في قصيدة للشاعر كمال عمار مش فاكر منها غير مطلعها بيقول :
نحن بخير لا ينقصنا الا شئ واحد
لا ندري ان كان الحب ام العدل ام الحرية
من كثرة هذا الترديد الاجوف للكلمات
صرنا ان خيرنا بين الساخن والبارد
نختار رضاء الغير
الموضوع ببساطة قعدت أفكر ايه اللي ناقصنا كأمة أو كشعب علشان نكون بلد متقدمه ايه اللي ناقصنا كأفراد علشان نكون اسعد حالا
ياريت كل واحد يقول لنا من وجهة نظره يمسك نعرف نمسك طرف للخيط اللي لافف حولين قلوبنا وبلادنا

انا رأيي العودة للدين وجزاك الله خيرا

من رأيى إننا بينقصنا كل اللى حضرتك ذكرته لكن لو رجعنا للدين مش هينقصنا أى شىء

التمسك بالدين اولا ثانيا تقليد الغرب فقط فى وسائل التقدم ومجارتهم وثالثا توفير وسائل التكنولوجيا الحديثة

انا من رأيي ان احنا ناقصنا كل اللي حضرتك ذكرته واول حاجة العودة للدين

مشكوووووووووووووور
مستر علاء على التوبيك الرائع

أولاً أحب أقول رأيى هو رأى الشخصى و ربما يحتمل بعضاً من المعادلة الصعبة التى أبحث عن حلٍ لها
ثانياً نحن لسنا أقل من أى دولة أخرى فلدينا كل مقومات الدولة الحديثة ونحن من أولى الدول التى تحررت و لديها الكثير من
المحاولات التى ساعدت غيرها لتتحرر و ترتقى و لكننا ظللنا محلك سر لماذا ؟؟؟؟
ليس لدينا المحرك الذى يحرك شعور الانتماء و الولاء و حب الوطن و أصبحت الامبالاة هى السمة الغالبة فى كل ما حولنا و التقصير هو ما يمييز أعمالنا و النظرة القاصرة على محتوى الفرد فقط أنا و من بعدى الطوفان - أخطف و أجرى .......
و لكن الدين موجود و الخير موجود و كله قد علاه التراب و يحتاج الحب و التضحية لتصبح بلدنا أعظم بلد فى العالم
بسبب وجود خيرة شباب الأمة التى قالها منذ أربعة عشر قرن من الزمان حبيبنا و شفيعنا محمد صلى الله عليه و سلم
( إذا فتحت لكم مصر فاتخذوا منها جنداً كثيرة فخير أجناد الأرض )
و لهذا نحن أفضل شعب و علينا رفع رأسنا علياًو نحب بلدنا و نعطيها لتعطينا
و لكن نحتاج قائد ملهم يعبر بنا هذا الأثمد الذى طال علينا و آسفة على الإطالة
و لكن كل ما يجيش بصدرى هو حبى لوطنى

اشكر الغاليين على مرورهم واراءهم
اما عن رأي الشخصي
بعد الفاصل

بجد الموضوع حلو وثانيا انا موافقاك قوي يا عاشقة الموج وبجد الفاظك المعبرة حلوة قوي احنا فعلا نقصنا كل اللي انتو ذكرتوه وطبعا الرضا وده بيرجع لقوة الايمان واحنا لازم نكون كلنا كدة لازم نقلل المعصيات عندنا ونتوجه الى الله في كل شيء انا مش هقول حاجة جديدة بس فعلا التمسك بالاسلام هوة اللي يخلينا كاملين من كل حاجة ومش محتاجين لحاجة

ناقصنا كتير
اهم حاجة فيهم
الحرية
حرية الاختيار
حرية التعبير
حرية المشاركة
حرية الممارسة

والاستبداد بالحريات مش من قبل الدولة بس
لا الشعب ايضا مستبد بالحريات
تقالدينا وعادتنا بتقتل حريات كتيرة
مجتمعنا ما اتعودش ان يقبل اناس مختلفة معه فى اى حاجة وبالتالى بيكتم حرياتهم
نفسى أشوف شعبى وهو مؤمن بالحرية وبالتعددية والاختلاف فى الرؤى والافكار
مش بس يؤمن بكده بل يتقبله ويكون شئ عادى جدا

