|
مشاهدة النسخة كاملة : انا بطاقتى ضاعت هجيب ازاى استمارة 2 جند New Planet 09-08-2009, 09:52 PM انا دخلت تجارة انتساب القاهرة ورايح اجيب استمارة 2 جند بس بطاقتى ضاعت هجيبها ازاى ممكن حد يقولى واللى راح قدم ف تجارة انتساب ممكن يقولى هما بياخدوا الاستمارة 2 جند ولا لأ عشان سمعت انهم مش بياخدوها ارجو الاجابة بسرعة New Planet 09-08-2009, 09:56 PM ممكن حد يرد عليا Oops 09-08-2009, 10:53 PM ممكن حد يرد عليا أنا لسه جايب الاستماره النهارده والموضوع مش محتاج بطاقه ولا حاجه دي استماره فاضيه وانت بتملاها و تمنها نص جنيه اما حكايه الانتساب بيحتاج 2 جند ولا لأ مش عارف بس اكيد بيحتاجوها لانها ملهاش علاقه انتساب او انتظام adel hasan 09-08-2009, 11:34 PM أى كلية بتحتاج نموذج 2 جند للطلبة الذكور ودى أنا جبتها من مكتب السجلات العسكرية ولازم يكون معاك حتى ولو صورة من البطاقة وكمان الكلية بتحتاج صورة من البطاقة وشهادة ميلاد إلكترونبة وصورة منها وإستمارة الثانوية العامة وصورة منها وورقة الترشيح ومبلغ 10 جنيه عشان الكشف الطبى والموظف بيعطيك نموذج إلتحاق بالكلية عشان تملاه وتقدمه مع الأوراق. شريف ابوالنصر 10-08-2009, 02:26 AM ياعم مش بتحتاج بطاقة ولا حاجة الموضوع كلة نص جنية وبس اكتر من كده لا انا جبتها من غير بطاقة وماتملهاش انت هما بيملوها eng.midosaid 10-08-2009, 02:34 AM انا كمان جبتها من غير بطاقة ولا حاجه بس عموما لازم تمشي في اجراءات البطاقة عشان مطلوبة للكلية smile smile 10-08-2009, 08:00 AM طيب معلش يا جماعة انا كنت عاوزة اسال هو انتم جبتوها منين ؟؟؟؟ انا سالت في مكتب البريد وقالوا انهم بطلوا يبيعوها سؤال كمان هو مكتب التنسيق هو اللي بياخد الاستمارة؟؟؟ وهي بتاخد وقت علشان اطلعها اصل انا لسه ما عملتهاش يا ريت حد يرد بسرعة ولكم جزيل الشكر د/بسمة الاسلام 10-08-2009, 08:08 AM سيادتك ممكن تطلع بدل فاقد سهلة جدا وعادي وتمشى الاجراءات وكأن شيئا لم يكن بالتوفيق للجميع Dr.M0hamed 10-08-2009, 09:17 AM ممكن بطاقه الوالد ومينفعش اي بطاقه غيرها يعني الوالد فقط hamo22 12-08-2009, 08:12 AM انا دخلت تجارة انتساب القاهرة ورايح اجيب استمارة 2 جند بس بطاقتى ضاعت هجيبها ازاى ممكن حد يقولى واللى راح قدم ف تجارة انتساب ممكن يقولى هما بياخدوا الاستمارة 2 جند ولا لأ عشان سمعت انهم مش بياخدوها ارجو الاجابة بسرعة لازم والدك هو اللي يروح يجيبها طالما معندكش بطاقه عشان يتاكدو من اسمك |