كاتب الموضوع ( شريف الخضري )



السلام عليكم ورحمة الله وبركاته
ازيكم يا جماعة
كويسين
طيب
كنت قاعد في حالي و كنت خلاص بجهز اني اسافر
مش سفر يعني بس هي منطقة كده بره بورسعيد زي مصيف
المهم اسلام بعتلي رسالة قالي فيها سبلي رقمك لاني نازل بورسعيد و عاوز اشوفك
كلمته و كنسلت المصيف ده عشانه
المصيف طبعا لو كان في مكان تاني انضف مكنتش عبرتك
لا بجد فرحت والله اني هقابل اسلام وهو كان عامل حسابة علي يومين و يمشي في الثالث
بس و عطيته رقمي و بتاع و قالي انا هوصل علي 10.5 بليل
و قالي استناني عند المحطة بتاعة القطر
وانا طبعا عارف بورسعيد حتة حتة
ركبت تاكسي و قولتله المحطة
قعد يلف يلف و بعدين قالي اللي هي فين دي
المهم روحت لسولوم طبعا انا عارف شكله من الصور اللي حاططها ع المنتدي
و علي فكرة دي صور وهمية
اسلام مش كده خالص
حاجة تانية
_كفاية فضايح لحد كده يا اسلام _

روحتله و بتاع وركبنا تاكسي و روحنا المكان اللي هيقعد فيه سولوم
و اسلام طلع حط الحاجة اللي جايبها معاه فوق
و اول واحدة جبنا في سيرتها ياسمين
اصل كان فيه زي سوكا بالظبط
كانت بترخم علي اسلام كانت شبه بتضربه
منورة يا حاجة يا سمين
سوري يا سولوم
المهم نزل وخرجنا
روحنا اتعشينا و طبعا واحنا بنتعشا جبنا في سيرة كل واحد فيكوا
الواحد بيتكلم من غير مجاملة بقا
انا مش فاكر بالظبط اتكلمنا عن مين
بس اسلام كلمني عن استاذ اشرف و عن استاذ جمعة و طبعا استاذ عصام طبعا قالي حاجات كتيرة عن اللي اعرفها واتكلمنا
و جبنا في سيرة اعضاء كتير هنا
و ناس كتير مسبناش حد الا لما جبنا في سيرته
و ملحقناش نخرج عشان المكان اللي ساكن فيه اسلام بيقفل الساعة واحدة
وروحنا و بتاع
المهم قولتله طيب خلاص هجيلك بكرة من الصبح
قالي ماشي
طبعا انا الصبح بتاعي ظهر

المهم روحتله ع الساعة اتنين و قالي انا نفسي انزل المياه
مع اني لما كلمته قولتله انت نازل المياه قالي لالالالا وكان رافض جامد
قولتله حد يجي بورسعيد ومينزلش المياه قالي لا جسمي بيتاثر بالملح و بتاع
وبعدين قالي لا عاوز انزل
وبيني وبينكوا مياه بورسعيد زبالة بس انا كان نفسي اخليه يجربها لما لقيته مصمم ينزل
المهم نزل
نزل قعد دقيقتين وطلع
نزل يبل نفسه ويطلع
انا طبعا منزلتش معاه لان عيني كانت فيها ميكروب و كان عندي برد وكنت متبهدل
المهم اسلام راح غير هدومه وروحنا عشان نتغدي
و روحنا اتغدينا و طبعا واحنا بنتغدي اتكلمنا علي كل واحد ف المنتدي بردو
اسلام قعد يحكيلي بقا شوية حاجات عن المنتدي طبعا ما اعرفهاش
و جت سيرة ادارتنا الجميلة
و قعد يقولي عن الناس اللي مشوا من زمان
و البري و ناس كتير
و اليوم ده انا كنت اتعينت تقريبا مشرف
و جت سيرة الاشراف واتكلمنا بردو
مسبناش حاجة بصراحة الا لما اتكلمنا فيها
و خلصنا اكل

و قعدنا شوية في المكان اللي ساكن فيه اسلام
و اتعرفنا علي ناس محترمة اوي و مثقفة و قعدوا يتكلموا في حاجات كتير
اسلام عرفني علي معيد في كلية الهندسة
مصلحة يعني

