كل سنة وانتوا طيبين ورمضان كريم

انا بصراحة كنت بفكر فى الموضوع ده من فترة بس مش عارف ليه حبيت انى اكتبه النهاردة يمكن يكون ده وقته

بصوا بقى انا عاوز اعرف كل واحد فى المنتدى عمل ايه فى الاجازة مش قصدى خروجات وفسح لا عمل حاجة مفيدة شغل فكر فى حاجة تنفعه فكر فى مستقبله حاول يبنيه ولا ياترى الاجازة دى عدت وخلصت زى بقية الاجازات اللى فاتت من غير ما تتقدم اى خطوة ياترى عملتوا ايه بالوقت ياترى انتا يا شاب قضيت الاجازة فى القاعدة على الكافيهات والسهر ولا المصايف ولا الخروج كل يوم والفسح ولا اشتغلت فى الاجازة او فكرت فى حاجة مفيدة ممكن واحد يقول انا مش محتاج الشغل انا لسه فى دراسة واهلى بيصرفوا عليا ممكن اقلك على حاجة الشغل مش غايته الفلوس بس لا ده اثبات للذات واعتماد على النفس ياترى كام واحد فكر فى شغل او فكر فى مستقبله او حتى فى السنة الجديدة ياترى فكر هيذاكر ازاى او هيقسم وقته ازاى كام واحد فكر او نفذ واحد ولا اتنين ولا تلاتة ولا حتى عشرة بس والباقى راح فين انا بجد ملاحظ ان قليل اوى من الشباب بيفكر فى الشغل بالعكس كله الدوامة وخداه من فخروجات لانترنيت للفضائيات لمخدرات لحاجات كتير اوى اوى بس احنا مش كنا كده ياترى ايه السبب ومحدش يقول ان مافيش شغل موجود بس متعب مش شغل راحة يعنى مكتب وتكييف بجد نفسى اعرف حالنا بقى عامل كده ليه ياترى العيب فى ايه نفسى اعرف




ياريت الكل يشارك ولاد وبنات وكل واحد يقول رايه بكل صراحة يمكن نعرف العيب ايه ونحاول نصلحه ؟؟؟؟!!!!

ممممممممممممممم
بصراحة الاجازة عدت على الفاضي
اللهم إلا اني الحمد لله مواظب على الصلوات الخمس ف المسجد وكنت باخد درس في التجويد
وطبعاً مفيش اجمل من ان رمضان يجي في الاجازة عشان نقضيه في الطاعة والعبادة وقراءة القرآن
كل سنة وانتم طيبين بمناسبة شهر رمضان

عن ابن عباس ـ رضي الله عنهما ـ قال: قال رسول الله صلى الله عليه وسلم: ( نعمتان مغبون فيهما كثير من الناس الصحة والفراغ ) رواه البخاري

انا الاجازه قضتها على الفاضى مش عارفه ليه مع انى كنت ناويه اعمل حاجات كتير قوى بس معملتش حاجه خالص
بس الحمد لله رمضان جاي فى الاجازه اهو ممكن نعوض حاجه فيه من االلى كنا عايزين نعملها فى الاجازه لأن الحمد لله بيكون فيه طاقه رهيبه
وكل سنه وانتم طيبين

كل سنة وانتوا طيبين ورمضان كريم

وأنت طيب:d
الله أكرم طبعا



انا بصراحة كنت بفكر فى الموضوع ده من فترة بس مش عارف ليه حبيت انى اكتبه النهاردة يمكن يكون ده وقته

الحمدلله انك كتبته عشان نطلع اللي جوانا بقي:p

بصوا بقى انا عاوز اعرف كل واحد فى المنتدى عمل ايه فى الاجازة مش قصدى خروجات وفسح لا عمل حاجة مفيدة شغل فكر فى حاجة تنفعه فكر فى مستقبله حاول يبنيه ولا ياترى الاجازة دى عدت وخلصت زى بقية الاجازات اللى فاتت من غير ما تتقدم اى خطوة
الحمدلله اول اجازة اتجنن فيها
انا عايشة الدور مسلسلات هندية وكورية وتركي
لحد ما قربت اغني زي بتوع الهند:d
والحاجة المفيدة اللي عملتها اني كنت بغسل المواعين :006et4:
بعد سراع مرير مع الاهل:d
هي الاجازة لسه مش خلصت ولا حاجة
وانا لسه عايشة الملل نفسه :bosyht9:

ياترى عملتوا ايه بالوقت ياترى انتا يا شاب قضيت الاجازة فى القاعدة على الكافيهات والسهر ولا المصايف ولا الخروج
يابختهم الشباب دول
مش زي البنات طول الليل والنهار في البيت :bosyht9:

كل يوم والفسح ولا اشتغلت فى الاجازة او فكرت فى حاجة مفيدة ممكن واحد يقول انا مش محتاج الشغل انا لسه فى دراسة واهلى بيصرفوا عليا ممكن اقلك على حاجة الشغل مش غايته الفلوس بس لا ده اثبات للذات واعتماد على النفس ياترى كام واحد فكر فى شغل
بص مش كل الشباب زي بعض
يعني مثال بسيط كان فيه واحد قريبي (الله يمسيه بالخير )مدلع يعني وعمره في حياته ما اشتغل واصحابه عرضوا عليه انهم يروحوا يشتغلوا في القاهرة يعني ووافق وكان متحمس
مع اول مشكلة في الشغل سابه بس واهله بقي (مامته اكثر)مش كنت مستحمله بعده :dوبهدلته فجتلها الحكاية دي ع مزاجها يعني
انا اقصدي ان لو الاهل عودوا الاولاد انهم يشتغلوا من وهم صغيرين (طبعا مش قصدي 8 سنين مثلا)يعني ع11 سنة عشان الاولاد اكيد طبعا هيبهدلوا في حياتهم اكيد بعد كدا الحياة هتكون سهله
او فكر فى مستقبله او حتى فى السنة الجديدة ياترى فكر هيذاكر ازاى او هيقسم وقته ازاى كام واحد فكر او نفذ واحد ولا اتنين ولا تلاتة ولا حتى عشرة بس والباقى راح فين
أنا مش وراية حاجة في حياتي اللي التفكير وقربت اتجنن منه:d
انا بجد ملاحظ ان قليل اوى من الشباب بيفكر فى الشغل بالعكس كله الدوامة وخداه من فخروجات لانترنيت للفضائيات لمخدرات لحاجات كتير اوى اوى
ع كدا بقي انت بتشتغل بقي !!!:006et4:

بس احنا مش كنا كده ياترى ايه السبب ومحدش يقول ان مافيش شغل موجود بس متعب مش شغل راحة يعنى مكتب وتكييف بجد نفسى اعرف حالنا بقى عامل كده ليه ياترى العيب فى ايه نفسى اعرف




ياريت الكل يشارك ولاد وبنات وكل واحد يقول رايه بكل صراحة يمكن نعرف العيب ايه ونحاول نصلحه ؟؟؟؟!!!!

زي ما قلتلك يارامي ان العيب من الأهل .... و يعني ولد طول حياتي في رفاهية ومش عارف اهله بيجيبوا الفلوس ازاي ولا حتي ابوه بيتعب اد ايه
عايزه يشتغل اللي بيجي سهل بيروح سهل :bosyht9:
بس طبعا دا مش مبرر لان بعد كدا هيشتغل غصب عنه
ساعتها هيقع في غلطات هو لو كان بيشتغل في الاول
كان بعد كدا هيعرف الحياه ماشية ازاي
ع العموم ربنا يهدي كل الشباب
شكرا ع الموضوع:d

بصراحه الاجازه دي ضاعت علي الفاضي غير السنين اللي فاتت خالص
السنيين اللي فاتت استفدت منها اكتر
كنت باخد دورات لدرجه اني كنت بابذل جهد اكتر من الدراسه
السنه دي قلت اخد كورس انجلش ملقتش كورس كويس قلت اخد كومبيوتر لقيت الكورسات كلها حاجات انا عارفاها واخدتها قبل كده
قلت اخد icdl قالولي لا مش دلوقتي خليها لبعد التخرج في الاخر لما زهقت
قضيتها بقي علي النت ورحلات وفسح

قضيت وقتى وتفكيرى مع اشخاص مش يستاهلوا كده

انا مره خروجه مره شغل ف يالبيت كده يعني
مقلتش انت قضيتها ف يايه؟

نو جديد ..

بس الاجازه كان فيها دوشه .. يعني من نتيجه لـ تنسيق لـ تقديم وكده ..

محستش بيها قوي ..

بالنسبه لكلامك بقى ..

ومحدش يقول ان مافيش شغل موجود بس متعب
ماشي موجود .. بس مثلا الشغل المتوفر بيبقى ايه ؟؟

عامل في مصنع مثلا .. والخريجين بقى بيبقى عندهم عزة نفس شويه .. يقوللك ده انا بكاليريوس تجاره ولا تربيه ولا ليسانس اداب .. و أقف على مكنه .. ويفضل مستني شغلانه تليق بيه .. وتناسب شهادته .. وفي الاخر بيبقى الوضع على ما هو عليه ..

يعني عزة النفس مبتأكلش عيش ..

وهو ده اللي وصلهم للفراغ .. وخلاهم يبقوا كده .. خليهم بقى يستنوا ..

