مشاهدة النسخة كاملة : ليه كل الغضب ده
timo mido 22-08-2009, 02:26 AM من يومين تقريبا لقيت كل الاعضاء هنا ابتدوا في حمله هجوم عنيفه علي وزاره التعليم العالي !!!!!!!!!!!!!
ده كله ليه عشان النتيجه اتأخرت وايه يعني ؟؟؟؟؟؟؟؟؟ عادي ملحقوش يخلصوا النتيجه فيها حاجه طبعا لا
طب ده ممكن بيعملوا حاجه لمصلحه الطلبه
المفروض الطلبه هنا تفكر ايه مصلحتهم في تأخير النتيجه هيستفادوا حاجه؟؟؟؟؟؟؟؟؟؟ طبعا لا
انا رأيي ان وزاره التعليم العالي مش ملزمه انها تعمل تحويل والكلام ده المفروض كل واحد جاتله الكليه يدخلها
بس الوزاره مراعاة للناس بتعمل تحويلات
واحد يجي يقولي ازاي ده غصب عنهم يعملوا تحويل عشان كل واحد يدخل في محافظته؟؟؟؟؟؟؟؟؟؟؟؟
عايز تدخل في محافظتك جيب مجموع كبير ؟؟؟؟؟؟؟؟؟
خالد محمد حسن 22-08-2009, 02:31 AM حضرتك ده نظام دولة طالما هو نظام مفيش حاجة اسمها جيب مجموع محافظتك انت اصلا فى بلد تعلمها نظامه فاشل هو خلاص هما بيحبونا اوى همهم على مصلحتنا ياريت مش كل واحد يكلم
طالما عمل تحويل يبقى زيه زي التنسيق طالما انت جدع اوى كنت اعمل تنسيق ورقى مش الكترونى
ممدوح الملاى 22-08-2009, 02:36 AM الوزارة لما تعمل التحويلات هى بتراعى البعد الاجتماعى للطلبة و الطالبات وكمان بعد اقتصادى بتخفيف الضغط على المدن الجامعية وغالبا ما يكون الفروق فى الدرجات لاتتعدى درجة واحدة وهذا لايعتبر فرق كبير فى الدرجات
timo mido 22-08-2009, 02:37 AM حضرتك ده نظام دولة طالما هو نظام مفيش حاجة اسمها جيب مجموع محافظتك انت اصلا فى بلد تعلمها نظامه فاشل هو خلاص هما بيحبونا اوى همهم على مصلحتنا ياريت مش كل واحد يكلم
طالما عمل تحويل يبقى زيه زي التنسيق طالما انت جدع اوى كنت اعمل تنسيق ورقى مش الكترونى
انا مش فاهم قصدك ايه ؟؟؟؟؟؟؟؟؟ ايه اللي جاب ورقي والكتروني لموضوعنا
خالد محمد حسن 22-08-2009, 02:37 AM بجد اللى ايده فى الماية مش زى اللى ايده فى النار
خالد محمد حسن 22-08-2009, 02:38 AM حضرتك مش فى تنسيق ورقى بتاع زمان فاكره وهم عملوا حاجة للتخفيف اللى هو تنسيق الكترونى طالما انت جدع اوى كنت روح اعمل الورقى
كيكو 2000 22-08-2009, 02:40 AM لا يا عم احنا مقولناش حاجة لو كانوا قالوا مفيش تحويلات خلاص محدش هيكلم كل واحد هيرضا بليجاله لكن هما قولوا ان فيه تحويلات خلاص يعملوا الى قالوا وكل واحد يعمل عمله دول ناس مكسلة تعمل اى حاجة اصلا ربنا ينتقم منهم عشان يحرقوا دم الناس فى الثانوية وفى الامتحانات ونتيجة الامتحانات والتنسيق المراحل الثلاث ونتيجة كل مرحلة ولسه الكلية كمان وتقولى دول بيعملوا لخدمة الطالب وعاوزنا نقعد فيها فى بلد بتعمل كده والنبى استغفر الله العظيم كفاية كده يا عم بقى حراااااااااااااااااااااااااااااااااااااااااااااااا اااااااااااااااااام
timo mido 22-08-2009, 02:41 AM الوزارة لما تعمل التحويلات هى بتراعى البعد الاجتماعى للطلبة و الطالبات وكمان بعد اقتصادى بتخفيف الضغط على المدن الجامعية وغالبا ما يكون الفروق فى الدرجات لاتتعدى درجة واحدة وهذا لايعتبر فرق كبير فى الدرجات
حضرتك انا فاهم ده وقلت في الموضوع ان الوزاره بتراعي الناس بس انا بقول مفيش داعي للغضب لان الوزاره بتعمل حاجه مش ملزمه انها تعملها
مثلا لو واحد صاحبك قالك هيعملك حاجه هو مش ملزم انه يعملها واتأخر هل هتزعل منه؟؟؟؟؟؟؟؟؟؟
timo mido 22-08-2009, 02:43 AM بجد اللى ايده فى الماية مش زى اللى ايده فى النار
قصدك ايه؟؟؟؟؟؟؟؟؟؟؟؟؟؟؟؟؟؟؟
yasasa 22-08-2009, 02:45 AM مش بعد ما قالولنا النهاردة
يجوا يقولوا فى آخر اليوم لأ الاسبوع الجى
خالد محمد حسن 22-08-2009, 02:46 AM قصدى اللى حضرتك لم تستطع الردود على من ردوا على حضرتك ومنهم العبد لله تعال نتناقش تناقش محترم