شخص محترم بجد

هيقفز قفزة جامدة يا سولوم المعيد ده
ملكوش انتوا دعوة بالكلام ده

بس و شوية واسلام عاوز يروح السينما
انا قولتله يا ابني انا عمري مدخلت سينما لاني مش بحب ادخلها قالي هنروح
المهم روحنا و دخلنا افلام محترمة
دخلنا السفاح و 1000 مبروك ملحقناش غير التاني تقريبا و كان رخم وممل
و اسلام ماشاء الله عليه ربنا يكمله بعقله
مكانش بيبص علي بنات خالص الصراحة
ده حتي كان فيه بنتين قاعدين ف السينما ولا بصلهم
و خرجنا و اسلام طبعا متضايق مني تقريبا كارهني عشان مرضتش اخليه يكلم البنتين
سوري يا سولوم انت اللي قولتلي نزل انت الموضوع
و طلعنا من السينما و مشينا
سولوم قالي تحب تكلم مين من المنتدي
اتفقنا نكلم محمود الاسطورة
كلمناه و كنت ناوي ارخم عليه بس قولت شكله هيشتمني ولا حاجة لما اقوله انا مين
قولتله واتكلمنا و محمود اصلا مش محتاج اقول عنه انه طيب ومحترم

و اسلام كلمه عن السحالي
ايوه حصل
كلمه عن السحالي
سوري يا سولوم
هتسمعها كتير الكلمة دي
السحالي دي عارفنها
http://www8.0zz0.com/2009/08/10/11/614768335.jpg (http://www8.0zz0.com/2009/08/10/11/614768335.jpg)

(http://www8.0zz0.com/2009/08/10/11/614768335.jpg)
واخدين بالكوا
ملكوش انتوا دعوة بالموضوع ده

وتاني يوم اسلام قالي انا عاوز انزل مياه بسين
قولتله ماشي وانا هنزل معاك مع اني كان عندي برد جامد
بس قولت يلا مش اشكال
نزلنا بسين معفن بصراحة
و مش قادر اقولكوا اسلام عويم عويم
متقولوش يا جدعان فراشة طايرة
عويم عويم بامانة
كفاية فضايح
نزلنا المياه و اسلام مبصش علي حد بصراحة
ماشاء الله عليه طول الاجازة بتاعته مبصش علي حد
سامحني يارب
كان فيه اتنين معانا في البسين كانوا عاوزينلهم بوليس الاداب
وكان كله اطفال
كنت حاسس اني قاعد في حضانة
و العيال ولاد اللذين ميجوش ينطوا الا من فوقينا
و الله ينزلوا ينطوا و بعدين يطلعوا ينطوا تاني
نازلين المياه عشان ينطوا
و بعدين خرجنا و اتمشينا نتكلم شوية
و علي فكرة اسلام عنده معلومات كتيرة جدااا
بجد مثقف مع انه ميبانش عليه ف المنتدي
و قعدنا نتكلم في شوية مواضيع كتير مش فاكرها بالظبط

وهو قالي انه هيطلع ينام قولتله وانا هروح انام برده
بس وروحنا وكنت فاصل بجد
و بكده المفروض ان اجازة اسلام انتهت و ده المفروض
بس هو طبعا قعد كمان يومين من غير اجازة
يلا ربنا يستر عليه شكلهم طردوه
اول يوم منهم خرجنا و قالي عاوز اروح بورفؤاد
وانا فكرته عاوز يروح بورفؤاد عشان يتفرج عليها
طلع رايح عشان يتفرج عليها بردو
واخد بالك يا حاج اسلام بستر عليك دايما

