علي فترة تخرجك اكتر من سنتين وطلبوا قسم جديد
<هندسة ميكانيكا سيارات>

eng--zako

24-08-2009, 06:32 PM

بس في شرط اساسي للتقديم ان ما يمرش علي فترة تخرجك اكتر من سنتين وطلبوا قسم جديد
<هندسة ميكانيكا سيارات>
ممكن الرابط اللي في معلومات عن الضباط الغير متخصصين و الاقسام

محمد سليمان 2010

24-08-2009, 10:47 PM

http://www.moiegypt.gov.eg/Arabic/Departments+Sites/Police+Academy/police_academy/Education/EducationSystem/specializedPolice/default.htm

eng--zako

25-08-2009, 01:53 AM

انا عملت بحث و شوفت التخصصات بس مش شايف انهم بياخدو حاسبات و معلومات انا شايفهم بياخدو هندسة قسم حاسبات يا ريت تفهمني

محمد سليمان 2010

25-08-2009, 02:11 AM

يا ريس هما طالبين السنة دي حاسبات و معلومات

eng--zako

25-08-2009, 02:20 AM

شور يعني هيبقي اسمه ضابط مبرمج ولا ضابط مهندس برمجيات ولا ايه

محمد سليمان 2010

25-08-2009, 02:24 AM

وظيفتك بتبقي ظابط مهندس و تدرس لمدة سنة
و بتاخد دبلومة فى العلوم
الشرطية و بتتخرج ملازم اول

توته.

25-08-2009, 02:26 AM

يا جماعة حد يعرف اللي هيعد في الزقازيق سنة ويحول المنصورة هيشيل كام مادة؟؟؟

totta_frota

25-08-2009, 02:38 AM

ازيكوا يا شباب؟ يارب تكونوا بخير
انا بقى حاسباتيه و افتخر. انا طالبه ف حاسبات الزقازيق والسنه اللي فاتت كنت ف نفس حيرتكوا دي
وكنت قرفانه وكان نفسي ف هندسه طبعا. وبالمناسبه عايزه اعرفكوا حاجه قليل جدا من اللي بيدخل الكليه دي بيكون بمزاجه بمعنى ان كله عايز هندسه. بس اهي جت وخلاص يبقى الحمد لله.
ندخل بقى ف المفيد بالنسبه للكليه هي جميله و مستقبلها حلو بس محتاجه انك تجتهد فيها جامد و خصوصا مواد البرمجه(طبعا مش فاهمين مش مهم لما تروحوا بقى) يعني زاكر من اولها و اجتهد هتلاقي الحكايه معاك ماشيه تمام.
و حكايه انها مش مجهزه ماتنسوش انكم ف جامعه الزقازيق يعني كل كلياتها كده ده الطبيعي بس مانكرش انهم بيجددوا علشان حضراتكم. و من اللي شفته ان اللي اتخرجوا من الكليه ناس بجد معظمهم شغلهم جااااااامد. نيجي للدكاتره والمعيدين بجد ناس كويسه جداااااااا والعميد نفسه مع انه شديد و اول ماتيجوا هيفضلوا يحذروا فيكوا منه بس هو راجل محترم جداااااااا و نفسه يطلع بينا لفوق. و لو محدش فاهم حاجه تسألوا براحتكم يعني هتفهم هتفهم. بجد والله انووا انتوا و ربنا معاكم. وبالنيبه للمناهج خدوا اللينك ده وانتوا تعرفوا كل حاجه
http://www.forums.fci4all.com/index.php?showtopic=9828
و لو في اي استفسارات انا موجوده او ادخلو على الموقع اللي كتبته ده.
ربنا معاكم. تحياتي

محمد سليمان 2010

25-08-2009, 02:50 AM

totta_frota

25-08-2009, 02:56 AM

والنبي يا خويا متأكده.
انا مكنتش حابها خالص. بس دلوقتي والله بقيت بحبها اوي و بستنى اليوم اللي هناخد فيه حاجه جديده. صدقني ان شاء الله مش هتندم بس هقولك حاجه(حب ما تعمل حتى تعمل ما تحب) و كمان (تفائلوا بالخير تجدوه)
ايه يا ولاد لساني اللي بينقط حكم ده. يالهوي عثل ههههههههههههههه
بس بجد حاولوا ترضوا بالنصيب و تحبوه. ربنا معانا و معاكم.
اه صحيح انا الحمد لله نجحت بتقدير جيد.