ممدوح الملاى 22-08-2009, 02:49 AM انا شايف ان مادام اخروا النتيجة كدة يبقى فى حاجة مهمه لمصلحتنا لان لو عليهم عايزين يخلصو التحويلات بدرى ويخلصو نفسهم بدرى لية ماناخدش كل حاجة بجانبها الاجابى وبنفكر فى الجانب السيئ مش ممكن التاخير دة يكون فى حاجة لمصلحتك او مصلحتى او مصلحت اى حد فينا
timo mido 22-08-2009, 02:50 AM اولا اذا كنت لم استطع الرد عليكم ايه علاقه المثل بده؟؟؟؟؟؟؟؟؟؟؟؟
ثانيا هل هذا النقاش غير محترم؟؟؟؟؟؟؟؟؟؟؟؟؟؟؟؟
خالد محمد حسن 22-08-2009, 02:51 AM احنا شعب طيب اوى يبنى المواعيد مواعيد يعنى انت عايز تفهمنى اللى بره يعطوه ميعاد ويتراجعه فىه عشان المصلحة
hesham119 22-08-2009, 02:51 AM احنا مش زعلانين عشان النتيجة اتأخرت احنا زعلانين عشان مافيش التزام بالكلمة يقولوا ميعاد ويرجعوا يأجلوه لو قالولنا هاتظهر السنة الجاية مافيش مشاكل بس يلتزمو بكلمتهم
خالد محمد حسن 22-08-2009, 02:53 AM انا شايف اللى دخلتك حامية اوى مش ده النقاش العاقل انت بتخاطب طلبة مش عارفة حتى الان هى راحت فين بره والا جوه فى محافظتها ولا خارجها يبقى تكون عاقل فى الكلام ومتحفظ مش تغلطهم كمان للحديث ذكاء فكن ذكى عندما تخاطب
pureheart 22-08-2009, 02:58 AM لا بجد :mad:
الغضب اللى احنا فيه عشان الوزارة بتلعب بينا
يعنى لو من الاول لو كانوا قالوا ان النتيجة يوم السبت و لا الاحد مكناش حنقول حاجة
بس مش يقولولنا انها يوم الخميس و لما نتصل يقولوا حتطلع النهاردة بعديها على المغرب يقولوا لا اصلها اتاجلت
هو شغل عيال و لا ايه يعنى ؟؟؟
timo mido 22-08-2009, 02:58 AM انا شايف اللى دخلتك حامية اوى مش ده النقاش العاقل انت بتخاطب طلبة مش عارفة حتى الان هى راحت فين بره والا جوه فى محافظتها ولا خارجها يبقى تكون عاقل فى الكلام ومتحفظ مش تغلطهم كمان للحديث ذكاء فكن ذكى عندما تخاطب
بص انت بتكلم كده عشان انت بتحول ومستني النتيجه فرأيك متأثر بكده
لكن انا الحمد لله خلصت وقدمت فبكلم من موقع المحايد ولما تخلص كل حاجتك هتعرف ان كلامي صح
وانا مكنتش دخلتي حاميه ولا حاجه
ممدوح الملاى 22-08-2009, 02:58 AM احنا شعب طيب اوى يبنى المواعيد مواعيد يعنى انت عايز تفهمنى اللى بره يعطوه ميعاد ويتراجعه فىه عشان المصلحة
فى حاجة محدش واخد باله منها ان فى ناس كتير عملت تظلمات وخدت درجات فى بعض المواد وكل يوم ناس كتير بتطلع بدرجات جديدة والدرجات دية بتتسجل فى مكتب التنسيق على موقع لتحويلات لان اى زيادة بتكون فى مصلحة الطالب وبتديلة اولوية اكتر وعلى اساس هذة الزيادة ممكن نسبة العشرة فى المية لكل كلية تتغير بيقى كدة التاخير دة فى مصلحة ناس ولا لا.
ويا جماعة فى الاخر كل واحد بياخد نصيبة والخير لية هواللى بيكون يعنى انا جاتلى هندسة المنيا وانا من القاهرة ولو مجاش التحويل انا مش هزعل
timo mido 22-08-2009, 03:00 AM لا بجد :mad:
الغضب اللى احنا فيه عشان الوزارة بتلعب بينا
يعنى لو من الاول لو كانوا قالوا ان النتيجة يوم السبت و لا الاحد مكناش حنقول حاجة
بس مش يقولولنا انها يوم الخميس و لما نتصل يقولوا حتطلع النهاردة بعديها على المغرب يقولوا لا اصلها اتاجلت
هو شغل عيال و لا ايه يعنى ؟؟؟
توقيعك هو ردي
خالد محمد حسن 22-08-2009, 03:01 AM لا يا استاذ انا اقسم بالله اتمنى الا يقبل التحويل وعندما اتكلم اتكلم من منطلق العقل مش العاطفة ولانك لا تعرفنى من الصعب عيك فهمى وعلى عموم انت فسرت المثل بنفسك
خالد محمد حسن 22-08-2009, 03:03 AM واسمح لى انا اقول لك انك شخص مغرور وانا اعتذر لذلك ولكن هذا رأى واعتذر مرة ثانية
timo mido 22-08-2009, 03:05 AM لا يا استاذ انا اقسم بالله اتمنى الا يقبل التحويل وعندما اتكلم اتكلم من منطلق العقل مش العاطفة ولانك لا تعرفنى من الصعب عيك فهمى وعلى عموم انت فسرت المثل بنفسك
اولا حضرتك قلت ففي موضوع قبل كده انك جالك حاسبات ومعلومات ونفسك يتقبل تحويلك لهندسه الكترونيات منوف !!!!!!!!!!!!!!!!