لو فى دين
هيكون فى ضمير
هيوجد العدل
هتنتشر الحرية
وتستمر الإيجابية

موضوع كميل ع فكره من غير لك كتير بس شغال
بص هو موضوع الدين طبعا مهم بس المشكله ان احنا شعب متدين فعلا ومن غير مبالغه
ممكن الظروف بتخرج الناس عن الطريق السليم
انا الصراحه شايفه ان الحل بسيط او ان البساطه فى حد ذاتها حل
مشكله البلد دى ان التمثيل نزل من المسارح ودور السينما لارض الواقع ومش عارفه هل هو طلع من حياتنا للمسرح وكان الاصل التمثيل اللى ملى العالم اللى حوالينا ده
وتبسيطا يعنى للكلام :p هناخد المثل ع حاجه صغير الست عدلات جاى عريس لبنتها النهارده
استلفت كل حاجه من الجيران السجاجيد والفازات والصالون الجديد بتاع بهانه جارتهم
والاخ المتعوس جه عشان يتقدم واتجوزها وكان مخدوع اوى فى الناظر الكدابه دى
احنا كده كل واحد بيمثل ومتعرفش ليه لو مش هتمثل يبقى مش هتكدب ومش هتبقى مغرور هتبقى شايف نفسك كويس اوى مش شايف نفسك بشكل تانى
اهو احنا لو مشينا بطريقه سلسه بدون تمثيل وتفخيم والنعره الكدابه بتاعتنا دى هنفلح
هتلاقى كل حاجه هتخلص بدون لف ولا دوران لان فعلا مفيش مصلحه من المبالغه فى كل حاجه كده
انيس منصور كان بيقول جمال البساطه فى بساطه الجمال
لما مصر تبطل مبالغه يبقى مش هتدى معونات لشعوب فى الوقت اللى احنا محتاجين فى معونه
وتسأل عن السبب لتحسين صوره مصر
طب انت بتحسنها فى عين مين بتوع بره
طب واللى جواها ومش طايقينها
بجد بتكون حاجه مستفزه اوى
اما عن الدين
فمعتقدش ان لو الظروف اتحسنت هيكون فى تقصير فيه
نحن بخير لا ينقصنا الا شئ واحد
لا ندري ان كان الحب ام العدل ام الحرية
من كثرة هذا الترديد الاجوف للكلمات
صرنا ان خيرنا بين الساخن والبارد
نختار رضاء الغير
بردو الحجات دى ممكن تتوفر بسهوله العدل والحريه .. احنا عاوزين حاجه احنا مفتقدنها مش حاجه لو اتغيرت الحكومه هتتوجد حاجه متأصله فى الطبيعه المصريه
اما الحب فبردو الشعب المصرى طيب بس بيبالغ اوى

طبعا الدين اول شئ ناقصنا لان احنا لو رجعنا للدين
بجد كل الحجات التانية هتتوجد عندنا طبعا

من رأيى إننا بينقصنا كل اللى مكتوب بس لورجعنا للدين مش هينقصنا أى حاجه
و انا مع بنوته اهلويه انا احنا شعب متدين اه لكن يمكن بنطبق الدين ده غلط
او فمواقف ومواقف
واكيد لو كان فى دين حيكون فى عدل وحريه بحدود اكيد وكمان ضمير حى
ام بالنسبه الايجابيه فهى تقريبا من اكتر الحاجات المحتجنها بجد اغلب الشعب عايش
فسلبيه ولا مبالاه حتى لو اهتمينا بموضوع بيبقا فالاول بس اهتمام مؤقت
يعنى وبعد كده سلبيه بالنسبه لحب فانا بردوا مع بنوته اهلويه
ان احنا بنحب بعض زياده عن الازوم
بعيد عن الكلام ده فى اسباب اقتصاديه بتمنع مصر انها تكون متقدمه مدى الحياه
لاننا ضيعنا مواد كتير من ادينا ومش حترجع تانى ده غير اننا نعتبر تحت سيطره دوله اخرى
فى احتلال يعنى بس بطريقه غير مباشره ثقافى
انا شكلى خارجت عن الموضوع معلش عايزه انام
شكراا على الموضوع

