داخل ثالثة ثانوى ( علمى رياضة ) ... و محتاج مساعدة [الأرشيف]

مشاهدة النسخة كاملة : داخل ثالثة ثانوى ( علمى رياضة ) ... و محتاج مساعدة

Mistakable

14-08-2009, 01:25 AM

أسيل رزق

16-08-2009, 11:20 PM

السلام عليكم

و عليكم السلام و رحمة الله و بركاته

اولا كل سنة وانتم طيبين وان شاء الله سنة كويسة علينا كلنا سواء اللى فى ثانوى او اللى خلصو ;)

و انت بالصحة و السلامة

ندخل بقا فى الموضوع, دلوقتى انا داخل ثالثة ثانوى وواخد علمى رياضة ان شاء الله, وطبعا مفيش عدد طلبة ومعرفش مدرسين كويسين مع العلم انى اختارت المدرسين فى سنة تانية اسوء اختيار لان المدرسين الكويسين مكانوش مهتمين بالطلبة بتوع السنة الفراغية عشان قليلين
المهم انا دلوقتى مش عايز اتأخر فى المنهج والمفروض انى اقفل المواد اللى عليها 50 درجة عشان الحق هندسة ان شاء الله, وكنت عايز اسئل شوية اسئلة كدة للى كانو فى سنة ثالثة واستفيد من خبرتهم
ومعليش اذا كنت حاطول عليكم :redface:

1- المادة الادبية انا كنت مختار اقتصاد واحصاء بس حاغير علم نفس لانى شفت ناس كتير بتقول انه الاحسن وكمان لاحظت ان الاوائل على مستوى الجمهورية معظمهم كانو واخدين المادة دى كــ مادة ادبية

بصراحة الأضمن تختار علم نفس لإن الله أعلم بإمتحانات الإحصا بالذات و أكيد هتكون محتاج لربع درجة فى المجمع .. فا علم النفس سهل و بسيط و مش بيحتاج حفظ كتير و قليلين اللى مش بيجيبوا فيها ال50 .. توكل على الله و كمل عمل نفس

2- اية الكتب الخارجية اللى حتساعدنى ومش حتضيع وقتى فى حاجات مش بتيجى فى الامتحانات وخارج المنهج بالنسبة لكل المواد وخصوصا الفيزياء والرياضة 2 مع العلم انى حاركز بنسبة 100% على كتاب المدرسة ودليل التقويم بس انا حاخد الكتب الخارجية كمساعدة

كتاب الإمتحان كويس جداً فى كل المواد سواء العلمية أو الأدبية
بالنسبة للعربى كتاب الأضواء أفضل
بالنسبة للإنجليزى كتاب جيم أو سربرايز
بالنسبة لعلم النفس أنا كنت بذاكر من كتاب المدرسة مع ملازم المستر بتاعى
أما الرياضة فا أصحابى كانوا بيجيبوا 100% أو المعاصر
الفيزيا مش عارفة بصراحة
و فى آخر السنة كنت بجيب كتاب اسمه مراجعة ليلة الامتحان موجود فى كل المواد

3- بالنسبة لمادة الفيزياء و الرياضة 2 ... طبعا دول اصعب مادتين فى السنة عندى بالنسبة للمواد الباقية عشان كدة عايز اعرف اية الخطوات اللى امشى عليها عشان اجيب فيهم 50 / 50 ان شاء الله

إدخل على اللنك ده ممكن يفيدك

http://www.thanwya.com/vb/showpost.php?p=1359361&postcount=237

4- بالنسبة لمادة المستوى الرفيع... انا ان شاء الله حاخد الانجليزى بس مش عارف اى حاجة عن نظام المستوى الرفيع والمادة دى بتتاخد من اول السنة ولا من امتى ؟

أفضل مادة فى المستوى الرفيع و أصعبهم الإنجليزى لإن فى كليات كتير بيشترطوا المستوى الرفيع يكون إنجليزى و طالما انت حابب إنك تاخد إنجليزى فا هيكون أفضل ليك و مادة المستوى الرفيع بتاخد الحصص بتاعتها فى آخر السنة و بيكون إمتحانها غالباً فى آخر الإمتحانات