انا عاوزه اقول كلام كتير .. بس مش عارفه اجمع بصراحه ..

بس حلو الموضوع .. يستحق المناقشه ..

دوومت

الحمد لله رب العالمين كانت اجازة جميلة حفظت فيها قران وكمان ذاكرت انجليزى واخدت دروس فية على النت
جزاكم الله خيرا على الموضوع

انا قضيت الاجازة فى الشغل والدراسة برده كنت بشتغل فيها وكنت بشتغل عامل فى مصنع بس دى حاجة مش تعيب اى حد لان انا حبيت انى اعتمد على نفسى واكون راجل كلمة وفعل مش كلمة بس والحمد لله الشغل حقق ليا حاجات كتير ومافيش حاجة اسمها الكبرياء من الشغل انا بشتغل وبتشرف وبقول لاى حد انى بشتغل مش العيب انك تشتغل العيب انك تقعد تستنى المصروف وقاعد بلا هادف فى الحياة

انا صراحة حاسة ان الاجازة دى اتكل نصها عشان النتيجة والتنسيق واستقبال المباركين وكده بس انا عن نفسى مفيش الا مهارة واحدة بس اتعلمتها بس مظنش ان عمرى ما حستفيد منها وهى الكتابة على الكيبورد بدون النظر اليه حاولت احفظ قران بس قالولى ان الواحد لازم يتعلم التلاوة الاول وانا الصراحة اتعقدت لان حاسة ان التجويد صعب فواضح ان الشيطان ضحك عليا فى الموضوع ده ومحفظتش اصلا لكن باقى الوقت قضيته فى اللك عالتليفون و متابعة قضية موت مايكل جاكسون والفرجة عالزفت التليفزيون على فكره التليفزيون هو اللى مودينا فى داهية وشاغل وقتنا عالفاضى وكمان على فكرة قريت حبة كتب بس كده بس يلا انا مش ندمانة احنا مصدقنا طلعنا من خنقة الثانوية الواحد غير الموود وروح عن نفسه والسلام وشكرا عالموضوع

الأجازه؟؟؟؟؟؟؟؟؟؟
أنا بصراحه محروق دمي جدا
كان نفسي في حاجات كثيييييييييييييييييييييييييييييييييير أعملها
بس للأسف كان عندي شويه ظروف ودربكه كده منتعنتي من كلللللللللللللل حاجه
للأسف مافيش أي حاجه أي حاجه عملتها في الأجازه عليها القيمه
ولا شئ بمعنى الكلمه
وماخرجتش حتى
ومارضيتش أتفرج على التلفزيون نهائي
وماسافرتش حته
أنا تقريبا خرجت من البيت 6مرات
وحده ولا إتنين قبل رمضان
والباقي في رمضان
ماحسيتش بأي حاجه في الأجازه دي
لا سلبي ولا إيجابي
ولغاية دلوقتني متنحه
إزاي ماعملتش حاجه

أنا بصراحه عندي كلام كثيييييييير
بس مش هيخلص لو قولته
والعيب مش عارفه فيا ولا في الدنيا ولا في الناس

وشكرا أوي على الموضوع

شكرا ليكم على كل الردود بس ياترى فين بقية الناس ولا محدش عاوز يقولنا عمل ايه عشان لو عمل حاجة كويسة نتعلم ولو مش عمل يتعلم من الاخرين

انا عن نفسي تبت توبة باذن الله نصوحة

انا خلاص مبقتش اشوف مسلسلات ولا افلام طبعا

غير حاجات تانية كتيييير

انا حاسس ان رمضان ده بقى بالنسبة لى غيييييير اي رمضان فات

انا بستغفر كل يوم مدة معينة

انا (واعوذ بالله من كلمة انا ) بقيت اعمل كا يوم عمرة مع الرسول علية الصلاة والسلام

هتقولولي ازاي هقول

اصلي الفجر جماعة لارم جماعة وبعدين اقرا قران واو اصلي او اذكر الله لغاية الشروق وبعدين اصلي الضحا

بس كدة وتتحسبلك ان شاء الله عمرة مع الحبيب


وبحتسب عند الله اي حد ظلمني بس والله ساعات مبقدرش اتحمل بس الى حد ما بحاول
..........بس كده .......