الاعزاء
**(elktra)** وأسيل رزق و ايميstar وريناد2025
انا معاكم ان العودة للدين هايحل اغلب مشاكلنا ان لم تكن كلها ومش اي عودة ومش اي اسلام
العودة الصادقة الى اسلام جيل الصحابة ومش اسلام الخرافات والا اسلام لايت ولا الاخواني يمكن الناس تزعل ؟؟
لكن في مشكلة تانية في دول مفيهاش دين او فيها ملل عجيبة زي الصين والهند ودول ظاهريا متقدمة اية رايكم في النقطة دي وانا عندي رأي اخدته من القرآن بس بعد ماعرف رأيكم
الاخت الغالية عاشقة الموج
ليس لدينا المحرك الذى يحرك شعور الانتماء و الولاء و حب الوطن و أصبحت الامبالاة هى السمة الغالبة فى كل ما حولنا و التقصير هو ما يمييز أعمالنا و النظرة القاصرة على محتوى الفرد فقط أنا و من بعدى الطوفان - أخطف و أجرى .......
اعتقد ان هذا ربما يكون لب المشكلة ولذلك وضعت ان نكون ايجابيين في الاستطلاع وحتى ايجابيين في عودتنا الى ديننا

طبيبة ان شاء الله
نقصنا كل اللي انتو ذكرتوه وطبعا الرضا لازم نقلل المعصيات عندنا ونتوجه الى الله في كل شيء
النقطة دي كنت مستني حد يقولها ربنا يفتح عليكي و القرآن يخبرنا
{ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ }الروم41

الاخ الغالي
عندليبو
ناقصنا كتير
اهم حاجة فيهم
الحرية
معاك الحرية مهمة بس العراق ايام صدام ماكنش فيها اي حرية وكانت الى حد ما متقدمة والان قمة الحرية انت لاتستطيع تعد قنواتهم التلفزيونية تقريبا كل 10 عراقيين بيعملوا قناة ويقعدوا يتفرجوا عليها
بس هل بيتقدما ؟؟ ايه رأيك؟؟


الاخ الرائع أحمد2025كلام جميل كلام معقول ماقدرش اقول حاجة عنه

الاخت العزيزة بنوته اهلاويه
مشكله البلد دى ان التمثيل نزل من المسارح ودور السينما لارض الواقع
فكرة جديدة ما يخرجهاش غيرك بس اسمحي لي انها مجرد عرض ومش هي اساس المرض
الناس فعلا كلنا بنمثل على بعض ولو احيانا
انيس منصور كان بيقول جمال البساطه فى بساطه الجمال
اهو ده واحد من أكبر الممثلين بس يمكن عشان سنك مش معاصره تاني يوم حرب اكتوبر والبلد بتغلي كان مقاله عن القطط السيامي؟؟؟قالك لحسن تطلع زي اللي قبلها
واستاذه العقاد مؤلف العبقريات كان صالونه الاسبوعي يوم الجمعة من 10 صباحا لحد الساعة 2 ظهرا ولا في صلاة جمعة نقطة خارج الموضوع بس من حارة الذكريات
لما مصر تبطل مبالغه يبقى مش هتدى معونات لشعوب فى الوقت اللى احنا محتاجين فى معونه
لو قلت كده على غزة ولا فلسطين هايضربوكي بس لو على الصومال او موريتانيا هايقولولك ماشي مع انهم كلهم مسلمين ومحتاجين بس تمثيل وتجارة بالقضية
مش حاجه لو اتغيرت الحكومه هتتوجد
لو قصدك بالحكوة ال 30 وزير ووكلائهم تفتكري لو دول مشيوا الصبح ها نبقى فلة ؟؟مش معاكي
ولا قصدك بالحكومة كل اللي شغالين فيها من موظفين ومدرسين ودكاترة ومهنسين و الفراشين ياريت توضيح

فكرة جديدة ما يخرجهاش غيرك بس اسمحي لي انها مجرد عرض ومش هي اساس المرض
الناس فعلا كلنا بنمثل على بعض ولو احيانا


