اولا : أعتذر للا شراف علي اثارة مثل هذا الموضوع هنا واتمني ان يتفضل احد المشرفين بصياغة مضمون هذا الموضوع بطريقته الخاصة وتثبيته بعد حذف موضوعي او نقله لمكانه المناسب

لا شك ان قسم اللغة الانجليزيه في المنتدي من اكثر الاقسام نشاطا بفضل الاساتذه الكرام ولكـــــــــــــــــــــــــــن
- أري عدد كبير جدا من معلمي اللغة الانجليزية من جميع انحاء الجمهوريه ورغم من ذلك لا تجد الا حوالي 15 مدرس او اقل يشاركون بفعاليه
* محتاجين الكل يشارك ولا اقصد عمل مذكرات لاني اعتبر المنتدي مكان للحوار لا لتنزيل المذكرات

- أطرح سؤال - كلمه ونطقها - موضوع حد سألك فيه - معلومه شفتها في كتاب- خطأ شائع بين الطلبه او حتي المدرسين
أستاذي الفاضل اسف جدا
ولكن اشعر اننا نحتاج الكثير من أجل اصلاح ما يمكن اصلاحه لصالح مصرنا الحبيبه فنحن مسؤلين عن هذا الجيل الذي يجب ان يكون أفضل
تقبل مروري

فعلا مستر منير أنا متفق معاك جدا فى هذا الموضوع وياريت موضوعك دة يجد اهتمام من الزملاء المدرسين ويتفاعلوا مع الموضوع ويبدو ارائهم وان شاء الله لو وجدنا اتفاق فى هذا الموضوع وموافقة من الاخوة الاعضاء نضع ميثاق عمل مبني على تلك الاقتراحات الجميلة وننفذها على الفور . لذلك رجاء من جميع الزملاء الدخول وابداء الرأي

مستر نبيل بالفعل هناك موضوعات انشأتها انا الشهر الماضى وكانت مثبته وهى:
1- موضوع ( ركن النقاش)
2- موضوع (The whole thing must go in English here)
3- موضوع (خاص بالمدرسين..كله يجهز الاسئله)
كذلك موضوع مستر horizon (صحح نطقك)
المواضيع مازالت موجوده والدخول اليها من الموضوع المثبت (صفحات المدرسين) لكنها تحتاج الى مشاركه الاعضاء

اتفق مع مستر نبيل ومستر محمود فتحى واحى الاستاذ عصام على مجهوداته ولكنى اقترح م يلى
اولا : ان يكون هناك باب للاسئلة والنقاش فيما يختلف عليه المدرسون والاخطاء الشائعة وغيره هذا يكون للمدرسين فقط حيث سيكون المستوى متقدم من الناحية العلميه -- بشرط الا يفتح الباب للمغلاه اقصد فرد العضلات - بمعنى انا عندى معلومه معينه اعرضها على زملائى موثقة بالمراجع او المصدر - وليس مجرد طرح اسئلة لمجرد انى اقول انا مفيش غيرى - حيث لفت نظرى ان البعض وهم قليلون يقومون بطرح سؤال معين ويقوللك مين يعرف يحل مين يعرف اللى انا اعرفه - عايز خمسة يكتفونى - مش عارف ايه ......لا يا جماعة مش عايزيين نضيع وقت بعض .
احنا عايزيين نساعد بعض من اجل اللغة التى نعشقها جميعا
عندك معلومه اعرضها........ عندك فعلا فعلا فعلا سؤال محيرك او عايز تتاكد اطرح سؤالك ....هنا الخدمة اللى بجد ....ليه لانى انا مثلا - عندى مرجع او موقع يحل اللغز اللى محيرك هاقول للمستر صاحب السؤال الحل كذا واتفضل فى المرجع الفلانى صفحة كذا ...كده يبقى فيه نفع وفائدة للجميع

ثانيا : وجود باب ثابت ايضالاسئلة الطلبة ....واحنا نساعدهم والكل يشارك
ثالثا : واسف للاطالة - ان يكون هناك دور اكبر للمشرفين - حيث تجد بعض الاعضاء يقولك الموضوع النارى الموضوع اللى محصلش وتخش وتحمل وتفتح الملف تلاقى مفيش موضيع اصلا .....ارجو دراسة اى ملف قبل السماح بوجوده على الموقع
رابعا : ارجو وجود شريط الاخبار باعلى الصفحة لعرض عناوين الموضوعات الجديدة واخر المستجدات

اسف جداجداجدا للاطالة

اتفق مع الاستاذ اشرف فى الراى وهو من اكثر المشاركين باعمالهم فى المنتدى وجزاكم اللة عنا خير الجزاء وكل عام واعضاء المنتدى بخير بمناسبة شهر رمضان الكريم