محمد سليمان 2010

25-08-2009, 02:59 AM

بجد يا جماعة الرابط اللي كتبتوا توتة في كل حاجة

بجد شكرا

محمد سليمان 2010

25-08-2009, 03:00 AM

جيد شكلك دحيحة

totta_frota

25-08-2009, 03:05 AM

هههههههههههههههههههههه. حلوه دحيحه دي و افتخر بذلك :)
و العفو بس على ايه؟ انا عملت اللي عليا و احنا خلاص بقينا زمايل و صحاب.

محمد سليمان 2010

25-08-2009, 03:08 AM

تصدقي بجد حببتيني في الكلية دى

توته.

25-08-2009, 03:12 AM

طيب لو سمحت يا توته اللي بيحول من كلية لكلية اول سنة وبيشيل 3 مواد مثلا بيعيد السنة؟؟؟؟؟

totta_frota

25-08-2009, 03:39 PM

ده يا ستي على حسب الجامعه اللي بتحولي ليها. بمعنى انتي حضرتي سنه اولى ف الزقازيق و هتحولى بعد اولى مثلا بنها هتشوفي المواد اللي هما اخدوها ف اولى و لو انتي مش اخدتيها ف الزقازيق هيشيلوهالك معاكي ف سنه تانيه ف بنها و كذلك لو ف تانيه بنها بياخدوا ماده انتي خدتيها ف اولى زقازيق يبقى مش هتدرسيها. يعني علشان يبقى في تكافؤ. يارب اكون فهمتك و لو لسه عرفيني. و ياريت تقوليلي انتي جربتي التحويل اللي هو قبل التقديم بتاع النت ده ولا لأ؟
و ربنا معاكي يا قمر.

توته.

25-08-2009, 04:03 PM

.. و ياريت تقوليلي انتي جربتي التحويل اللي هو قبل التقديم بتاع النت ده ولا لأ؟
و ربنا معاكي يا قمر.
لا بس بجرب التحويل الورقي و ربنا يسهل معلش سؤال كمان هو معنى اني اشيل مواد اني اتحرم من التقديرات العالية ؟؟؟؟؟؟ وشكراااااااا

محمد سليمان 2010

25-08-2009, 04:07 PM

هي الدراسة arabic or english

توته.

25-08-2009, 04:21 PM

هي الدراسة arabic or english

english في كل الجامعات

totta_frota

25-08-2009, 05:04 PM

لأ طبعا مش تتحرمي من التقديرات ولا حاجه لأنك مش بتمتحنيها تخلفات بتمتحنيها لأول مره فبتاخدي درجاتك كامله عادي جدااااااااااااا.
و بالنسبه للدراسه عربي او انجليزي هي عربي ف بنها بس تقريبا. و الباقي طبعا انجلش.

محمد سليمان 2010

25-08-2009, 05:14 PM

علي كدة الدراسة هتبقي صعبة اوى

ربنا يكون فى عونا

totta_frota

25-08-2009, 05:17 PM

مش صعبه ولا حاجه الحكايه بس مسألة تعود. يعني بعد كده هتلاقى نفسك مش عارف تزاكر بالعربي.
الحكايه سهله ماتتلككش :)

محمد سليمان 2010

25-08-2009, 05:43 PM

انا سمعت ان في ناس بتشتغل في شركة ميكروسوفت

محمد سليمان 2010

25-08-2009, 05:45 PM

بس طبعا لازم واسطة جامدة

توته.

