مشاهدة النسخة كاملة : قسم الخيمة الرمضانية .. زحمة أوي
BaNZeR 22-08-2009, 07:01 AM انا دلوقتي بكلمكم من صباح غرة رمضان
الساعة الآن السابعة تقريباً
يعني اليوم لسه مبدأش والناس لسه نايمة
بصيت على قسم الخيمة الرمضانية لقيت باقي 5 ردود بس وتبقى الصفحة كلها بتاريخ النهاردة
بتاريخ 22
يعني على كده لحد بالليل حنكون عملنا 3 صفحات
المواضيع في الصفحة التانية ملحقتش تاخد حقها
3 مواضيع ليس فيهم اي مشاركات
7 مواضيع لم تتعدى ال5 ردود
في مواضيع بتاريخ 21 في الصفحة التالتة دلوقتي ولسه في بداية اليوم التاني
طبعاً بالتوهان ده محدش حيستفيد من القسم
اولاً انا مش عارف اقول المشكلة فين
وكمان كنت محتار احط موضوعي ده فين عشان الناس تشوفه
بس انا عايز مساعدة الاعضاء مش المشرفين
انا عارف كلكو عايزين تاخدوا ثواب
بس محدش حيقدر يجمع الثوابات ده مرة واحدة
فيه اكتر من حملة محطوطة
حتعمل تشتيت والناس مش حتشارك
او حتشارك في كله والتنفيذ مش دقيق
في مواضيع كتير بتحكي عن فضل رمضان
ونظراً لأنه الواحد المفروض دخوله بيقل في رمضان
يبقى صعب حنشوف كل المواضيع ده
يبقى في مواضيع كتير حتضيع هدراً وحتبقى حطيتها على الفاضي
وده اللى حصل وفي اول يوم
وده حيضيع وقت صاحب الموضوع والقارئ والمشرف عالمواضيع دون فائدة
رمضان 30 يوم
حاول تقسموا مواضيعكو على مدار الشهر
عشان مناخدش الحماس كله في اول يوم ومن زيادته نزهق منه ونسيب باقي
لأ نوزع الحماسة على الشهر كله
مش حقولكو بلاش اكتر من موضوع في اليوم
بس حاولو انتو متنزلوش في القسم اكتر من طاقته ووزعوا مواضيعكو زي ما بقولكم
يعني مثلاً مواضيع ليلة القدر ملهاش قيمة حالياً
ممكن ننتظر للعشر الاواخر ونحطها
كذلك قصص سيرة النبي في رمضان ممكن تتحط في اي وقت في النص
وهكذا
ويارب نفذو الكلام عشان الضغط يخف شوية على القسم
ولكم جزيل الشكر
Sherif Elkhodary 22-08-2009, 07:29 AM زحمة اووووي اوووووي اووووي
انا حطيت قوانين و شلت مواضيع كتير
وربنا يقدرني واعمل اللي هقدر عليه
ياريت حد يتعين ع القسم ده عشان يبقي عليه وقت طويل
والله لو مكان عندي ظروف كنت اهتميت بيه
wafa2y 22-08-2009, 11:42 AM زحمة اووووي اوووووي اووووي
انا حطيت قوانين و شلت مواضيع كتير
وربنا يقدرني واعمل اللي هقدر عليه
ياريت حد يتعين ع القسم ده عشان يبقي عليه وقت طويل
والله لو مكان عندي ظروف كنت اهتميت بيه
معاك يا شريف في الحكاية دي
و أنا كلمت الإدارة
و قالولي قريب إن شاء الله هيكون في مشرف
..Just Stop 22-08-2009, 01:56 PM فى حل تانى
الاعضاء اللى اسمائهم بتبتدى بحرف الالف والباء والتاء يحطو مواضيع النهاردة
وتانى يوم الثاء والجيم والحاء يحطو تانى يوم وهكذا
:d
بهزر طبعا يا جماعة
ياريت الاعضاء تقسم نفسها وياريت محدش يحط اكثر من موضوع كل يومين او تلاتة
انتو عارفين ان دا شهر واحد
انت هتحط كل يوم ونا هحط كل يوم هو هيحط كل يوم
وفى الاخر احنا التلاتة مش هنستفيد حاجة وهنتوه
فرجاء من الاعضاء يخففو المواضيع شوية ويتابعو باقى المواضيع
علشان الاستفادة بس
وعلشان مجهودكو ميضيعش على الفاضى
القسم معمول للاستفادة والاستفادة مش هتتم الا لو خففنا المواضيع شوية
وكل سنة وحضراتكم طيبين
وشكرا لصاحب الموضوع
دمتم فى رعاية الله
Amethyst 22-08-2009, 03:35 PM ياريت الاعضاء تقسم نفسها وياريت محدش يحط اكثر من موضوع كل يومين او تلاتة
