ابوجاد
14-08-2009, 05:16 PM
ماهو مستقبل علوم بترول وهل هى تساوى جولوجيا منفرد اجيبونى اثابكم الله
|
مشاهدة النسخة كاملة : محتاج المساعدة ضرورى ابوجاد 14-08-2009, 05:16 PM ماهو مستقبل علوم بترول وهل هى تساوى جولوجيا منفرد اجيبونى اثابكم الله Ma7moud_442 14-08-2009, 05:33 PM عنواااااان الموضوع غريب اوى طيب انا مش عندى معلومات أساعدك ازاى وبعدين ايه اللى يمنع ان حد مش مسلم يساعدك eng.yasmin 14-08-2009, 05:37 PM علي فكرة ما ينفعش العنوان ده طب انا مسلمة وما اعرفش حاجة عن الموضوع ده ومعني اني ما اسعدكش يبقي ايه يعني وسبحان الله ممكن اللي يفيدك حد غير مسلم ياريت نحسن اختيار العنوان fuoozz 14-08-2009, 05:38 PM ايه العنصريه دى وايه اللى يمنع انى مسيحى مثلا يساعدك كوخا يعنى ناس تجيب الضغط MuHaMeD kHaLeD 14-08-2009, 08:01 PM يا خوانا هو يقصد ان المسلم اخ المسلم و واجب عليه المساعده بص يا بو جاااد علوم جيولوجيا بترول علي حد علمي موجوده في القاهره و اسكندريه و بتكون بشروط علي حسب الكليه ممكن تتصل ب الكليه و تعرف ايه شروطها بالظبط ربنا معاك و يوفقك ................................................ without mercy 14-08-2009, 11:39 PM رجاء من اخواننا الغير مسلمين الا يفهمو عنوان الموضوع غلط ثانيا انا جاتلى علوم اسكندريه الحمدلله وبالنسبه لجيولوجيا بترول ده قسم بـــ10 الاف جنيه وطبعا خريج القسم ده بيختلف عن قسم جيولوجيا بمراحل خريج بترول احسن طبعا واكيد باين من تكاليفه وده موجود فى اسكندريه مش عارف الصراحه موجود فين تانى ولو فى اى استفسار تانى انا فى الخدمه والله الموفق ahmedhcl 15-08-2009, 12:27 AM http://www.thanwya.com/vb/showthread.php?t=141640 sgnsss 15-08-2009, 10:37 AM ya 3am ana moslem bs bsara7a esm mawdoo3ak mostafezzzzz...... Hiroo 15-08-2009, 05:04 PM انا اسف لدخولى هذه الصفحة لانى بكل صراحة اسمى مينا قسم جولوجيا بترول لكل من الشعبتين بمبلغ 10 الاف جنيه موجود فى القاهره والاسكندرية النظام الحيث يمكنك من التخلص بعد 3 سنوات والدراسة فى المانيا والكلية تعاقدت مع شركات بترول لتعين الخريجين انااسف مره اخرى MuHaMeD kHaLeD 15-08-2009, 05:10 PM انا اسف لدخولى هذه الصفحة لانى بكل صراحة اسمى مينا قسم جولوجيا بترول لكل من الشعبتين بمبلغ 10 الاف جنيه موجود فى القاهره والاسكندرية النظام الحيث يمكنك من التخلص بعد 3 سنوات والدراسة فى المانيا والكلية تعاقدت مع شركات بترول لتعين الخريجين انااسف مره اخرى شكرا علي هذه الاضافه يا مينا بس لو ممكن توضحلنا هل خريجي العلوم هذا القسم ما الفرق بينهم و بين خريجي تعدين السويس ابوجاد 15-08-2009, 07:57 PM كان هدفى من العنوان سرعة الدخول ولست انابالعنصرى لان المسلم يحسن معاملة الاخرين ومن فهم الرسالة خطا فهذه مشكلتة وشكرا لااخ مينا fuoozz 15-08-2009, 08:32 PM ياراجل كسفتنا نفهم غلط ايه بس هى كلمتك فى حدها غلط من كان مسلما فيساعدنى طيب يامينا باشا القسم دا بياخد من كام مجموع ان جايب 60 فى المائه مش هلحقه اظن صح سعاد 2 16-08-2009, 06:32 AM يا جماعة هى فى كلية علوم بقلوس طيب فى اقسام ثانية ارجوكم افيدونى وبتاخد من كام اسم النبي حرصه 16-08-2009, 10:18 AM من الاخر لوعايز تشتغل في المجال دة خش قسم جولوجيا او جيوفزياء انا ان شاء اللة اخش جيو فيزياء الان الدراسة فيه شاملة Hiroo 16-08-2009, 12:48 PM اولا انا اسف مره اخرى فكلنا