و بس وروحنا
و حصلت حاجات كتير في اليوم ده مش لازم تعرفوها
منور يا سولوم بامانة

تاني يوم حصلتلي ظروف جامدة بجد و قولتله مش هينفع يا سولوم نخرج النهارده
بجد كان يوم صعب اوي اليوم ده
الحمد لله انه عدي
و مخرجناش للاسف اليوم ده
و اسلام قعد كمان يوم
طبعا كل ده في الشغل اخد يومين بس
اليوم اللي قعده اسلام ده قالي انا همشي الصبح
روحتله ع الساعة 3 الظهر
اتغدي و بتاع وكانوا عاوزيني في البيت عشان سبب كده
روحت وقولتله يلا هوصلك وهروح انا عشان في ظروف وبتاع
قالي ماشي
روحنا الموقف وركب اسلام من هناك و بس
بس اهم حاجة مش الخروجة ولا اي حاجة
اهم حاجة اني صاحبت اسلام اكتر
وعرفت عنه حاجات اكتر بكتير
واسلام بجد اكتر من صاحب كمان والله
بامانة اسلام طيب بجد والله مش مجاملة
طيب ومثقف ومحترم
بس هو فيه كام عيب كده لو يبطلهم
يلا ربنا يهدينا جميعا
طبعا انتوا كلكوا هتموتوا وتشوفوا الصور
انا اتصورت صورتين تقريبا مع اسلام
بس انا مطمن انه مش هيقدر ينزلهم
مهدده انا
انا معايا صور كتير لسولوم
طبعا هنزلها كلها وهوريكوا سولوم الحقيقي
مش صور الهيرو اللي في المنتدي ده
انا كان نفسي والله اتصور و تشوفوا الصور بس محصلش نصيب يلا خير
ان شاء الله هنزلكوا صورة من صوري
ولابلاش
شوفوا الفضايح
قصدي الصور
دي صور اسلام



http://www.giantup.com/get-8-2009-Giantup_CoM_vn69w2ce.jpg


http://www.giantup.com/get-8-2009-Giantup_CoM_qo760pzt.jpg


http://www.giantup.com/get-8-2009-Giantup_CoM_r73v0i42.jpg

واخد بالك يا حاج اسلام بستر عليك دايما
تصدق باين فعلا انك بتستر عليه
عمال تستر عليه طول الكلام مش معقول كدة
:d
مش هو اللى قالك تنزل الموضوع
جابه لنفسه ..
:d

مش هو اللى قالك تنزل الموضوع
جابه لنفسه ..
:d


وانا اللي قومت بالواجب :d

اهم حاجة فى الخروجات دى بصراحة
ان الغيبة والنميمة ما شاء الله شغالة:d
بس ماشاء الله على اسلام
مسبش حد الا لما قابله:d
عقبالى يارب لما اقابل واحدة فى بالى

وانا فكرته عاوز يروح بورفؤاد عشان يتفرج عليها
طلع رايح عشان يتفرج عليها بردو
واخد بالك يا حاج اسلام بستر عليك دايما

هههههههههههههه
لاء و نعم :bosyht9:
مش عارفه مش مطمنه للموضوع ده
و حاسه ان فيها نوع من انوع المجاهره بالذنب عشان فحوى الكلام ده واضح اوى
ياريت تشيلوا الكلام اللى كده
عشان حتى لو حصل
الواحد المفروض يبقى مكسوف منه
مش فخور بيه
:)
فى رعايه الله

طبعا كلام مو منطقى بالمرة :d

كلمته و كنسلت المصيف ده عشانه
كلمته وكنسلت ولا هو اللى كنسل تفرق ع فكره .. اسلام اي نعم جلده وبخيل .. بس هيبقى حدث لو هو اللى اتكلم :p

و قالي استناني عند المحطة بتاعة القطر

ال عارف المكان ال وحته حته وعايش انت ياابنى اصلا انت كنت مفكر سواق التاكسي خاطفك :p

المهم روحت لسولوم طبعا انا عارف شكله من الصور اللي حاططها ع المنتدي
و علي فكرة دي صور وهمية
اسلام مش كده خالص
حاجة تانية
_كفاية فضايح لحد كده يا اسلام _

ههههههههههه
خلاص انت كرهتنا فيه خلاااص
و اول واحدة جبنا في سيرتها ياسمين

احم .. ليه كده بس كنا ماشيين كويس
اصل كان فيه زي سوكا بالظبط
كانت بترخم علي اسلام كانت شبه بتضربه

هههههههههههههههههههه
حبيبتى مين دى ممكن اكون انا محدش عارف .. بس كويس ان فى حد غلس علبك يا اسلام ياخد بتار البشريه
هاتوا البت دى تبقى مدير الموكع ..هما دول بنات مصر مش السحالى :P
منورة يا حاجة يا سمين
بنورك يا حاج شريف