انتو عارفين ان دا شهر واحد
انت هتحط كل يوم ونا هحط كل يوم هو هيحط كل يوم
وفى الاخر احنا التلاتة مش هنستفيد حاجة وهنتوه
فرجاء من الاعضاء يخففو المواضيع شوية ويتابعو باقى المواضيع
علشان الاستفادة بس
وعلشان مجهودكو ميضيعش على الفاضى
القسم معمول للاستفادة والاستفادة مش هتتم الا لو خففنا المواضيع شوية
وكل سنة وحضراتكم طيبين
وشكرا لصاحب الموضوع
دمتم فى رعاية الله
موضوعين تلاتة في شهر
خير من 30 موضوع غير مفيد في شهر
بس اللي يقدر فعلاً و يفكر في كده
:)
الجويرية 22-08-2009, 04:52 PM فعلا بجد بدخل القسم ده بتعب نفسيا وبخرج
يعنى مثلا خلاص ظبطه الصبح من المواضيع المكررة وماشبه
ادخل بالليل الاقى مواضع كتيرررررررة
وفعلا انا فى رمضان مش بدخل كتير
ا شاء الله هاتتعين عليه مشرف قريب جدا جدا
وربنا ييسر
ويهدى الاعضاء علينا
وجزاكم الله خيرا
BaNZeR 22-08-2009, 04:59 PM بكلمكم دلوقتي من موعد الافطار قبل المغرب
باقي كمان ست ردود ويبقى عملنا صفحتين كاملين بتاريخ النهاردة بس
ولسه برده الكتير نايم وبالليل حتيجي مواضيع اكتر
متحاجين التنبيه ده ينتشر للناس بشكل اسرع
حيث كل اللى رد هنا للآن مشرفين ولا يد لهم في تلك المواضيع
الجويرية 22-08-2009, 05:07 PM حيث كل اللى رد هنا للآن مشرفين ولا يد لهم في تلك المواضيع
يااخ بانذر انا شوفت موضوع حضرتك
والله روحت جرى للادارة وخليتهم يعينوا مشرفة على القسم
وهم لم يتاخروا نهائيا نحسبهم على خير
يبقى ازاى ليس لنا يد
وعلى فكرة
انا الادارية المسؤلة عن الاقسام الدينية حاليا
ووالله الوقت ضيق عندى
ولو كان لدى متسع والله كنت اهتميت به بنفسه
والله المستعان
وجزاكم الله خيرا
أسيل رزق 22-08-2009, 05:24 PM ربنا يهدى كمان و كمان بس مش بالطريقة دى
لازم يكون فى نظام من الكل سواء أعضاء أو مشرفين
الله يكون فى عون المشرفين بصراحة
بس فى الأول و فى الآخر دا بيدل على إن فى أمل الناس تريحنا فى العام شوية :d
BaNZeR 22-08-2009, 05:35 PM يااخ بانذر انا شوفت موضوع حضرتك
والله روحت جرى للادارة وخليتهم يعينوا مشرفة على القسم
وهم لم يتاخروا نهائيا نحسبهم على خير
يبقى ازاى ليس لنا يد
وعلى فكرة
انا الادارية المسؤلة عن الاقسام الدينية حاليا
ووالله الوقت ضيق عندى
ولو كان لدى متسع والله كنت اهتميت به بنفسه
والله المستعان
وجزاكم الله خيرا
انا كنت واثق إني حتفهم غلط
انا مشككتش في الادارة ومقدر مجهودكو كويس اوي والله
بس بقول انتو ملكوش يد في وضع المواضيع مش في ترتيبها
مهما عملتو صعب تحاصروا العدد ده
وانا قلت في الموضوع محتاج مساعدة الاعضاء مش المشرفين
لكن مش قصدي انه مفيش مشرفين للقسم
وربنا يعينك عالقسم
BaNZeR 22-08-2009, 05:36 PM بس فى الأول و فى الآخر دا بيدل على إن فى أمل الناس تريحنا فى العام شوية :d
تفكير استراتيجي برده :d
..Just Stop 22-08-2009, 05:42 PM بس بقا صدعتونا
:d
ياريت الناس تلتزم بالكلام دا
مش عايزين نوقف حد فى رمضان :d
BaNZeR 22-08-2009, 05:59 PM هو ايه صح الاسم العجيب اللى انت داخل بيه ده
وبعدين انت كل شوية تدخل المواضيع وتقول كفاية صدعتونا :d
شوفلك حاجة تعملها بدل التمشية ده :d
احم احم
حبيبي يا محمود واحشني والله :d
..Just Stop 23-08-2009, 05:28 AM :d
ماشى يا عم محمد