اخوه بالنسبه للاخ اللى جايب60% انت ممكن تحول وتيجى علوم القاهره او الاسكندرية لانها موجودة فيهم اللى هيخليك تدخل القسم الكفاءه فى الاعدادى (سنة اولى) والفلوس وهو للشعبتين اماللاخت التى تريد معرفة الاقسام الاخرى هذا ايضاح مختصر تعريف الكليه : هى الكليه التى يدرس بها كل العلوم الحيه والغير حيه الخاصه بالطبيعه من حولنا لا ندرس فيها اى من المواد الادبيه او التاريخيه وتختلف تماما عن كليه دار العلوم والدراسه على اربع سنوات ( نقطه نقاش ) حيث هناك نظام القرص سمر ينهى الدراسة فى3 سنوات اقسام الكليه الرئيسيه 1- قسم الكيمياء chemistry ويندرج تحته كل فروع الكيمياء الكيمياء الحيويه ( وتدرس فيها جميع التفاعلات الخاصه بالكائن الحى وخصوصا جسم الانسان وهى من اقوى الفروع فى الكيمياء وتفتح مجالات عمل للمتخصصين فيها مثل التحاليل والادويه وهى غير موجوده فى كل الكليات كأقسام ولكن تتدرس كمواد ) الكمياء التحليليه ( ويدرس فيها كل مايخص التحليل الكيميائى لاى شئ بالقوانين والمعادلات والنظريات وتاتى فى المرتبه الثانيه من الكيمياء لارتباطها الشديد بالاجهزه التحليليه ويكون المتخصص فيها قادر على استخدام شتى الاجهزه) الكيمياء العضويه ( ويدرس فيها كل مايخص العضويه من تفاعلات خارج الجسم وفى التربه وفى الطبيعه وهى مرتبطه كثيرا بالصناعه فى مختلف المجالات ) الكيمياء الصناعيه ( ويدرس فيها المواد الصناعيه مباشره وبعض المؤثرات والعلاقات فى الصناعه ) وهناك مواد اخرى كثيره ولكن لن استطيع وصفها باللغه العربيه او حتى اسمها مثل spectroscopy- sterochemistry- inorganic chemistry - physical organic- quantm- natural product - and more ومن هنا تجد ان الكيمياء هى من اهم متطلبات سوق العمل لانها تدخل فى الكثير من المجالات لذلك قامت الكثير من كليات العلوم بوضع التخصص المذدوج مع اى فرع اخر _يعنى التخصص ومعاه الكيمياء_ _لعلمك اقوى قسم كيمياء هو علوم القاهره واقوى كيمياء حيوى هو عين شمس والاسكندرية والعيب الموجود فى الدراسه بالنسبه للكيمياء لايوجد تخصص للجوده فى كليات العلوم على الرغم من ان معظم العامليين فى مجال الجوده كميائيين 2 - قسم البيولوجى وينقسم الى ثلاث اقسام قسم zoology علم الحيوان وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره طبعا قسم ابحاث ومواد بحثيه قسم Botany علم النبات ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا بدراسه الفيروسات قسم entomology الحشرات ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا بمقاومه الافات والحشرات كالجراد وهناك قسم microbiology الميكروبيولجى وده مهم جدا زى الكمياء الحيوى ويختص بدراسه الكائنات الدقيقه ودايما بتوع حيوان ونبات بيتنافسوا عليه لاهميته فى الابحاث وطبعا لاننسى ان كل من هذه التخصصات مذدوج مع الكيمياء حتى يسهل وجود فرصه عمل فى بلد لاتعرف معنى للبحث العلمى ويأتى بعد ذلك قسم الجيولوجيا وهوقسم يختص بدراسه سطح الارض ومافيها من معادن وغيره قسم الفيزياء قسم خاص بالتجارب والقوانين والعلاقات الرياضيه والدوائر الكهربائيه قسم الحاسبات والرياضه وهوقسم قوى جدا ومعقد جدا ولكنه مطلوب فى سوق العمل قسم الفلك والارصاد الجويه وهو يخرج المعيدين وعلماء يعملون فى اماكن بالخارج مثل ناسا اعتذر عن الايجاز فى تلك الاقسام لانها وكان هذا موجز عن الاقسام الاساسيه فى كليات العلوم المصريه نظام الدراسه : اربع سنوات ممكن اكتر او اقل _قصده طبعا