تسجيل الدخول

مشاهدة النسخة كاملة : شكل الحياة

القطة الروشة
01-10-2006, 09:32 PM
كل واحد له شكل معين لحياته وشكل مختلف عن التانى

يعنى شكل حياتك ايه

ممله او بايخة او ملهاش فايدة او ................ او ................... او.........................

ملخص الموضوع ان كل واحد يقول شكل حياته

يعنى ببساطة لخص حياتك فى جملتين

انا منتظرة اول رد :)
msamido
01-10-2006, 09:33 PM
حياتي الان

بداية عالم جديد ومؤقت
القطة الروشة
01-10-2006, 09:38 PM
ميرسي على اول واحلى مرور منك يا ميدو
فتاة_الإسلام
01-10-2006, 09:49 PM
حالياً أنا حياتي في تغير إلى مرحلة جديدة..
ranony
01-10-2006, 09:59 PM
حياتى الان فى بداية مرحلة جديدة مثيرة و مصيرية
شكرا على الموضوع[color=#3333FF]
_GUIDE_
01-10-2006, 10:04 PM
خضره وطويله وباستك من فوق شكلها ايه النهارده زى امبارح زى بكره مملههههههههههههههههه
The_Relativistic200
01-10-2006, 10:08 PM
لو اطلعتم على الغيب لاخترتم الواقع
شاعرالحب
02-10-2006, 01:02 AM
والله انا حياتى ممله جدا وزهقت منها جدا جدا

بس انا داخل بقا على مرحله جديده ربنا يوفقنى فيها

بس بجد البت بسه دى قصدى قطه :D بتعمل مواضيع جامده اوى

ربنا يخليلها فكر القطط اللى هى بتفكر بيه :lol:
sara777
02-10-2006, 02:28 PM
حياتي
والله هيا كل يوم بشكل
ممكن في يوم ابقي سعيدة جدا واحس ان حياتي اتصلحت كتير
وممكن اليوم اللي بعده احس ان ماليش امل واني مخنوقة ومتضايقة
انا دلوقتي ممكن اني اقولكم ان حياتي ابتدت تتصلح شوية الحمد الله
يعني عيشة هنا :)
وياناس يا شر كفاية أر :angry:
:P :P
amr_2010
02-10-2006, 06:33 PM
الحياه بتحلو بس بتصعب وفيها مشاكل
Miss_CaR!zma
02-10-2006, 07:38 PM
موضوع جميل يا روشه
ومش غريبه عليكى طبعا
شوفى يا ستى
حياتى دلوقتى عباره عن خط فاصل لحياتى كلها
فروتينيه شويه بس يعنى مش ممله الحمد الله
لما ابقى اخلص من الثانويه العامه هبقى اتكلم وارغى بقى :D
القطة الروشة
02-10-2006, 09:11 PM
ميرسي على احلى مرور من ميدو

ميرسي على المرور يا علا
ربنا يوفقك فى المرحلة الجديدة

ميرسي على المرور يا رانونى

اتعدل يا اسلام
واضح انك مش بتتسحر وبتقل اوى فى الفطار
ميرسي على المرور

ميرسي على المرور يا خالد
بصراحة يعنى ومن غير تريقة انا مش فاهمة ردك

الخفة ده مين ده (استغفر الله العظيم ) الشاعر
اه ه ه ه ه ه ه ه ه ه ه ه ه يانى
اتعدل يا شاعر بدل ما امرمتك
وزهقان من ايه يا روح مامى
ربنا يوفقك
ميرسي على اجمل واحلى مرور

ميرسي على المرور يا سارة
وربنا يوفقك وصدقينى العته المنغولى الى عندك هتخفى منهو باذن لله بعد 5 6 7 8 9 10 11 12 قرن وهينقرض

ميرسي على المرور يا عمر
وان شاء الله مش هيبقي فى صعاب

ميرسي على المرور يا حبي
انتى والله عسل
ويارب تخلصي الثانوية وتبقى دكتورة يارب
جميله
03-10-2006, 07:16 AM
انا حياتي الان في مفترق الطرق ....

