مشاهدة النسخة كاملة : ياثانوية ياثانوية ( واقع واحساس حاولت اكتبة)


بنوتة زملكاوية
21-08-2009, 04:13 AM
السلام عيكم ورحمه الله وبركاتة

اولا انادى اول حاجة اكتبها

يارب تعجبكم


ثانيا هى باللهجة العامية
عشان محدش يعلق ويقول هى انها الفاظها دارجة وكدة

ثالثا ان انا قصدت منها الاحساس لان اكيد اى واحد فينا لما كان فى ثانوية بكى وقلق
وتعب

انا الحمد لله دخلت كلية كويسة بس حبيت اعبر عن حالة عيشتها ومرحلة تعبت فيها من خلال تجاربى انا واصحابى فيارب تعجبكم هى طويلة شوية بس مستنية ردودكم
يا ثانويه ياثانويه مالك كده مستقويه http://up.arab-x.com/Aug09/PF521051.jpg (http://up.arab-x.com/)
ليه بتقسى على يامفتريه
ده تامر معملشى كده فى شوقيه

يامبهدلانى يامجننانى ابعدى عنى شويه
خليتى الشمس سوده من عميلك فيهahttp://up.arab-x.com/Aug09/TRB18240.bmpo
حتى اسالي الدموع الى فيكى مسبتش عنيا
بنردد الكلام ذى البغبغان
من خوفنا منك كان هايجلنا جنان
عندك شويه مواد يفتتوا الحيطان
اش انجليزى وجلوجيا
وكميا واحياء على فيزيا
أول مشفت الفيزيا جالى انهيار
واشى فولت على امبير بتاع شده التيار
ولما لمحت الاحياء كان شالنى اعصار
قال الدم أحمر وجواه شويه صفار
ولما ذكرت علم النفس خاته باستهتار
قلت ده ماده سهله مش محتاجه ابتكار
ردت على وقالت انا هاوريكى الدمار
تعاليلى الامتحان وانا هاعملك حصار
مش بس فيه حصار ده لسه فيه اصفار
حتى لو حليتى باقتدار
مش قلتى ماده سهله يبقى هاتشوفى الدمار
انا الثانويه مفيش سهوله فيه مكانشى فى امتحان يبقى فى هزار ارحمى شويه يا ثانويه

http://up.arab-x.com/Aug09/Snq18400.jpg (http://up.arab-x.com/)



بلف على الدروس بحايل فى الحصار
لقيت مفيش مفر
حتى لو عملت بكار http://up.arab-x.com/Aug09/9sM18548.jpg (http://up.arab-x.com/Aug09/9sM18548.jpg)

ياسم سم ياثانويه مالك كده مستقويه؟؟؟؟؟؟؟؟؟؟؟

لا فالح فيكى بلدة ولا شطار
ولانافع فيكى كبارولا صغار

مهو كلة فيكى بينهار

لانافع مذاكرة ليل ولا نهار

ولاحتى اكل فيتامين وخيار

اما يوم النتيجة الكل فى انتظار مستنى الانتصار
كتر الانتظار ملاقتشى فيه انتصار
بس لاقيت انهيار

القله مبسوطين والمعظم زعلانين

ليه بدوسى علينا وبتظلمى الشطار



ضيعتى أمل كان لينا توقعه الأخيار
بتدينى صفر ليه وانا حله ذى الشطار

لو قلت عايز حقى هاتقولك ادفع الميه أنا ديمقراطيه
بس مش هاتاخد غير الدرجه ديه
تروح تعمل تظلم و ترفع قضيه
تلقى الورقه بيضه متاكل عليها طعميه
شوفتوا بقه الديمقراطيه
يعنى لو لاقيت اصفار بالكوام
ده تقدير مصحح اسمع الكلام
ايوه ده مصحح بيقره بالشمال
ايوه ده مصحح عايش فى انعزال
بيقول مش هاتفرق معاه الدرجه ديه
يعنى الدرجه ديه اللى هاتدخلوه الكليه
لأه الدرجه ديه هاتحقق حلم ليه
قال يعنى ميعرفشى الثانويه المصريه
كفايه اللى بيدفع على الدروس الخصوصيه
ارحمى شويه يا ثانويه
حتى المستوى الرفيع اللى بتقولى عليه هديه
استخسرتيه ليه عليه
ارحمى شويه يا ثانويه
انا ايوة خلصت منك بس ودينى لاخد التار
وهاتشوفى بأه هزار الشطار
همشى ضد او مع التيار
المهم انتقم دة أنا فى الجد جبار

وحياة كل دمعة نزلت من عينى فيكى

أنا حالفة هبهدلك واربيكى

ولو طرتى زى الحمام هشويكى

وبارخص شوز عندى هديكى

وابقى شوفى مين منى هيحميكى
http://up.arab-x.com/Aug09/Ym118586.jpg (http://up.arab-x.com/Aug09/Ym118586.jpg)





حتى لوكنت جبت فيكى الميه

حتى لو كنت قفلت المواد كلها وجبت الدرجة النهائية

هو انتى الى عملتية فيا شوية
دة انتى استحليتى دموع عنيا

وفى كل لحظة انهرت فيها استقويتى عليا

انا مش هقول غير الحمد لله
يا ثانويه يا ثانويه مالك كده مستقويه
http://up.arab-x.com/Aug09/vv018762.jpg (http://up.arab-x.com/)
ودى معاناه طالبه ثانوىhttp://www.almoultka.com/montada/images/smilies/mwalat24.gifhttp://www.almoultka.com/montada/images/smilies/mwalat24.gif
مستنيين ردودكو وأرأكم عن الموضوع