هههههههههه
اكيد طبعا ميخرجهاش غيرى :d .. لا بالعكس هى اساس المرض لانه طابع متأصل ع عكس الدين احنا متديينين .. العدل والحريه شىء هنوجدهم لو غيرنا الحكومه وتقريبا كده هكرر كلامى مع انه كان واضح من اول مره يلا ماعلينا .. الايجابيه لما تلاقى ان رأيك هيفرق هتكون ايجابى بديهيات وصفه هتكون مكتسبه مع تحسن الواقع مش اكتر ولا اقل .. اما الضمير الحى فموجود عند ناس كتير الفرق ان احنا نسيبه عايش مش نسحب من حواليه الميه والهوا وانسي لو كان فى جهاز تنفس صناعى واقله يعيش

اهو ده واحد من أكبر الممثلين بس يمكن عشان سنك مش معاصره تاني يوم حرب اكتوبر والبلد بتغلي كان مقاله عن القطط السيامي؟؟؟قالك لحسن تطلع زي اللي قبلها


هههههههههه اولا لو هناخد بموضوع لسن يبقى مكنتش هعرف اى حاجه .. وعنده حق ومش سبب انى اقول عليه ممثل ع فكره
وبعدين انا مش بتكلم ع شخصه دى حاجه بعيده اوى انى اتكلم فيها .. بس بدام انت فتحت الموضوع يبقى كلام انيس صح 100 %
ليه بئا ؟ احنا فى النكسه كنا متوقعين ان احنا فزنا اتكون عند الشعب احساس داخلى بان الحكومه دى بتمثل(رجعنا للى بقوله تانى)
كان ناتج لكده ان محدش يصدق حاجه .. واحد بيقلك انت اخدت علاوه ورحت لقيتم مرفود جه بعدها بيقلك اى حاجه تانيه هتصدقه
رد فعل انيس منصور رد فعل طبيععى لاى واحد عاصر النكسه .. ورده بعيد عن التمثيل بالعكس ده قال اللى دار فى عقول ملايين من الشعب .. واللى شكوا فى نصرهم من باب لا يلدغ مؤمن من جحر مرتين
لو قلت كده على غزة ولا فلسطين هايضربوكي بس لو على الصومال او موريتانيا هايقولولك ماشي مع انهم كلهم مسلمين ومحتاجين بس تمثيل وتجارة بالقضية

مش فاهمه يعنى المطلوب ندى معونات للناس دى واحنا اصلا عندنا ناس بتنام جعانه ؟؟!!:d

لو قصدك بالحكوة ال 30 وزير ووكلائهم تفتكري لو دول مشيوا الصبح ها نبقى فلة ؟؟مش معاكي
ولا قصدك بالحكومة كل اللي شغالين فيها من موظفين ومدرسين ودكاترة ومهنسين و الفراشين ياريت توضيح

هما 38 ع فكره :d .. الحكومه اللى سارقه البلد واللى بتخلص ع خير البلد ايرادات قناه السويس اللى مش بنشوف منها حاجه .. اقصد بالحكومه اى مسؤول معندوش ضمير .. وبما ان عددهم اصبح اكتر او تقريبا معظمهم من نفس النوعيه يبقى اقصد بالحكومه اى وزير مستغل منصبه اى واحد مرتشي وا ى اى اى .... هى دى الحكومه يا حضرت

احنا متدينين بس بطريقتنا
ف الحاجات اللى تعجبنا متدينين واللى مش على مزاجنا مش متدينين
وبرضو زى باقى الناس هاقول نفس الكلمة ..
لو رجعنا للدين بجد هايبقى كل ده موجود
:)

العودة للدين
لاننا لو رجعنا مبادىء ديننا تاني هنحقق العدل و الحب و الحرية و كل الي احنا عايزينة لان كل ده هو مبادىء الدين
سؤال جميل جدا جزاك الله خير

كل حاجة حضرتك قولتها نقصانة بجد
احنا بعدنا عن تعاليم دينا الاسلامى و دة كان اساس ضياع كل حاجة منا
لاننا لما ضيعنا دينا و تعاليمة بقينا سهل اوى اننا نظلم و منحكمش بالعدل و دة ادى لضياع الحرية و عدم وجود حرية فى ابداء الراى و دة ايضا ادى لضياع الحب بين الناس لان عمر ماكل دة هيبقى فى البلد يعنى عمر ماهيوجد الظلم و نقدر نحب بعض و عمر ماهيكون فى حد بيكتم انفسنا علشان منتكلمش و نعبر عن ارا ءنا و هيبقى فى حب و خير و سعادة
كل حاجة بتضيع دينا بيضيع و بلدنا بتضيع لازم نرجع دينا و ننفذ تعاليمة علشان نقدر نرجع زى ايام الرسول صلى الله علية و سلم
شكرا على التوبيك
دمتم فى رعاية الله

