FRANKENSTEIN
01-10-2006, 04:11 PM
...وانا بقرا الدستور.."مش دستورنا الحبيب طبعا بتاع التعديلات"...انا قصدى جريدة الدستور...عارفينها...بتاعة ابراهيم عيسى...ما علينا...المهم يعنى وانا بقراها لفت نظرى المقال ده "الوصايا العشر...للى عايز يعيش فى مصر"....و ده كتبه وليد كساب...فى صفحة ضربة شمس....حتى ده مش عارفينه...برضه ما علينا...المهم يعنى انه عجبنى جدا جدا وحبيت أشارككم فيه...بصوا بقى المقال بيقول.....
1. لا تتظاهر
لا تتظاهر بأنك فاهم كل حاجة...لانك مش فاهم اى حاجة...لا تتظاهر بأنك راضى وقانع....فى حين انك فى الحقيقة لا راضى ولا قانع...فى الواقع اصلاً مفيش حيلتك حاجة ترضى بيها او تقنع بيها...ولا تتظاهر مع المتظاهرين فى ميدان التحرير ولا فى اى ميدان تانى ولا حتى ميدان بيكاديلى...بغض النظر عن موضوع التظاهر...وهل بسبب القضاة و لا الصحفيين ولا فلسطين ولا لبنان او حتى البنزين اللى غلى بسبب استهلاك الحكومة له فى انهم يولعوا بيه فيك انت واهلك واللى يتشددلك...لا تتظاهر
2.لا تأكل
ما تاكلش حق غيرك فى انه ياكل خيرك..فأنت فى مصر...و هى نفسها واكلة الخير فى بطنها...مش بيقولك النيل رواها والخير جواها...و بعدين انت لا حتاكل حق ولا غيره..لان غيره ده مش موجود..و ربنا يباركلك فى سندوتشين الفول والطعمية وطبق الكشرى و يحليهم فى بقك...خليها بمزاجك و أعملها بجميلة و خلاف كده لا تأكل
3.لا تتردد
فى انك تقول نعم مش بيقولك كلمة حاضر بتريح..خليك طوع وسلس...ولا تتردد فى انك تروح لجنة الانتخاب والاستفتاء..و اخترناه اخترناه..و أصحابك بتوع المجلس الموقر ممكن يعكموك بمياية او بطانية واهو كله فايدة...لانك بعد كده مش هتشوفهم اصلا ولا فى الاحلام يا معلم...لذلك لا تتردد فى انك تشارك لا تتردد
4.لا تضحك
طب على ايه؟؟بخلاف نفسك مفيش حاجة ممكن تضحك عليها..النكت بقت قديمة و بايخة..و الضحك من غير سبب فى هذا الزمن قمة الادب..و بمناسبة قمة الادب هل تعلم ما هى...انك تخبط على دولابك قبل ماتفتحه...و قمة الادب مثلها مثل اى قمة صعب الوصول اليها ....انسى الضحك بجملة كل اللى نسيته..و لو سمعت اى نكتة قول عليها بايخة..بيقولك فار نط فى كاس ويسكى طلع يقول يلعن ابو القطط...بايخة...زى ما قلنا خليك غم...لا تضحك
5.لا تندهش
لا يوجد ما يثير الدهشة..لان كل المعطيات و المقدمات تؤدى الى النتائج الحالية...و هى رغم انها قمة الدهشة إلا انا لا تثير اى دهشة...عادى جدا وبالمناسبة..هل تدرك يا عزيزى ما هى قمة الدهشة؟؟فاكر فى الوصية اللى فاتت لما خبطت على دولابك فى قمة الادب؟؟اهو قمة الدهشة لما الجاكت اللى متعلق فى الدولاب يفتحلك...و عندما يحدث ذلك تذكر جيدا...لا تندهش
-
6.لا تلعب
انت مالكش فى اللعب الكبير...يبقى ما تلعبش احسن..حتلعب فى ايه؟؟فى الحديد؟؟ما تقدرش...فى السياسة؟؟..و انت فى لجنة السياسات ؟؟يبقى مالكش فيها برضه..طب من مجلس الشعب؟؟برضه لا...يبقى تقعد فى جنب...أخرك ايه؟؟؟تلعب كورة..مش حتسد مع الاهلى على بال ما ربنا ما يشفى الزمالك..يبقى انت مش هتلعب..لا تلعب
7.لا تحلم
رغم انه طبقا لمحمد منير..لو بطلنا نحلم نموت...الا اننا فعلا ميتيين طبيعى يا ريس...و الحلم مالوش لازمة فى نومتنا..و لا موتتنا...و بعدين بيقولك واحد نام متأخر لقى الحلم بدأ والتانى نام فى سرير ابنه الصغير شاف الحلم كارتون...الكارثة انك ممكن تحلم حلم اكشن او رعب و يكون كبير عليك...و لو حاولت تحقيقه..حتلاقى نفسك لسه بتحلم..و تقلب بكابوس يا باشا..كابوس...لا تحلم