اللى فى جامعته نظام الساعات المعتمده وياحظه وياهناه_ تنقسم سنه اولى الى مجموعات عامه تؤهلك للدراسه والتخصص بعد ذلك والمجموعات على حسب مواد الثانويه العامه ودرجاتها اواقل كما حدثت من قبل الصف الثانى تكون تخصص عام مثل بيولوجى الصف الثالث والرابع تخصص اكتر مثل حيوان - او غيره ده طبعا مع تخصص الكيمياء اللى بيطبق فى الجامعات الكبرى وطبعا التخصصات الحلوه هتلاقيها بتقدير لدخولهامن سنه 2 زى كمياء منفرد - كمياء حيوى - قسم حيوان - ميكروبيولجى - قسم نبات فى امتحانات اسمها midterm وده بيكون بعد اول شهر او اسبوعين وبعدين قبل النظرى بشهر او اقل العملى وبعدين النظرى مادتين فى الاسبوع اصعب سنه فى ناس بتقول اولى وناس بتقول 3 او 4 بس الكل اجمع ان 2 اسهل سنه ولكن لا اظن ان هناك شئ صعب بالعمل الجاد فى نظام الساعات المعتمده وده قلب كل الموازين واحب اقول ان كل ده بيختلف من جامعه لاخرى وكل لما تروح الاقاليم بيكون الموضوع اسهل فى كل شئ العمل طيب انت خلصت الكليه هتشتغل ايه ؟ انت اسمك كميائى او لو تخصص مزدوج ممكن تسمى نفسك بالتخصص الثانى (بيولوجى -جيولوجى - فيزيائى ) المجالات المتاحه فى سوق العمل كتير جدا ولكن اشهرها ( اخصائى تحاليل طبيه - مهندس جوده - باحث- مهندس بترول - مندوب شركات ادويه medical rep. التدريس فى المدارس بكافه مراحلها -- التدريس فى الجامعات الخاصه - تخصصك نفسه كيميائى او فيزيائى ) مع التنبيه على ان المسمى الوظيفى والتفاصيل تختلف من مكان الى اخر وعلى حسب شخصيتك هتفهم بعدين التحاليل الطبيه : عند تخرجك من الكليه اسمك كيميائى ولكن عند حصولك على دبلومه او ماجستير بتقوم باستخراج كارنيه اخصائى على الرغم من التعيين فى الحكومه تحت مسمى وظيفه اخصائى تحاليل دون دبلومه او ماجستير فى المعامل الكبيره نوعين sampling سحب عينات مرتبها يبدا من 300 ويصل الى 1000 او اكتر على حسب المكان والزيارات chemist كيميائى وحدات وتعمل على اجهزه التحاليل الطبيه فى الوحدات 400 جنيه او معمل صغير تشتغل فيه سحب يدوى وده على حسب مستواك الاحترافى وخبرتك يبدا من 300 وبتكون المده فيه قليله الجوده : لايعمل الكثير منا فى الجوده على الرغم من فلوسها الكتير ولكن للاسباب الاتيه الجوده يعمل بها خريجى الجامعه العماليه بتخصص يسمى جوده خريجى هندسه خريجى علوم وتنقسم الجوده الى جوده معمل وهى تابعه فى الغالب الى مدير المصنع وجوده انتاج وهى تابعه للانتاج يعنى واحده سلطه والتانيه فلوس اكتر المرتبات فى الشركات المحترمه تبدا من 800 +200 يعنى حوالى الف البترول : الكلية متعاقدة مع شركات حتى لو لا انت اسمك مهندس بترول تتمنى افضل الشركات المصرية والعربية ان تعمل بها والمرتب كبير لن ابالغ ان يصل ال4 الاف دولار او شركات خدمات بتروليه ودى مرتبها زى ماسمعت حوالى الف ونص ووحشه _وايه اللى وحشها مش فاهم ماعلينا عدى دى_ شركات البترول ودى لن اتحدث عن مرتبها عشان الحسد 2000 دولار اخصائى تحليل التربة بتشتغل فى المعمل او بتحضر mud وهى المواد المسئوله عن ذوبان التربه اما بالنسبة للاخ الذى يتحدث عن الجيوفيزياء صح هم مطلوبون ------------------------------------------------------- ارجو ان اكون قدمت الافادة مع تحيات مينا Hiroo 16-08-2009, 02:20 PM ملاحظه هناك اقسام اخرى لكن انا اسف ساذهب للعمل الان هيثم السيد 16-08-2009, 02:32 PM عفوا لجهلى فما انا الا شاب يريد المساعدة ماهى كليه العلوم كليه العباقرة لو عايزتدرس طب