مشاهدة النسخة كاملة : الى كل طالب بكلية العلوم لازم ندافع عن كليتنا
eng...lido 08-08-2009, 02:04 AM السلام عليكم ورحمة الله وبركاته
ياشباب فى عضو اسمه timo mido قام بالسب فى كلية العلوم كليتنا الجميلة وقام بالسب ايضا فى اخونا العضو الناجح زيزو 1900 ووصفهم بالفاشل وانا قمت بارسال شكاوى فى القسم الادارى للمنتدى.
فادعو كل طالب ينتمى لكلية العلوم القيام بالدفاع عن كليته ضد هذا العضو الذى قام بالسب فيها
حتى يتم فصله نهائيا من المنتدى
او يقوم بالعتذار لكل طالب فى كلية العلوم
MuHaMeD kHaLeD 08-08-2009, 02:42 AM انا معاك
خلي الحاقدين يتكلمو
الشجره المثمره لابد من حتفها ........
eng...lido 08-08-2009, 02:43 AM رأيك سليم يا انشتين وشكرا على دفاعك
without mercy 08-08-2009, 02:59 AM وانا معاك فى كلامك يا وليد لازم العضو ده يتوقف يا جماعه لان دى كلية علوم مش اى كليه تانيه ولازم جميع الاعضاء تدافع معانا وللاداره جزيل الشكر
اذكر الله 08-08-2009, 03:24 AM انا من رايى احنا مش نرد عليةعلية ونضيع وقتنا معاه او ممكن يثير غظنا ويدفعنا اننا نرد علية بطريقة مش كويسة
نبقى كدة احنا غضبنا ربنا
احنا نقول ربنا يسامحة
ودة يدينا دفعة اكبر اننا نقدر ننجح فى كليتنا
سيبك منة وركز فى نفسك والاخ زيزو ياريت متحطش فى بالك التافهات دى وخليك دايما مع زمايلك
وثوابك اكيد انت مش مستنية من انسان استناه من ربك
الاسطورة 08-08-2009, 03:31 AM ايه ده هى كلية علوم محتلة ولا ايه ..؟
Nogha 08-08-2009, 11:59 AM الشجره المثمره لابد من حتفها ........
صح
لا يضر السماء نبح ال.....
دول ناس متغاظة خلاص حرام سيبوهوم
غيرانين مننا:av4056bb7jp3::av4056bb7jp3::av4056bb7jp3:
كلية العلوم هى ام الكليات و باينة من اسمها "العلوم"و حتفضل كدة غصب عن اى حد :stickjo4:فهى الكلية الأم و الأصل فى كل العلوم و الحمد لله:022yb4:
قولولى كلية تانية بتدرس كل العلوم كدة زينا و بتتعمق فيها
الكليات التانية بتاخد القشور كدة بالعرض من فوق انما احنا بنتعمق و بننزل بالطول
ناس جامدة و كلية عظيمة
قل موتوا بغيظكم
يا جماعه خلى اللى يتكلم يتكلم مضيعوش وقتكم خلينا نركز اهم حاجه فى مستقبلنا
The Philosopher 08-08-2009, 02:59 PM السلام عليكم ورحمة الله وبركاته
مادام ياأخوانى احنا عايشين فى البلد اللى محدش فيها بيقدر قيمة العلوم يبقى لازم نسمع كلام زى ده
يعنى هو لازم تدخل طب ولاصيدلة ولا أسنان عشان تكون محترم وذكى لا أنت محترم وذكى غصب عن الجميع احنا أذكياء احنا اللى هنبنى البلد دى احنا أولاد مصر
