بسم الله الرحمن الرحيم
السلام عليكم و رحمة الله و بركاته
انا حلمت اني صحيت من النوم لقيت في بيتنا الداعية الاسلامي ( مصطفي حسني) فلبست الحجاب بسرعة و خرجت شفته و بعدين رحت و جيت شوية في البيت كده ..و فجأة كأنني في يوم تاني قاعدة علي الكمبيوتر و فاتحة الموقع بتاعه ( موقع مصطفي حسني) و بعدين لقيت الباب خبط و اخويا فتح و بيقول( اتفضل اتفضل) و انا كنت في نفس المكان اللي هو حيدخله( لان الكمبيوتر في الصالون) فقمت اتنفضت بسرعة و جريت علي القوضة لاني كنت من غير حجاب.. بس كنت شايفاه من بعيد و هو في بيتنا و قاعد مع والدي... و فجأة لقيته بيسأل عليا بيقول ( هي فين...يا فريدة!!!) فقلت: ثانية واحدة... امي قالتله اصلها بتلبس الطرحة ...قالها ( براحتها) ....و لبست طرحة لونها ابيض ( بننشر بيها الغسيل) و كنت لابسة جلبية لونها لبني فاتح ....و حسيت اني مكسوفة اكلمه...و لما خرجت لقيته بيستعد يشيل السفرة و بيقولي( تعالي شيلي معايا )...فشلتها معاه و نقلناها لمكان تاني ... باقي الحلم مالوش لزمة...اصل هو و والدي دخلوا البلاكونة و فتحوا دولاب و زي ما يكون بيدروا علي حاجة او حيصلحوا حاجة .......
ممكن تساعدوني في تفسيره؟؟؟؟؟
ياريت الجميع يشاركني الرأي....

و السلام عليكم و رحمة الله و بركاته

:d
مصطفي حسني
:d
ده مش حلم يتفسر
ده ممكن يكون مثلا كنتي بتتفرجي عليه او كنتي بتفكري في كلامه قبل متنامي فحلمتي بيه

ومش اي حد كده يقدر يفسرلك حلمك

انما لو عيزه تفسير مني
مصطفي حسني هييجي يخطبك:d
الف مبروك:d

اتصلي باي حد من اللي بيفسروا الاحلام دول

بسم الله الرحمن الرحيم
السلام عليكم و رحمة الله و بركاته

مصطفي حسني
:d
ده مش حلم يتفسر
ده ممكن يكون مثلا كنتي بتتفرجي عليه او كنتي بتفكري في كلامه قبل متنامي فحلمتي بيه

ومش اي حد كده يقدر يفسرلك حلمك

انما لو عيزه تفسير مني
مصطفي حسني هييجي يخطبك:d
الف مبروك:d



و الله متشكرة جدا يا استاذة بوسي...تفسيرك جميل زي حضرتك..
جزاكي الله كل الخير علي الرد ...و عموما ..الله يبارك في حضرتك!!!!

اتصلي باي حد من اللي بيفسروا الاحلام دول

اشكر حضرتك يا استاذ الباش مهندس علي هذا الاقتراح...ربنا يجازي حضرتك خير ..

السلام عليكم و رحمة الله و بركاته
بس علي فكرة يا استاذة بوسي انا مكنتش قبل الحلم اتفرجت عليه او فكرت في كلامه ...لكن انا حلمت بيه بعد اتخاذ قرار معين ...اعتقد انه علامة من ربنا علي اني اكمل و اني صح في قراري ...انا بس كنت بوضح لحضرتك و بشكر حضراتكم تاني فعلا ...جزاكم الله خيرا.........
و السلام عليكم و رحمة الله و بركاته