ألف سلامة
ألف سلامة عليك يا حلوة
شالله البرد يجيلي بدالك
قاعدة تكحي و صوتك غنوة
نفسي أدوق الل بيجرالك

لون منخورك بامبي مسخسخ
زاد في الرقة اللي على خدودك
أما عيونك تربك تلبخ
وارثة الأصل و طبع جدودك
صوتك فيه الرنة تقشعر
أما شفايفك لوز متقشر
إيه لخبطني و غير حالي
نفسي أدوق اللي بيجرالك

لما تكحي كمنجة بتعـــــزف
نغمة تسلطن في المقامــات
صوت متظبط و لا يتلخبــط
ربع التون يعمل حكايـــــات
مش قادر أفهم و لا أتصـور
راس بتدور منخور بيزمــر
و انت البرد يجيلك غــــالي
نفسي أدوق اللي بيجــرالك

لو فيروسك جاي على أدك
يبقى مقاسي و يسكن جسمي
نفسي أشوفه و يسلم قدك
يلزق فيا أكتر من إسمي
نفسي يا ناس أفهم و أفسر
ليه البرد يجيني يكسر
عمر البرد ما راح من بالي
نفسي أدوق اللي بيجرالك