الجمل: لن نؤجل الدراسة بسبب "أنفلونزا الخنازير" [الأرشيف]

مشاهدة النسخة كاملة : الجمل: لن نؤجل الدراسة بسبب "أنفلونزا الخنازير"

سمير الجابرى

19-08-2009, 01:42 AM

يبدأ فى 26 سبتمبر المقبل..

الجمل: لن نؤجل الدراسة بسبب "أنفلونزا الخنازير"

http://www.youm7.com//images/NewsPics/large/45200913162632.jpg
وزير التربية والتعليم د.يسرى الجمل

أكد الدكتور يسرى الجمل، وزير التربية والتعليم، أن ارتفاع معدلات الإصابة بمرض أنفلونزا الخنازير بمصر لن يدفع الوزارة إلى تأجيل العام الدراسى الجديد، وسيبدأ فى 26 سبتمبر المقبل، وذلك "لأن المدارس مستعدة لمواجهة المرض فى حالة ظهوره بين الطلاب" على حد تعبير الوزير.

وأوضح الجمل، خلال اجتماع المجلس الأعلى للتعليم قبل الجامعى اليوم، الثلاثاء، أن اتخاذ قرار بإغلاق مدرسة فى حالة انتشار المرض بين طلابها سيتوقف على رأى مشترك من وزيرى الصحة والتربية والتعليم، أما قرار إغلاق فصل أو عدة فصول فهو من سلطة المحافظين بناء على تقارير يرفعها إليهم من مديرى مديريات التعليم والصحة بالمحافظات.

وأشار الجمل إلى أن "التربية والتعليم" وافقت على خطة لمواجهة "أنفلونزا الخنازير" تتعامل مع كل مدرسة باعتبارها حالة منفردة، وقال "الإجراءات الخاصة بتطبيق نظام الفترتين أو إلغاء إجازة السبت سيتم إصدارها على مستوى محلى طبقا لحالة كل فصل أو مدرسة أو منطقة على حدة"، مشيرا إلى أن تلك القرارات ستصدرها لجنة مشتركة من "الصحة" و "التربية والتعليم"، على أن يكون مدير المدرسة هو المسئول الأول عن الإبلاغ عن الحالات المصابة بالمرض داخل مدرسته بالتنسيق مع الإدارات الصحية والتعليمية.

وقرر الجمل تخصيص الحصة الأولى من العام الدراسى المقبل الذى يستمر 200 يوم، لتوعية الطلاب بأعراض مرضى أنفلونزا الخنازير والطيور من قبل معلمين تقوم الوزارة بتدريبهم على ذلك، فى حين سيعقد مجلس أمناء كل مدرسة اجتماعا فى أول سبتمبر، لبحث كيفية حشد موارد المدرسة لمواجهة المرض واجتماع ثان فى الأسبوع الثانى من الدراسة للوقوف على استعدادات كل مدرسة، فيما ستمد وزارة الصحة المدارس بـ 500 ألف "بوستر" تحوى معلومات كاملة عن طرق التعامل مع المرض وأساليب الوقاية منه.

وطلب الجمل من هيئة الأبنية التعليمية التفتيش على المدارس للتأكد من سلامة دورات المياه وتوفير تهوية جيدة لكل فصل، كما طالب الوزير مديرى المدارس بالاهتمام بالنظافة الشخصية للطلاب وتوفير مكان بكل مدرسة لعزل المصابين بالمرض، على أن يتم استقدام عقار "التاميفلو" من مديرية الصحة بكل محافظة.

أفنان أحمد

19-08-2009, 11:55 PM

جزاك الله خيرا على الخبر

العروبة2

20-08-2009, 12:09 AM

شكراً لحضرتك

سمير الجابرى

20-08-2009, 12:36 AM

http://www8.0zz0.com/2009/06/25/11/747002784.gif

استاذ احمد الكيميائى

20-08-2009, 04:52 AM

BaNZeR

20-08-2009, 04:25 PM

هو تاجيل الدراسة عيب ؟؟؟
لما يكون فيه خطر على الشعب كله من وباء لازم نفكر باسلوب علمى
انا حاسس ان حياة العالم كله متوقفة على التعليم المصرى ودا من تصريحات السيد الوزير
يعرف السيد الوزير ان فيه مدارس كثافة الفصول فيها 90 طالب وانت نازل ومدرسين مين اللى هيكتشفو المرض وممكن يحصل ايه لما مدرسة كاملة تصاب بالعدوى وتنقل العدوى الى منازلهم
الموضوع محتاج اجراءات قوية وليست كلمات عنترية

