المساعد الشخصي الرقمي

مشاهدة النسخة كاملة : متشكرين قوي على المافيش اللي عملتوه

pepsimanii
21-09-2006, 11:59 PM
بقى كده
أطلبكم في خدمة ومحدش يرد :angry: :angry:

والمفروض انكم الموقع المتخصص في المجال ده
كل اللي طلبته انه عايز اعرف نتيجة تنسيق واحد زميلي مش مصري
من فلسطين
ومقدم عندنا في مصر
والمفروض انكم موقع الثانوية وانكم الي عارفين الأخبار
طيب على الأقل حد يعرف معاد نزولها أو موجودة فين وانا اتصرف

بس للأسف :(
محدش معبرنا
وللأسف المواضيع اللي لاقية قبول ومع كل احترامي للجميع
مواضيع تافهة
مش هنستفيد منها في حياتنا اليومية

اللي انا عايز اقوله ان صديقي ده فلسطيني
واليهود قافلين المعبر لمصر
ومش هيفتحوه غير يوم واحد بس اللي هو بكرة
ولو كان حد منكم جابلي نتيجته كان زمانه مسافر دلوقتي وجاي عندنا
وكان هيدرس معانا
ولكن للأسف اتحط في موقف لا يحسد عليه
قدامه يختار اما انه يكمل دراسة في هندسة فلسطين اللي هو دخلها
مع العلم ان الكهرباء عندهم بتيجي 7 ساعات في اليوم وبس :(

او انه يخاطر ويسافر مصر وهو مش عارف جتله كلية ايه
وممكن تكون حاجة اقل من الهندسة

علشان كده بقلكم متشكرين قوي قوي قوي
على اللاشيئ
اللي انتم خدمتوني بيه

والوداع :ph34r:
=ivan=
22-09-2006, 02:20 AM
هدا يا مجنون البيبسى ..

مفيش داعى للزعل ..

دا منتدى زى ما انت شايف ..

ومعظم اللى هنا طلاب اصلا ..

ممكن تراسل عبقرينو مان " مدير الموقع " برسالة خاصة ..

اكيد هيفيدك باذن الله..

اسفين فعلا بجد والله ..

سلام
*محبة الله*
22-09-2006, 04:54 PM
انا والله معرفش حاجه عن الموضوع ده

وقريت موضوعك الاولانى بس معرفش صدقنى

لانى طالبة هنا فى مصر 3 ثانوى ومعننديش اى خبرة بالموضوع ده

بس زى ما قالكahmedation_4ever

ابعت لعبقرينو مان هو اللى ممكن يساعدك

وان شاء الله ربنا يسهلك الموضوع انت وصاحبك

وساعتها تبقى طمنا هو عمل ايه؟

اختك:هبــــــــة
عبقرينومان
22-09-2006, 09:12 PM
هات يا حبيبي رقم الايصال وان شاء الله خير
pepsimanii
22-09-2006, 11:59 PM
dيا عم عبقرينو ما هو ده اللي اتكلمت عليه في الموضوعين الأولنيين
انه ما فيش رقم ايصال أصلا
انا جبت اسمه
ورقم اسمه رقم مراجعة السفارة


واسمه هيثم محمد يعقوب الزناتي
وأحيانا بتتكتب كده
هيثم محمد يعقوب الزيناتي

ورقم مراجعة السفارة 106

وأرجع وأقول كمان مرة
هو مش مصري
بس قدم في مصر ومعرفش انها هتطنشه

والكلام اللي انا كاتبه ده مكرر مرتين في الموضوعين دول

الموضوع الأول (http://www.thanwya.com/forums/index.php?showtopic=17473)

الموضوع التاني (http://www.thanwya.com/forums/index.php?showtopic=17505)
zizo2_2
23-09-2006, 01:46 PM
وانا قمت بالرد عليك اخي الفاضل ولم نستطتع التوصل لأي نتائج
pepsimanii
24-09-2006, 04:15 PM
أنا عارف يا أخ zizo2_2 انك اجتهدت وبحثت وأنا شاكرلك جزيل الشكر