ثانيا انا والله ما بقول كده عشان انا جاتلي الكليه ؟؟؟؟؟؟؟
عادي جدا ولو مكانك كنت هقول نفس الكلام
timo mido 22-08-2009, 03:07 AM واسمح لى انا اقول لك انك شخص مغرور وانا اعتذر لذلك ولكن هذا رأى واعتذر مرة ثانية
وجهه نظرك بس هبقي مغرور ليه ؟؟؟؟؟؟؟؟؟؟؟؟؟؟؟؟؟؟؟؟ مفيش سبب يخليني مغرور
خالد محمد حسن 22-08-2009, 03:09 AM كويس اللى انت فاكر بس اللى محدش يعرفه الا حضرتك انى عايز احول لهندسة الكترونية لان امى نفسها تقولى يا مهندس وانا بحب امى جدا انما انا بتمنى من الله ان تأتى حاسبات لو عندك اى حاجة انا جاهز للرد على اى شى بفضل الله ونعمته وانا بفضل الله ربنا منحنى الاحساس بالاخرين مش التكبر عليهم
فرعونة مصر 22-08-2009, 03:18 AM اية يا جماعة انتم قلبتوها شكله ولا اية
دا النهاردة رمضان
بلاش تكملو كلام لان شمة ريحة شتيمة فى الطريق
انا بهدى النفوس
timo mido 22-08-2009, 03:19 AM كويس اللى انت فاكر بس اللى محدش يعرفه الا حضرتك انى عايز احول لهندسة الكترونية لان امى نفسها تقولى يا مهندس وانا بحب امى جدا انما انا بتمنى من الله ان تأتى حاسبات لو عندك اى حاجة انا جاهز للرد على اى شى بفضل الله ونعمته وانا بفضل الله ربنا منحنى الاحساس بالاخرين مش التكبر عليهم
لا انا مبنساش بس احنا رأينا مختلف عادي جدا مش عاوزين نحولها لحرب وانا اكلم وانت ترد مش هينففع
تاني حاجه انت شايف ان لما اقول رأي مخالف للاخرين يبقي بتكبر عليهم
ممدوح الملاى 22-08-2009, 03:28 AM خلااااااااااااااااااااص بقة بس انتو مبتزهقوش
خالد محمد حسن 22-08-2009, 03:30 AM اقسم بالله ابدا بس انت شايف اللى رأيك صح وانا شايف ان رأى صح بس حقول حاجة فى النهاية لو انت مكان كل الموجودين فى المنتدى محدش عارف منهم هو راح فين بره ولا جوه المدينة الجامعية حتكون لسه مفتوحة والا لا كنت حيكون موقفك ايه
خالد محمد حسن 22-08-2009, 03:32 AM وواحد جاى بيقول انتم مستعجلين ليه وهم من يوم السبت اللى فاتت والتحويل خلص اسبوع منتظر التحويل بزمتك مش حرام هو حيكون حاجة من الاتنين يأما مش همه يأما حاجة تانية اللى انا قولتها قبل كده
timo mido 22-08-2009, 03:35 AM اقسم بالله ابدا بس انت شايف اللى رأيك صح وانا شايف ان رأى صح بس حقول حاجة فى النهاية لو انت مكان كل الموجودين فى المنتدى محدش عارف منهم هو راح فين بره ولا جوه المدينة الجامعية حتكون لسه مفتوحة والا لا كنت حيكون موقفك ايه
كنت اكيد هبقي قلقان بس رأيي اننا منحملش وزاره التعليم العالي غضبنا لانهم مش ملزمين يعمللونا كده
وعنوان الموضوع(ليه كل الغضب ده)
وكل سنه وانتم طيبين
timo mido 22-08-2009, 03:38 AM وواحد جاى بيقول انتم مستعجلين ليه وهم من يوم السبت اللى فاتت والتحويل خلص اسبوع منتظر التحويل بزمتك مش حرام هو حيكون حاجة من الاتنين يأما مش همه يأما حاجة تانية اللى انا قولتها قبل كده
الحاجه التانيه اني مغرور ومتكبر
شكرااااااااا يا عم دي وجهه نظرك
خالد محمد حسن 22-08-2009, 03:40 AM يعنى يقولو حتطلع يوم الخميس وكل الطلبة تستنى يوم الخميس ومتنمش ونتصل بيهم يقولوا اكيد الخميس وفى الاخر يقولوا السبت كل ده وفى الاخر نقول وزارة التعليم العالى ملهاش دعوة بجد لو سمعك مواطن من اى بلد اوربى حيستعجب على حاجتين الحاجة الاولى ازاه وزير يخلف ميعاد الحاجة التانية ازاه الشعب يكون بالسلبية ديه
خالد محمد حسن 22-08-2009, 03:42 AM لو حضرتك تخش على العنوان اللى فوقيك على طول حتلقينى لسه معتذر لاحدى الاعضاء وتسمى فرعونة مصر اقسم بالله معنديش مشكلة لو غلطان اقول بس بجد انا شايف نفسى مش غلطان معاك الا فى حاجة واحدة انى قلت انك مغرور انا متأسف جدا واتمنى انك تسامحنى بالله عليك
MuHaMeD kHaLeD 22-08-2009, 03:46 AM من يومين تقريبا لقيت كل الاعضاء هنا ابتدوا في حمله هجوم عنيفه علي وزاره التعليم العالي !!!!!!!!!!!!!