وعلى فكرة انا من المهندسين ولو فية ناس واخداها جد وعايزة تجيب مجموع بغض النظر عن السنة الفراغية وتنسيقها, ممكن ونساعد بعض ونشجع بعض لان السنة دى معتقدش ان فية ناس كتير حتكمل علمى حتى اللى كانوا فى تانية علمى

مستنى ردودكم ;)

عارفة إنى مقدرتش أفيدك فى كل اللى انت طالبه لإنى كنت أدبى

المواضيع دى فيها نصايح مهمة هتفيدك بإذن الله

نصائح هاااااااامة لطلبة الثانوية العامة (http://www.thanwya.com/vb/showthread.php?t=70388) ‏

(((___مشاكل طلاب الثانوية العامة___))) (http://www.thanwya.com/vb/showthread.php?t=65510) ‏

إهداء إلى كل من يهمه الأمر - روشتة التفوق (http://www.thanwya.com/vb/showthread.php?t=32106) ‏

(((___هام لجميع طلاب الثانوية العامة___))) (http://www.thanwya.com/vb/showthread.php?t=112555)

و يا ريت يا جماعة اللى يقدر يفيد يرد

و ربنا يوفقك بإذن الله و نسمع إنك من أوائل الجمهورية

sooomaaa

18-08-2009, 02:00 AM

على فكره بالنسبه للاقتصاد والاحصاء فهى ماده مش يتقلق منها خالص
لانها بتتاخد مع الترم التانى
وبما انك رياضه فالاحصاء مش هتمثل مشكله
يعنى انا تقريبا كنت باذاكرها ساعتين قبل الدرس وتقريبا ذاكرتها طول الترم التانى 10 ساعات او اقل وجبت 25
فهى ماده سهله جداااااا
المشكله شويه ومش مشكله عويصه يعنى الاقتصاد كله حفظ بس هو سهل جدااا

sooomaaa

18-08-2009, 02:22 AM

اه نسيت بالنسبه للمستوى الانجلش فهو كويس وكمان بعد كده ممكن تحتاجيه فى كليات زى تجاره انجلش
ان شاء الله تلحقى هندسه ومش تحتاجيه
هو صعب شويه بس لذيذ جدااااااا وهتحبيه اووى
بالنسبه للكتب الخارجيه
كتاب لامى حلو اوى فى الرياضه بس يارب تلحقى تحليه كله
كتاب الوسام حلو اوى فى الفيزياء هاتيه اسئله
الاهم من كل ده النماذج وكتاب المدرسه
ربنا يوفقك
خخديها سنه عاديه وماتتخديش من الفيزياء والرياضه هما سهلين ان شاء الله
ربنا معاكى ياقمر

Bent 3bdo

18-08-2009, 03:06 AM

أنا كنت علمى علوم
بس ممكن أقولك ع حاجات معينه

1- المادة الادبية انا كنت مختار اقتصاد واحصاء بس حاغير علم نفس لانى شفت ناس كتير بتقول انه الاحسن وكمان لاحظت ان الاوائل على مستوى الجمهورية معظمهم كانو واخدين المادة دى كــ مادة ادبية

انا كنت واخده اقتصاد واحصاء
بس اللى أسمعه عن علم النفس والفلسفه
ان علم النفس أسهل بكتير م الفلسفه
وكانوا بيقولوا ان الفلسفه فيها مسائل وحاجات كده
بس ف الاكيد ف الموضوع ان الاتنين حفظ

