حق ضحايا التعليم [الأرشيف] - بوابة الثانوية العامة المصرية

ps3vsxboxvswii

22-08-2009, 06:16 AM

السلام عليكم
انا اولا احب اعرفكم بنفسي طالب حاصل علي الثانوية العامة (بلا فخر ) علمي رياضية بمجموع 65 كان طموحي كبير جدا وامكانياتي عادية زي اي شاب في العالم مستعد للتعليم ولما دخلت سنة تانية ثانوي فوجئت بالحشو اللي محطوط في الكتب اللي هو المفروض نحفظه رأسا علي عقب (مع العلم ان منظمة حقوق الانسان ماتعرفش اي حاجة عن الموضوع ده:p)المهم طبعا دخلت كل المواد دروس لان مافيش مدرسة اصلا وجيت وذاكرت وافجئ بالمجموع الجميل ده طيب هل العيب من مين هنا هل مني طيب هو انا قصرت في ايه لو جبت اينشتين ذات نفسه هيعمل كدة طيب يبقي العيب من النظام
ممكن واحد يقولي طب مافي زمايلاك جابوا مجاميع هقولوا دلول متعودين علي الدح والحفظ والمذاكرة المميتة من سنة اولي ابتدائي وهما عددهم قليل طيب يعني كدة العيب من نظام التعليم صح ؟؟
طب والعمل مستقبلنا دلوقتي نعمل فيه ايه مافيش حل غير الكليات الخاصة طيب الكليات الخاصة بقت غالية اوي طيب نعمل ايه ياجدعان حقنا اللي ضاع ده هنخده من مين انتوا مش قادرين تتخيلوا الي هيحصل طيب احنا هنتجوز ازاي وهنخلف ازاي العمل دلوقتي
المثل بيقول اللي مالوش كبير يشتريلوه كبير طيب الناس ديه مين الكبير بتاعها دلوقتي عشان نروح نشتكيه عاوزن حقنا بقي كفاية كدة
العمل ايه ياجدعان انا مش عارف احنا ساكتين علي الحكومة ديه ليه بس منه لله حسني وكمان ابنه هيمسك بعده طب وبعدين لحد امتي هنفضل ساكتين بس لحد لما نلاقيهم (مافيش حاجة اكتر من اللي بيعملوها فينا) ياريت الناس تشارك برأيها وتعرفنا فين حقنا وفين مستقبلنا اللي ضاع ده

BaNZeR

22-08-2009, 07:19 AM

هههههههههههههه

والنبي انت عسل :d

عشان انت جايب 65% عايز تشيل الريس وابنه وتغير الوزير وتعمل كل ده

بقى انت فوجئت برده في تانية ثانوي إنه المنهج حشو دلوقتي ومش واخد بالك إنه معاك من ابتدائي ؟
بقى اضطريت تاخد دروس ومش واخد بالك إنه اصلا اول الجمهورية بياخد دروس ؟؟

بقى اللى بيحيبو مجاميع عالية دول نسبة قليلة ومتعودين عالدح ؟.
يعني معنى ذلك إنه اللى جايبين فوق 70 % دول نسبة قليلة ومتعودين عالدح ؟

حكملك من وجهة نظري شوية
اولاً متربطش اللى حصلك بالموقف الدولي وشكل الدولة والتعليم
اينعم البلد مليانة بلاوي والتعليم فاشل

بس 65% اكيد تقصير منك

في نظرتي الشخصية إنه اكتر من 50% من الطلبة الثانوية حاصلين على 80% فأكثر

انت بتقول الشاطرين دول متعودين عالدح
يمكن تقصد اللى جايبين 97% فما فوق

لكن صدقني مش الدح كل حاجة

انا واحد - ومش بحب اتكلم عن نفسي كتير - كنت تقريباً بلعب عالكمبيوتر بمتوسط 6 ساعات يومياً في تالتة ثانوي !
وسنتي في الامتحانات كانت سنة تاريخية
ومع ذلك جبت مجموع حلو جدا ودخلت هندسة الحمد لله

اهم حاجة إنك تكون ملتزم بنفسك ومتوجدش المبررات دائماً لنفسك

فانت اول حاجتين قلتهم
المنهج زي الزفت وكله حشو

ولو جاوبنا عليك وقلنالك ما غيرك بيجيب مجموع
رحت اوجدت التبرير الثاني مباشرة وهو إنهم متعودين عالدح
وفي رأيي إنه المبرر ده اصلا غلط

انت قلت انك تانية ثانوي
يعني المفروض إنك لسه داخل تالتة

عايز اقولك انه مفيش حاجة مستحيلة

في ناس كانت تحت 75% في تانية جابت في تالتة ما يقرب من 90 % لتعادل مجموعها ويصبح في الثمانينات
وده امر مش صعب
هو حس بالتقصير في تانية فعوض في تالتة
مش عطى تبريرات وفقد الامل ونام

وسيبك من حكاية الدولة دلوقتي عشان مش حتنفعك بحاجة وحنرغي فيها كتير عالفاضي

بس قلتلك اللى عندي وربنا يوفقك ورمضان كريم

بنت ناس ما تنداس

22-08-2009, 11:24 AM