ده كله ليه عشان النتيجه اتأخرت وايه يعني ؟؟؟؟؟؟؟؟؟ عادي ملحقوش يخلصوا النتيجه فيها حاجه طبعا لا
طب ده ممكن بيعملوا حاجه لمصلحه الطلبه
المفروض الطلبه هنا تفكر ايه مصلحتهم في تأخير النتيجه هيستفادوا حاجه؟؟؟؟؟؟؟؟؟؟ طبعا لا
انا رأيي ان وزاره التعليم العالي مش ملزمه انها تعمل تحويل والكلام ده المفروض كل واحد جاتله الكليه يدخلها
بس الوزاره مراعاة للناس بتعمل تحويلات
واحد يجي يقولي ازاي ده غصب عنهم يعملوا تحويل عشان كل واحد يدخل في محافظته؟؟؟؟؟؟؟؟؟؟؟؟
عايز تدخل في محافظتك جيب مجموع كبير ؟؟؟؟؟؟؟؟؟
ااهااااااا
موضوع كووووووووووووول و ريلي ريلي فااااانكي
بس فيه نسبة ..........
سووو لا تعليق
د/بسمة الاسلام 22-08-2009, 03:46 AM استغفر الله العظيم
استغفر الله العظيم
استغفر الله العظيم
استغفروا الله يا جماعة فالاستغفار يطفئ نار الغضب
وربنا يتولانا برحمته
وع فكرة احنا تعبنا ايام الامتحانات والنتيجة والتنسيق وانتظار نتيجته والتحويل وانتظار نتيجته
ياريت تقدروا ضغط الاعصاب الى واقع علينا من زمان
مش عرفيين نفرح ولا نتفسح
دايما قلقانين
ربنا يطمنا
ياريت اكون قدرت اجاوب ع العنوان
خالد محمد حسن 22-08-2009, 03:47 AM نتمنى يكون النقاش حضارى محترم
خالد محمد حسن 22-08-2009, 03:49 AM على ما اعتقد مش انا بس اللى بكلم واوعى تكون فرحان عشان فى ناس بترد وانت بترد عليهم علشان لا تحاسب بكل كلمة وانزلوا صلو الفجر
timo mido 22-08-2009, 03:50 AM انا اسف لو كنت غلطان او ضايقت حد
سلااااااااااااااااام دلوقتي عشان رايح اصلي
Ma7moud_442 22-08-2009, 03:50 AM السلام عليكم
.
.
.
بجد يا شباب أسلوب جميل جدا ف النقاش بالرغم أن فيه شوية خلافات لكن بحى تيمو أنه لما أتقاله مغرور مش أتعصب وسأل عن السبب وبحى خالد محمد حسن أنه أعتذر له وطلب منه يسامحه
ربنا يسامحنا كلنا وكل عام وانتم بخير
خالد محمد حسن 22-08-2009, 03:50 AM انزلوا صلوا الفجر وصلوا على النبى
خالد محمد حسن 22-08-2009, 03:52 AM بجد نفسنا الحوار فى حياتنا كلها يبقى كده انزلوا صلوا الفجر
MuHaMeD kHaLeD 22-08-2009, 03:56 AM حان الان موعد اذان الفجر حسب التوقيت المحلي لمدينة الاسكندريه
مبروك عليكوا رمضان
yasasa 22-08-2009, 04:41 AM خالد محمد حسن (http://www.thanwya.com/vb/member.php?u=52778)
متفق معاك يا خالد تماماً
ومعاك فى كل كلمة قلتها
lost bird 22-08-2009, 10:47 AM من يومين تقريبا لقيت كل الاعضاء هنا ابتدوا في حمله هجوم عنيفه علي وزاره التعليم العالي !!!!!!!!!!!!!
ده كله ليه عشان النتيجه اتأخرت وايه يعني ؟؟؟؟؟؟؟؟؟ عادي ملحقوش يخلصوا النتيجه فيها حاجه طبعا لا
طب ده ممكن بيعملوا حاجه لمصلحه الطلبه
المفروض الطلبه هنا تفكر ايه مصلحتهم في تأخير النتيجه هيستفادوا حاجه؟؟؟؟؟؟؟؟؟؟ طبعا لا
انا رأيي ان وزاره التعليم العالي مش ملزمه انها تعمل تحويل والكلام ده المفروض كل واحد جاتله الكليه يدخلها
بس الوزاره مراعاة للناس بتعمل تحويلات
واحد يجي يقولي ازاي ده غصب عنهم يعملوا تحويل عشان كل واحد يدخل في محافظته؟؟؟؟؟؟؟؟؟؟؟؟
عايز تدخل في محافظتك جيب مجموع كبير ؟؟؟؟؟؟؟؟؟
التحويل بيتعمل عشان يخفوا الاعداد في المدن الجامعية _مش عشان الطلبة كتير لا دة عشان الدعم اللي في المدن بيزود الميزانية اللي هيصرفوها عالطلبة :bosyht9:
وبعدين الوزارة معمولة عشان تريح الطلبة وتعرف مشاكلهم وتستجيب ليها .....:006et4:....مش عشان تحرق دمنا
عايز تدخل في محافظتك جيب مجموع كبير ........الجملة دي مستفزة اووي يعني عشان نقصت درجة او نص يطلعوني من بلدي:angry2:
invent_yas2020 22-08-2009, 10:47 AM (عسى ان تكرهو شيئا وهو خير لكم )وشكرا ومن الاخر مفيش داعى للتشاؤم والغضب وكل سنة وانتم طيبين
timo mido 22-08-2009, 11:51 AM عايز تدخل في محافظتك جيب مجموع كبير ........الجملة دي مستفزة اووي يعني عشان نقصت درجة او نص يطلعوني من بلدي:angry2:[/quote]