و روحنا اتغدينا و طبعا واحنا بنتغدي اتكلمنا علي كل واحد ف المنتدي بردو
هو اسلام نازل يجيب فى سيره الشعب اللى هنا ولا ايه .. ما شاء الله نمامين نمامين
شخص محترم بجد
اسلام ولا المعيد :p
المهم روحنا و دخلنا افلام محترمة
انتم كنتم ناويين ع ايه بالظبط :D

مكانش بيبص علي بنات خالص الصراحة
ده حتي كان فيه بنتين قاعدين ف السينما ولا بصلهم

ههههههههههههههههه
انت هتقول فيها يلا .. اذيك يا اسلام
عويم عويم بامانة
ايوه العوم الكلابى ده بيفيد .. اسلام واخد بطوله المناتك الشعبيه فى السباحه

بجد مثقف مع انه ميبانش عليه ف المنتدي



لا هو باين بس جنب مثقف كام صفه كمان كده :D

و بس وروحنا
و حصلت حاجات كتير في اليوم ده مش لازم تعرفوها
منور يا سولوم بامانة

هههههههههههههه
ع فكره اتاخد عنه فكره منيله :D

بس هو فيه كام عيب كده لو يبطلهم
يلا ربنا يهدينا جميعا



هههههههههههههههه
يلا كلنا بنغلط
بس ايه اللى حصل ده بس بوظت اخلاق اسلام ياشريف عيب كده
:P

كل اللى اقدر اقوله
ربنا امر بالستر يا شريف :d
يعنى دا جزاء الراجل انه استامنك وقال انك هتقول كلمتين بكش
تقوم تشوه الباج جراوند بتاعته كدا
عموما شكلها كانت خروجة ظريفة كدا
بس مقولتليش يا شريف بمناسبة الفضايح
الستة جنيه رجعو :d
واللا اتثبتو وخلاص
وعامللى فيها شريف عضلات ههههههههه
بلاش فضايح بقا
دمتم فى رعاية الله
وكل خروجة وانتم طيبين
وبلاش فضايح ياعمو شريف :d

حسبى الله ونعم الوكيل
ماشى ماشى
انا مش هقول بقى على موضوع الاسعاف لما كان هيغم عليك وشغلولك التكييف
وقولنا الواد ضاع مننا
خليها فى سرك احسن
حسبى الله ونعمة الوكيل

والله شكلها كانت خروجة حلوة


بس هي الصور مضلمة كده ليه ؟؟؟


ومعلش عندي سؤال :


هي العربية دي بتاعتك يا اسلام ؟؟؟؟؟؟؟

هي العربية دي بتاعتك يا اسلام ؟؟؟؟؟؟؟

كان نفسي اسأل السؤال ده من زمان

ههههههههههههه
ايه الخروجة اللي دمها خفيف دي:022yb4:
ما شاء الله شريف دا ونعم الصديق:)
عمره ما بيقول ع حاجة:)
وشكله كمان بيحب بورسعيد اوي
بدليل المدح في كلامه :006et4:
بصراحة كان باين عليها فعلا انها خروجه جامدة
وان شاء الله تتكرر تاني :d
بس كان عندي سؤال
_العربية اللي اسلام متصور جانبها بتاعه مين بالضبط؟؟؟
بس بقي لو كان لونها اسود كانت هتبقي رهيبه:p:p
ممكن صورة للعربية :d:d

هههههههههههههههههههههههههه
كله بيرسم ع العربيه ده انتو عالم غريبه اوى تلاقيه لقاها راح اتصور جنبها انا عارفه العالم دى

هههههههههههههه
لاء و نعم :bosyht9:
مش عارفه مش مطمنه للموضوع ده
و حاسه ان فيها نوع من انوع المجاهره بالذنب عشان فحوى الكلام ده واضح اوى
ياريت تشيلوا الكلام اللى كده
عشان حتى لو حصل
الواحد المفروض يبقى مكسوف منه
مش فخور بيه
:)
فى رعايه الله



