الى كل من يدخل الجامعة فى اول يوم فى الدراسة( خاص بالرجاله) [الأرشيف]

اسلام66

10-08-2009, 07:10 AM

:friendsxs3::022yb4:الى كل من يدخل الجامعة فى اول يوم فى الدراسة (خاص بالرجاله)
;)كل واحد مش عارف حاجه حيحب يعمل نفسه واد دكر ويفكر انها عدت معاه ويبقى داخل الجامعة منبهر بها اول مره يدخلها يبقى عامل زى عنتر اللى رايح روما على طووول ...على طوووول .... واخد بالك ويبقى كل اللى همك :006et4:انك تعاكس بنات وخلاص لا,,,,, يقولك انت داخل الجامعة وعيش ايامك وروش والجامعة مش كده انت اه حتعيش ايامك فى الجامعة وحتبقى احسن ايام قضتها فى حياتك بس لازم تعيشها بأدب واحترام واخد بالك يا عمر ولا ايه,,,
:039uw8:
ولازم تذاكر بانتظام عشان تلاقى حاجه فى الاخر بدل متعبى وتقول يا ريت اللى جارا ما كان .

vampire1188

11-08-2009, 03:50 AM

ههههههههههههههه

فكرتني بايام سنة اولي يا اسلام http://l.yimg.com/us.yimg.com/i/mesg/emoticons7/48.gif

يااااه تصدق كانت ايام ظريفة ولله .. الواحد كدا كنت تحس انه شنكوت كبير http://l.yimg.com/us.yimg.com/i/mesg/emoticons7/24.gif

بجد سوري يا بتوع سنة اولي اعذروني والله

بس هوا دا شئ معروف .. اي حد في سنة اولي داخل جديد بيتعرف على طول

من اي حد في سنة تانية او تالته او بكالوريوس ..

يااااااه .. انا افتكر ان انا اول يوم .. كنت داخل تايه خالص ماعرفش فين المدرج وفين المحاضرات وفي الجدول

لا افقه اي شئ في اي شئ .. وقعدت ع الموال دا حوالي 3 ايام .. لغاية مابدأت اتأقلم على الوضع

الجامعة في الاول بالنسبالي كانت رخمة اوي .. وكنت عايش في دور تلميذ المدرسة

يروح الجامعة الصبح .. يرجع بعد الظهر .. ويخاف احسن يتأخر عشان مايقلقوش عليه في البيت http://l.yimg.com/us.yimg.com/i/mesg/emoticons7/4.gif

وعايش بقي في دور الطالب المجتهد .. اللي بينقل كل كلمة وكل حرف يقوله الدكتور

ويالهوي لو فاتتني محاضرة .. تبقي مصيبة سودا !! .. ادور على اي حد انقلها منه

وفاتت الايام .. ويوم ورا يوم حبيبي ما جاني نوم .. لغاية ماتعرفت على بنات وولاد كتير

والجامعة بقت حلوة .. والاجتهاد راح .. مابقتش احضر وبقضيها ملازم واعيش حياتي مع البنات والولاد بره !!

يعني عايز اقولكوا بجد .. السنة اللي فاتت دي .. واقسم بالله كان عليا مادة اسمها نقود وبنوك

وربنا ماشوفت خلقة الدكتور بتاعها الا في اخر محاضرة عشان اعرف الملغي والمقرر

وطول السنة مقضيها بره مابحضرش الا المحاسبة عشان هيا اللي مهمة جدا ولازم تتفهم

بس انا كنت مقضيها وانا عارف انا بقضيها ازاي .. عشان ماحدش ييجي يقولي انتا نجحت بالحظ

انا اه ماكنتش بحضر وكنت بقعد في الكلية من الصبح لبليل بلف فيها ! .. بس كنت بعرف انا خدت ايه

وايه اللي اتلغي وايه اللي اتشرح .. كنت بتابع الدكاترة بيقولوا ايه

من خلال المكتبات اللي بره او من صحابي اللي حضروا

يعني من الاخر .. سواءا للولاد او البنات .. اللي عايز يعيش حياته في الجامعة يعيش

ولكن يراعي حاجتين مهمين اوي :

1- ان انتا جاي عشان تتعلم ومصروف عليك عشان تتعلم مش عشان تقضيها لعبوفي الاخر تسقط

2- فيه حاجة اسمها احترام متبادل بين الولاد والبنات .. اه اتعرف واتكلم وارغي وعيش .. بس فيه احترام

وفى النهاية .. كل واحد مسئول عن نفسه وكل واحد عارف هوا بيعمل ايه كويس اوي