اللى بيته من إزاز ميغيرش هدومه فى الصالون ¦
فاقد الشىء يدور عليه ¦
اقلب القدره على فومها الفول يقع منها ¦
تأتى الرياح محمله بالأتربة ¦
ياخبرالنهارده بفلوس بكره ينزل عليه أوكازيون ¦
اللى معاه قرش محيره يجيب حمام ويحمره ¦
جت الحزينه تفرح شغلت شريط حكيم وقعدت ترقص ¦
قال يامحشحشين يكفيكوا شر الكمين ¦
اللى ياكل لوحده يشبع ¦
لاتبكى على اللبن فى البسكوت ¦
اقطع عرق و حته بتلو ¦
اطبخى ياجاريه الأنبوبه فاضيه يا سيدى ¦
لو حبيبك عسل ما تحطلوش طحينة ¦
اللى يتلسع من الشوربه يتصل بالمطافى ¦
وبكره ترجع ريما من عند خلتها فى مارينا ¦
ياداخل بين البصله وقشرتها حط قطرة علشان
هادمع من ريحتها ¦
اصوم اصوم وافطر على المدفع ¦
القرش الأبيض بيعوم فى البحر الأحمر ¦
ضربوا الأعور على عينه قالهم كسرتوا النضاره ¦
اللى ميشفش من الغربال يكشف نظر ¦
المال السايب يعلم الطلبه ¦
نام وارتاح وكل عسل نحل التمساح ¦
من خرج من داره مينساش يأخد المفتاح معاه ¦
الباب اللى يجيجلك منه الريح شيله وركب قبنورى ¦
المضطر يركب التاكسى ¦
رب صدفة خير من ألف ليلة و ليلة ¦
اللى يخاف من العفريت يعمل عبيط ¦
حجه البليد بصرف فلوسى على الوييد ¦
المركب اللى فيها رايسين يلعبوا طاولة ¦
اللى خدتوا الأرعه تخدو ام الخلول ¦
what اللى ميعرفش يقول ¦
أكل العيش يحب الطعميه ¦
lenses العين عليها ¦
قالوا للحرامى أحلف قالهم وحياة قلبى وأفراحوا ¦
أمثــــــال عربيــــات
النقــــل
متبصليش بعين رضيه دنا طلع عين أمى فى السعوديه ¦
ربنا يحميكى من الميكانيكى ¦
الحلوة أسمها تفاحة للسفر والسياحة ¦
الحلوة من حلوان وصاحبها راجل غلبان ¦
الحلوة من دمياط وعليها أقساط ¦
قصه كفاح مش جايه على المرتاح ¦
متزمروش يابهايم دا السواق نايم ¦
اجرى جري الوحوش اوتوبيس 710 ماتلحقوش

اية العبط دة وفي الركن العام كمان
سورى على الهجة

العبط ده هو ردك السخيف
انت جاي المنتدي تستخف دمك ولا ايه
وبعدين الموضوع مش عاجبك ماتردش عليه
ولا انت عايز تعرفنا ان دمك خفيف وخلاص

عمرو مع احترامى ليك
الموضوع مش كويس
ده مش تقليل منك لكن النقد مطلوب برضو
ويعنى لو لقيت رد زى الى فوق حاول تتجاهله ومتردش عاليه احسن

شكرا ليك شاعر الحب