25-08-2009, 07:06 PM

raghdamohammad

25-08-2009, 11:14 PM

السلام عليكم
شكرا جزيلا ليكى يا توته على التشجيج ده وان شاء الله نستمتع بالكليه ونحبها
كنت عيزه اسالك اذا كانت الكليه بتحتاج لاب توب ولا الكومبيوتر العادى كفايه؟
وشكرا

raghdamohammad

26-08-2009, 12:15 AM

السلام عليكم
يارييت لو حد يعرف ايه نظام الكورسات فى الكليه يقولى
وهل الدراسه فى الكليه مع الكورسات كافيه انها تؤهل للعمل ولا لازم كورسات خارجيه ؟
وشكراااااااا

eng.ahmed55

27-08-2009, 09:24 PM

السلام عليكم
يارييت لو حد يعرف ايه نظام الكورسات فى الكليه يقولى
وهل الدراسه فى الكليه مع الكورسات كافيه انها تؤهل للعمل ولا لازم كورسات خارجيه ؟
وشكراااااااا
انت لازم طبعا تاخد كورسات خارجية عشان فرصتك فى الشغل تباه اكتر
بس بالمذاكرة وتقديرك فى الكلية وكورساتك مفيش شركة تقدر ترفضك

Eng. Alios

28-08-2009, 12:14 AM

مايكروسوفت مش محتاجة واسطة

لو عملت اللي عليك و طلعت من الاوائل على اي قسم انت فيه
مايكروسوفت ح تاخدك

لان كل سنة مايكروسوفت بتعمل حاجتين و لطلبة حاسبات و معلومات و بس :
أولاً : مسابقة لافضل مشاريع تخرج
ثانياً : بتاخد العشرة الاوائل في آخر سنة في اي قسم من اقسام حاسبات و معلومات و بتاخدهم تشغلهم في امريكا\

و الكلام ده مؤكد

محمد سليمان 2010

28-08-2009, 02:42 AM

انتي جبتي الكلام دة منين

والكلام دة في كل حاسبات مصر

يا ريت توضحى اكتر

totta_frota

28-08-2009, 03:34 AM

الكلام ده مظبوط يا جماعه و البشمهندسه بتتكلم صح. و ده بيحصل عندنا ف جامعة الزقازيق و من كلام العميد نفسه. و بالتوفيق يا بشمهندسين.

amour_amour88

28-08-2009, 11:33 PM

اولا ازيك واسف ع التاخير اولا احب اشكر العضوه او البشمهندسه بقي totta_frota ع مشاركاتها الفعاله وفعلا كل اللي دخل حاسبات ومعلومات كان نفسه يدخل هندسه انا مدخلتهاش بفرق درجتين بس حنعمل ايه وحكايه حاسبات ومعلومات دي مش داخله دماغي او مش حابب اني اكون كده مش عارف

بس ايه حكايه اني اخد كليه الشرطه بعد الكليه دي مش فاهم ممكن توضحي شويه يمكن تخففي عنا شويه ويا ريت تقوللنا ايه متطلبات الكليه دي والفرص اللي ممكن تشتغل فيها يا ريت ياtotta_frota انا مستنيكي

واللي حاسبات الزقازيق يدخل

totta_frota

31-08-2009, 12:40 AM

أولا أنا أسفه على التأخير ف الرد. ثانيا الله يسلمك (مع اني معرفش هي ازيك دي ليا و لا لحد تانيj )
حكاية الشرطة دي اللي اعرفه انك بعد ما تتخرج بتروح تقدم ف أكاديمية الشرطة بس لو ف السنة دي محتاجين الكلية بتاعتك و بتتدرس تقريبا 6 شهور او ممكن اكتر( الله اعلم برده علشان مش أفتي) و بتتخرج و بيبقى اسمك ظابط مهندس بس بتعمل ايه بالظبط مااقدرش افيدك.
و حكاية اني اخفف عنك انا ممكن اقولك حاجه انت خلاص جت ليك الكليه دي و بتكرهها و مش مقتنع بيها ولا عايزها هتعمل ايه؟ هتغريها مثلا؟ و لو هتغيرها هتغيرها بأيه؟ آداب او تجاره اللي الخريجين بتوعها كتير اوي؟ و أظن انك مش هتسيب حاسبات وهتدخل اي واحده فيهم؟
و حط ف دماغك دايما ان ده نصيبك و ربنا بيعملك الاصلح واللي فيه الخير ليك. و حاول تحبها و تاخد الموضوع جد. و هقولها تاني (حب ما تعمل حتى تعمل ما تحب)
الكليه مش ليها متتطلبات غير انك تزاكر كويس و من الاول. أنا برده مش هكذب عليك وا قولك اني مقضياها كل المواد من الاول كانت المواد العملي بزاكرها اول بأول و ممكن تقول المواد اللي حباها. و الباقي كنت بحاول ألمها على قد مااقدر.
الفرص بقى على ما أسمع( و ده طبعا لأني لسه ف تانيه على أد حالي) كتير جدا و لما تقول ان واحد بيشتغل و مرتبه صغيراو بمعنى اصح قدراته على أد حالها بيبقى اكتر من ألف جنيه يعني بقى لو زاكرت كويس و اخدت كورسات ف الحاجات المطلوبه هتبقى جاااااااامد جدا و فرصك هتبقى كتير. و ربنا يعينك بجد بس اسعى ورا هدف و بأذن الله هتحققه.

