بسم الله الرحمن الرحيم
قطعت فترة الدراسة بتاعتى شوية وقلت اقوم اتفرج على التلفيزيون(قليل الادب انا صح؟؟؟)
ولاول مرة فى خلال الشهر اللى فات افتح التلفيزيون المصرى وعلى ايه
قناة النيل الثقافية
كان فيه برنامج اسماء (((اسماء الله الحسنى)))
وكان بيناقش بحث لاحد العلماء اللى هو ضيف الحلقة حول اسماء الله الحسنى
والازهر اجاز بحثه وتقريبا عن اسماء الله الحسنى
فباجتهاد العالم وبالادلة طلع 30 اسم تقريبا تانيين غير ال99 بتوعنا
بمعنى ان فيه 30 غيرهم من بتوعنا عليهم خلاف وممكن يتشالوا ( وكأنها عربية بنغير فيها)
ومنهم( الرب \ الوتر \ القريب \ الاعلى\ الستير(وده سمعنه كتير)\........وطبعا ملحقتش احفظهم)
كمان البرنامج كان بياخد كل يوم اسم يناقشه والراجل يقول ده اصله منين
وقال فى كلامه ان الاسماء المتداولة اجتهد فيها عالم يسمى الوليد بن مسلم من كام عقد من السنين
ده اللى خلانى ادور على النت تانى (وطبعا سايب المناهج متلتلة مفتحتهاش وواجب الرياضة
معملتوش)
ولقيت اساسا ان مفيش اتفاق على الاسماء
يعنى من اجتهاد الكثير من العلماء
وصلوا الى اكتر من ال 99 فى بعض الاحيان
طب دورت اشوف اصل الاسماء الحسنى
ووجدت والله ان الاسماء الغالبة صحتها هى
هتلاقوها فى البرنامج ده
وفيها شرح للاسماء والدليل عليها
اسماء الله الحسنى (http://www.deentimes.com/baramej/pafiledb.php?action=download&id=1)

وده لقيته فى احد المواقع
والصراحة مش قادر اتكلم

قولولى بقى ايه رأيكم يعنى الواحد يمشى على ايه
الرسول صلى الله عليه وسلم قال(ان لله تسع وتسعين اسما من احصاها دخل الجنة))
ياريت نشوف حل للاشكال ده
ونخلينا مع انهى فيهم خصوصا ان المتداولة الادلة عليها مش كتير
منتظر آرائكم بجد عشان نرسى على حل
خصوصا ان فيه مواضيع كتيرة فى المنتدى هنا او غيره عن اسماء الله الحسنى المتداولة وشرحها
استغفر الله العظيم مش عارف التشتيت ده سببه ايه
ياريت حد يوضحلى او لو يعرف حاجة من خلال بحثه يقول

تعبتكم وقومتكم من المذاكرة معلش
سلام عليكم
ورمضان خالد:D