بس نصيحه منى

خد إقتصاد وإحصاء
والله ماده هايفه جدا
اى نعم انا كنت بكرها
بس كنت بكره الاحصاء م سلاستها وسهولتها
المسائل كلها هى هى مفيش أفكار
ياعنى الحاجه اللى ممكن تشغل دماغك فيها هى أول باب بس بتاع الاحتملات
ده اللى فيه تفكير شويه
انما البقاى تافه جدا
وخصوصا اخر بابين الرابع والخامس
دول اصلا ملهمش اى لازمه ف الحياه
المسائل هى هى مش بتتغير
تقعد تعمل ف جدول أهبل كده مش عارفه تضرب س فى ص وتربعهم وتجمهم و
قانون تعوض فيه وبس
أنا كنت بروح الدرس مش حاله المسائل بتوع البابين دول
المستر يوقلى ليه
أقوله أحل ايه
كلهم زى بعضهم
كله شغل ع الاله الحاسبه مش حاجه هتعود عليها
الاقتصاد بقى
ماده حفظ بس سهله وممكن تفهمها ومش لازم تبقى حافظ بالنص زى علم النفس والفلسفه
انا الاقتصاد ده
مذكراه ليله الامتحان
ياعنى عندك6 ابواب
اول تلات ابواب
هتلاقى كل باب 3 او4 صفح
انا ف بابن كنت مذاكراهم ليله الامتحان لاول مرة
مكنتش حتى قريتهم قبل كده
وواحد كنت مذكراه ف العشر ايام اللى قبل العربى
والحمد لله جب 50 م 50
ياعنى بجد أحسن ميزة في الاقتصاد والاحصاء
ان مش محتاجين وقت للمذاكرة زى علم النفس والفلسفه
وده هيفضيلك وقت أكبر لمذاكرة المواد المهمه اللى محتاجه شغل زى الفيزيا و الرياضه
وف الاخ شوف وادرس الموضوع كويس وشوف قدراتك وطبعا أستخير ربنا وقرر
الرأى ف الاول والاخر ليك
كل واحد أدرى بنفسه
وان شاء الله ربنا يعملك اللى فيه الخير

2- اية الكتب الخارجية اللى حتساعدنى ومش حتضيع وقتى فى حاجات مش بتيجى فى الامتحانات وخارج المنهج بالنسبة لكل المواد وخصوصا الفيزياء والرياضة 2 مع العلم انى حاركز بنسبة 100% على كتاب المدرسة ودليل التقويم بس انا حاخد الكتب الخارجية كمساعدة

الرياضه طبعا ماليش فيها
بس معظم أصحابى اللى كانو رياضه كانوا بيشتغلوا م لامى
بالنسبه
للفيزيا
فشوف المستر هيطلب منك ايه
غالبا اانت هتحتاج الكتاب الخارجى علشان تحل بس
ع حسب بقى ملزمه االمستر هتذاكر منها ولالا

3- بالنسبة لمادة الفيزياء و الرياضة 2 ... طبعا دول اصعب مادتين فى السنة عندى بالنسبة للمواد الباقية عشان كدة عايز اعرف اية الخطوات اللى امشى عليها عشان اجيب فيهم 50 / 50 ان شاء الله

بالنسبه للفيزيا
بجد نصيحه
وحاجه معظم الناس بتقع فيها وانا كنت منهم بس لحقت نفسى الحمد لله
بلاش تهتم اوى بالمسائل ع حساب النظرى
الفيزيا مس رياضه حل مسائل وبس
لا النظرى مهم جدا جدا
ف الامتحان النظرى عليه 35 درجه
والمسائل 15
فاهم حاجه تكون متمكن م النظرى كويس
والمسائل دى توفيق ربنا
نصيحه تانيه
بلاش ف الاول كده تقعد تدور ع المسائل الصعبه
وتقعد تعقد ف نفسك
اهم حاجه ف المسائل
انك تحفظ القانون وتفهمه كويس
وتبتدى بالمسائل العاديه وبعد كده المتوسطه
بس بلاش تخش ف الصعب م اول الدراسه لانك اول حاجه هتتعقد
تانى حاجه هتيحى ع الاخر وهتنسى
كنا بنضايق اوى م المستر ف اول السنه كنا نيجه نيله مسائل يوق مش وقتها
ونقعد نقول مش عاوز يحللنا المسائل الصعبه وبتاع
بس ف اخر السنه عرفنا كان بيعمل كده
لان ف الاخ كله هيتنسى
حاول تجيب للفيزيا كشكول كبير
وتحل ف المسائل وتكون منظمه نشويه
وتكتب المسئله دى ف كتاب ايه صفحه كام وكده
علشان تراجع منه اخر السنه
وابقى علم ع المسائل اللى انت مثلا تكون مش فاهمها اوى او حاسس انك ممكن تنساها او فيها فكرة عاجبتك او كده
علشان تبقى تراجع عليهم وقت لما تيجى تراجع
وربنا يوفقك وتحقق اللى نفسك فيه انت والكل يا رب

- بالنسبة لمادة المستوى الرفيع... انا ان شاء الله حاخد الانجليزى بس مش عارف اى حاجة عن نظام المستوى الرفيع والمادة دى بتتاخد من اول السنة ولا من امتى ؟