العدل
لان طول ما فى ظلم هيبقى فى شر
فى ظلم فى شر

الى الاخت العزيزة البنوتة الاهلاوية
اشكر عودتك للنقاش وارجو ان تتكرر
وتقريبا كده هكرر كلامى مع انه كان واضح من اول مره
ادعو الله ان يكون حوارنا لنصل لرؤية جديدة مش بس كل واحد عاوز يثبت انه صح ومش سامع غير صوته:slap1qk6:
بس بدام انت فتحت الموضوع يبقى كلام انيس صح
حتى لا يتفرع الموضوع اوعدك هاحاول اعمللك موضوع عنه وأمثاله هاسميه تجار الثقافة
مش فاهمه يعنى المطلوب ندى معونات للناس دى واحنا اصلا عندنا ناس بتنام جعانه ؟؟!!
بالعكس انا اتفق معاكي تماما:078111rg3::078111rg3::078111rg3: ان اهلنا اولى وجاري الفقير اولى من الفقير اللي في اخر الشارع كل ما قصدته اننا ياندي الكل وده مش باحبذه لكن ماقدرش اقول للشخص اللي بيتبرع لا يا مانديش الكل ويبطلوا يتاجروا بمشاعر الناس ارجو اكون وضحت فكرتي
اقصد بالحكومه اى مسؤول معندوش ضمير
أغرب تعريف قريته عن الحكومة يعني الوزير اللي بيشتغل ده لو انت شايفة حد بيشتغل :giljotiiniug3: يبقى مش من الحكومة ؟؟؟
الحكومه اللى سارقه البلد واللى بتخلص ع خير البلد ايرادات قناه السويس
كلام عام ومرسل:039uw8: واذكرك بحديث الرسول الصحيح
كفى بالمرء اثما وفي رواية كذبا ان يحدث بكل ما سمع
ولو مش عاجبينك بلاش توزعي عليهم حسناتك


Souhaits
الحاجات اللى تعجبنا متدينين واللى مش على مزاجنا مش متدينين
كلمات في الصميم فعلا :022yb4::022yb4:
لما نحب الاغاني نقول ابن حزم قال انها مش حرام وفي باقي ابن حزم مانعرفوش مع ان الفقه الظاهري من اكثر المذاهب تشدد وننسى القول
من تتبع رخص العلماء اجتمع فيه الشر كله
اشكر مرورك الكريم

yomna1993 :078111rg3::078111rg3: و GAMALEWEES:078111rg3::078111rg3: اشكر مروركم الغالي وللحديث بقية ان كان في العمر بقية

الضمير

مهو فية ناس متدينين بس للأسف معندهمش ضمير

أهم شىء فى الدنيا دى الضمير لو بقى موجود كل الى أنت ذكرتة هيبقى موجود بما فيهم التدين

العودة للدين طبعااااااااااااااااااااااااا

قصة الفيل والعميان الستة
وقف 6 من العميان امام فيل وارد كل منهم ان يصفه
قال الاول وقد امسك بالناب انه مدبب وحاد وناعم وملتو
والثاني أمسك بالركبة و قال لا هو اسطواني مجعد سميك
والثالث امسك الذيل وقال انه رفيع مرن خشن
وهكذا اختلفوا ياتري من فيهم الصح؟؟
ولا الصح انهم كلهم بيكملوا الرأي الصح ؟؟؟
اظن فهمتوني

http://img30.imageshack.us/img30/5361/rody.gif

انت عارف حاجة انا غيرت رأى
بعد تفكير احنا بينقصنا كل ما سبق ذكره وكل ما جاء فى الاستطلاع
واستحالة كل الكلام ده يتحقق
لكنه ممكن يتحقق فى مخيلة اى شخص
احنا مش ملائكة ولا عايشين فى مدينة فاضلة
احنا عايشين فى غابة بكل ما تحمل صفات الغابة من معنى

العودة للدين بالتطبيق العملى والتزام
والتطبيق والالتزام يحتاج لضمير
تحياتى لحضرتك استاذ / علاء