8.لا تتألم
ما بقاش فيه احساس..والناس عموما علمت تكبر و تنفض وتحلق...مهما كانت المعاناة مهما كانت المصايب..لذلك مهما قاسيت وعانيت لا تتألم..على اعتبار انك مش حاسس...لان ألمك ده مش هيفرق اى حاجة مع اى حد...ابتعد عن كل ما قد يؤلمك..بلاش قناة الجزيرة..و خليك مع كليبات نانسى و هيفا وشاكيرا..لأن ألمك وحده مش كفاية مالوش لازمة ولا داعى...فلا تتألم
9.لا تقرأ
بقالنا كام سنة بنقرا؟؟..عملنا ايه بيها..أتعلمنا ايه؟؟..و فى هذه الحقبة الزمنية المنسية لن تزيدك القراءة المحترمة للكتابة المحترمة إلا هما و غماً...و مهما كانت محاولات تصدير السعادة لنفس القارئ..الا ان الظروف الراهمة لا تصدر الا الألم...فتتألم رغم الوصية السابقة بتاعة لا تتألم
السعادة يا استاذ بقت اغلى من حديد عز الدخيلة..لذلك ريح دماغك...و لا تقرأ...الا الفاتحة على ارواح احبابك...و طبقا لاخر وصية..يبقى خلاص فضوها سيرة و سيادتك مشكورا تقفل الجورنال ده و تطوحه على اقرب كرسى جنبك...على بال ما تنسى الوصية دى......على موبايلات بقى ماشى
انا عارف انى قلت انهم عشر وصايا..بس بصراحة الوصية اللى باقية مثيرة للأشمئزاز....و بيتهيألى حذفها احسن من وجودها...و كنت عايز اقول قبل ما الاعضاء هنا يدخلوا و يشرفونى بالرد وقبل ما يعترض حد على الموضوع و يقول ايه الكلام الغريب ده....ان الكلام ده مش يقلل من قدر اللى كتبه(كساب يعنى)و لا اللى نقله ليكم..(بكل غرور..انا يعنى)
لان ده طبعا مش واقع ولا كلام بجد...ده مجرد كلام ساخر بيعبر عن اوضاعنا اللى بقت تصعب على الكافر...يعنى ياريت محدش يدخل و يقول ايه ده ازاى بيقولوا نبطل اكل و لا ضحك..لأن ده مش منطقى منه...انا مش بتهم ذكاء حد هنا والله انا بس حبيت اوضح كل حاجة قبل ما تدخلوا وتقولوا رأيكم...عشان بس مش يحصل لبس فى الموضوع....مستنيين ردودكم
1. لا تتظاهر
لا تتظاهر بأنك فاهم كل حاجة...لانك مش فاهم اى حاجة...لا تتظاهر بأنك راضى وقانع....فى حين انك فى الحقيقة لا راضى ولا قانع...فى الواقع اصلاً مفيش حيلتك حاجة ترضى بيها او تقنع بيها...ولا تتظاهر مع المتظاهرين فى ميدان التحرير ولا فى اى ميدان تانى ولا حتى ميدان بيكاديلى...بغض النظر عن موضوع التظاهر...وهل بسبب القضاة و لا الصحفيين ولا فلسطين ولا لبنان او حتى البنزين اللى غلى بسبب استهلاك الحكومة له فى انهم يولعوا بيه فيك انت واهلك واللى يتشددلك...لا تتظاهر
2.لا تأكل
ما تاكلش حق غيرك فى انه ياكل خيرك..فأنت فى مصر...و هى نفسها واكلة الخير فى بطنها...مش بيقولك النيل رواها والخير جواها...و بعدين انت لا حتاكل حق ولا غيره..لان غيره ده مش موجود..و ربنا يباركلك فى سندوتشين الفول والطعمية وطبق الكشرى و يحليهم فى بقك...خليها بمزاجك و أعملها بجميلة و خلاف كده لا تأكل
3.لا تتردد
فى انك تقول نعم مش بيقولك كلمة حاضر بتريح..خليك طوع وسلس...ولا تتردد فى انك تروح لجنة الانتخاب والاستفتاء..و اخترناه اخترناه..و أصحابك بتوع المجلس الموقر ممكن يعكموك بمياية او بطانية واهو كله فايدة...لانك بعد كده مش هتشوفهم اصلا ولا فى الاحلام يا معلم...لذلك لا تتردد فى انك تشارك لا تتردد
4.لا تضحك
