thezoro
19-08-2009, 11:42 AM
السلام عليكم ورحمة الله وبركاته
ماذا ستفعل اذا ظهرت نتيجة التحويل
.
.
.
.
.
ولم تجد ان طلبك قد قبل
.
.
.
.
.
يوجد حلان اختر أى منهما أو الاثنان
.
.
.
.
.
أولا:تذهب الى مكتب التنسيق التابع له وتطلب منهم عمل تظلم على نتيجة التحويل
وبتدفع 100 جنية رسوم وبإذن الله يتم تحويلك
(للعلم هذه الطريقة كانت تحدث كل عام ولكن لا أعرف إذا كانت مازالت متبعة ولا لغوها)
.
.
.
.
.
ثانيا:تكيف نفسك على الوضع الجديد وتذهب الى الجامعة اللى اتقبلت فيها وتعمل طلب المدينة الجامعية وتدخل الجامعة وأيضا تابع دائما مع الجامعة اللى انت فيها لأن غالبا بيفتحوا باب التحويل تانى فى بداية الدراسة (وأيضا هذه الطريقة حدثت مع أشخاص أعرفهم السنة اللى فاتت)
.
.
.
.
.
والسلام ختام
your death
19-08-2009, 12:02 PM
طب لو لم يتم قبول التحويل لكلية مناظرة وبعدها اردت التحويل لكلية غير مناظرة هل يمكن قبول الطلب
اسم المستخدم
19-08-2009, 01:30 PM
انت قلقان ليه سيبها علي الله
without mercy
19-08-2009, 01:40 PM
ان شاء الله التوفيق للجميع ودى حلول كويسه ليكو يا ريت تتبعوها والنتيجه بأذن الله الخميس
thezoro
19-08-2009, 04:38 PM
طب لو لم يتم قبول التحويل لكلية مناظرة وبعدها اردت التحويل لكلية غير مناظرة هل يمكن قبول الطلب
بالطبع يتم قبول التحويل ان شاء الله
dody.
19-08-2009, 05:34 PM
ميرسى خالص ع الحلول دى
جزاك الله كل خير
kalefam
19-08-2009, 05:35 PM
أنا عندى حل ثالث و هو :
إنك تروح الكليه اللى عاوز تحول لها و تأخد منهم موافقه كتابية على قبولهم تحوليك لهم
و تروح بالخطاب الكلية اللى تم ترشيحك لها
سيتم تلبيه طلبك بإذن الله
الكلام ده عن تجربة تم عملها قبل فتح باب التحويلات و حتى الأن تتم و ماشيه ذى الفل
إسأل مجرب و لا تسألش طبيب
MuHaMeD kHaLeD
19-08-2009, 05:51 PM
علي فكره الحل التاني ده مؤذي جدا
لانك ممكن تكون بتدرس في كليه يقبلوا التحويل
تروح محول تروح ساااقط و شايل مواااد
مثلا انا قعدت شهرين في علوم طنطا و عامل التماس الاسكندريه
لو اتقبل بعد الشهرين
يتم تحويلك اجباري و تمتحن مواد اسكندريه اللي انت مدرستهااااش
و طبعا تشيل مواد الترم ده و تبقي العمليه في النمليه
لو حد فاااهم حاااجه يقول انا فاهم لو مفهمتوش
اعييييييييييييييييييييد تاني
أنا عندى حل ثالث و هو :
إنك تروح الكليه اللى عاوز تحول لها و تأخد منهم موافقه كتابية على قبولهم تحوليك لهم
و تروح بالخطاب الكلية اللى تم ترشيحك لها
سيتم تلبيه طلبك بإذن الله
الكلام ده عن تجربة تم عملها قبل فتح باب التحويلات و حتى الأن تتم و ماشيه ذى الفل
إسأل مجرب و لا تسألش طبيب
انا تم قبولى فى فنون حلوان وانا من اسكندرية ينفع بكرة اروح فنون اسكندرية واعمل الحكاية دى ارجو الرد سريعا
د. رغد
20-08-2009, 12:36 AM
السلام عليكم
انا عندي سؤال
افرض انا مقدمتش طلب تحويل لجامعة اخري مثلا
لو واحد مجموعه جايب كليات طب و طب اسنان و صيدلة و كتب في الرغبات صيدلة لظروف ما و جاله في جواب الترشيح صيدلة
بس لو ناس قعدوا يقنعوه يحول لكليه تانية مثلا طب اسنان ينفع التحويل و انت اصلا مقدمتش طلب
و لو ينفع التحويل ايه الخطوات المتبعة ارجو الرد ضروري
د. رغد
20-08-2009, 12:37 AM
مع العلم ان الورق اتقدم خلاص في صيدلة و اتعمل الكشف الطبي
MuHaMeD kHaLeD
20-08-2009, 01:04 AM
السلام عليكم
انا عندي سؤال
افرض انا مقدمتش طلب تحويل لجامعة اخري مثلا
لو واحد مجموعه جايب كليات طب و طب اسنان و صيدلة و كتب في الرغبات صيدلة لظروف ما و جاله في جواب الترشيح صيدلة
بس لو ناس قعدوا يقنعوه يحول لكليه تانية مثلا طب اسنان ينفع التحويل و انت اصلا مقدمتش طلب
و لو ينفع التحويل ايه الخطوات المتبعة ارجو الرد ضروري
كان عندك فرصه انك تحولي في الفتره اللي اتفتحت اللي هي التحويل
و ما دام ما حولتيش من ع النت يبقي تحولي من الكليه نفسها و انت و نصيبق
بالتوفيق
yasasa
20-08-2009, 01:11 AM
المجلس الأعلي يقرر في اجتماعه بالاسكندرية:
السماح للطلاب غير المقبولة تحويلاتهم
بالتقدم بالتماسات للجامعات
كتب ـ محمد حبيب:
قرر المجلس الاعلي للجامعات السماح للطلاب الذين لم يتم تلبية رغباتهم في التحويلات الي الكليات المناظرة وغير المناظرة في حدود نسبة الـ10% التي قررها المجلس الاعلي للجامعات من قبل من طلاب المرحلتين الاولي والثانية للثانوية العامة ان يتقدموا بالتماسات جديدة ورقية إلي الجامعات الراغبين في التحويل اليها للنظر في امكانية تحويلهم وفقا لظروف كل جامعة.
ووافق المجلس ـ في اجتماعه امس الاول برئاسة الدكتور هاني هلال وزير التعليم العالي والدولة للبحث العلمي بجامعة الاسكندرية ـ علي القواعد وإجراءات تنسيق اطلاب الوافدين من الخارج بالجامعات والمعاهد المصرية بالمرحلة الجامعية الاولي والدراسات العليا للعام الجامعي2009 ـ2010 وتشمل ان يتم التقدم عبر الشبكة الدولية للمعلومات من خلال الموقع الإلكتروني لقطاع الشئون الثقافية والبعثات بالوزارة(www.MoHE-CASM.EDU.EG) (http://www.mohe-casm.edu.eg)/) وذلك يوم30 أغسطس الجاري.. اما الطلاب المرشحون بكليات بها امتحان قدرات ورسبوا في هذا الامتحان يتم ترشيحهم مباشرة للرغبة التالية وتقدم طلبات تعديل الترشيح وذلك لمرة واحدة فقط للإدارة العامة لقبول ومنح الوافدين بالوزارة.
ويجوز ايقاف او تأجيل فيه الطالب المستجد لمدة عام واحد فقط مع عدم السماح بتأجيل قيده لعام آخر