مشاهدة النسخة كاملة : فلسفة ومنطق وللا علم نفس واجتماع ؟؟
Eng. Ahmed Said 09-08-2009, 11:20 PM بعد اذنكم يا جماعة
انا علمى ان شاء الله وكنت محتار فى 3 ثانوى ايه المادة الادبى اللى اخدها
و بصفة اكثر دقة بين الفلسفة وعلم النفس
الفلسفة اسمع انها اقصر بس مش ظريفة اما علم النفس ممتع بس طويل وكله حفظ
و بلاقى ترشيحات من الناس للفلسفة ومن ناس تانية لعلم النفس
ياريت اسلافنا ينقلولنا خبراتهم فى النقطة دى
وجزاكم الله خير
حنان الزيبق 09-08-2009, 11:49 PM انا من راى المتواضع علم نفس مادة هتضمنلك الخمسين ان شاء الله
الاتنين زى بعض
وهاتلاقى ناس بتحب علم النفس وشايفاه مادة سهلة ولذيذة
وناس بتحب الفلسفة وشايفاها مادة سهلة ولذيذة
عن نفسى مش باحب الاتنين
الاتنين بيعتمدوا عالحفظ الصم ..!!
يمكن كنت باحاول شوية ف علم النفس افهم واكتب باسلوبى
بس برضو لازم تحفظ النقط الاساسية اللى هاتكتب منها باسلوبك
ماخدتش فلسفة انا .. بس اصحابى اللى خدوها كانوا شايفين علم النفس افضل
واللى شايفاه افضل من الاتنين خصوصا لو انت مش بتحب الحفظ
الاقتصاد والاحصا ..
الاحصا بسيطة جداا
ولما بتيجى فيها مسائل صعبة ومش مباشرة بتكون من النماذج
ومش صعبة لدرجة انها مش تتحل يعنى
بتبقى فيها فكرة بسيطة مش اكتر
وبمجرد انك تحفظ القوانين كويس تقدر تحل اى مسألة
والقوانين دى مش كتير ..
ده غير انها مسلية اصلا
كنت لما احب اريح من المذاكرة احل شوية احصا
والاقتصاد مادة لذيذة وصغيرة لو فهمتها مش هاتحتاج تحفظ كويس غير التعريفات بس
حاجة كمان خلى بالك منها
السنة دى طلبة علمى رياضة اللى كانوا واخدين علم نفس
كان عندهم امتحان جبر وبعده تانى يوم على طول امتحان علم نفس وبعده على طول الميكانيكا
هى مش قاعدة بس غالبا الجدول بيكون حاجة شبه كدة
لان غالبا طلبة رياضة بياخدوا احصا
ف الاخر يعنى
لو انت مستبعد الاقتصاد والاحصا
انصحك بعلم النفس على حد كلام الناس اللى خدت علم نفس وفلسفة وكانوا شايفينه اسهل
وطبعا اهم حاجة انك تهتم بالمادة الادبية زيها زى باقى المواد وتذاكرها من البداية كويس
بالتوفيق ان شاء الله ..
searching4me 10-08-2009, 07:00 AM بص يا جميل
انا كنت واخدة فلسفة ومنطق
وجبت فيها 49
بس منصحكش بيها خالص
لانها اولا مادة غلسة وعلم النفس اسهل كتيير
ثانيا بتقدر تقفل فيها ال50 بسهولة عن الفلسفة
Dr.Nona.pt 10-08-2009, 11:45 AM طبعااً علم النفس أسهل كتير وبصراحة مادة حلوة وبأقل مذاكرة تقدر تجيب الخمسين انا كنت واخداها وجبت 50 غير الفلسفة مادة تقيلة وبالعكس علم النفس مش عايز حفظ كتير ...... انت لو فاهم كويس ومكنتش حافظ أوي تقدر تك تكتب فيها
M.E.M.s 10-08-2009, 01:00 PM أنا الحمد لله أخدت فلسفة و منطق و كان قرار صاااااااااااااائب
جبت الحمد لله 50 مع العلم انى ما كنتتش بذاكرها جامد الا الخمس أيام اللى قبل الامتحان
أما علم النفس فهو مادة لذيذة و شيقة لكن التصحيح مش حلو
يعنى تقديرى بيختلف من مدرس لآخر و على فكرة المعلومة دى من مدرس
فعلى سبيل المثال الطالب كريم خميس ده صاحبى و كان واخد علم نفس و متأكدة 100% انه قفله بإذن الله و هيجيب 50 و اتفاجئ انه جاب 48 فى حين ان طالب اخر جاب 60% و كان مش مذاكر الا جزء من المنهج و اتفاجئ انه جاب 50 و كان هيمووووووووووووت من المفاجأة
Eng. Ahmed Said 10-08-2009, 08:05 PM تمام جداً ياجماعة
طبعا مع إختلاف الآراء الواحد بيتشتت خاصة لإنى معنديش أى خلفية مسبقة عن المناهج والدروس والتطبيقات والكلام ده
بس إللى إستنتجتوا من كلامكم رغم تنوع وجهات النظر إن علم النفس كمادة هى أكثر متعة وسهولة، وكلامكم غيرلى فكرتى القديمة إن علم النفس كله حفظ بنسبة 100% عكس الفلسفة!!