وجهه نظرك بس هقولك حاجه انا جايب 402 ودخلت طب بشري وفي واحد صاحبي جايب 401 ودخل طب اسنان وكان نفسه يدخل طب بشري وفارق معاه علي نص درجه وانا دخلت بنص درجه يعني النص درجه مش قليله
خالد محمد حسن 22-08-2009, 11:57 AM فى مصر بس الكلام ده يعنى انت عايز تفهمنى ان نص درجة هى اللى حتفرق دكتور بشرى عم دكتور بيطرى عن دكتور صيدلي والله الكلام ده فى مصر بس ياريت كلنا نبقى على يقين ان التعليم ده بجد فاشل بس مفيش امامنا غير التعلم
yasasa 22-08-2009, 11:58 AM ياريت نبطل أستفزاز
timo mido 22-08-2009, 11:59 AM فى مصر بس الكلام ده يعنى انت عايز تفهمنى ان نص درجة هى اللى حتفرق دكتور بشرى عم دكتور بيطرى عن دكتور صيدلي والله الكلام ده فى مصر بس ياريت كلنا نبقى على يقين ان التعليم ده بجد فاشل بس مفيش امامنا غير التعلم
اه طبعا انا لسه قايلك انا وصاحبي ايه اللي حصل معانا
خالد محمد حسن 22-08-2009, 12:00 PM احنا نوصل معاه للاخر لان ده حوار لازم يبقى فيه نسبة صغيرة استفزاز وبعد كده نهدى وعادى لما يكون مستفذ من يضحك اخيرا يضحك كثيرا
MuHaMeD kHaLeD 22-08-2009, 12:09 PM انتو بتتعاركوا و لا ايه
انا شامم ريحة خنااااقه
مشكورررررانين 22-08-2009, 12:09 PM اهدوا بقى يا جماعة انتوا كده بتتعبوا اعصابكوا اكت
وحرام احنا كلنا صايمين
وماعلينا الا بالدعاء
اصل دى مشكلة الكل مش مكشلة حد واحد بس
كل سنة وانتم طيبين
خالد محمد حسن 22-08-2009, 12:10 PM والله ابدا انا متحفظ جدا فى كلامى بس هو كلام عادى لو كنا حنتخانق كنا اتخنقنا امبارح بليل
MuHaMeD kHaLeD 22-08-2009, 12:11 PM صبااااااااااااااااااااااح الفل يا جماااعه
صباح الفل يا تيمو
خالد محمد حسن 22-08-2009, 12:12 PM انزلو صلوا الظهر سيبوكوا من النتيجة
MuHaMeD kHaLeD 22-08-2009, 12:12 PM والله ابدا انا متحفظ جدا فى كلامى بس هو كلام عادى لو كنا حنتخانق كنا اتخنقنا امبارح بليل
طيب انا فاكر في خناقه قلت ادخل اسلك
:abdoog8:
مشكورررررانين 22-08-2009, 12:15 PM لا يا ع رنا ما يجيب خناقات
كلنا هنا اخوات ولازم نشيل عن بعض فى اللى احنا فيه وتعب الاعصاب ده
MuHaMeD kHaLeD 22-08-2009, 12:18 PM اللي عايز يتعارك بجد
يروح يتعارك مع مكتب التنسيق
Hamset_Etab 22-08-2009, 12:28 PM انا رأيي ان وزاره التعليم العالي مش ملزمه انها تعمل تحويل والكلام ده المفروض كل واحد جاتله الكليه يدخلها
بس الوزاره مراعاة للناس بتعمل تحويلات
واحد يجي يقولي ازاي ده غصب عنهم يعملوا تحويل عشان كل واحد يدخل في محافظته؟؟؟؟؟؟؟؟؟؟؟؟
عايز تدخل في محافظتك جيب مجموع كبير ؟؟؟؟؟؟؟؟؟
يظهر ان حضرتك مش واخد بالك من حاجه
ان الطالب لو راح محافظه بعيده هيسكن مدينه جامعيه ، المدينه الجامعيه دى بتصرف عليها الحكومه فالتالى من مصلحتهم ان كل طالب يروح كليه جمب بيته
يعنى هما مش عملين فينا جميل:bosyht9:
مشكورررررانين 22-08-2009, 12:28 PM خلو الواحد يدعى عليهم فى رمضان
حسبى الله ونعم الوكيل
بعد العذاب ده كله اللى ناقص يركبونا ذنوب كمان
MuHaMeD kHaLeD 22-08-2009, 12:32 PM يظهر ان حضرتك مش واخد بالك من حاجه
ان الطالب لو راح محافظه بعيده هيسكن مدينه جامعيه ، المدينه الجامعيه دى بتصرف عليها الحكومه فالتالى من مصلحتهم ان كل طالب يروح كليه جمب بيته
يعنى هما مش عملين فينا جميل:bosyht9:
بجد
مشكوره ع المعلومات الجامده دي
خالد محمد حسن 22-08-2009, 12:44 PM صلتوا والا قاعدين مستنين النتيجة
دكتور ريهام 22-08-2009, 12:50 PM والله انت شكلك تبع الحكومة وبعدين طالما انت مش هتحول بتعمل موضوع ليه خلى كل واحد ف حاله
خالد محمد حسن 22-08-2009, 12:52 PM للاسف احنا معندناش ادب الحديث لو سمحتوا انا اول واحد ردت على وبعنف ولكن عايزين نبقى متحضرين شوية فى الكلام علشان نحاول نعمل حاجة متحضرة على الاقل ممكن نعترض بس براحة وبالغقل ومن غير من جرح فى حد
مشكورررررانين 22-08-2009, 01:02 PM لا الحمد لله صلينا