انت عارف بقا رمضان والحر والدوشة بيعملو صداع وبيعطشونى بسرعة:d
محدش له دعوة بالاسم
اى تعليقات اى تريقات هتلاقيك موقوف :d
رمضان كريم
Lost Dreamer 23-08-2009, 02:44 PM فى حل تانى
الاعضاء اللى اسمائهم بتبتدى بحرف الالف والباء والتاء يحطو مواضيع النهاردة
وتانى يوم الثاء والجيم والحاء يحطو تانى يوم وهكذا
:d
الراجل ده ميه ميه
وكلامه صح الصح
:d
طب ما في حل تاني يا اساتذه
نحط قانون في القسم
ممنوع وضع اكثر من موضوع واحد في اليوم لكل عضو
زي القانون الي موجود في القسم العام
ولا ايه يا وديع
استااااااااااذ
:d
ymymym 23-08-2009, 03:17 PM لا حياه لمن تنادي:bosyht9:
..Just Stop 23-08-2009, 03:34 PM تمام يا محمد
نحط قانون
ممنوع وضع اكثر من موضوع واحد كل يومين
وبكدا كل عضو يقدر ينزل 15 موضوع خلال الشهر وهتبقا كمية كبيرة بردو
بس اهو نص البلا ولا البلا كلو
ياريت مشرف القسم
يحط القانون دا ويمشى عليه
واللى ينزل اكتر من موضوع كل يومين يتحذف الموضوع الاخير
سلام عليكم
ymymym 23-08-2009, 04:32 PM تمام يا محمد
نحط قانون
ممنوع وضع اكثر من موضوع واحد كل يومين
وبكدا كل عضو يقدر ينزل 15 موضوع خلال الشهر وهتبقا كمية كبيرة بردو
بس اهو نص البلا ولا البلا كلو
ياريت مشرف القسم
يحط القانون دا ويمشى عليه
واللى ينزل اكتر من موضوع كل يومين يتحذف الموضوع الاخير
سلام عليكم
فكره كويسه برضه
بس متلوموش الاعضاء بقي
لانكم اصلا مكنتوش حاطين قوانين قبلها والمفروض كنتوا تحطوا قوانين قبل ما تحطوا القسم
بس برضه عاوزه اقول حاجه
مين هيقرأ القوانين يعني بتاعه القسم محدش بيقرأ
يعني القوانين غيري عشان اعمل مواضيع تعدلوها:d
BaNZeR 23-08-2009, 04:38 PM حضراتكو مش واخدين بالكو ان المشكلة مش في كام موضوع في اليوم للواحد
لو بصيتو للصفحة الاولى حتلاقو واحد بس اللى حاطط موضوعين
يعني لو حتحطوا القانون ده عشان تريحوا القسم من موضوعين بس في اليوم يبقى قلتها احسن
انا عايزكو توصلوا للاعضاء إنهم يهدو شوية في وضع المواضيع
او ممكن تقسموا الخيمة الرمضانية على قمسين تلاتة
واحد للحملات الصليبية قصدي الرمضانية
والتاني للمواضيع الرمضانية العامة والاجر والثواب فيه
والتالت للفردي اللى بيحكي عن كل واحد وعمل ايه في رمضان ولا واحد بيحكي مشكلته في رمضان او كده
ده الحل اللى تقدروا تعملوه كاداريين
او إنه الاعضاء يريحوا شوية في الموضوع وده مهمتكو بقى توصلولهم :d
account closed 23-08-2009, 10:26 PM طيب يا جماعة
انا المسؤلة عن القسم ده حاليا
ف نقاط محددة اكتبوا ايه طلباتكم بالظبط ولو هقدر أنفذها ربنا ييسر
لاني بصراحة اتلخبطت من الموضوع ده
حددوا طلباتكم 1 2 3 وانا هنفذ اللي ف استطاعتي
اصلي ليبرالية هههههه
BaNZeR 23-08-2009, 10:41 PM انا كنت بقترح بس تعملو اي حاجة تخفف من ضغط القسم لراحتكم الزائر اولاً والمشرفين ثانياً
في نظري ملهاش غير حلين
يا توعوا الاعضاء وتخلوهم يقللو المواضيع شوية
فكل حاجة ليها وقتها والشهر لسه طويل
يا اما تقسمو القسم زي ما انا قلت سابقاً
اقري ردي السابق تاني
account closed 24-08-2009, 04:12 PM ماشي بس عايزة اقول لك إن 90% من الموضوعات
هي أصلا موضوعات قديمة من السنة اللي فاتت
وقليل جدا اللي مكتوب السنة دي
فبالتالي مفيش مكان أودي فيه الموضوعات اللي مختصة بأخر الشهر
بمعنى ........
