" إللى إختشوا ماتوا "
جابر الدقىمن الإسكندرية حرامى شعر و إللى عنده إعتراض يواجهنى و أنا مسئول عن كلامى طبعا
إكتشفنا السرقة بالصدفة: قٌابل جابر الدقى الشاعر عثمان عفيفى و أعطاه ديوانه هديه و كانت المفاجأة :وجود 3 قصايد من شعر عثمان فى الديوان .1- عمار يا بلدى2- الفدائى 3-أخويا المقاتل 4- عظيم يا شعب. طبعا نقل مسطرة
الغريبة بقى :"شاعر من المنصورة إسمه " السيد متولى الخولى" سرق معظم ديوان الخولى مع إن الراجل الله يرحمه كتب الإهداء للملك " فاروق" و بسرعة نزلت المنصورة لأنى منها و دورت على الشاعر المنهوب لقيته مات و له بنت هاجرت أمريكا يا رب تقرا الكلام ده الوقت و باعوا مكتبتهم المشهورة" مكتبة الخولى" المهم ملقتشى حد من الورثة. من ديوان الخولى : 1-" خواطر"-"الناس" –" التبذير" – " كان زمان"- "في الطريق" –"المستحيل"
أنا هوجع دماغكم. المهم عمنا جابر لم يستح و نقل القصايد كاملة زى ماهى و أوقات يغير العنوان فقط.
الكتابين بقى موجودين فى "رابطة الزجالين و كتاب الأغانى" بالقاهرة فى بيت الزجال المستشار " محمد بك أبو سيف" و إبنه الشاعر إيهاب يعلم ذلك
وقبل كدا تم نشر الموضوع فى مجلة " عبير الزهور" فى العدد 23 و 26
يا أخى حط نفسك مطرح " السيد الخولى" لأ ربنا يطول عمرك .. مش في التربة .. علشان الراجل مات نقوم نسرقه و نقول بنبدع .. إيه يا جدع البجاحة دى.. على فكرة المجلات و كل الدليل عندى.. و لو حد عملها معايا حتى بعد ما أموت هعرف و أنزل له تحت الأرض و همرمطه فى الطين و هخلى حميرى تلبخ فيه

ربنا يحاسبه

و لو حد عملها معايا حتى بعد ما أموت هعرف و أنزل له تحت الأرض و همرمطه فى الطين و هخلى حميرى تلبخ فيه


ياريت حضرتك ميسطرش عليك غضبك وتقول كلام غريب شويتين

بعد الشرعلى حضرتك وربنا يديك طولة العمر
بس محدش بعد ما يموت حيعمل حاجة طبعاً

المفروض كل واحد عنده حاجة ينشرها مش يدفنها

فالكنز المدفون دائماً عرضة لنهبه من القراصنة

مش لازم الكنز يبقى دهب والقراصنة قراصنة بحر

الكنز ممكن يكون علم والقراصنة ممكن يكونو طماعين فلوس


هو الحاجات ده مينفعش يتبلغ عنها ولا ايه
اصل هنا في المنتدى محدش ليه صلة بالموضوع او حد حيعمل حاجة بالكلام ده

ربنا كبير ومش هيسيب حق حد يضيع
و لا هيسيب الحرامي