انا مش عارف دخلت ازاي
بس الحمد لله اني عرفت ادخل
انا لسه مكملتش بقية الردود
بس مش فاهم وجهة نظرك يا دوك ولاء
هو ايه المجاهرة بالذنب ؟
و ليه يشيلوا الكلام
حقيقي بجد احنا كنا رايحين نتفرج عليها
و هنتكسف من ايه ؟
مش فاهم رايك يا دوك بجد
؟
ايه يا جماعة انتوا فهمتوا الموضوع غلط ولا ايه ؟
انا كل اللي عملته اني بتكلم بطريقة مرحة مش اكتر
؟
ياريت توضحي وجهة نظرك يا دوك ولو عرفت ادخل بليل هرد عليكي
وعلي فكرة احنا مجبناش في سيرة حد الا بكل خير
ايه يا جماعة شكلكم فهمتوا الموضوع غلط

ههههههههههههههههه
سيبك يا شريف هى ولاء بتهزر بس بجد :d
حته دكتوره بئا سيبك بس بلاش دوك ولاء قولهالها كمان ست سنين :D


ايه يا جماعة انتوا فهمتوا الموضوع غلط ولا ايه ؟

لا ولاء بس كانت بتنشر وقرت الكلام غلط او ساه النشر بيبقى الفهم متعثر شويه:P .. سيبك سيبك هزر عادى مش فى جيش احنا هنا .. بعد كده فى اول اى موضوع هنلاقى واحد يقلك اعمل كام تمرينه ضغط

انا مش عارف دخلت ازاي
بس الحمد لله اني عرفت ادخل
انا لسه مكملتش بقية الردود
بس مش فاهم وجهة نظرك يا دوك ولاء
هو ايه المجاهرة بالذنب ؟
و ليه يشيلوا الكلام
حقيقي بجد احنا كنا رايحين نتفرج عليها
و هنتكسف من ايه ؟
مش فاهم رايك يا دوك بجد
؟
ايه يا جماعة انتوا فهمتوا الموضوع غلط ولا ايه ؟
انا كل اللي عملته اني بتكلم بطريقة مرحة مش اكتر
؟
ياريت توضحي وجهة نظرك يا دوك ولو عرفت ادخل بليل هرد عليكي
وعلي فكرة احنا مجبناش في سيرة حد الا بكل خير
ايه يا جماعة شكلكم فهمتوا الموضوع غلط
احم احم
على فكره احرجتنى يا شريف :d
يعنى انا لما شوفتك اخر رد اتوترت بقى و قولت هزقنى
لقيت انى المفروض اتكسف على دمى :d
عامه بس يا شريف مش فهمت قصدى
اللى كان قصدى عليه وصف شويه حاجات قولتها فى اسلام مفيش داعى لذكرها كان
مش على موضوع الكلام على الاعضاء
و عارفه ان الموضوع كان فى اطار الهزار بس بردو عشان نكون صرحا
قولت مواقف
فحتى لو كان ده حصل و انا عارفه انه حصل عشان حضرتك قولته
فبلاش نييجى هنا و نقول حصل و حصل
فاهمنى ؟؟
:)
و اسفه بجد لو كلامى كان صعب او حاد بس هو طبع الرخامه اللى فيا ده
ححاول استأصله
من جذوره حتى اطرافه :d

فى رعايه الله
و اه صححححححححححح
بلاش دوك بالله عليك قول اى حاجه غيرها عشان انا عندى حساسيه من دوك و دكتوره بيجيلى حاله ارتيكاريا معديه
:slap1qk6:

مش فاهمة ليه التعليقات دي كلها على السيارة دي
مش فيها أي شيء ملفت للنظر
و مال لو شفتوه واقف جنب سيارة بي ام دبليو 2009 كنتو عملتو ايه ؟
:)
خروجة سعيدة عليكم
و تكرروها بقى و تفضلو أصدقاء دايماً
كل سنة و انتم طيبين
:)

ههههههههههههههههه
سيبك يا شريف هى ولاء بتهزر بس بجد :d
حته دكتوره بئا سيبك بس بلاش دوك ولاء قولهالها كمان ست سنين :D


لا ولاء بس كانت بتنشر وقرت الكلام غلط او ساه النشر بيبقى الفهم متعثر شويه:P .. سيبك سيبك هزر عادى مش فى جيش احنا هنا .. بعد كده فى اول اى موضوع هنلاقى واحد يقلك اعمل كام تمرينه ضغط

هههههههههه
سمنه سمنه
سمنتى
:d
شكلك عايزه تتهزقى
صح ؟؟
يعنى هو لما رد كسفنى من االادب اللى فى الرد
و انتى بقى النقيض الكامل
طاب اتعدى شويه
:slap1qk6:
هش من هنا خالص
ال بتنشر ال
:bosyht9:
يلا فى رعايه الله