العزيز GUIDE
انت عارف حاجة انا غيرت رأى حقك طبعا:078111rg3:
بعد تفكير احنا بينقصنا كل ما سبق ذكره وكل ما جاء فى الاستطلاع ماشي برضه
واستحالة كل الكلام ده يتحقق ايه التفاؤل ده؟؟؟؟؟؟؟؟؟؟؟:(:(
لكنه ممكن يتحقق فى مخيلة اى شخص تقصد مين ؟؟ ولا كلام عام؟؟:confused:
احنا مش ملائكة ولا عايشين فى مدينة فاضلة ولا انا والله
احنا عايشين فى غابة بكل ما تحمل صفات الغابة من معنى لا اتفق معاك
الغابة الحيوانات تقتل لتأكل اما الانسان فيكذب ويقتل و0000 وهو غير مضطربس دة مش معنا كلهم وحشين وان الوحيد اللي كويس :stickjo4:
لا معناه تعيش ونحاول نكون احسن ولا ايه رأيك؟؟؟

أ/ ممدوح مصطفى الانصارى يشرفني مرورك الكريم :078111rg3::078111rg3:
العودة للدين بالتطبيق العملى والتزام أظن دي أهم حاجة
والتطبيق والالتزام يحتاج لضمير
والضمير يوقظه الدين شكلنا هنرجع من الاول

الدين ثم الدين

سأقول لكم كما قال دكتور احمد خالد توفيق

انا بخير لا ينقصني سوى الصحة والمال والسعادة

العودة للدين
سيترتب عليها باقى ما ذكر
موضوع رائع
جزاك الله خيرا

اللى ناقصنا هو الدين واحكامه ولو فى دين هيكون فى اراده وعزيمه وكرامه وحريه واخلاق وعدل
ولازم يكون الدين ده عند كل الشعب من اكبر واحد لاضغر واحد
او قصدى من اكبر منصب لاصغر فقير فى البلد

لو رجعنا لدنا هترجع كل حاجة

ما ينقصنا هو الاجندة
نتهم هذا بانة يستخدم اجندة امريكية او هذا يسير على الاجندة الاسرائيلية
ولم نسئل انفسنا اين هى اجندتنا لكى نمشى عليها...

يا تري نقصنا ايه
العودة للدين
ولا ان يكون عندنا ضمير
ولا التمسك بالمبادئ و الاخلاق
ولا ان يكون عندنا حرية و ديمقراطية
ولا التحلي بالشجاعة علشان نقدر نقول ولو كلمة حق واحدة
ولا .................................................. ......
حاجات كتير نقصانا
بس تفتكروا ازاي نقدر نعوض اللي نقصنا قبل ما يفوت الاوان !!!!!!!
هو ده السؤال اللي لازم كل واحد يساله لنفسه
علشان نقدر نلاقي حل قبل فوات الاوان
و تقبل مروري

أرى معظم الأعضاء اجمعوا أن العودة للدين هى التى تجعل الحياة
غير هذا يصح عندما لا يكون هناك دين و لكن نحن ندين بالدين الإلهى
و لكن المفروض كلامنا يكون بالنص هو العودة للمبادئ السامية التى يقوم عليها الدين
و ذلك لأننا كلنا و الحمد لله لدينا دين و لسنا خواء منه
بل أهمية الرجوع للعمل بذلك الدين و نحن كشعب لا ينقصنا شئ
و ذلك ظاهراً فى مختلف الطبقات و نجد أن المجتمع يتكافل فيما بينهم
و لكن ينقصنا الإيمان بمقدرتنا التى نضعها نصب أعيننا لنعلو و نصبح دولة قوية
و الشعب المصرى متدين بطبعه و المهم العمل بالدين و كل ما يدعو إليه
لأنه لو ليس لدينا دين فنحن شعب أحمق

انا رايي العودة للدين لان ده هيحل كل مشاكلنا الي اصلها ضياع الدين
تقبلوا مروري

ايوة ناقص العودة للدين بس
بس والله يا جماعة احنا عندنا اخلاق حلوة اوي مش موجودة بره

شكرا لمروركم الكريم
بس عندي سؤال لما كلنا بنقول العودة للدين مش ده ممكن يكون له تفسير سلبي؟؟

http://plain.ahlamontada1.googlepages.com

قال المصطفى صلى الله عليه وسلم

(لايؤمن أحدكم حتى يحب لأخيه مايحب لنفسه )

صدق رسول الله صلى الله عليه وسلم

وأرى مانحن فى أمس الحاجة إليه أولا وقبل أى شىء


تطهير الوطن من أطنان الكذب والافتراء والنفاق التى واكبت ثورة الشباب


وإعادة التوازن بين طوائف الشعب بعد أن محينا صورة الماضى من الواسطة والمحسوبية من أصحاب النفوذ السابقين

ليحل محلها أنت مع الثورة أم ضدها !!!!!!!!!!!!!!!!!!

