بحبك وردة برية
تضم القلب و تعبر
بحبك نسمة منسية
تضم ضلوعى و تكسر
تقول الكلمة منطوقة
ترشرش فى الهوى عنبر
تلالى فى السما دايما
و تنزل ع الودان أسكر

عشانك قلبى لفيته
دفنت الحب فى ضلوعى
أخاف الوقت يخدعنى
و يشمت فى الهوى رجوعى
ف بعدك يتقصف جذعى
و يدبل عودى و فروعى
بحبك و القدر شاهد
فى كل نزولى و طلوعى

بحبك وردة برية

استاذنا السعيد : الوردة البرية ، لسه ماخلصناش من الوردة المقفولة هاترهقنا بالكلام عن الوردة البرية ولكنى يا سيدى هناك اتفاق واختلاف بين الوردتين فالوردة المقفولة تشبه البرية فى أن أسرار الوردة المقفولة لا يعلمها أحد من البشر فهى مقفول عليه أما الوردة البرية فأسرارها مكشوفة ومعروفة بس لا أحد يعرفها الا لو عثر على الوردة نفسها لأنها منسية وموجوده فى صحراءها لا يعلما احد ولكن ان اقتربت منها قرأتها وأصبحت لك بوضع اليد وبالحصول على قلبها تملكها وتحتويها

تضم القلب و تعبر

تضم- تعبر : أيضا أعشق الافعال المضارعه التى لا تنتهى آثارها وتضم القلب هنا جميلة جدا لأن الضم معناه الاحتواء والسيطرة وارساء معنى الحنان

بحبك نسمة منسية

نسمة منسية : كيف تكون النسمه منسية؟
تقصد نسمه من البرية أيضاً
ومنسية : دليل على انها ليست لأحد غيرك

تضم ضلوعى و تكسر

تضم /تكسر: يالها من معانى قوية

تقول الكلمة منطوقة
ترشرش فى الهوى عنبر
تلالى فى السما دايما
و تنزل ع الودان أسكر

تقول-ترشرش-تلالى-تنزل-أسكر : كلها تعبر عن الحركة الشديدة
الكلمة/منطوقة ، الهوى والصحيح (الهوا) /عنبر :لاحظ الاندماج
تلالى/السما : لاحظ التلاحم
ع الودان : شوف جمال (ع) الودان كأنها تصب على كل الودان

عشانك قلبى لفيته
دفنت الحب فى ضلوعى
أخاف الوقت يخدعنى
و يشمت فى الهوى رجوعى
ف بعدك يتقصف جذعى
و يدبل عودى و فروعى
بحبك و القدر شاهد
فى كل نزولى و طلوعى

المبدع الجميل و الشاعر الرقيق محمد علي شكرا على تحليلك و مرورك إللى مش ممكن يكون سهل و لازم الواحد يعمل له حساب و ربنا يبعد عنك الورد البرى و خاصة الأنانى و معلهش يا أخى إن مستحملناش بعض مين هيستحملنا

أستاذنا الشاعر المبدع المتميز سلمت يمينك وهذا مرور سريع على عمل من أعمالك ولكن لي وقفة متفحصة مع أعمال بإذن الله تعالى وكل عام وأنت بخير

حبيبى يا نجم المشاعر كنت في سيرتك و الله قريب مع بعض الأصدقاء و مش عارف ليه كسلتوا عن موضوع الرباعيات مع إنه جميل ومفيد جدا ...و شكرا على مرورك و عموما نورتنى و أسعدتنى

استاذي شاعر الورد
مافي احلى من الورد اينما نبتت
ديما تصف الحبيبه بالورد مااجملها
من كلمات حين تمتزج مع المشاعر والاحاسيس
قصيده جميله تحمل كل معاني الحب من شاعر
مبدع.
تقبل تحياتي

المبدعة الرقيقة نغم محمد..شكرا لاحساسك المرهف.. دايما منورانى بتعبيراتك الجميلة... وردى دايما مبسوط بيكى

بصراحة الورد المقفول أجمل

شكرا على مرورك و دايما منورانى.. طبعا هى وجهات نظر ..لولا إختلاف الورد
كان بار العطر فى السوق

بصراحة الورد المقفول أجمل
إيمان كيمو.. أنا آسف لتاخير ردى.. و أعتبر متابعتك لأعمالى شرف خاص ليا..و سانشر لك ما طلبتيه
و كل عام و أنت بخير