احنا أقصد كليتنا هى اللى جابت أحمد زويل اللى مصر كلها بتفتخر بيه
احنا هنصمم ونركز ونذاكر وهنتعب عشان ربنا مش ينسانا
احنا هنتخرج ان شاء الله من أحسن كلية فى الدنيا
حبنا لكليتنا هو اللى هيخلينا نبدع فيها ان شاء الله
ارفع راسك فى السماء وقول أنا طالب كلية علوم ولايهمك من أى حد
والسلام عليكم ورحمة الله وبركاته
The Philosopher 08-08-2009, 03:11 PM صحيح ياجماعة عايز أوجه رسالة الى كل عضو دخل طب ولاصيدلة ولاأسنان
والله مش حقد لأنى الحمد لله عمرى ماكانت فيا الصفة دى بس هو كلام عن اقتناع
ملحوظة أن كل اللى دخلوا الكليات دى بمجرد ماشافو التنسيق غيروا أسمائهم فى العضويات وكتبوا جنبها د\ أو Dr\
أحب أقولهم أنكوا لسه ياجماعة مبقتوش دكاترة ولاحاجة أنتوا لسه طلاب زى ماأنتوا بس طلاب جامعة ومش كل من دخل جامعة قدر يتخرج منها ولسه وظيفتكم طلاب زى ماأنتوا يعنى لسه مبقتوش دكاترة والله مش حقد ولا حاجة الحمد لله الصفة دى ربنا منعها عنى الحمد لله بس ده كلام عن اقتناع
وأتمنى أنكوا مش تتغروا وأنكوا تعرفوا تكملوا وبالتوفيق ان شاء الله
الاسطورة 08-08-2009, 03:14 PM احب اقول لحضرتك ات تغيير الاسماء لدكتور وكده
مش غرور ولا تعالى ولا حاجة
كل الحكاية الناس فرحانين انهم دخلوا الكلية
مافيهاش اى مشاكل
محمد.فوكس 08-08-2009, 03:19 PM انا بس عايز اقول لزيزو انت واضح انك عندك خبرة في مجال العمل و بتقول اللي انت شايفه.
و الحمد لله ان الواقع دلوقتي في صالح كلية العلوم .. بس يا ريت نراعي شعور الصيدلة ..مش قصدي يعني انهم غلابة ..بس منقعدش نقول كل شوية احنا احسن منهم بنشتغل احسن منهم مطلوبين اكتر منهم..اصل لو حطيت نفسك مكانهم الكلام صح بس ممكن يستفز.
انت ممكن تعرض فكرة ان كليتنا مطلوبة و مجالتها كتير و تشرح من غير ما تجيب سيرة صيدلة.
في بقى ناس بقى هاجمت كلية العلوم و قالت عليها كلية فشلة و هم عارفين نفسهم.
ارد عليه بأن الكلية الصعبة بشهادة الكل مش ممكن تكون كلية فشلة..يعني لما تنجح في كلية صعبة هل كده تبقى انت فاشل..
ازاي يعني؟
و كلية علوم ملهاش لازمة .. سوري بقى اللي يقول كده يبقى مش فاهم حاجة..ده كلام ده..لو كلية العلوم اللي فيها كل العلوم ملهاش لازمة يبقى في كلية تانية ليها لازمة.
و بعدين واحد زي الدكتور احمد زويل كان في ثانوية عامة شعبة علمية (مكانش علمي رياضة و علمي علوم كان علمي على بعضه).
و جاب مجموع يدخله طب و هندسة و صيدلة و بيطري .. و هو اختار كلية العلوم ..يا ترى ليه؟؟..لو كان شايف ان ملهاش لازمة كان ساب طب و هندسة و راحها؟.
ولا الدكتور زويل بقى مش بيفهم؟!!