في مثلا 50 موضوع من السنة اللي فاتت مثلا يعني
ال50 بيتكلموا عن فضل ليلة القدر
و 3 مواضيع بتوع السنة دي بيتكلموا عن العشر الاوائل من رمضان
لازم لازم لازم يبقى ف الصفحة الاولى ال 3 مواضيع بتوع السنة دي
ومعاهم المواضيع بتاعت ليلة القدر
أمال هوديهم فين يعني ؟؟؟؟؟؟؟
أتمنى إن حضرتك تكون فهمت وجهة نظري
Sherif Elkhodary 24-08-2009, 05:18 PM يا اخ بانزر انت بتقول توعوا الاعضاء يعني نعمل ايه ؟
مفيه قوانين موجودة
و بعدين زي مقالت الاخت خوخة ان اكتر المواضيع دي من السنة اللي فاتت
احذفها بعديها بسنة مع انها في مكانها الصحيح
BaNZeR 24-08-2009, 07:11 PM انا اول ما تكلمت في موضوعي قلت إنه المواضيع في اول تلات صفحات بتاريخ النهاردة وامبارح بس
مش عايزين اللى قبل كده يعني مش بتكلم عالقديم
والقوانين مش بتحكم عدد الاعضاء اللى بيحطوا المواضيع كل يوم
يعني مفيش قانون بيقول يمنع وضع مواضيع جديدة لاكتر من 5 اشخاص في اليوم (مثلاً)
قلتلكو هدفكو إنكو تعرفوا الاعضاء الازمة ده وتخلوهم يهدو شوية
حطو اعلان حطو موضوع في القسم العام
بس انا لو كنت حطيته في العام كان هييجي هنا تلقائي
وبما إني مليش صلاحيات فمش حينفع اتحكم في القسم الرمضاني
واقترحت حل تاني تعلمو قسم كامل لوحده لرمضان وفيه اقسام مختلفة زي ما وضحت
او القسم ده نفسه يكون ليه اقسام فرعية
او إنكو تشيلو كل المواضيع المتشابهة
ولو مفيش حاجة نفعت من ده يبقى خلاص اقفلو الموضوع
بس انا بصراحة كل ما ادخل القسم بزهق وبطلع من كتر المواضيع
مش بشوف غير حاجة حاجتين مميزة بس
account closed 24-08-2009, 10:22 PM والله مش عارفة
بس بجد صعب جدا إني أدخل للاعضاء اقول لهم بلاش مواضيع عشان
القسم كبير ومش محتاج
لان زي ماحضرتك قلت مفيش قانون يمنع الكتابة
بس كل اللي نقدر نعمله
إننا نشيل المتكرر ونحذف المخالف
لكن اللي حضرتك بتقول عليه ه مينفعش طبعا
Sherif Elkhodary 25-08-2009, 12:57 PM طيب يا جماعة ان شاء الله هيتم التعامل
في امان الله
BaNZeR 25-08-2009, 05:33 PM خلاص اقفلو الموضوع كان مجرد اقتراح
محمود طه اتولى المهمة وقدر يوصل الرسالة عن طريقة المجلة بتاعته للاعضاء
ربنا يخليه للشعب وللحكومة :d
يلا حط بصمتك في الموضوع بقى :)
..Just Stop 26-08-2009, 03:11 PM محمود طه اتولى المهمة وقدر يوصل الرسالة عن طريقة المجلة بتاعته للاعضاء
الادارة فى خدمة الاعضاء على غرار الشرطة فى خدمة الشعب
:d
يلا حط بصمتك في الموضوع بقى :)
يا باشا انت تؤمر :d
كلوزد
Sherif Elkhodary 26-08-2009, 04:05 PM و كالعادة محمود نسي يقفل الموضوع :d
معلش معلش
الدنيا صيام بقا وانت عارف :d
لازم امشي وراك يا بوطه :d
..Just Stop 26-08-2009, 06:07 PM ههههههههه
معلش يابو شريف بقا
طبعنا واللا احنا يعنى هنشتريه
:d
كلوزد
|