أما بالنسبة للأخطاء التصحيحية فهى عملية نسبية وأعتقد إن الموضوع دلوقتى بقى أكثر حرصاً من زمان ولو فيه حاجة لا قدر الله بيبقى فيه تظلم وكده.
أنا سمعت برضه إن الإقتصاد والإحصا ظريفة ويمكن العضوة Souhaits أكدت ده، بس أغلب الناس بياخدوا علم نفس كمادة شيقة يعنى، يبقى نتوكل على الله رب العالمين
وشكراً جداً ياشباب على المشاركة والإهتمام، جزاكم الله كل خير
Eng. Ahmed Said 10-08-2009, 10:49 PM تمام جداً ياجماعة
طبعا مع إختلاف الآراء الواحد بيتشتت خاصة لإنى معنديش أى خلفية مسبقة عن المناهج والدروس والتطبيقات والكلام ده
بس إللى إستنتجتوا من كلامكم رغم تنوع وجهات النظر إن علم النفس كمادة هى أكثر متعة وسهولة، وكلامكم غيرلى فكرتى القديمة إن علم النفس كله حفظ بنسبة 100% عكس الفلسفة!!
أما بالنسبة للأخطاء التصحيحية فهى عملية نسبية وأعتقد إن الموضوع دلوقتى بقى أكثر حرصاً من زمان ولو فيه حاجة لا قدر الله بيبقى فيه تظلم وكده.
أنا سمعت برضه إن الإقتصاد والإحصا ظريفة ويمكن العضوة Souhaits أكدت ده، بس أغلب الناس بياخدوا علم نفس كمادة شيقة يعنى، يبقى نتوكل على الله رب العالمين
وشكراً جداً ياشباب على المشاركة والإهتمام، جزاكم الله كل خير
**تسابيح** 13-08-2009, 03:17 AM أنا جبت في الفلسفة 50 ... مع اني مش كنت بحبها بس كنت بذاكرها ونصيبي جيه كدا
وعلم النفس اللي كنت بموت فيه وقلت مش هنقص الا نصف درجة
جبت فيه 46 ... وبرده الحمدلله
كل اللي انا عايزة اقولك ....... اللي مكتوبلك هتشوفه
اهم حاجة تعمل اللي عليك
بس انا عن نفسي ارشحلك علم النفس عشان:::
(1) المادة في الاول حفظ بس بعد كدا هيبقي كله فهم
(2) انك هتستفيد جامد من المادة دي ...وهتعرف معلومات هتفيدك
ع العموم ربنا يوفقك وشد حيلك وهتلاقي نتيجة تعبك ان شاء الله
أسيل رزق 17-08-2009, 11:01 PM الاتنين أسهل من بعض و تقدر إن شاء الله تضمن فيهم الخمسين
بالنسبة للفلسفة أنا مش بحبها و فى نظرى بتحتاج حفظ أكتر من الفهم
أما علم النفس لذيذ و سهل و لو فهمته ممكن تعبر بفهمك فى الإجابة بعكس الفلسفة شوية
و عن نفسى قدرت أستفيد من علم النفس أكتر من الفلسفة
عموماً فى الأول و فى الآخر شوف ميولك لعلم النفس ولا الفلسفة و ده قرارك
و ربنا يوفقك بإذن الله
GAMALEWEES 17-08-2009, 11:15 PM بصراحة مش عايزة اعقدك انا بكرة الفلسفة موت و مع ذلك مش عارفة انا جبت فيها 47 ازاى انا كنت متوقعة انى هطلع بيها
اما بقى بالنسبة لعلم النفس فدة بقى مادة ذى العسل و جميلة جدا و على فكرة مش بتعتمد على الحفظ ذى الفلسفة بالعكس دى بتعتمد الاعتماد الاكبر على الفهم و الاستعاب من المدرس و الحمد لله جبت فيها 50
بصراحة انصحك بعلم النفس لانها ذى العسل و و سهلة جدا و مادة مهضومة جدا و هتحبها بكس الفلسفة مادة غلسة و مش هتهضمها خالص و هتلعن اليوم الفكرت تدرسها فية