مع الثورة -- لك أن تطالب بكل حقوقك مكرما مشرفا

لم تشارك فى الثورة ---- فمجرد أن تطالب بحقوقك إذا فأنت من الثورة المضادة --

وهاهم إلا قادة الثورة المضادة التى حرمت الشباب مجدهم

الحمزاوى والأسوانى وأل عيسى هل خرجوا من أجل الدرجة المحجوبة عن المدرسين ؟

الجمل وحجازى وأل إخوان هل خرجوا ليطالبوا بتعديل المعاشات التى لاتشفى ولاتغنى من جوع؟

البرادعى ونور وغنيم وأل شرف هل خرجوا ليرفعوا المرتبات من105إلى حتى 200؟

ماخرج عاشق البلانكو وأيمن نور وهانى الشرقاوى ومستر الجاويش وعلى ويكا وغيرهم كثيرون ( إن كانوا خرجوا بالفعل ) من أجل نشر ثقافة تقبل الرأى الأخر؟

ولكن لكل منهم رسائل خاصة لفئة خاصة وأهداف خاصة ونوايا خاصة لنخب خاصة

تطهير النفس أولا وبعدها سنجد أنفسنا على طريق الهدى بأمر الله

والسؤال : أين الشباب الأن من وسائل الإعلام ؟ألا زالوا ينتظرون وهم الثورة المضادة والتى زرعها النخب فى نفوسهم ليستولوا على انجازهم ؟ فوووووقوووووا



شكرا أستاذ علاء

العودة لديننا الحنيف ..
لأن تمسكنا بديننا سيؤدى إلى قيام العدل والحب والحرية و نقاء القلوب و الضمير وووو ...

الذى ينقصنا هو الاستقرار والبدء فى العمل و قله الوسطة والرشوه حتى ترجع الحياه الى الافضل

ان راى ان كل واحد يغير نفسه ويقدر يواجه نفسه بعيوبه وينزع نفسه من ثوب المثالية يبحث عن عيوبه ويصلحها يعترف بخطاه ولا يتمادى فيه

يعرف حقيقة نفسه وبلاش حتى نفسه يكذب عليها

تانى حاجة الواحد يعرف هو عايز ايه ولا يخطو اى خطوة غير واثق منها

جدو عبده تسعدني مشاركتك واقدر كل كلماتك الصادقة العميقة

العودة للدين هو السبيل للخلاص من كل مشاكلنا

شكرا على الموضوع

اكيد نرجع للدين

والجميع يحاول تغيير العالم ولكن لا احد يفكر فى تغيير نفسه اولا

لازم نصلح نفسنا فى الاساس

شكرا لك على الموضوع

وهل لنا طوق نجاة سوى الدين الحنيف ؟

شكرا لكم

ناقصنا حاجات كتير اوى

لكن انشاء الله كلة هيتعدل

احنا ناقصنا حاجااااااااات كتيرة جدا
عشان مجتمعنا يرتقى

العودة للدين هيرجع كل حاجة ناقصة.......بشكرك على موضوعك:)

اذا مات ضمير الانسان فقد ألذ ما فيه

اولا السلام عليكم وبجد الووضوع جميل
ثانيا اهم ما ينقصنا هو العودة الى الدين وتطبيقه كما امرنا الله فدينا موضح لنا كل ما يحتاجه الانسان فى معاملاته فى الدنيا وتطبيق دينا صح حيترتب عليه العدل والحرية والتطور اللى كلنا عايزينه والاحترام والديمقراطية وكل ما نحلم به لحياتنا والدليل على كده ان كتير من الدول المتقدمة بطبق حاجات كتير من دينا لانه الصح فالاولى اننا احنا اللى نطبق