بالنسبه للمستوى
انا كنت واخده عربى
بس لو اتكلمنا عن الانجلش
اصحابى اللى كانوا واخدينه كانو بادنيه م نص السنه تقريبا
هو بيبقى شهرين او حاجه
و بالنسبه لنظام الامتحان
بيبقى
تشوز
وصحح الخطأ
وبراجراف تكتبه م20 جمله
وقطعه فهم عليها تشوز
وقطعه فهم عليها أسئله
وقطعه تانيه تختارلها نهايه او عنوان مش فاكرة
وبيقى ف 3 واضيع زى القصه كده
تحفظهم ويجى عليهم أسئله
ده اللى اانا فكراه

بالتوفيق للجميع
ويارب اكون قدرت اساعد ولو بحاجه قليله
دعواتكو بقى

Eng. A'laa Salah

18-08-2009, 04:51 PM

السلام عليكم

اولا كل سنة وانتم طيبين وان شاء الله سنة كويسة علينا كلنا سواء اللى فى ثانوى او اللى خلصو ;)

ندخل بقا فى الموضوع, دلوقتى انا داخل ثالثة ثانوى وواخد علمى رياضة ان شاء الله, وطبعا مفيش عدد طلبة ومعرفش مدرسين كويسين مع العلم انى اختارت المدرسين فى سنة تانية اسوء اختيار لان المدرسين الكويسين مكانوش مهتمين بالطلبة بتوع السنة الفراغية عشان قليلين
المهم انا دلوقتى مش عايز اتأخر فى المنهج والمفروض انى اقفل المواد اللى عليها 50 درجة عشان الحق هندسة ان شاء الله, وكنت عايز اسئل شوية اسئلة كدة للى كانو فى سنة ثالثة واستفيد من خبرتهم
ومعليش اذا كنت حاطول عليكم :redface:

1- المادة الادبية انا كنت مختار اقتصاد واحصاء بس حاغير علم نفس لانى شفت ناس كتير بتقول انه الاحسن وكمان لاحظت ان الاوائل على مستوى الجمهورية معظمهم كانو واخدين المادة دى كــ مادة ادبية

انا كنت واخده اقتصاد واحصاء وبجد ماده سهله جدا وانا ماخدتهاش غير في اجازه نصف السنه
الاحصاء مكنتش باحل فيها غير علي الاحتمارلات واذا لقيت قدامي فكره جديده بس الباقي كله مكرر مع تغيير الارقام في المسائل ومره في الاسبوع الاخير قبل ما ابدا في العربي حليتلي كام امتحان وخلاص
يعني من الاخرلو جمعت مذاكرتها كلها مش هتكمل مذاكره يوم واحد
اما بالنسبه للاقتصاد
فهو سهل
بس عايز انك تراجعه باستمرار علشان متنساش الحفظ
ومش لازم تكتب بنص الكتاب
دي كانت شكلتي مش باقدر احفظ بالنص بتاع الكتاب
المستر قالي اي حاجه اكتبيها باسلوبك وبراحتك ما عدا التعريفات حاولي علي قد ما تقدري تحفظيها بنص الكتاب
وامتحاناتها سهله جدا

2- اية الكتب الخارجية اللى حتساعدنى ومش حتضيع وقتى فى حاجات مش بتيجى فى الامتحانات وخارج المنهج بالنسبة لكل المواد وخصوصا الفيزياء والرياضة 2 مع العلم انى حاركز بنسبة 100% على كتاب المدرسة ودليل التقويم بس انا حاخد الكتب الخارجية كمساعدة

3- بالنسبة لمادة الفيزياء و الرياضة 2 ... طبعا دول اصعب مادتين فى السنة عندى بالنسبة للمواد الباقية عشان كدة عايز اعرف اية الخطوات اللى امشى عليها عشان اجيب فيهم 50 / 50 ان شاء الله