انا كنت بشد شعرى منها و كنت بقعد اعيط كل ما اجى افتح الكتاب و انوى اذاكرها و فيها بقى بابين فى المنطق ذى الفل بصراحة انا كنت داخلة الامتحان مش مذاكراهم اصلا
بس فى الاول و الاخر دة مستقبلك و انت حر و انصحك نصيحة من اختك اضمن حاجة ليك انك تصلى صلاة استخارة اكيد ربنا احسن من الكل و احسن منى ربنا هو الهيفيدك
بالتوفيق ان شاء الله
دمتم فى رعاية الله
Dr\heba 18-08-2009, 12:44 AM طبعا هو علم النفس بدون نقاش لانه ماده لذيذه جدا وجميله جدا وحستفيد منه كتير وكمان مذاكرته سهله لوى كان اسهل ماده اصلا بس فكر شويه لو انت علمى رياضه لانهم بيتظلمو فى الجدول فى الاخر لكن لو علوم خده
بدون تردد انا عالفكره كنت علمى علوم وجبت فيه ال50
ودخلت صيدله وربنا يوفقك ان شاء الله
Bent 3bdo 18-08-2009, 01:35 AM انا كنت واخده اقتصاد واحصاء
بس اللى أسمعه عن علم النفس والفلسفه
ان علم النفس أسهل بكتير م الفلسفه
وكانوا بيقولوا ان الفلسفه فيها مسائل وحاجات كده
بس ف الاكيد ف الموضوع ان الاتنين حفظ
بس نصيحه منى
خد إقتصاد وإحصاء
والله ماده هايفه جدا
اى نعم انا كنت بكرها
بس كنت بكره الاحصاء م سلاستها وسهولتها
المسائل كلها هى هى مفيش أفكار
ياعنى الحاجه اللى ممكن تشغل دماغك فيها هى أول باب بس بتاع الاحتملات
ده اللى فيه تفكير شويه
انما البقاى تافه جدا
وخصوصا اخر بابين الرابع والخامس
دول اصلا ملهمش اى لازمه ف الحياه
المسائل هى هى مش بتتغير
تقعد تعمل ف جدول أهبل كده مش عارفه تضرب س فى ص وتربعهم وتجمهم و
قانون تعوض فيه وبس
أنا كنت بروح الدرس مش حاله المسائل بتوع البابين دول
المستر يوقلى ليه
أقوله أحل ايه
كلهم زى بعضهم
كله شغل ع الاله الحاسبه مش حاجه هتعود عليها
الاقتصاد بقى
ماده حفظ بس سهله وممكن تفهمها ومش لازم تبقى حافظ بالنص زى علم النفس والفلسفه
انا الاقتصاد ده
مذكراه ليله الامتحان
ياعنى عندك6 ابواب
اول تلات ابواب
هتلاقى كل باب 3 او4 صفح
انا ف بابن كنت مذاكراهم ليله الامتحان لاول مرة
مكنتش حتى قريتهم قبل كده
وواحد كنت مذكراه ف العشر ايام اللى قبل العربى
والحمد لله جب 50 م 50
ياعنى بجد أحسن ميزة في الاقتصاد والاحصاء
ان مش محتاجين وقت للمذاكرة زى علم النفس والفلسفه
وف الاخ شو وقرر
الرأى ف الاول والاخر ليك
كل واحد أدرى بنفسه
وان شاء الله ربنا يعملك اللى فيه الخير
Eng. Ahmed Said 18-08-2009, 01:53 PM ميرسى ياجماعة ألف شكر على النصايح وفيض الخبرات المسبقة إللى بشوفها هنا دى :)
وفعلاً أنا بشوف كلام كويس عن علم النفس على إنها مادة ممتعة وبتقدر تقفل الإمتحان فيها، والإقتصاد والإحصا أسمع إن هى مادة سهلة أوى، الفلسفة طبعاً غالباً هتكون برة الحسبان، وأكيد صلاة الإستخارة هتحسم الأمر على الخير بإذن الله
وربنا يخليكم ياجماعة، أفادكم الله
|