و يارب أكون طمنتك

amour_amour88

31-08-2009, 02:46 PM

اولا بأشكرك وانا معرفش اسمك انا عمر فرقه اولي حاسبات الزقازيق

انا بأشكرك ع ردودك الجميله فعلا وزي ما قلتي حنعمل ايه ربنا يوفقنا يارب

سلام ليكوا كلكم

totta_frota

01-09-2009, 03:19 AM

لا شكر على واجب يا بشمهندس عمر. و انت ان شاء الله هتنور الكليه بوجودك معانا و ربنا يوفقنا جميعا.

eng.ahmed55

01-09-2009, 02:57 PM

طب لو سمحتى يا بشمهندسة هوا صحيح ان الكلية وحشة انا شوفتها من برا بس مدخلتش جوا

totta_frota

01-09-2009, 11:50 PM

أنا مش فاهمه قصد حضرتك ايه يعني الشكل ولا الدراسه. لو تقصد من ناحية المباني و كده فهي عاديه يعني زي باقي كليات جامعة الزقازيق حتى نفس شكل المبني بتاع الكليات التانية بس اهو بيحاولوا يجددوا برده. لو من ناحية الدراسة ف العيب اللي فيها المواد النظري بس بصراحة دكتور شومان اللي هو العميد بيحاول يرتفع بينا و ربنا يوفقه.

و يارب اكون افادتك.

الاسطورة

02-09-2009, 04:56 AM

الزقازيق كويسة مافيهاش مشاكل ان شاء الله
اللى ممكن يتعبكم هو عميد الكلية د.شومان
ده بقى راجل مقرف وعايز معاملة خاصة

totta_frota

02-09-2009, 10:38 PM

هههههههههههههههههههههه حلوة معاملة خاصة دي.
مش مقرف و الله ولا حاجه هو يمكن شديد حبتين و مش بيحب الغلط . و بلاش يا بشمهندس تعقيد من أولها.

AL_Gawad

02-09-2009, 11:07 PM

هى حاسبات الزقازيق بتفتح الساعه 8:30ولا 9 ؟

amour_amour88

03-09-2009, 01:17 AM

طيب اسكت انا بقي بقيتوا صحاب واحنا عزول سلام

totta_frota

03-09-2009, 02:14 AM

معلش اني بادخل ف اللي ماليش فيه. بس مين اللي بقى صاحب مين و انت تمشي؟ احنا مش عايزينك تمشي يا بشمهندس :)

amour_amour88

03-09-2009, 09:58 PM

لا طبعا انا كنت بهرج امشي فين حد يسيب الناس العسل دول ويمشي

AL_Gawad

03-09-2009, 11:39 PM

ايه يا جماعه محدش رد على السؤال ليه ؟
لو كان صعب اوى كده ممكن تستعين بصديق

amour_amour88

04-09-2009, 12:24 AM

يا عم هو طابور حيبدأ الساعه كام حسب المحاضرات اللي عندك حتبقي ملتزمه بتوقيت

بتفكرني بواحد اول ما راح اول يوم ف الكليه بيقول هو الطابور الساعه كام

totta_frota

04-09-2009, 12:51 AM

ههههههههههههههههههههههههه
حلو اوي كلامك يا عمر. بس على العموم المحاضرات بتبقى 8.30