ومواد طب فسيولوجى وانسجة وخليه وتحاليل كميائيه وطبيه الخ بعد وتشتغل دكتور تحاليل طبيه في المستشفيات والمعامل وتفتح معمل تحاليل باسمك يبقي مكانك في كليه علوم لو عايز تدرس صيدله وتراكيب الادويه وتصنيع الادويه والمضادات الحيويه وتشتغل في شركات الادويه زيك زى الصيدلي بالظبط في كل حاجة يبقي مكانك عندنا لو عايز تشتغل في مجال اطفال الانابيب وتشتغل في المعامل الخاصة باطفال الانابيب يبقي مكانك في كليه علوم لو عايز تطلع كميائي تشتغل في شركات الادويه او الاسمنت او البترول او السراميك او البلاستك او الاسفنج او الاسمدة او الصبغة الي اخر الشركات يبقي اكيد مكانك في كليه علوم لو عايز تشتغل في مجال مكافحة العدوى في المستشفيات والمعامل يبقي اكيد مكانك في كليه العلوم لو عايز تدرس الرياضيات والحاسب والفزياء والفلك والارصاد الجويه واو عايز تدرس الدى ان ايه وتطبيقاته يبقي بردو مكانك عندنا لو عايز تشتغل في مجال البحث العلمى زى مراكز البحوث القوميه وتطلع عالم من العلماء يبقي بردو مكانك في كليه العلوم هى الكليه التى يدرس بها كل العلوم الحيه والغير حيه الخاصه بالطبيعه والدراسه طبعا فيها باللغه الانجليزيه في كل الجامعات المصريه والدراسه على اربع سنوات اقسام الكليه الرئيسيه 1- قسم الكمياء الخاصة( special chemistry) وتدرس فيه كل فروع الكميا من الكمياء الحيويه ( وتدرس فيها جميع التفاعلات الخاصه بالكائن الحى وخصوصا جسم الانسان وهى من اقوى الفروع فى الكمياء وتفتح مجلات عمل للمتخصصين فيها مثل التحاليل والادويه وهى غير موجوده فى كل الكليات كأقسام ولكن تتدرس كمواد في قسم الكميا الخاصة زى الكميا العلاجيه وزى الكميا الحيويه 1 وكميا حيويه 2 الكمياء التحليليه ( ويدرس فيها كل مايخص التحليل الكميائى لاى شئ بالقوانين والمعادلات والنظريات وتاتى فى المرتبه الثانيه من الكمياء لارتباطها الشديد بالاجهزه التحليليه ويكون المتخصص فيها قدر على استخدام شتى الاجهزه الكمياء العضويه ( ويدرس فيها كل مايخص العضويه من تفاعلات خارج الجسم وفى التربه وفى الطبيعه وهى مرتبطه كثيرا بالصناعه فى مختلف المجالات ) الكمياء الصناعيه ( ويدرس فيها المواد الصناعيه مباشره وبعض المؤثرات والعلاقات فى الصناعه )زى industrial chemistry- اللي بتدرس فيها الصناعات الكميائيه زى صناعة الكميائيه للدهانات والخشب والزيوت وهناك مواد اخرى كثيره ولكن لن اعرف وصفها بالعربى او حتى اسمها مثل spectroscopy- sterochemistry- inorganic chemistry - physical organic- quantm- natural product - and more 2 - قسم البيولجى ويندرج تحته اقسام قسم microbiology الميكرو بيولجى وده مهم جدا زى الكمياء الحيوى ويختص بدراسه الكائنات الدقيقه (بكتريا وفيروسات وفطريات وطحالب) قسم zoology علم الحيوان وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره طبعا قسم ابحاث ومواد بحثيه قسم Botony علم النبات ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا بدراسه الفيروسات قسم entomology الحشرات ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا بمقاومه الافات والحشرات ( الجراد) قسم الكميا الحيوى ( موجود في بعض الجامعات وليست كلها وتدرس فيها جميع التفاعلات الكميائيه الخاصه بالكائن الحى وخصوصا جسم الانسانة وتدرس فيها الكميا العلاجيه زى المسكنات وخافضات الحرارة وزىمضادات البكتريا والفطريات والفيروسات والطفيليات وهى من اقوى الفروع فى الكمياء وتتخصه