مش ده اللى هينسينا
خالد محمد حسن 22-08-2009, 01:05 PM انا اعلم ذلك انت راجل محترم
خالد محمد حسن 22-08-2009, 01:06 PM وباين من ردودك
بنت ناس ما تنداس 22-08-2009, 01:07 PM ايوه كده جدعان بلاش خناقه وصلو ع النبى
مشكورررررانين 22-08-2009, 01:10 PM على فكرة انا بنت يا خالد اصلا
timo mido 22-08-2009, 01:12 PM والله انت شكلك تبع الحكومة وبعدين طالما انت مش هتحول بتعمل موضوع ليه خلى كل واحد ف حاله
اه اصل بابا وزير التعليم العالي ومرشح لرئاسه الوزراء
خالد محمد حسن 22-08-2009, 01:13 PM متفرقش بالنسبة لى تكون ولد ولا بنت انا بكلم شخص وخلاص مش حطلب cv بتاعك علشان نكلم
مشكورررررانين 22-08-2009, 01:16 PM اوك...ميرسى
بقولكو يا جماعة هو ليه اصلا النتايج مش بتجيلى ع الفون زى اصحابى
خالد محمد حسن 22-08-2009, 01:17 PM اه اصل بابا وزير التعليم العالي ومرشح لرئاسه الوزراء
انت اللى جبته لنفسك قولتلك من الاول اهدى وخليك زكى فى الحديث وبلاش التهور اتمنى ان انت تكون اهدى من كده
بنت ناس ما تنداس 22-08-2009, 01:28 PM اوك...ميرسى
بقولكو يا جماعة هو ليه اصلا النتايج مش بتجيلى ع الفون زى اصحابى
هو اصلا انا اعتقد انها اول اما بتنزل بتنزل ع النت
shemo2009 22-08-2009, 01:28 PM ايه يا جماعة اهدوا شوية ماينفعش كدة وربنا يطمنا كلنا على النتيجة ورمضان كريم
هايتي 22-08-2009, 01:30 PM رمضااان كريـــــــــــــــــــــــــــــــــــــــــــــــ ــــــــــــــم اوي
.
.
الموضوع زي الفل بس انا كان ليا تعقيب صغنن
يا ريس .
.
.
معلش انت بتقول اللي عايز يخش في محافظته يجيب مجموع كبير
سؤال بقي
حضرتك معلش ليه مش مقدر انها بتفرق على واحد من عشرة
يعني لما حضرتك يجيلك "طب" بره ومحافظتك واخدة من 98.5 يبقى لازم دمك
يتحرق
قوللي الواحد قصر في ايه
عشان يبقى جايب 98 وشوية وفارقة على كسور ؟
.
حضرتك معظم التحويلات اللي بنعملها بنبقى جايبين الكلية اللي احنا عايزنها
وفارقة على حاجات بسيطة مش واحد جايب 50 % وجاي يشتكي
.
.
عامة مش ده الموضوع
وزارة التعليم اللي حضرتك زعلان اننا بنهاجمها
لانها مش ملزمة بالتحويل
فيمكن التحويل حاجة صغيرة تكفر بيها عن اخطاءها
.
وكمان طيب هما عنده كرم اخلاق وعملوا تحويل
طب ليه بقى شوية الذل اللي احنا بنتذله ده
.
.
احنا بنتعامل مع حكومة لازم تكون على الاقل صادقة في الكلام اللي هيه بتقولوا
وتكون قده لان دي سياسة دولة
مش متفق انت واحد صاحبك على ميعاد وهوه اتأخر عليك .....
.
.
انا مش منتظرة تحويل ليا بس لاصحابي وكلنا قارفنين من الذل ده.
بس كده ورمضان كريم:friendsxs3:
خالد محمد حسن 22-08-2009, 01:32 PM اتمنى اننا نقفل على الموضوع ده كلنا كنا ايجابين وسكتنا صاحب الموضوع وانتهلا الموضوع على ذلك
فرعونة مصر 22-08-2009, 01:38 PM اتمنى اننا نقفل على الموضوع ده كلنا كنا ايجابين وسكتنا صاحب الموضوع وانتهلا الموضوع على ذلك
ايوة كدة صح لانى خلاص دخت :wacko:
خالد محمد حسن 22-08-2009, 01:40 PM انتى دايخة من امبارح
timo mido 22-08-2009, 01:43 PM اتمنى اننا نقفل على الموضوع ده كلنا كنا ايجابين وسكتنا صاحب الموضوع وانتهلا الموضوع على ذلك
اولا حضرتك ما ينفعش تقول سكتنا صاحب الموضوع
تاني حاجه انا مسكتش ولا حاجه انا رحت صليت وجيت وبعدين واحد صاحبي جالي عشان نروح مشوار
وانا لسه بدافع عن وجهه نظري سلاااااااااااااااام
خالد محمد حسن 22-08-2009, 01:44 PM اللى بيدافع بيسنا للاخر مش بيكتب جملة ويمشى
محمد السيد طلبه 22-08-2009, 01:47 PM اهدوا يا جماعه أهي أثار التحويل حتشتغل مش ينفع كده انا عايز أشوف دم
خالد محمد حسن 22-08-2009, 01:49 PM لا والله بس العضو ده بجد مش عايز اقول اى حاجة علشان احنا صائمين وحتى لو مش صايمين مكنتش قولت حاجة غلط بس غلط وعارف كده بس الجدال سمته والعناد دائه
هايتي 22-08-2009, 01:49 PM يا جماعة والله بدل الخناق روقوا دمكوا
.