مهو سيادة الوزير قالك إنه في حالة انتشار المرض احنا مستعدون بكل الوسائل

انا صحيح معرفش ايه هي الوسائل ده بس انت حتكدبه :d

هو المشكلة ده في الصيف خطرها قليل

لكن المصيبة الكبرى اول ما نوصل للشتا
حيحصل اللى المجاعات مش بتعمله

ربنا يستر علينا

searching4me

23-08-2009, 04:34 PM

مستعديين بكل الوسائل فعلا
زى كل المشاكل الى حصلت فى مصر وبرضه كانوا مستعديين بكل الوسائل

بجد ذنب الطلاب فى رقبتهم لو حلجة حصلت
وربنا يستر على كل الى فى مصر يا رب

ابراهيم موسى

23-08-2009, 06:27 PM

وقرر الجمل تخصيص الحصة الأولى من العام الدراسى المقبل الذى يستمر 200 يوم، لتوعية الطلاب بأعراض مرضى أنفلونزا الخنازير والطيور من قبل معلمين تقوم الوزارة بتدريبهم على ذلك،

فكرة تخصيص الحصة الاولى لموضوع معين مش بتتنفز فى معظم المدارس
و خاصة مدراسنا فى الصعيد و معظمها بيكون فى وادى و الوزارة و الحكومة و العالم فى وادى اخر / اتذكر انه كان فى يوم رياضى و يوم لطابا و يوم للكتاب و يوم للشرطة و حاجات تانى كتير مش بنسمع عنها ببساطة لاننا فى الصعيييييييييييييييييييييييييييييييييييييييييييييي يييييييييييييييييييييييييييد

yomna1993

24-08-2009, 12:09 AM

لا حول ولا قوة الا بالله

خلي الناس تموت عشان يمشي الي في دماغه من غير هدف سليم ولا منطق صح

ربنا يستر علينا في الشتا بالذات
الداكاتره قالوا اي انسان هيجي له برد في الشتاء هيتحول لانفلونزا الخنازير
و اي مدخن بالذات الشيشة هيصاب بيها
ربنا يستر

BaNZeR

24-08-2009, 02:52 AM

خلي الناس تموت عشان يمشي الي في دماغه من غير هدف سليم ولا منطق صح

اه وعشان الكثافة السكانية تقل كمان

استاذ احمد الكيميائى

24-08-2009, 10:33 PM

اتمنى من الله انتشار فيروس يصيب فقط الوزراء والرؤساء والملوك ( افراد الحكومة ) ويسمى انفلونزا السلطة h6n6..... تخيل لو دا حصل هيعملو ايه ؟؟؟

د. رغد

25-08-2009, 12:17 AM

مشكور علي الخبر

أمانى سعد

25-08-2009, 01:56 AM

:bosyht9:و الله يا جماعة الشعب المصرى صامد و ولاد مصر رجالة عدينا أزمة الديون و أزمة البذور المسرطنة و القمح المسوس هتعمل إيه انفلونزا الخنازير خليها بجملة ....

أمانى سعد

25-08-2009, 02:00 AM

اتمنى من الله انتشار فيروس يصيب فقط الوزراء والرؤساء والملوك ( افراد الحكومة ) ويسمى انفلونزا السلطة h6n6..... تخيل لو دا حصل هيعملو ايه ؟؟؟
سلطة إيه ...حرام عليك كفاية عليهم اسهال الكوسة و حمى الأرانب !!!!!!!!!:angry2:

Bent 3bdo

25-08-2009, 03:18 AM

Bent 3bdo

25-08-2009, 03:32 AM

أهم حاجه
هانى هلال رأيه ايه ف الموضوع ده؟؟؟؟؟

marwa.m

25-08-2009, 04:10 AM

انتى متأكده م الكلام ده؟؟؟؟؟؟؟؟؟؟؟؟:o:o:o:o

نفس السؤال لو الكلام دة بجد تبقى كارثة

BaNZeR

25-08-2009, 04:31 AM

انتى متأكده م الكلام ده؟؟؟؟؟؟؟؟؟؟؟؟:o:o:o:o

لو بتسألي على انفونزا الخنازير في الشتا فنعم

في امريكا في اصابات بالألوفات ووفيات بالعشرات

في حين عندنا في مصر الاصابة بالعشرات والوفيات بالافراد بل والحالات بتشفى كمان
وده ناجم عن درجة حرارة الجو العالية عندنا في مصر