طب على ايه؟؟بخلاف نفسك مفيش حاجة ممكن تضحك عليها..النكت بقت قديمة و بايخة..و الضحك من غير سبب فى هذا الزمن قمة الادب..و بمناسبة قمة الادب هل تعلم ما هى...انك تخبط على دولابك قبل ماتفتحه...و قمة الادب مثلها مثل اى قمة صعب الوصول اليها ....انسى الضحك بجملة كل اللى نسيته..و لو سمعت اى نكتة قول عليها بايخة..بيقولك فار نط فى كاس ويسكى طلع يقول يلعن ابو القطط...بايخة...زى ما قلنا خليك غم...لا تضحك
5.لا تندهش
لا يوجد ما يثير الدهشة..لان كل المعطيات و المقدمات تؤدى الى النتائج الحالية...و هى رغم انها قمة الدهشة إلا انا لا تثير اى دهشة...عادى جدا وبالمناسبة..هل تدرك يا عزيزى ما هى قمة الدهشة؟؟فاكر فى الوصية اللى فاتت لما خبطت على دولابك فى قمة الادب؟؟اهو قمة الدهشة لما الجاكت اللى متعلق فى الدولاب يفتحلك...و عندما يحدث ذلك تذكر جيدا...لا تندهش
-
6.لا تلعب
انت مالكش فى اللعب الكبير...يبقى ما تلعبش احسن..حتلعب فى ايه؟؟فى الحديد؟؟ما تقدرش...فى السياسة؟؟..و انت فى لجنة السياسات ؟؟يبقى مالكش فيها برضه..طب من مجلس الشعب؟؟برضه لا...يبقى تقعد فى جنب...أخرك ايه؟؟؟تلعب كورة..مش حتسد مع الاهلى على بال ما ربنا ما يشفى الزمالك..يبقى انت مش هتلعب..لا تلعب
7.لا تحلم
رغم انه طبقا لمحمد منير..لو بطلنا نحلم نموت...الا اننا فعلا ميتيين طبيعى يا ريس...و الحلم مالوش لازمة فى نومتنا..و لا موتتنا...و بعدين بيقولك واحد نام متأخر لقى الحلم بدأ والتانى نام فى سرير ابنه الصغير شاف الحلم كارتون...الكارثة انك ممكن تحلم حلم اكشن او رعب و يكون كبير عليك...و لو حاولت تحقيقه..حتلاقى نفسك لسه بتحلم..و تقلب بكابوس يا باشا..كابوس...لا تحلم
8.لا تتألم
ما بقاش فيه احساس..والناس عموما علمت تكبر و تنفض وتحلق...مهما كانت المعاناة مهما كانت المصايب..لذلك مهما قاسيت وعانيت لا تتألم..على اعتبار انك مش حاسس...لان ألمك ده مش هيفرق اى حاجة مع اى حد...ابتعد عن كل ما قد يؤلمك..بلاش قناة الجزيرة..و خليك مع كليبات نانسى و هيفا وشاكيرا..لأن ألمك وحده مش كفاية مالوش لازمة ولا داعى...فلا تتألم
9.لا تقرأ
بقالنا كام سنة بنقرا؟؟..عملنا ايه بيها..أتعلمنا ايه؟؟..و فى هذه الحقبة الزمنية المنسية لن تزيدك القراءة المحترمة للكتابة المحترمة إلا هما و غماً...و مهما كانت محاولات تصدير السعادة لنفس القارئ..الا ان الظروف الراهمة لا تصدر الا الألم...فتتألم رغم الوصية السابقة بتاعة لا تتألم
السعادة يا استاذ بقت اغلى من حديد عز الدخيلة..لذلك ريح دماغك...و لا تقرأ...الا الفاتحة على ارواح احبابك...و طبقا لاخر وصية..يبقى خلاص فضوها سيرة و سيادتك مشكورا تقفل الجورنال ده و تطوحه على اقرب كرسى جنبك...على بال ما تنسى الوصية دى......على موبايلات بقى ماشى
انا عارف انى قلت انهم عشر وصايا..بس بصراحة الوصية اللى باقية مثيرة للأشمئزاز....و بيتهيألى حذفها احسن من وجودها...و كنت عايز اقول قبل ما الاعضاء هنا يدخلوا و يشرفونى بالرد وقبل ما يعترض حد على الموضوع و يقول ايه الكلام الغريب ده....ان الكلام ده مش يقلل من قدر اللى كتبه(كساب يعنى)و لا اللى نقله ليكم..(بكل غرور..انا يعنى)
لان ده طبعا مش واقع ولا كلام بجد...ده مجرد كلام ساخر بيعبر عن اوضاعنا اللى بقت تصعب على الكافر...يعنى ياريت محدش يدخل و يقول ايه ده ازاى بيقولوا نبطل اكل و لا ضحك..لأن ده مش منطقى منه...انا مش بتهم ذكاء حد هنا والله انا بس حبيت اوضح كل حاجة قبل ما تدخلوا وتقولوا رأيكم...عشان بس مش يحصل لبس فى الموضوع....مستنيين ردودكم