انا كنت رياضه بردو زيك
في الرياضه كنت شغاله من كتاب لامي في المسائل وكان معايا بردو كتاب المعاصر شرح علشان لو حاجه مكنتش فاكراها مثلا من شرح استاذي او كده
وبدو كانت مسائله محلوله وباقدر ارجعلها
بس في المراجعه
سيبك من ده كله
انا اعتكفت علي كتاب المدرسه والنماذج وحتي لو خلصتها لازم ترجعلها تاني
وفي المراجعه الاخيره خالص طبعت الامتحانات بتاعه موقع الوزاره
وفي المراجعه احيانا لو حسيت انه في مثات جزء مش مسيطره فيه او مش ضامنها كنت بارجع لكتاب المعاصر واحل المسائل اللي وراه لانها مش كتيره ومش هتضيع وقت كتير مني
اما بالنسبه للفيزياء
فكنت باذاكر من مذكره استاذي بردو لانها كانت نسخه من كتاب المدرسه بس منظمه وباسلوب احسن
بس كنت بارجع لكتاب المدرسه في الرسومات اللي في الشرح
مره كان في امتحان وجاب المستر رسمه من رسومات الشرح في كتاب المدرسه
وبالنسبه للكتب الخارجيه كان عندي المثالي والامتحان
الامتحان للجزء النظري والمثالي لبعض المسائل
بس انا مكنتش معتمده عليهم جامد
لان استاذي كان عامل كشكول للواجب وكان رهيب فيه النظري والمسائل وكل الافكار وكل حاجه لدرجه اني مكنتش بالرجع للكتب الخارجيه ومرجعتلهمش غير في الاخر خالص قلت ابص فيهم علي السريع خوفا ان يكون في سؤال او حاجه مش متذكراها او مشوفتهاش او مش اخدت بالي منها
بس وقت المذاكره كنت لما اذاكر جزء لازم وقتها احل عليها من اي كتاب حتي ولو حاججه خفيفه

4- بالنسبة لمادة المستوى الرفيع... انا ان شاء الله حاخد الانجليزى بس مش عارف اى حاجة عن نظام المستوى الرفيع والمادة دى بتتاخد من اول السنة ولا من امتى ؟

مقدرش افيدك اوي
لاني كنت عربي
وانا مذاكرتوش غير في الاربع ايام اللي قبل الامتحان ومعرفش جبت فيه ازاي 9 من 10
بس واحده صاحبتي كانت واخده انجلش
بس كانت بتذاكره لوحدها وبدات فيه من نصف السنه
وكانت بتقول ياريت كنت بدات بدري كمان عن كده
وكانت شغاله من اكتر من كتاب
بس انت لو قوي في الانجلش يبقي خده ومتقلقش بس ابقي ذاكره كتير
انا كنت هاخده في الاول
بس بعد ما جبت كتبه لقيته عايز مذاكره كتير بس انا كسلت

وعلى فكرة انا من المهندسين ولو فية ناس واخداها جد وعايزة تجيب مجموع بغض النظر عن السنة الفراغية وتنسيقها, ممكن ونساعد بعض ونشجع بعض لان السنة دى معتقدش ان فية ناس كتير حتكمل علمى حتى اللى كانوا فى تانية علمى

مستنى ردودكم ;)

ربنا يوفقك وتدخل هندسه
دي كانت طريقتي في المذاكره
بس نصيحه مني
ايا كان طريقه مذاكرتك او الطريقه اللي هتمشي بيها
ذاكر بهدوء وتركيز ومن غير سرعه
انا في سنه تانيه كنت باذاكر بسرعه ومثلا يكون في جزء واحدد لنفسي وقت ضيق ليه وضغط الاعصاب والحاجات دي
صدقني الطريقه دي مش هتنفع
ونقصت في الامتحانات لاني كنت اتعودت علي نظام السرعه ولولاها كان زماني في هندسه بترول وتعدين اللي كان نفسي فيها
انا جيت في سنه ثالثه اخدت الموضوع ببساطه وهدوء واديت كل حاجه وقتها حتي لو اخدت مني كتير
انا فاكره ان الكهربيه اخدت مني كتير جدا في المذاكره بس مسبتهاش الا وانا ضامناها
هتيجي وقت الامتحانات هتلاقي نفسك تحل بالهدوء اللي كنت بتذاكر بيه

معلش اذا كنت طولت عليك
بس انا جبيت اقولك حاجه لانها ممكن تفيدك
وبردو اكيد لما كنت بتذاكر في سنه ثانيه هتلاحظ غلطات عملتها وقت المذاكر حاول تتجنبها
انا كانت غلطتي السرعه والحمد لله عالجتها في السنه اللي بعدها