ياااااااااااااااااه
قلبت علينا المواجع يا اخ روميو
الواحد كان فاكر انه مش هيلاقى وقت فى الاجازة ديه
عشان يعمل اى حاجة تانية غير اللى كان مخططله
والخطط كانت فى الاساس
انى اتابع كل الكورسات عن طريق جروب عالفيس اسمه الكورسات فى مصر
كل مابيبقى فيه كورس فى اى حة بيبعت لى كل المعلومات عنه
وبقى الحماسة خدتنى بقى واسجل الارقام عالموبايل وهتصل واعمل
بس طبعا اكتشفت ان
1 انا بنت
2 وديه الاهم محتاجة شقة فى مدينة نصر(حيث كما لاحظت توجد جميع الكورسات) على مليون جنيه كده على وقت الدنيا والاخرة كله (ولو مفيش وقت يبقى هضطر اعمل لى نسخ(كاجى بنشين نوجتسو) زى بتوع ناروتو كده لو تسمع عنه يالا سيبكم من الكلام اللى فات ده)
وكل ده بس بس عشان اروح الكورسات بتاعة التنمية البشرية اللى عايزاها
او حتة اى كورسات تجذب انتباهى0زى الجرافيك والتصميم والحاجات ديه) من غير مبالغة بجد
وطبعا بعد مانص الاجازة اتاكل فى التنسيق والتقديم
والهدوم بتاع الكلية (عقبال الجميع)
وحتى اقناع الاهل باقل كورس تنمية بشرية 3 ايام فالقاهرة ويا عالم كان فيه ابراهيم الفقى ولسة فيه اماكن بس يالا قدر الله وماشاء فعل
وطبعا اخرة الواحد كانت كورس تنمية بشرية يتيم تبع فريق صغيوووووور محلى اسمه حياتنا هيبتدى لسة ان شاء الله بعد بكرة
ده حتى الicdl اللى يقول مش لازم واللى يقول مش دلوقتى
طبعا الى جانب انى كنت هشترك فى مشروع انسان(التسرب من التعليم سابقا بتاع عمرو خالد) فى جمعية حماة المستقبل بس برده التانى الظروف منعته
يعنى ممكن نقول مفيش فايدة تذكر بس برضه لسة الاجازة ماخلصتش والواحد امله فى ربنا كبير برضه
وللى بتقول الاحكام صعبة بقولها مفيش حاجة سهلة
وخاصة اننا كبرنا يعنى لو كنا اصغر كان تعلمها يبقى سهل
بس اكيييييييييييييد ما تكسليش ابدا ابدا ديه سهلة وجميييييييييييلة
ومنها تاخدى اجر كبيييييييييير لانك مش هتتعتعى فى القراءة
وهتبقى القراءة بعدها اسهل كتيييييييييييير واحلى باذن الله
واخيرا
ممكن اقول ان الحاجة الوحيدة اللى جديدة و انا فرحنالها غير الكورس اليتيم اياه
انى لاول مرة بطبق حكاية جزء بعد كل صلاة يعنى اختم القران كل 6ايام مرة بس اسالكم الدعاء
وربنا يوفقنا جميعا ويهدينا ويقدر لنا الخير حيث كان

عن نفسى انا قضيت الاجازة بين سهر و كمبيوتر و تدريب فى المستشفى و هى دى احسن حاجة عملتها الصيف ده الحمد لله

هو يمكن الاجازة دى عدت بسرعة ومعملتش كل اللى انا مخططله انى يعنى حاقرا فى مجال الفضاء واوح مكتبة الاسكندرية واشترك فيها
بس قدرت انجز بعض الحاجات زى
انى رجعت النادى ومارست رياضة الكاراتيه اللى بحبها
وكمان حطيت الخطة الخمسية الجاية فى انى ادخل علوم قسم فضاء واجتهد علشان اطلع عالم فضاء اد الدنيا

والله الاجازه يعني زي كل كل اجازه علي راي عبد الحليم ضحك ولعب وجد وحب عيش المهم طبعا في الاجازه النوم طول النهار والسهر طول الليل طبعا مع اصدقاء كويسين واصدقاء سوء بس كنا مقضينها ضحك ولعب كوره وتنس طاوله " بنج بونج " طبعا ودروس في الكمبيوتر بس انا مشتغلتش مع ان كان معروض عليا شغل كتير 4 او5 شغلانات بس انا مردتش قلتلهم اشتغل بعد اول سنه من الكليه ثانيا كان فيه اسبوعين تعبت فيهم اخر تعب علشان كنا بنعمل شقه اخويا تقريبا دي كل الاجازه اصل الاجاز دي مبحبش اخطط ليها انا سايبها وظروفها

الاجازة دى مالهاش اى طعم بالمره واهى عدت زى غيرها للاسف ما عملتش حاجات كتير فيها
بس كان فيها واحد هو الافضل كان فيه احتفال حفله يعنى

صراحة زيها زي غيرها
بالعكس بقيت باخرج بهبل لانى طالعة من ثانوية عامة حاسة انى مخنوقة
بس عرفت نظام كليتي وفكرت ازاى هاذاكر وهي دي الحاجة الوحيدة اللى عملتها