:)

eng.ahmed55

04-09-2009, 01:12 PM

طب يا توته بالنسبة للتدريب الصيفى هوا زى مابيقولوا اول سنة اونطة؟وهوا بيدا من تالتة ولا ايه؟

AL_Gawad

04-09-2009, 05:35 PM

شكرا ليكى يا توته

amour_amour88

05-09-2009, 12:10 AM

طيب مفيش فسحه

totta_frota

05-09-2009, 12:42 AM

العفو يا AL_Gawad .
و بالنسبه لعمر انت دمك خفيف موووووووووت و بجد هههههههههههههههه. و الفسحه بقى بتبقى 10 دقايق بين المحاضره و اللي بعدها سواء كان سكشن او محاضره.
و التدريب الصيفي دي طبعا اول سنه احضر التدريب( لأني لسه صغننه ف أولى :) ) بصراحه كان اونطه بس مش اوي اوي يعني. او بمعنى اكتر عرفت شوية حاجات بس قليله على مدة التدريب اللي هي شهر. و بالمناسبه كمان في معيدين مش معترفين بحكاية تدريب اولى ده. بس ان شاء الله يتلاشوا الاخطاء اللي كانت عندنا( حلوه يتلاشوا دي ههههههه :) )

AL_Gawad

05-09-2009, 02:06 PM

هههههههههههههههههه

amour_amour88

05-09-2009, 11:06 PM

بصوا انا حأعمل حاجه مخالفه بس يا ريت تتقبلها الاداره

لكل اللي ف حاسبات ومعلومات الزقازيق يحل الحاجه دي بس بجد جامده

مره واحد عبد من عبيد الملك حب بنت الملك ، فالملك عرف بالحاجه دي وعرض عليه ان هو يجوز بنته ولكن بشرط

قاله يوم الفرح حيكون فيه ورقتين واحده مكتوب فيها (ي*** ) والتانيه مكتوب فيها (يتزوجها ) اوك تمام لحد كده ........

لا مش تمام ليه بقي علشان الملك طلع خبيث كتب ف الورقتين ( ي*** ) فالعبد دا عرف بالمؤامره دي

دلوقتي العبد دا ف حيره لو راح وسحب الورقه حي*** ولو مرحشي حيت*** بردوا

تفتكروا يعمل ايه

عاوزه تفكير وعقليه كويسه

سلام وابقوا قابلوني

amour_amour88

06-09-2009, 10:54 PM

ايه يا مهندسين فينكوا

eng.ahmed55

10-09-2009, 04:39 PM

يجيب ورقة ويكتب عليها يتجوزها والورقة البديلة يحاول يخبيها او يرشى اى حد من اعوان الملك فى الف طريقة بس ينجو بنفسه

amour_amour88

10-09-2009, 08:50 PM

لا غلط يا باشا تفكير محدود واولا ازاي يرشي حد من حاشيه الملك وهو عبد او صعلوك

فكرووووووووووووووووووووا

eng.ahmed55

10-09-2009, 10:45 PM

ماتقول يا سيدى غلب حمارنا

basma11

18-09-2009, 01:59 AM

انا داخلة حاسبات الزقازيق و قدمت في المدينة الجامعية و بيقولوا في نتيجة للمدينةبتظهر عايزة اعرف هي بتظهر امتي

amour_amour88

18-09-2009, 03:37 AM

واله احنا بردوا لسه داخلين فرقه اولي بس انا مش ساكن فمعرفش حاجه عنها حأسألك وأقولك

نورتينا

eng.ahmed55

18-09-2009, 04:44 AM

انا داخلة حاسبات الزقازيق و قدمت في المدينة الجامعية و بيقولوا في نتيجة للمدينةبتظهر عايزة اعرف هي بتظهر امتي
انا بردو داخل حاسبات الزقازيق ان شاء الله ومقدم مدينة بس الموظفة اللى هناك لما سالتها النتيجة امتى قالتلى فى اول يوم للدراسة تيجى تسال

amour_amour88

18-09-2009, 11:05 AM

متشكرين يا بشمهندس

amour_amour88

18-09-2009, 11:06 PM

http://i33.tinypic.com/fbdqv8.gif (http://i37.tinypic.com/zl9rhk.jpg)