خرجت من حياه تعيسه و زكريات ممله وحزينه ...( الصريخ و اللطم )

و مش عارفه حياتي الجيه هتبقى شكلها ايه

زي اللي فاتت و لا احلى و لا اسوأ

بس انا عندى احساس انها احلى






ادعولى ..... :) :)
القطة الروشة
03-10-2006, 10:21 PM
ميرسي على المرور يا جميلة ولونى مخمصاكى يا وحشة علشان اخدت الالة الحاسبة بتاعتك وسبتلك بتعتى

هو شغل عيال وانتى ما اخذتيش بالك :P
الاندلس
03-10-2006, 11:15 PM
حياتي في عالم الدوران وحيران والتفكير الدائم
القطة الروشة
04-10-2006, 03:56 PM
ايه ده كله

ميرسي على المرور
حمادة نور
05-10-2006, 01:28 AM
حياتى طموح واهداف حياة جميلة
الحمدالله
MohammeD el_SadaT
05-10-2006, 12:44 PM
والله انا حياتى اختلفت كتير عن الاول


غربه وبهدله بس ربنا يسهل
القطة الروشة
05-10-2006, 12:47 PM
انت محسسنى انك اول واحد تسافر بعيد

امال الى راح جامعة جنوب الوادى عملوا ايه موتوا نفسهم

انت بس يمكن علشان حياتك اتغيرت خالص فانت حاسس بكده بس هى تعود

انت فى كلية ايه؟

ميرسي على احلى مرور
MohammeD el_SadaT
05-10-2006, 01:22 PM
جنوب الوادي


طيب انا يا بنتي من طنطا ورحت اسيوط


وكلية اية بقة دي هي اللي تعباني لأنها كلية تجارة

عرفتي لية بقة انا مخنوق
القطة الروشة
05-10-2006, 07:50 PM
وانا اقول انت مخنوق وارفان كده ليه على طول اتاريك فى تجارة

الله يكون فى عونك يا ابنى بجد حالك صعب عليا

ههههههههههههههههههههههههههههههههههههههههههههههه

كلها سنة وتحول طنطا مش مشكلة

امال انت بتدخل منين على المنتدى منين ؟
روميو
05-10-2006, 08:55 PM
حياتى هى قمة التحدى لنها حتعوضنى عن حياتى السابقة وحتحدد حياتى القادمة يعنى هى خط فاصل

وموضوع رائع بجد
القطة الروشة
07-10-2006, 08:57 PM
هايل يا رامى

وكويس انك حاطط هدف ادامك

ربنا يوفقك يا رب

ميرسي على الطف واحلى مرور
FRANKENSTEIN
08-10-2006, 08:34 PM
حياتي جرح مرير وامل سقيم
سلاموز
القطة الروشة
09-10-2006, 02:03 PM
استغفر الله العظيم

ايه يا ابنى هو انت على طول كده انت مش هتحس بحياتك انها حلوة الا لما تدخل الجامعة ويبقي ليك علاقات مع ناس اكتر من الى متعود عليهم

وعلى فكرة انا ساعات بحس انك بتستعبط ليه يعنى ما احنا كلنا حياتنا حلوة وزى الفل

استهدى بالله واقولك على فكرة حلوة

حاول تختم القراْن فى رمضان

متهياْلى مفيش اجمل ولا احلى من كده

ميرسي على احلى مرور يا بيسو
دولى زايد
09-10-2006, 02:21 PM
انا بقى مخنوقة جدا من الثانوية العامة
وعلى راى ام كلثوم "حياتى عذاب"

<div class='quotetop'>إقتباس(go_away_u_broken_my_heart @ Oct 5 2006, 01:22 PM) 228593</div>
جنوب الوادي


طيب انا يا بنتي من طنطا ورحت اسيوط


وكلية اية بقة دي هي اللي تعباني لأنها كلية تجارة

عرفتي لية بقة انا مخنوق
[/b]

ربنا يصبرك ويحببك فى الكلية دى علشان تعدى الاربع سنين ومتنامش فيها
وعلى فكرة التجارة للاذكياء
am_online5
09-10-2006, 03:32 PM
اهم مرحله في حياتي
الأن
وهي تحديد المستقبل
..............
القطة الروشة
09-10-2006, 11:27 PM
انت فى سنة كام ممكن تالتة او اخر سنة فى الدراسة ولا ناوى تجوز ولا ايه بالظبط

ميرسي على المرور يا .....................

ممكن تقول اسمك بليز