اه وفي حاجه كمان نسيتها
لما تذاكر لازم يبقي جنبك قلم تحديد او ماركر (اقلام التحديد الملونه)
تحدد بيها الاجزاء المهمه او المسائل اللي فيها افكار تحس انها صعبه عليك او اي حاجه متعرفهاش وانت بتذاكر
علشا ترجعلها لما تيجي تراجع او تذاكر في امتحان وهتسهل عليك انك تحدد او تجمع الحاجات اللي انت محتاجها

Mistakable

19-08-2009, 05:36 AM

السلام عليكم

انا كنت افتكرت محدش حيرد وتقريبا نسيت الموضوع. شكرا ليكم كلكم فعلا انتوا تقريبا ريحتونى من حاجات كنت بفكر فيها ومش عارف اعمل فيها اية
وربنا يجازيكم بكل حرف كتبتوه كل خير

أسيل رزق :- شكرا قوى على اللينكات فعلا فيها حاجات مهمة جدا خصوصا الرد بتاع dr.saeed فية افكار جميلة وبالنسبة للكتب انا كنت بسئل مدرسين وكدة وفعلا الكتب اللى انتى كاتباهم هما احسن حاجة بس فى الرياضة فية كتاب لامى هو معظم الناس قالولى اجيبه, وحاتكل على الله وحاكمل علم نفس كدة كدة علم النفس بيتاخد من اول السنة والاقتصاد والاحصاء بيتاخدو من نص السنة لو لقيت نفسى مش حابب علم النفس او حاسس انى حانقص فية حاشوف الاقتصاد والاحصاء وان شاء الله خير.

sooomaaa :- هو بالنسبة للاقتصاد والاحصاء انا مفيش حد قابلته قالى عليها انها فيها اى صعوبة بس المشكلة ان الامتحانات بتاعتها هى اللى بيقولو انها بتيجى ساعات تعجيزية وتخليها اسهل مادة واصعب امتحان,

وبالنسبة لمادة المستوى الرفيع انا اصلا بحب الانجليزى بالرغم من انى مش ناوى على اى كلية ادبية يعنى لو لاقدر الله ملحقتش هندسة حادخلها خاصة او حادخل علوم بس الصراحة الانجليزى بالنسبة لى هو المادة الوحيدة اللى مش بخاف منها حتى لو رخم فى الامتحان وجابو صعب,

على فكرة انا مش بنت بس قمر :d

د/ نـــ غ ـــم :- تانى اقتصاد واحصاء... شكلى حاخدهم ولا اية, فعلا انا حاحتاج وقت عشان احل اكتر على الرياضة والفيزياء عشان كدة حاسس انى فى الاخر بنسبة 90% حاخد المادة دى, بس حاجرب الاول علم النفس لو لقيته مادة لذيذة وحبيتها حاكمل فيها, ولو مش كدة حاخد اقتصاد واحصاء ومش حبقا متأخر فى الدراسة بتاعتهم. وكدة كدة حاعمل استخارة وان شاء الله ربنا حيهدينى للى فية الخير

وعلى فكرة عندك حق فى حكايت المسائل الصعبة انا فعلا مش حابتدى حل المسائل دى الا فى شهر 3 او 4 عشان انا السنة اللى فاتت عقدت نفسى جامد وحليت حاجات صعبة جدا وفى الاخر الامتحانات جت سهلة ولاسف استهترت بالحاجات السهلة, بس قدر الله وما شاء فعل و الحمد لله. وفعلا الفكرة بتاعت تلخيص النقط الصعبة دى جميلة جدا وكنت عاملها السنة اللى فاتت وجابت معايا نتيجة كويسة.
وان شاء الله مادة المستوى الرفيع حاظبطها مع المدرس بتاعى بدرى عشان مانقصش فيها

وربنا يوفقك يادكتورة وتجيبى التقدير اللى نفسك فية ;)

Eng. A'laa Salah :- فعلا انا مش بعرف احفظ الحاجة بالنص, عشان كدة لو كان علم النفس حفظ بالنص يبقا مش حينفع معايا, وفعلا كلامكم كلكم مشجع على الاقتصاد والاحصاء وربنا يهدينى للى فية الخير,
وشكرا قوى على نصايحك وحاخد بيها ان شاء الله, وبالنسبة للانجليزى ان شاء الله حابتدى فية من قبل نص السنة لو حسيت انه تقيل بالنسبة لى.