في الشتا وده موسم البرد البرد ما هو الا انفلونزا
وانفلونزا الخنازير برده فيروس وموسم انتشاره الشتا

بغض النظر عن الفيروس حيتحول ولا لأ بس هو اصلاً مش محتاج تحول
لأنه سريع جداً

زي ما انا بعكس في وشك ويجيلك دور برد
المصاب بالخنازير برده حيعطس في وشك حايجيلك الدور
ولو انت اساسا مزكوم يبقى التوطن في جسمك اسرع

ومحتمل الاصابة لو متقلصتش دلوقتي إنها تزيد زيادة رهيبة جداً خلال موسم الشتا
مش في مصر بس وإنما في العالم كله
حنسمع ارقام بالملايين من مصر بس
فما بالك بره كمان !

موضوع الكمامات حيبقى مهم جداً في الشتا
حيث أنه مستعمل كثيراً في بعض الدول المتخوفة الآن

Bent 3bdo

25-08-2009, 05:22 PM

لو بتسألي على انفونزا الخنازير في الشتا فنعم

في امريكا في اصابات بالألوفات ووفيات بالعشرات

في حين عندنا في مصر الاصابة بالعشرات والوفيات بالافراد بل والحالات بتشفى كمان
وده ناجم عن درجة حرارة الجو العالية عندنا في مصر

في الشتا وده موسم البرد البرد ما هو الا انفلونزا
وانفلونزا الخنازير برده فيروس وموسم انتشاره الشتا

بغض النظر عن الفيروس حيتحول ولا لأ بس هو اصلاً مش محتاج تحول
لأنه سريع جداً

زي ما انا بعكس في وشك ويجيلك دور برد
المصاب بالخنازير برده حيعطس في وشك حايجيلك الدور
ولو انت اساسا مزكوم يبقى التوطن في جسمك اسرع

ومحتمل الاصابة لو متقلصتش دلوقتي إنها تزيد زيادة رهيبة جداً خلال موسم الشتا
مش في مصر بس وإنما في العالم كله
حنسمع ارقام بالملايين من مصر بس
فما بالك بره كمان !

موضوع الكمامات حيبقى مهم جداً في الشتا

حيث أنه مستعمل كثيراً في بعض الدول المتخوفة الآن

انا بطني وجعتنى

ربنا يستر بجد

ويرحمنا م الامراض دى

انا شايفه ان اكتر حاجه هتخلى المرض ده ينتشر

هو المترو

مبيقاش ف مكان لنمله اصلا

ربنا يرحمنا

ويرحم جميع المسلمين

بس هما ليه مخترعوش تطعيم ضده؟
او ف حل تانى ف الشتا
مش ف حقن بتتاخد علشان الواحد ميجلوش برد وكده
الناس تاخدها وبكده فرصه المرض هتقل
وربنا يسلم طبعا

BaNZeR

25-08-2009, 05:39 PM

هو في علاج موجود فعلاً بس مش منزلينه في السوق

هو مليون وحدة منه
مليون حقنة مليون حبة المهم في مليون جرعة منها في مصر شايلاها الحكومة
وبتدي منها الحالات المصابة فقط

لأنه لو نزلوها في السوق كل الناس حتتهاجم عليها ضماناً عشان لما يتصابوا
يبقى مش حيخلو حاجة للمصابين

بس لو انتشر في الشتا
لو جابو منها 10 مليون مش حتكفي

مش قصدي اهول عليكو الموقف
بس الموقف اكثر هولاً مما اتكلم اصلاً

والمترو فعلاً حيكون وسيلة اساسية في انتشار ده
والميكروباسات والاتوبيسات اللى بيفضلو واقفين فيها ولو ربع ساعة بس

yomna1993

26-08-2009, 03:34 AM

انتى متأكده م الكلام ده؟؟؟؟؟؟؟؟؟؟؟؟:o:o:o:o
سوري للتاخير فالرد
بس زي ما banzer قال ان العدوى هتكون سريعة جدا جدا في الشتا
و اي حد هيصاب بشوية برد هيبقى خطر جدا (عشان كدة منستهونش باي تعب)..و اي مدخن طبعا هيبقى الخطر عليه اكبر بالذات ان التدخين كمان بيقلل المناعة
ربنا يستر و يبعد الوباء ده عننا :blush:

romio66

10-09-2009, 03:45 PM

ربنا يسترها علينا
لاني العمليه مش ناقصة