اي خدمه يا حاج شريف احنا بنحب نخدم بس

بنخدم في الفضايح وبس

كل فضيحه وانتو طيبين

انا شامم ريحة ابو العربي في الموضوع :d

انا حاسس سمعت كلمة السحالي دي قبل كده

سمعتها فين قبل كده يا واد يا محمد :d


لا ولاء بس كانت بتنشر وقرت الكلام غلط او ساه النشر بيبقى الفهم متعثر شويه:P

:d :d

معذوره معذوره

محاسن الحلو ولازم نعذرها :d

طاب اتعدى شويه
ياشيخه جايه تتشطرى ع عضو غلبان شوفى الادارى اللى بيقلك محاسن ده :p

محاسن الحلو ولازم نعذرها :d
عندك حق وزى مقالوا ليس ع الطبيب حرج

ياشيخه جايه تتشطرى ع عضو غلبان شوفى الادارى اللى بيقلك محاسن ده :p

صحيح هتتشطري علي ياسمين

شوفي الاداري بسلامته ده بيقول ايه :d

ههههههههه
العربية دى بتاعت لاعب كورة يا جماعة واسلام بيقول اهى حاجة من ريحته
عبى اساس انه اتكل على الله :d
وصح يا ولاء الموضوع كوميدى اهو واللا زم يحط فى الموضوع شعار ( موجة كوميدى ):d
::::::::::
اه صح يا اسلام انت وشريف بمناسبة الاسعاف والفضايح دى
لما انتو معندكوش دم بتتبرعو ليه :d
شربتو كام كيس بيست يبنى انت وهو ههههه
لا الغريب فى الامر بقا ان لما اسلام قال لشريف هستناك فى محطة القطر
شريف قالله فين محطة القطر دى
انت متأكد يا شريف انك من بورسعيد :d
ياللا ربنا يكتر من خروجاتكو
دمتم فى رعاية الله

ياجماعة استهدوه بالله هنخسر بعض علشان موضوع
والناس اللى بتسال عربية مين دى
دى عربية واحد عرفت بعد كده ان اسمه وجيه عبد العظيم وبيلعب كورة
انا معنديش عربية لسه
بس بأذن الله مقدم على تك تك وهستلمه قريب

ياشيخه جايه تتشطرى ع عضو غلبان شوفى الادارى اللى بيقلك محاسن ده :p

ههههههههههه

انتى غلبان انتى
يا شيخه ده انتى اللى طلعتيه عليا
روحى بس
مش تفكرينى باللى حصل
:bosyht9:


صحيح هتتشطري علي ياسمين

شوفي الاداري بسلامته ده بيقول ايه :d
هههههههههههه

ما انا قولت اسيبه ممكن يعقل و يحرر المشاركه اللظيظه تى
بس فى الاخر اكتشفت انه ما دام ادارى اصلا
فعمره ما حيحررها و يعمل حاجه صح فى دنيته
:d



وصح يا ولاء الموضوع كوميدى اهو واللا زم يحط فى الموضوع شعار ( موجة كوميدى ):d


اها يا ريت فعلا
معلش ما انت عارف فهمى على قدى :d
ابقى حاولوا تعملوا الحكايه دى بعد كده
:bosyht9:

فى رعايه الله

سلام عليكم

هههههههههههه
ناوى على ايه بالظبط
ما انا قولت اسيبه ممكن يعقل و يحرر المشاركه اللظيظه تى
بس فى الاخر اكتشفت انه ما دام ادارى اصلا
فعمره ما حيحررها و يعمل حاجه صح فى دنيته
:d

ههههههههههههه



الواحد عمره ما ضحك كده

:d
بس فى الاخر اكتشفت انه ما دام ادارى اصلا
فعمره ما حيحررها و يعمل حاجه صح فى دنيته


هههههههههههه

بس كفايه بجد عمري ما ضحكت كده في حياتي

:d

تعرفي انا قولت زيك كده

انا قولت بعد ما يشوف شريف كلمة مهاجرة الذنب

هيعدل رايه

بس طلع مشرف سوبر

نفس نظامي

سوبر دردشه

:d

سلام عليكم
وعليكم السلام ورحمة الله وبركاته
:romarioxp6:

