http://3.bp.blogspot.com/_Q3xEwX1xOck/R8OQbWZASMI/AAAAAAAAAAc/orHqjEYiaOA/S1600-R/%D8%BA%D9%84%D8%A8%D8%A7%D9%86-copy.jpg


زمان كانوا بيقولوا مثل

اطبخى يا جارية ..... الانبوبة فاضية يا سيدى

الموضوع دة هتكلم فية عن الانبوبة
كل مواطن مصرى بيحلم دلوقتى بلانبوبة ( الفلوس يعنى ) ,,

وطبعا مش هتكلم عن ازمة الانابيب ولا ازمة المواصلات ولا ازمة طابور العيش

ولا سعيد ازمات حتى

اصل خلاص المواطن حفظ الكلام

وازمة تعدى يجى غيرها وعادى ,,

المهم نرجع للانبوبة ( الفلوس ) وعشان نلاقى حل للازمة الانبوية يبقى نشوف الانبوبة الام
فين ونحاول نعرف فين المشكلة !


>>>>>( فلوس مصر )<<<<<


السيد المسؤل دايما يطلع يقول فى التليفزيون من وانا صغير

ويقول : ديون مصر

انا نفسى اعرف مصر عليها ديون ازاى

احنا الحمد لله ربنا انعم علينا ببلد اسمها مصر

البلد دى بيدخل ليها دخل قومى يعيش امريكتين ( خمسة وخميسة ) .

عندنا الدخل من السياحة ,

عندنا دخل من الزراعة ,

عندنا دخل من البترول ,

عندنا دخل من الغاز الطبيعى ,

عندنا دخل من الفحم ,

عندنا دخل من قناة السويس ( تأكل دولة دى لوحدها ) ,

دة غير طبعا الدخل القومى ( الى من تحت لتحت ...)

خد عندك تجارة سلاح

وتجارة مخدرات..

دا كفايه شارع عبد اللطيف فى طنطا

"
http://www.3gypt.com/vb/image.php?u=25411&dateline=1202145560

"
وكباريهات شارع الهرم ( ودة لية ميزانية لوحدة طبعا )

طب لما احنا عندنا كل الدخل دة

الفلوس بتروح فين؟؟؟؟

هنفرض مثلا ان البلد فيها حرامية

فية حرامى يسرق تلت تربع فلوس الشعب ويسيب الربع !!!

طب فين فلوس الراجل الى مزوغ من الكومسارى ؟؟

واللى مزوغ من ومن ومن ....


حد يجاوبنى ويقولى فلوس مصر بتروح فين ؟؟؟

دا الشعب كلة على بعضة مصاريفة متعديش عشرين تلاتين مليار جنية فى السنة

طب الباقى راح فين ؟

محدش يقولى القطه كلته !!!!



تحميل...

انت عايز تودي نفسك في دهيا ولا ايه
انت بتتكام في سياااااااااااسة
وكدة غلط (كوخة ) مينفعش تتكلم في السياسة ولا أي حاجة تخص (أموال الحكومة ) خالص ...
موضوعك هادف جداااااااااااااااااااااااااااا

فلوس مصر بتروح فين

بنوك سويسرا طبعا :d

بجد هو موضوع جميل جدا بس للأسف ممنوع نقاشه هنا فى المنتدى
وكتير مخمن الفلوس دى بتروح فين
موضوعك يعتبر مخالف لقوانين المنتدى
فى رعايه الله

فلوس مصر بتروح فى حاجتين الفن والرياضة
عيب عليك بس اومال عاوز الحكومة تدلع المواطن ازاى;)

فلوس مصر بتروح فى حاجتين الفن والرياضة


عيب عليك بس اومال عاوز الحكومة تدلع المواطن ازاى;)



اومال ايه في اماكن الترفيه والنوادي والسينما والمسارح والحفلات الغنائيه والافلام والمسلسلات والاكسسوارات .................................................. ................. بس انا دماغي وجعتني

القطة كلتها
هههههههههههه
بجد : في جيوب ناس امناااااااء و شرفااااااااااء و بس
تحيا مصر:078111rg3:المهم نعيش مستروين يا عم الحاج ولا ايه:006et4:

عايز تعرف فلوس مصر بتروح فين ؟؟؟؟؟؟؟؟؟؟؟؟؟

اسأل أحمد عز وهشام طلعت (الحمد لله إنه أخد اعدام ) وكل ممثل فاشل طلع شوية قدام الكاميرا

وياخد أجر 3 مليون جنيه وكل مطرب لامم حواليه شوية بنات ترقص وفاتح زراير القميص عشان السلسلة

الفالصو اللي جايبها من عند عم برعي بتاع الخردوات تبان وكل لاعب كورة أنا بلعب أحسن منهم ياخد في الموسم

الواحد ملايين وشوف القروض اللي بالمليارات اللي بياخدوها رجال الأعمال بضمان أراضي وهمية للدولة

ويهربوا بيها ................... كفاية كدة ؟؟؟؟ ولا عايز تاني ؟؟؟؟؟ أنا شكلي كده هروح المعتقل ومستقبلي ضااااااااع

يا خسارة علي كلية الطب اللي دخلتها في بلد زي دي

والله العظيم دا إحنا لو كان عندنا من قناة السويس دي عشرة وكان عندنا كل آثار العالم مش الثلث بس ولو كان

عدد السكان 20 مليون نسمة بس مش هنلاقي ناكل طول ما الكبار بيسرقوا البلد

عمار يا مصر بتتسرقي عيني عينك من أيام الفراعنة ومحدش بينام من غير عشاء

وأحسن كلمة اتقالت عن مصر إنهم لو طبقوا الشريعة الإسلامية بدلا من القانون الفرنسي واللي يسرق

يقطعوا إيده نص البلد هتمشي في الشارع بإيد واحدة

موضوعك يعتبر مخالف لقوانين المنتدى
فى رعايه الله


لا واضح انك مقريتش قوانين المنتدى انا عايزك تاخد العنوان ده كوبي وتحطه فجوجل واعمل سيرش وشوف كام منتدى حاطه وبتاريخ كام هتلاقيه من 2005 ياريت ياباشا بدل ما ندخل نفتي نقرا الموضوع الاول ونفهم

فلوس مصر في مصر طبعا بس المشكلة مصر فين

الاخ حسام جد موضوع حلو وسؤال مهم
بس عيبه انه كلام مرسل او بتعبير المصريين كلام مصاطب وكتير منه مبالغة وبلا اثبات
اذكرك وجميع احبابي بحديث الرسول كفي بالمرء اثما ان يحدث بكل ما سمع
وحتى ردود الاعزاء تقطر مرارة وسخرية وان كان كتير من كلامهم صحيح
ولكن هل الحكومة وبرغم كل سلبياتها وانحرافاتها تجبر الناس على الانفاق الاهبل على التدخين وجيل الشعر ورنات الموبيل وحتى نجوم الكرة والسينما ؟؟؟
وللحديث بقية

هههههههههههههه

اكيد انت بتفكر فى اغلاق المنتدى وتشتيت شمل الاعضاء

بس فلوس مصر كلنا عارفين هى بتروح فين

بس طبعا نظرا لحريه الراى فى بلدنا

مفيش اى حد يقدر يتكلم