BêDô ΜâśĦâĶëL

24-09-2009, 02:22 PM

مين عايز حد ف حاسبات الزقازيق ؟؟
انا هنااااااااا

amour_amour88

24-09-2009, 10:43 PM

الا بيك وان شاء الله نعمل شغل

BêDô ΜâśĦâĶëL

25-09-2009, 01:22 PM

اهلا بيك انت :)
وان شاء الله الشغل يبقي عالى اوى ويبقي ليه تأثير
ولو مأثرش ننظم جماعة ارهابية :d

eng.ahmed55

25-09-2009, 01:28 PM

اهلا بيك انت :)
وان شاء الله الشغل يبقي عالى اوى ويبقي ليه تأثير
ولو مأثرش ننظم جماعة ارهابية :d
ايه يا عم الداخلة دى انت هتخوفنا من اولها ولا ايه؟
طبعا نورتنا فى كلية
وسلام كبير للراجل الديموقراطى عبد الله باشا

BêDô ΜâśĦâĶëL

25-09-2009, 02:10 PM

ايه يا عم الداخلة دى انت هتخوفنا من اولها ولا ايه؟
طبعا نورتنا فى كلية
وسلام كبير للراجل الديموقراطى عبد الله باشا

الله .. هو انا بقيت زعيم وطنى ولا ايه :d
كدا انا عرفت 2 معايا ف الكليه صاحب التوبك واحمد بيه اللى هينورنا

مين تانى :d

basma11

28-09-2009, 11:02 PM

حد عرف جدول المحاضرات ولا لسه حد يرد عليا بسرعة:romarioxp6:

BêDô ΜâśĦâĶëL

28-09-2009, 11:43 PM

حد عرف جدول المحاضرات ولا لسه حد يرد عليا بسرعة:romarioxp6:

هى الحاجات دى مش بنعرفها لما الدراسة تبدأ :d ??

ولا دى بنعرفها الاول وبنرتب قبل ما نروح ؟؟

حد ينفعنا يا اخوانا والنبي

amour_amour88

29-09-2009, 01:48 AM

اهلا بيكوا كلكم لا الجدول بيتصور ويتوزع اول يوم ف الدراسه انتوا مستعجلين ع ايه حتزاكروا من دلوقتي يعني

BêDô ΜâśĦâĶëL

30-09-2009, 03:20 PM

فيـه كليـآت كتيـر نـزلت الجـدآول بتـآعتـهـا ع النـت
مفيـش أخبـآر عـن جـدولنـآ ؟

el_brins

01-10-2009, 12:00 AM

amour_amour88

02-10-2009, 12:21 AM

تمام اكتر من ممتاز بس ليه تعبير "يبلعها" دا ممكن يقطعها صح ولا ايه

فعلا تفكير سليم

ahmed_fci

01-11-2009, 01:24 PM

ياشباب انا خريج حاسبات ومعلومات الزقازيق

والحقيقه يؤسفنى انى اقرء كل اللى اتكتب منكم عن الكليه من قبل ما تشفوها وحكمتم عليها من مجرد اشاعات او كلام من مصادر مجهوله

عايز اقول لكم ان الكليه زيها زى اى كليه فى الدنيا ليها مميزاتها وليها عيوبها , بس اطمنكم ان العيوب دى بتقل بمرور الدفعات لأن ابناء الكليه بجد حريصين على اسمها ونفسهم يرفعوها فوق الدنيا كلها وانا متأكد انكم كمان هتعملو كده بمجرد انكم تنتسبوا ليها وهتحبوا الدراسه فيها قوى

وماشاء الله دلوقتى بقه فيها من الكوارد الشابه معيدين من ابنائها على درجه علميه عاليه وجاهزين لخدمتكم

ربنا يوفقكم يارب واللى ليه استفسار او سؤال اخوكم مستعد يرد عليه

Ahmed Mamdouh
Business Consultant
PerformICT
Tel +966 146 475 74
Fax +966 146 320 83
Mobile +966 542 253 527
E-Mail Mamdouh*PerformICT.com
ahmed_fci*************