وربنا يوفقك ان شاء الله ويوفقنا كلنا

بروف انس

20-08-2009, 11:57 AM

Mistakable

20-08-2009, 10:28 PM

انا هقوللك علي الكتب المضمونه ميه ميه سلسه الوسام في الرياضيات والفيزياء مسائلهم جامده كمان بالنسبه لكتاب لامي في الرياضيات يعني لو عندك الوسام رياضيات بلاش لامي والعكس كمان بالنسبه للعربي كتاب الامتحان لايعلي عليه اما بالنسبه للانجليزي كشكول الاول وبالنسبه للماده الادبيه خليك في علم النفس لانه سهل وبسيط ويدوب تفهم المضمون وتكتب باسلوبك وتخلي باللك من الامثله اما عن ماده المستوي الرفيع بلاش رياضه لان منهجها طويل وبلاش الانجليزي علشان لو كلمه صعبه هتعقدللك الدنيا اما العربي فكله كلام مفهوم وانت بس بتحتاج تراجعه ساعه او ساعتين كل اسبوع

هو بالنسبة للكتب تمام, بس بالنسبة للعربى مستوى رفيع هو دة اللى مش ممكن ابدا, انا عندى عقدة اسمها نحو وعلى فكرة اللى نزل مجموعى السنة اللى فاتت هو العربى انا الحمد لله فى بقيت المواد جايب درجات عالة الا العربى مادة رخمة كدة وملهاش اى لازمة ,
وبالنسبة للانجليزى ان شاء الله مفيش عندى مشكلة فى حفظه لانى بحبه ومش بتعب فى حفظه او فهمه و ربنا يسهل.

شكرا على ردك وكل سنة وانت طيب :)

ymymym

23-08-2009, 10:17 PM

اولا وقبل كل شيء كل واحد فينا هيقول كلام مختلف عن التاني

السلام عليكم

اولا كل سنة وانتم طيبين وان شاء الله سنة كويسة علينا كلنا سواء اللى فى ثانوى او اللى خلصو ;)

يارب

ندخل بقا فى الموضوع, دلوقتى انا داخل ثالثة ثانوى وواخد علمى رياضة ان شاء الله, وطبعا مفيش عدد طلبة ومعرفش مدرسين كويسين مع العلم انى اختارت المدرسين فى سنة تانية اسوء اختيار لان المدرسين الكويسين مكانوش مهتمين بالطلبة بتوع السنة الفراغية عشان قليلين
المهم انا دلوقتى مش عايز اتأخر فى المنهج والمفروض انى اقفل المواد اللى عليها 50 درجة عشان الحق هندسة ان شاء الله, وكنت عايز اسئل شوية اسئلة كدة للى كانو فى سنة ثالثة واستفيد من خبرتهم
ومعليش اذا كنت حاطول عليكم :redface:

تفضل

1- المادة الادبية انا كنت مختار اقتصاد واحصاء بس حاغير علم نفس لانى شفت ناس كتير بتقول انه الاحسن وكمان لاحظت ان الاوائل على مستوى الجمهورية معظمهم كانو واخدين المادة دى كــ مادة ادبية
ومين اليل قال كده مش معني ان الاول كان وادخ علم نفس يبقي اخد زيه لأ
بالعكس دي الاحصاء سهله جدا جدا جدا كمان وعبيطه لعلمك والاقتصاد مايفهوش حاجه خالص برضه هو التاني
بس ذاكرهم تجيب مجموع فيهم لكن لو هنحط انك مش هتذاكر خلاص مش هتجيب فيها درجه كويسه ومذاكرتهم قليله ايل حد ما برضه بس متهملهمش لانهم 50 درجه بس بسيطه دي خالص