The Philosopher 08-08-2009, 03:26 PM احب اقول لحضرتك ات تغيير الاسماء لدكتور وكده
مش غرور ولا تعالى ولا حاجة
كل الحكاية الناس فرحانين انهم دخلوا الكلية
مافيهاش اى مشاكل
وانا أحب أقول أن ده سبق للأحداث ملوش اى لازمة يعنى وبعدين هما بردوا لسه طلاب جامعيين لسه قدامهم خمس أو سبع سنين عشان نقول عليهم دكاترة
وأنا مقولتش غرور ولا تعالى
eng...lido 08-08-2009, 04:04 PM بجد شكرا لكم كلكم على مشاركتكم الجميلة وحبكم لكليتنا الجميلة كلية العلوم التى سوف تبقى للابد كلية القمة
شكرا جدا
The Philosopher 08-08-2009, 06:34 PM السلام عليكم ورحمة الله وبركاته
ياشباب فى عضو اسمه timo mido قام بالسب فى كلية العلوم كليتنا الجميلة وقام بالسب ايضا فى اخونا العضو الناجح زيزو 1900 ووصفهم بالفاشل وانا قمت بارسال شكاوى فى القسم الادارى للمنتدى.
فادعو كل طالب ينتمى لكلية العلوم القيام بالدفاع عن كليته ضد هذا العضو الذى قام بالسب فيها
حتى يتم فصله نهائيا من المنتدى
او يقوم بالعتذار لكل طالب فى كلية العلوم
السلام عليكم ورحمة الله وبركاته
خلاص ياجماعة هو قدم اعتذار لينا كلنا فى الموضوع ده
http://www.thanwya.com/vb/showthread.php?t=143431
ياريت بقى نقفل على الموضوع ونركز فى كليتنا أحسن
والسلام عليكم ورحمة الله وبركاته
mo0ny 08-08-2009, 07:41 PM خلاص ياجماعه الموضوع انتهى طنشوا بقى
يعنى هو لما يقول كده هتفرق
والله بتعتمد على الشخص نفسه
وزى ما قولتله فى ردى عليه
ياماا بيتخرجوا من طب ومش بيشتغلوا واتحداك تقولى كلهم بيشتغلوا وياما بيتخرجوا من صيدله واخرتهم واقفين فى صيدليه وانزل الصيدليات وشوف
وبرضه ياما بيتخرجوا من طب وصيدله ويبقوا احسن الناس
الموضوع ده بقى يتوقف على الشخص نفسه
فياريت ياجماعه نفكر بعقليه انضج من كده وبعدين يعنى شايفين الشغل مقطع بعضه
زويل مكنش هيبقى زويل لو مكنش جواه الدافع اللى بيحركه
ولو كان وقف يتفرج على الناس وهم بيقولوا داخل علوم ليه
لو انتم بجد قدامكم هدف هتسعوا ليه وهتسيبوا اللى يتكلم يتكلم
فزى ما بقولكم طنشوا وريح دماغكم
^^
زيزو1900 08-08-2009, 08:55 PM شكر بجد يا جماعة علي اللي انتو عملتوا بجد انا مش عارف اقول ايه بس عايزكو تعرفو ان واللهى مش بالكليه سواء صيدله او غيرها واللهى علوم كليه جميله جدا وانا انشاء الله مشترك في جروب بيجمع العلميين بجميع الفئات وهما دول الوجهه الحقيقية بتاعة كليه علوم انشاء الله هوريلكو السيفيهات بتاعتهم وهحطلكو اللنك بتاع الجروب
لازم تعرف انك في كليه اكثر من رائعة ولما تتخرج تدور ع شغل وماتيئسشي وخد دبلومة تحاليل وحضر ماجستير ودور وهتوصل
وللي عايز يوصل هيوصل بارداه ربنا وبايمانه بربنا
eng...lido 08-08-2009, 10:47 PM السلام عليكم ورحمة الله وبركاته
طبعا اهم حاجة الايمان بربنا للوصول للهدف واحنا عمرنا ماحنلاقى كليتنا او عضو فيها بتغلط فيه وحنسكت يعنى
الحملة دى كانت بس عبرة لكل واحد يفكر انه يقلد صاحبنا ويغلط
وخلاص طالما انتوا عايزين الموضوع ينتهى يبقى انتهى طالما اعتذر
وشكرا مليون مرة لكل طالب فى كلية علوم دافع عن هذه الكلية الجميلة
عاشت كلية العلوم فى القمة دائما
|