حياتى كانت حلم جميل و راحة و امان
شوفت الدنيا بعين الحب و الحنان
معايا اصحابى و عايشة فى حرية و اطمئنان
نهر فى جنينه و سما و خضرا فى كل مكان
نمت فى وسط الطبيعة و غرقت فى الاحلام


صحيت من الحلم لقيت العمر كانه ما كان
كانى مكنتش عايشة و حياتى من غير الوان
صحيت على صرخة الم و دنيا الاحزان
من غير حبيب من غير صديقة من غير انسان
عرفت ان الدنيا الجميلة كانت كلها اوهام


قولت ارجع لحبيب يمكن الاقى حنان
قالى روحى مش عايز ارجع للى كان
مش عايز اعرفك ولا اعيش اللى عيشته زمان
احزانى كتير و مفيش فى قلبى ليكى مكان
قولت بس خلاص مش عايزة اسمع تانى كلام



قولت الصديقة اكيد هتعوض الاحزان
هتهون على قلبى و تحمى روحى من الطوفان
قولتلها اعرفى ان اللى فرق بينا اكيد غلطان
و بكرا يعرف و يبقى على غلطته ندمان
فمسمعتش اى رد غير صدى صوت الالام


عرفت خلاص مش هيشفى جرحى انسان
مفيش غير طريق واحد للامان
و نقول يا رب اغفر للغلطان
يا رب ارحمنا يا رحمن

يا ريت تعجبكوا
كالعادة مش عايزة تريقة :romarioxp6:
فى امان الله

دي ثالث واحدة بالنسبة ليكِ
جميلة أوي بجد
بس انتِ لو كتبتي كتير و قرأتي شعر كتير
هتبقي شاعرة مصر الأولى
:d
بجد هي جميلة
استمري
;)

ياااااااااااااااااااااااااة ياشرين

احساسها بجد عالى اوى اوى

بجد تعبيراتك حلوة اوى

بجد الجزء دا هوة الى انا حاسة دلوقتى

قولت ارجع لحبيب يمكن الاقى حنان
قالى روحى مش عايز ارجع للى كان
مش عايز اعرفك ولا اعيش اللى عيشته زمان
احزانى كتير و مفيش فى قلبى ليكى مكان
قولت بس خلاص مش عايزة اسمع تانى كلام

بس والله ما فى حد يستاهل ينزل دمعة عشانة

حلوة اوى يا شرين والله

احساسك وتعبيراتك وكلماتك واسلوبك

بجد ممتازة ياشرين

عجبتنى اوى والله

ربنا يكرمك يارب

فى رعاية الله

بجد فعلا موضوع كثير جميل ومميز
واحساسه كثير عالى
بس هى الدنيا كده حبه فوق وحبه تحت هتقولى يعنى ايه
اقولك يا ستى
يعنى ساعات بنكون فى قمة سعادتنا وساعات نبقى فى قمة حزننا
مافيش حد بيفرح على طول ومافيش حد بيفضل حزين على طول لان ربنا مابينساش حد
بس لازم نمر بتجارب علشان نتعلم منها ونبقى احسن ونقدر نعيش
بجد ربنا يرحمنا من عذاب قلوبنا ويرحمنا برحمته الواسعه
يمكن تقولى عليا انى فى قمة الحزن دلوقتى بس الحقيقه انى العكس تماما بس عارفه ان السعاده دى ممكن تنتهى فى اى لحظه ده مش تشاؤم والله بس انا اتعدوت على كده حبه فوق وحبه تحت.
يارب ماكنش نكدت عليكى اكثر بس انا قصدى من كل الكلام اللى فات ده انك تتعودى تعيشى فى كل الاحوال
وبعدين طول ما حبنا لربنا موجود وحبه لينا فاكيد ربنا مش هيسيبنا وهيفرحنا بطريقه مختلفه توكلى على الله وسيبيها عليه
فى رعاية الله يا قمر
واعذرينى على تطويلى

حلوة والله هنتريق لية ؟؟؟؟؟؟؟؟؟ الكلام نفسة حلو وحتى الرسالة اللى فية روعة فى انتظار المزيد من ابداعاتك