من بيولوجى وتفتح مجا لات عمل للمتخصصين فيها مثل التحاليل والادويه قسم علوم وبحار والاسماك(موجود في بعض الجامعات وليست كلها) ودة بتدرس فيه كل ما يتعلق بعالم البحار وانواع الاسماك ودة طبعا شغله في المزارع السمكيه ومجال البحث العلمى قسم الكميا والميكروبيولوجى وهو قسم مهم جدا بيملكلك العصايه من النص يعنى انت كميائي وفي نفس الوقت microbiologist تدرس فيه كل فروع الكميا السابقة (حيويه وعضويه وتحليله وفزيائيه ) وايضا تدرس فيه كل فروع الميكروبيولوجى السابقة (البكتريا والفطريات والطحالب والفيروسات) قسم الكميا والحيوان وهو قسم هجين بين الكميا والحيوان وتدرس فيه علوم كل فروع الكميا وكل فروع الحيوان من الطفيليات والفسيولوجى والامراض الوراثية والانسجة وعلم الخليه الخ قسم الكميا والنبات هو قسم هجين بين الكميا والنبات وتدرس فيه كل فروع الكميا وكل فروع النبات من امراض نباتيه ووراثيه قسم البيوتوكنولوجى (قسم موجود في بعض الجامعات فقط) DNA تدرس فيه والخ 3-قسم الجولوجيا وهوقسم يختص بدراسه سطح الارض ومافيها من معادن وغيره 4-قسم الفيزياء قسم خاص بالتجارب والقوانين والعلاقات الرياضيه والدوائر الكهربائيه 5-قسم الحاسبات والرياضه وهوقسم تدرس فيه كل فروع الرياضيات والحاسبات 6-قسم الفلك والارصاد الجويه (موجود في بعض الجامعات وليست كلها) تدرس فيه كل ما يتعلق بالفلك والنجوم والكواكب والارصاد الجويه 7-قسم البترول ولن اتحدث عنة لان مينا اعلم فهذا تخصصة هيثم السيد 17-08-2009, 04:27 PM انت فين يا مينا ayakhalifa.eng 17-08-2009, 04:40 PM ممكن حد يقول الاقسام بتاعت شعبة الرياضه زيزو1900 17-08-2009, 08:43 PM ممكن حد يقول الاقسام بتاعت شعبة الرياضه قسم البترول وقسم الحاسب قسم الاحصاء والرياضة قسم الكميا قسم الفزيا قسم الاحصاء ولحاسب قسم كميا وجيولوجيا قسم الجيوفزيا قسم جيولوجيا سبيشيل MuHaMeD kHaLeD 17-08-2009, 08:57 PM مشكووووووووووووووووووورين يا دكاتره خالد محمد حسن 17-08-2009, 09:24 PM انا لما قرأت فى الاول اندهشت خلينا احنا كده بنعلق على الالفاظ وسيبين المضمون ياعم غلطة من اللى كاتب ممكن تبعتلوه رسالة خاصة مش لازم نشعل الموضوع ونكبره احنا كلنا اخوات بنساعد بعض فى المنتدى ده والمنتدى اسمه بوابة الثانوية العامة يعنى كل اللى فى الثانوية سواء مسلمين او مسحيين او حتى من غير ملة انا اسف فى الكلمة يعنى عايزين نبقى متحضرين fuoozz 17-08-2009, 09:26 PM طيب ياغالى كل دى اقسام فى علوم دى كليه طلعت كبيرة اووووووووووووى انا مجموعى دا لسه فى تالتة ثانوى وبمتحن دور تانى هالحق اى مكان فى علوم او حاجة خاصه بحيث ادرس بترول واتخرج بعد 3 سنين مفيش اى طريقة عشان اقدر ادرس بيها فى الجامعه خالد محمد حسن 17-08-2009, 09:38 PM انت وقدرك بس قول يارب زيزو1900 18-08-2009, 10:10 AM طيب ياغالى كل دى اقسام فى علوم دى كليه طلعت كبيرة اووووووووووووى انا مجموعى دا لسه فى تالتة ثانوى وبمتحن دور تانى هالحق اى مكان فى علوم او حاجة خاصه بحيث ادرس بترول واتخرج بعد 3 سنين مفيش اى طريقة عشان اقدر ادرس بيها فى الجامعه دة لسه الاقسام التانيه قسم الكميا والميكروبيولوجى قسم الكميا الحيوى والميكروبيولوجى قسم الكميا الحيوى سبيشيل قسم الميكروبيولوجى سبيشيل قسم الكميا والنبات قسم الكميا والحشرات قسم الكميا والفزيا قسم نبات سبيشيل قسم حيوان سبيشيل قسم حشرات سبيشيل قسم البيوتوكنولوجى قسم علوم الفلك والارصاد الجويه |