.
يا راجل مش اثار تحويل دي بس اثار صيام
.
.
اول يوم وكل سنة وانتوا طيبين وخلاص يا عم خالد انت وعمو تيمو
...
يا راجل استهدي بالله
timo mido 22-08-2009, 01:51 PM اللى بيدافع بيسنا للاخر مش بيكتب جملة ويمشى
بقولك نزلت اصلي وواحد صا حبي جالي بس لو حضرتك شايف انك سكتني عادي دي وجهه نظرك
بس ما ينفعش حضرتك تقول كده
خالد محمد حسن 22-08-2009, 01:54 PM انا مغلطتش فيك ولو غلط كنت حعتذر انما انت شايف انى غلطت براحتك كلنا نزلنا نصلى وخليبالك انت ممكن تسأل نفسك وعقلك براحة هو الموضوع عندك كتابة ورد على اللى بيكلم ولا الموضوع جد اوى
timo mido 22-08-2009, 01:56 PM لا الموضوع مش كتابه رد الموضوع وجهه نظري وبدافع عنها
مشكورررررانين 22-08-2009, 01:57 PM بصوا بقى كفاية كده مش ناقصة خناق
حرام عليكوا فعلا يا تتكلموا عادى مع بعض يا تحاولو تتجنبوا بعض
بس يا ريت تهدو بقى
هايتي 22-08-2009, 01:57 PM والله الحل الوحيد في الخناقة دي اي رسالة لاي مشرف يقفل الموضوع
حرام عليكوا انتوا عايزين تخسروا صيامكوا وخلاص
.
خالد محمد حسن 22-08-2009, 01:58 PM ولو اكتشفت اللى اى حاجة انت عملتها خطأ اكيد حتعتذر ولا حيبقى ايه موقفك
مشكورررررانين 22-08-2009, 01:59 PM خلاااااااااص بجد بق كفاية
احنا جايين نتناقش ونهدى بعض ونصبر بعض مش نشد فى الكلام سوا
خالد محمد حسن 22-08-2009, 02:00 PM احنا مش بتخانق والله بس الكلام اخد طابع الجد شوية والصراع على الرأى فقط لا غير
timo mido 22-08-2009, 02:02 PM ولو اكتشفت اللى اى حاجة انت عملتها خطأ اكيد حتعتذر ولا حيبقى ايه موقفك
اكيد طبعا وانا اعتذرتلك قبل كده في موضوع تاني
هايتي 22-08-2009, 02:02 PM صراع ايه بس يا عم
.
انا حاسة ان احنا قاعدين في محكمة
.
.
ربنا يهديكوا بس وكفاااااااااااياااااااااااا
انا عمالة اقرا الموضوع بقالي ساعتين
.
مش لاقية اي معلومة عن التحويل كله بس مناقشات حادة
......
خالد محمد حسن 22-08-2009, 02:02 PM انا نازل اجيب حاجة وجاىتانى مفيش خمس دقائق
مشكورررررانين 22-08-2009, 02:02 PM طب بلاش صراع الراى ده كمان...ممكن
اهدووووووووو
MuHaMeD kHaLeD 22-08-2009, 02:02 PM اتنتو بتتخانقواااا تاني
خالد محمد حسن 22-08-2009, 02:03 PM لا والله لوقرأت الموضوع كويس حتلاقى اللى النقاش نوعا ما حضارى ومحترم المخطأ يقول ويعتذر
MuHaMeD kHaLeD 22-08-2009, 02:03 PM هو انا كل ما اروح اخد تعسيله و افتنح الاقيكوا مااااسكين في بعض
انتوا معملكوا عمل و لا ايه
MuHaMeD kHaLeD 22-08-2009, 02:05 PM شوف يا مان انت و هو
هدوا اللعب شويه
العمليه صيام و احنا في اخر النهار
ظبطوا النسائل مع بعضيكوا
عايز لما ارجع تاني الاقيكوا زي السمنه ع العسل
timo mido 22-08-2009, 02:05 PM انا في واحد صاحبي مستنيني دلوقتي عشان رايحين مشوار لما اجي هبقي اشوف الموضوع
مشكورررررانين 22-08-2009, 02:06 PM ههههههههه
انا شكيت فى كده بردو
المهم انهم خرجوا من موضوع التحويل اصلا
خالد محمد حسن 22-08-2009, 02:06 PM يا جماعة العضو تيمو ده حبيبى والله حبيته من قبل ما اعرفه وانا بحلف وانا صايم
shine up 22-08-2009, 02:06 PM مبدأيا محدش حياخد أكتر من نصيبه و الخير فيم اختاره الله لكل واحد
سواء بالتحويل أو من غير
خالد محمد حسن 22-08-2009, 02:07 PM واحنا بتنناقش عادى ايه المشكلة لما نختلف عادى اختلاف الرأى لا يفسد للود قضية
MuHaMeD kHaLeD 22-08-2009, 02:08 PM يلا
يا شباااااااااااااب
عيشووا و تعايشوا
ومش عاايز مشاااكل
انتوا اخوااااااااااااااااااااااااااااااااات
خالد محمد حسن 22-08-2009, 02:08 PM فينك يا تيمو انت نزلت وسيبتنى
MuHaMeD kHaLeD 22-08-2009, 02:09 PM رمضان كريييييييييييييم