ياجماعة استهدوه بالله هنخسر بعض علشان موضوع
والناس اللى بتسال عربية مين دى
دى عربية واحد عرفت بعد كده ان اسمه وجيه عبد العظيم وبيلعب كورة
انا معنديش عربية لسه
بس بأذن الله مقدم على تك تك وهستلمه قريب

متدينى لفة
اصل التكتك بقى مشروع مربح اليومين دول:p

الله يخرب بيتكم فضحتونا

ههههههه
جامد با لورد
ال من المنصورة قال
ربنا معاهم يا عم
شريف دا طلع نكتة
:::::::::::::
الله يخرب بيتكم فضحتونا
هههههههههههه
معلش ياريس
منت اللى سمحتله يعمل الموضوع
غير بقا ان انت حكيت لناس وقالولك سرك فى بير كل الناس بتشرب منه :d
عموما ربنا امر بالستر
::::::::::::::::::
بمناسبة توقيعك يا اسلام
القسم اول ما ظهر انا قولت للورد يشيله
وبعدها علطول شاله
ونا نزلت موضوع فى المجلس وطلبت تأجيله لبعد رمضان
وان شاء الله ادينى وراهم ون شاء الله
القسم دا مش هيرجع الا على جثتى :d
دمتم فى رعاية الله

السلام عليكم ورحمة الله وبركاته
ماشي يا دوك ولاء
بس انا بردو مفهمتش ردك
انا وصفت اسلام بايه ؟
وعلي العموم حصل خير



وعلي فكرة يامحمود انت واللورد الستة جنية مرجعوش انا اخدت كل اللي معاهم
وانا مصور الكلام ده فيديو و هجبهولكوا لو مش مصدقين
و علي فكرة انا لو كنت عملت اي حاجة كان اسلام هيتبهدل جدا معايا
اسالوه هو كان عامل ازاي ساعتها ؟
ايوه انا كنت هضرب و هتضرب
وكانت العيال مشيت وملحقتش اتصل ولا اعمل حاجة وقتها و كنا اتبهدلنا جدا
ها اللي عملتوا صح ولا غلط ؟
لو حد فيكوا كان مكاني مكنش هيعمل اكتر من كده
و احتمال مكنتش يعرف يرجع الفلوس
لو اي حد كان هيقدر يعمل حاجة ياريت يتفضل يقولها
انا رجعت الفلوس باربع اضعافها او اكتر
شكرا يا جماعة علي ردودكم
انا تقريبا مش هدخل المنتدي شهر كمان او شهرين الله اعلم
يعني ده اخر رد ليا
كان نفسي ارد علي كل واحد فيكم بس ظروف

ههههههه
جامد با لورد
ال من المنصورة قال
ربنا معاهم يا عم
شريف دا طلع نكتة
ومعاك
شكرا يا محمود علي ردك


وتانى يوم شريف بيقول لاسلام الستة جنية جم :romarioxp6:

ههههههههههههههههه

علي فكرة انا مكنتش بكذب
انا اخدت الفلوس كلها اللي معاهم
واسلام لو كان استنا يوم كمان كنت اخدته معايا ووريته كل حاجة
شكرا يا محمد انك نفذت الطلب اللي طلبته منك
في امان الله

الموضوع قلب بزعل

عموما انا نسيت والله طلبك ونفذتة يا شريف

وانا كنت بهزر والله

خلاص حصل خير

سلام عليكم

فى ايه ياشريف الناس بتهزر

اسالوه هو كان عامل ازاي ساعتها ؟ايوه ياجماعة فعلا انا كنت تعبان جدا ساعاتها
وشريف كان مسندنى بجد وانا قولتله اقصر الشر ساعاتها
لان فعلا انا كنت على اخرى واكتر من مرة كنت بقوله يالا ناخد تاكسى لانى مش قادر
عمتا ياشريف بجد والله انت كنت احلى حاجة قبلتها فى الاسبوع ده
ولو نزلت بورسعيد تانى ان شاء الله هيكون السبب الاول انى اشوفك :)

تقريبا شريف زعل
عموما اسفين يا شريف
بس احنا بنهزر مش اكتر
دمتم فى رعاية الله