2- اية الكتب الخارجية اللى حتساعدنى ومش حتضيع وقتى فى حاجات مش بتيجى فى الامتحانات وخارج المنهج بالنسبة لكل المواد وخصوصا الفيزياء والرياضة 2 مع العلم انى حاركز بنسبة 100% على كتاب المدرسة ودليل التقويم بس انا حاخد الكتب الخارجية كمساعدة
الكتب كنت بمشي زي ما المستر تباعي يقول يقول هات كذه اجيبها
فانا في الفيزيا المستر بتاعي قاللي اجيب المثالي وقال ساعتها مالو شلازمه لانه قال اهم حاجه الكتا بالمدرسي والنماذج مش اكتر بس كنت بحل لنفسي من المثالي
رياضه اتنين كنت تقريبا جايبه كتاب لامي عل يما اظن كان كتاب كويس بحل المسائل الي فيه وبدي الكتا بوالاجابات للمستر بتاع ييراجع عليها
لالعربي مكنتش بستخدم كتاب خارجي كنت باخد ورق المستر بتاعي وكتاب المدرسه والنماذج والامتحانات
ونقصت تقريبا نص درجه
الانجليزي جبنا كتاب عامله المدرس نفسه برضه كان بيجيب كل الكتب بتاعه النجليزي والوورك بوك والمدرصسي وكل حاجه فيها انجليزي ويحطها في الكتاب ده وبنهريه مذاكره فالصراحه مقدرش افيدك في الانجليزي غير انك تذاكر الوورك بوك work book , كتاب المدرسه بتبقي فيه اسئله بسيطه كده تتذاكر النماذج
بالاضافه لده كله كنت بروح المدرسه بتاعتي المدرسين كانوا بيشتغلوا كويس قوي لاني كنت في فصل فائقات فكانوا بيدونا زي كاننا في درس خصوصي اينعم احيانا كنت بهرب من الحصص بس اصحابي بينقولا الحاجات ليا واحلها لوحدي واديها للمستر بتاعي انت ممكن تجيب اي كتاب وتحل منه

3- بالنسبة لمادة الفيزياء و الرياضة 2 ... طبعا دول اصعب مادتين فى السنة عندى بالنسبة للمواد الباقية عشان كدة عايز اعرف اية الخطوات اللى امشى عليها عشان اجيب فيهم 50 / 50 ان شاء الله
بص هقولك انا مجبتش الخمسين الصراحه لان يامتحاناتي كانت اسوأ امتحانات علي الاطلاق
بس بحل جميع اسئله المدرسين كلها والورق بتاعهم وكنت بحل كتب خارجيه اي كتاب خارجي بلاقيه بحله وبديه للمستر بتاعي يرجاعهم متسيبش اي مسأله تروح من ايدك المسأله اليل متعرفش تحلها تعملها كشكول كده كشكول للمسائل الصعبه او اليل معرفتش تحلها وتحتفظ بالكشكول ده وتراجع عليه
كتاب المدرسه تحل جميع مسائله
تحضر مع المدرسين في المدرسه لو بيشتغلوا عدل
الدرس تاخده من هنا تذاكره علي طول متأجلهوش لتاني يوم ابدا
لان المعلومات الي في خدتها في اليوم ده مش هتبقي زي ما هتسيبها ف ياليوم الي لبعده
تاخد
الدرس تذاكره تحل عليه علي طول في نفس اليوم مباشره
ومتضيعش وقت

4- بالنسبة لمادة المستوى الرفيع... انا ان شاء الله حاخد الانجليزى بس مش عارف اى حاجة عن نظام المستوى الرفيع والمادة دى بتتاخد من اول السنة ولا من امتى ؟

انا خدتها قبل الامتحان بكام يوم بس كان فلسفه
وعلى فكرة انا من المهندسين ولو فية ناس واخداها جد وعايزة تجيب مجموع بغض النظر عن السنة الفراغية وتنسيقها, ممكن ونساعد بعض ونشجع بعض لان السنة دى معتقدش ان فية ناس كتير حتكمل علمى حتى اللى كانوا فى تانية علمى

مستنى ردودكم ;)

اي خدمه ف يرعايه الله

midosss

12-09-2009, 01:31 AM

بص يا باشا اهدا كده واتكل على الله وزاكر بتوازن بحيث انك تكون مستريح نفسيا لجميع المواد
واللى تلاقى نفسك ناسيه راجعه مش مهم رياضه او فيزيا ان شايف انهم مش مشكله اوى
اما المستوى الرفيع خد عربى وانت متطمن وعلى مسئوليتى واوى تاخد انجلش عشان
مش هتلاقيك بتاخد انجلش ده صعب جدا وربنا معاك يا ابنى وتاجى هندسه