يا بنااااااااااااات
رمضان كريم
يا شباااااااااااااااااب
مشكورررررانين 22-08-2009, 02:10 PM الله اكرم
*************
MuHaMeD kHaLeD 22-08-2009, 02:10 PM عايز اشوف التعايش الصح
باه يلا ربنا يوفقكوا
و كل واحد في المنتدي تحويله
يتقبل و تبقي العمليه
موز موز موز
زي ما قال الاديب الاعلامي
عمرو اديب
MuHaMeD kHaLeD 22-08-2009, 02:12 PM و ليعلم الجميع
ان النتيجه مش النهارده و لا بكره و لا بعده
النتيجه تروح تسال عليها في الكليه اسهل
يمكن تكون الكشوفات وصلت
lost bird 22-08-2009, 02:12 PM خلااااااص ..........كل واحد قال اللي في نفسه ..........واللي ماكنش حاسس باللي احنا فيه متهيألي دلوقت حس وعرف اننا مش ظالمين الوزارة
وكفاية جدااااااااال
MuHaMeD kHaLeD 22-08-2009, 02:13 PM و لو مش صابر تروح الكليه
اتفرج علي سبااااااق السلالالالالالالالالاحف
علي بوابة التنسيق
lost bird 22-08-2009, 02:15 PM الجامعة النهاردة اجاااازة عشان السبت
مشكورررررانين 22-08-2009, 02:15 PM ترقبوا نتيجة تقليل الاغتراب
تلة دى اتغيرت ممكن يحصلى حاجة انا خلاص اخدت عليها
هههههه
MuHaMeD kHaLeD 22-08-2009, 02:17 PM ههههههههههههه
انت بتقول فيها
دي عشره برده
فرعونة مصر 22-08-2009, 07:41 PM يااااااااااااه انتم لسة قاعدين
ارحمو نفسكو بئة
واستعدو عشان تصلوا التراويح
خالد محمد حسن 22-08-2009, 07:43 PM احنا مستنين فرج ربنا
د/بسمة الاسلام 22-08-2009, 07:44 PM اية يا جماعة
متسمعوا الكلام
وت ترقبوا
timo mido 22-08-2009, 10:30 PM يا جماعه انا والله ما في مشكله مع اي حد انا بس كنت بقول وجهه نظري
خالد محمد حسن 22-08-2009, 11:31 PM نهاية لهذا الموضوع احنا اتناقشنا ممكن اكون غلطت وانت ممكن تكون غلطت بس اكيد احنا اللى اتنين استفادنا من الحديث الطويل واشكرك على تقبلك الردود واتمنى لك التوفيق والنجاح فى حياتك القادمة
خالد محمد حسن 22-08-2009, 11:40 PM صدقنى مش كل شى بنعمله غلط هو بس اللى لازم نعتذرله بالعكس الواحد بيعتذر لما يحس اللى هو ممكن يزعل حد حتى لو شايف اللى هو صح انا لما اعتذرتلك عن كلمة مغرور اعتذرت لانى حسيت اللى انت ممكن تزعل بس انا مقتنع بوجهة نظرى وزى ما قولتلك ده اسمه ذكاء الحديث انت لما تعتذر بتحس اللى انت راجل عاقل وفاهم ومتواضع صدقنى اقسم بالله انا لو بالنسبة لى عمرى ما ازعل من حوار ابدا مهما حدث بس الناس اللى شافت الموضوع هى اللى ممكن تكون زعلت واضايقت
timo mido 22-08-2009, 11:41 PM نهاية لهذا الموضوع احنا اتناقشنا ممكن اكون غلطت وانت ممكن تكون غلطت بس اكيد احنا اللى اتنين استفادنا من الحديث الطويل واشكرك على تقبلك الردود واتمنى لك التوفيق والنجاح فى حياتك القادمة
اولا بشكرك علي المناقشه المفيده
ثانيا اتمنالك التوفيق
shine up 23-08-2009, 02:50 PM الحمد لله ان العركة خلصت
بس احب اقول للأخ timo mido ان خير الناس أعذرهم للناس
يعني متجيش تقوللهم انتو مش جايبين مجموع
timo mido 23-08-2009, 03:28 PM الحمد لله ان العركة خلصت
بس احب اقول للأخ timo mido ان خير الناس أعذرهم للناس
يعني متجيش تقوللهم انتو مش جايبين مجموع
http://www.thanwya.com/vb/showthread.php?t=148127
aymanyami 24-08-2009, 05:13 PM هناك مميزات
هناك عيوب
بس نحمد ربنا غيرنا مش طايل ربع الي عندنا
dr_mido 2050 27-08-2009, 01:21 PM ايه يا عم تيمو انتا بتتكلم كده عشان انتا مش فى الموضوع بس ياريت تراعى ظروف الكل يعنى لو انتا مش طلب تحويل يبقى خلاص ملكش دعوه وسيب الناس فى حالهم
timo_mido 27-08-2009, 02:49 PM :::::::::::::::::;
timo_mido 27-08-2009, 02:50 PM .............
|