اانا بس عايزة اقول حاجة للى داخلين ثانوية

ان الموضوع مش قصدى اخوفهم بية ابدا

دة مجرد احساس جوايا لتجربة عشتها انا وزمايلى واكيد

الى تم ثانوية او لسة فيها

حاسس وعارف الى كتبتة واسفة على الاطالة

I promise you
21-08-2009, 01:28 PM
موضوع جميل يا بنوتة
ويارب ما يغيروا أسم المنتدى :d
منتظرين منك المزيد بإذن الله
ونورتينا فـ إبداعات الاعضاء
وربنا وفقك وكل سنة وأنت ِ طيبة
فى رعاية الله ..
:)

elsaidhafez
24-08-2009, 10:36 PM
يا بعبع التلاميذ فى كل بيت ألقاه
يا مشحططة الأساتيذسر القلق فرضاه
عاوزين نجيب تعاويذ تمنع لى قولة آه
و نظامنا فى البراويز الله عليها الله
على فكره المقطع دى بتاعى من مجموعة قصايد عن الثانوية " ديوان كلام فاضى"طبعة 1995
الله عليك يا بنوته يا زملكاوية مع إنى مش زملكاوى ولا أهلاوى تناولتى الموضوع بسخرية و ده مطلوب فى كتابة الزجل و عبرتى عن نفسك صح و طلعتى كل إللى جواكى بس لى ملاحظات بسيطة ... اول عمل ليكى حسب كلامك... جميل جدا ...حافظتى على القافية ووحدة الموضوع... بس يا ريت الموضوع ما يطولشى منك....الوزن محتاج شوية للحفاظ على الموسيقى و فى إنتظار أعمال أخرى لأن دمك خفيف و اللون ده يمشى معاك و هتبدعى فيه

د. رغد
26-08-2009, 06:00 AM
حلوة
في انتظار المزيد

Mr. Medhat Salah
04-09-2009, 11:43 AM
جميييييييييييييييييييييل

marwa.m
04-09-2009, 12:11 PM
ههههههههههههه

جميله قوى يابنوته

Hamset_Etab
04-09-2009, 11:37 PM
بجد روعه والله
ما شاء الله:av4056bb7jp3:

بنوتة زملكاوية
05-09-2009, 04:09 AM
موضوع جميل يا بنوتة
ويارب ما يغيروا أسم المنتدى :d
منتظرين منك المزيد بإذن الله
ونورتينا فـ إبداعات الاعضاء
وربنا وفقك وكل سنة وأنت ِ طيبة
فى رعاية الله ..
:)

وحضرتك بالصحه والسلامه

اسعدنى مرورك جدا

بنوتة زملكاوية
06-09-2009, 08:49 AM
يا بعبع التلاميذ فى كل بيت ألقاه
يا مشحططة الأساتيذسر القلق فرضاه
عاوزين نجيب تعاويذ تمنع لى قولة آه
و نظامنا فى البراويز الله عليها الله
على فكره المقطع دى بتاعى من مجموعة قصايد عن الثانوية " ديوان كلام فاضى"طبعة 1995
الله عليك يا بنوته يا زملكاوية مع إنى مش زملكاوى ولا أهلاوى تناولتى الموضوع بسخرية و ده مطلوب فى كتابة الزجل و عبرتى عن نفسك صح و طلعتى كل إللى جواكى بس لى ملاحظات بسيطة ... اول عمل ليكى حسب كلامك... جميل جدا ...حافظتى على القافية ووحدة الموضوع... بس يا ريت الموضوع ما يطولشى منك....الوزن محتاج شوية للحفاظ على الموسيقى و فى إنتظار أعمال أخرى لأن دمك خفيف و اللون ده يمشى معاك و هتبدعى فيه

متشكره جدا لحضرتك
واسعدنى مرورك وتشجيع حضرتك ليا

كــارمن
07-09-2009, 02:56 PM
ههههههههههههههههههههههه
بجد جامده جدا
منها لله الثانويه

dr.only hope
07-09-2009, 03:05 PM
آآآآآآآآآآآآآآآآآآآآآآآآآآه عبرت عن ماساتى فى الثانوية الله............يرحمنا منها
والله الواحد الحمد لله خلص وارتاح بس لسه سهر اليلالى معلم فى عيونه قرف
فعلا ليه يا ثانوية كدا مستقوية
موضوع حلو قوى معبر قووووووووووووووى عن اللى الواحد حاسس بيه
فعلا كلمة اللى لسه فى ثانوية الثانوية العامة والله سهلة جدا دراستها صعوبتها بس فى الضغط انك لازم تجيب مجموع عشان تدخل كلية وتحقق حلمك
بس والله سهلة جدا جدا جدا الحمد لله توكلوا ع الله وذاكروا بضميييييييييييييييير ومتخافوش ع راى نور الشريف وهتلاقوها عدت
تحياتى للزمالكوية صاحبة الموضوع تسلم ايدك

Jehad Mohamed
08-09-2009, 01:11 PM
جميل جدا يا بنوتة

واحساس رائع منك

وهاخد بنصحتك وربنا يوفقنى

وادخل الكلية اللى بتمناها

ننتظر منك المزيد

بنوتة زملكاوية
15-09-2009, 01:38 AM
شكرا على تشجيعكم

medo 22
16-09-2009, 04:03 AM
:039uw8:
هههههههههههههههههه
حلوة اوى يابنوتة
صحيح منها لله المفترية
الثانوية المستقوية