مشاهدة النسخة كاملة : ارشدونييييييييييييييي حالة صعبة
eng--zako 23-08-2009, 09:47 AM يا جماعة انا في حيرة شديدة اخوكم جاب 380.5 يعني 92.8/100 و اقل هندسة خدت من 382 و جالي فنون جميلة عمارة المنيا و عملت تحويل لعمارة اسكندرية و مستني النتيجة بس بفكر اعدل التحويل ورقي فعايز رأيكم اي الكليات الاتية الأحسن:
1-كلية الفنون الجميلة عمارة (جامعة الأسكندرية) 5 سنين + نقابة المهندسين و الوظيفة مهندس معماري و دي واخدة من 381.5 و المنيا واخدة من 380 فانا جالي المنيا و ان شاء التحويل يتقبل للأسكندرية
2-كلية الحاسبات و المعلومات (جامعة القاهرة) 4 سنين و واخدة من 380
3-المعهد العالي للتكنولوجيا (جامعة بنها) ينقصه الأسم فقط و هو كالهندسة و واخد من 379 و به اقسام ميكانيكا و مدني و كهربا و لبهم شعب و ايضا خمس ستيت + نقابة مهندسين .
(علما اني من سكان دمنهور من محافظة البحيرة و نمتلك شقة بالأسكندرية و قرايبي من والدتي كلهم من اسكندرية)
ياريت عايز ردود انا ف حيرة ومحدش يقولي انت حابب ايه انا بخدها بالمميزات و العيوب و يامة ناص كانت نفسها في طب و دخلت صيدلة عشان المجموع و تفوقت
انا عايزكو تقولولي الاحسن و ليس الاقرب
شكرا مقدما لكل اللي حيردوا عليا
fuoozz 23-08-2009, 10:03 AM من رايى حاسبات ومعلومات
وعلى فكره انا من المنيا
وجامعه المنيا جميله والدراسه فيها سهلة ومريحه
eng--zako 23-08-2009, 10:05 AM واحد بس اللي رد !!!!!!!!!
-ameer- 23-08-2009, 10:11 AM كلية الحاسبات و المعلومات (جامعة القاهرة)
MuHaMeD kHaLeD 23-08-2009, 10:13 AM اللي يقوله امير صح
eng--zako 23-08-2009, 10:21 AM دي فنون جميلة عمارة عمارة بتاخد علمي رياضة بس و مفيش غير 3 كليات فنون جميلة عمارة اسكندرية و حلوان و المنيا و مجموع الطلاب ف 3 لا يتجاوز ال 450 طالب عايز اراء كمان منوعة و مختلفة و يا ريت مع ذكر السبببببببببببببببببببببببببببببب
timo mido 23-08-2009, 03:17 PM معهد تكنولوجيا بنها
معهد تكنولوجيا بنها
معهد تكنولوجيا بنها
معهد تكنولوجيا بنها
معهد تكنولوجيا بنها
ولو عملت غير كده تبقي غلطان
علي فكره دي وجهه نظري وانت حر
shine up 23-08-2009, 03:30 PM استخير ربنا
محدش عارف الخير فين
ramy alaa 23-08-2009, 03:52 PM طبعا حاسبات و معلومات القاهرة طبعااااااااااااااااااااااااااااااااااااااااااااااا ااااااااااااا و لو علي النقابة هي السنة دي حتتعمل
الاميرمحمد 23-08-2009, 03:56 PM من رايي.. والله اعلم ...فنون عمارة .......... او تكنولوجيا بنها ....... والافضل صلي صلاة استخارة
eng--zako 23-08-2009, 04:06 PM بيتهيقلي فنون جميلة عمارة علي الاقل نقابة مهندسين و خمس سنين و مهندس ف البطاقة و قريبة و مفيش غربةو كمان اعلي ف المجموع ولا ايه
yasasa 23-08-2009, 04:48 PM بس بلاش حاسبات ملهاش لزمة
وخليك فى أسكندرية جامعة محترمة وكلية كويسة
------
المعهد العالي للتكنولوجيا (جامعة بنها
ده لو تبع نقابة المهندسين
خشه وميهمكش أسمه فىالآخر أسمك باش مهندس زيك زى أى خريج هندسة
بس شغله مش مضمون فى رأى وصعب
عكس عمارة أسكندرية مضمونة حبتين
eng--zako 23-08-2009, 04:52 PM المعهد تكنولوجيا بنها تبع نقابة المهندسين بس المشكلة في ثقافة المجمع مع ان دراسته احسن و اصعب من الهندسة بس كمان علي فكرة ان كل البيتكلم عن فنون عمارة بيقولو بيشتغلو من سنة تالتة و رابعة و بيقولو حلوة بس محتاجة جهد و معظمها عملي و مذاكرة قليلة
عمرو ع 23-08-2009, 04:52 PM حاسبات ومعلومات طبعا بلا منافس
عمرو ع 23-08-2009, 04:54 PM حاسبات ومعلومات احسن كفايه ان واحد جايب مجموع هندسه مستريح جدا ودخل حاسبات ومعلومات
ramy alaa 23-08-2009, 05:00 PM اولا حاسبات اية اللي ملهاش لزمة دي بقت تتفوق علي اعلي قسم في هندسة
ثانيا النقابة حتتعمل السنة دي و حتبقي مهندس في البطاقة و بعدين حاسبات كدة كدة مهندس
اما رايي في فنون عمارة انها كلية محترمة و لكن يفضل هندسة عمارة عنها
اما المعهد بجد مااااالوش اي لزمة لأن اسمك خريج معهد و مالكش اي فرصة في الشغل الا بعد ما كل بتوع كلية هندسة يشتغلوا و بيبقي الفايدة اللي فية انك بس بتشتري الأسم و الشهادة
اخيرا انا علي فكرة حاسبات القاهرة و انا من اسكندرية يعني انا مش معقول حنصحك بجاجة انا عملتها و طلعت غلط او ندمت عليها
yasasa 23-08-2009, 05:08 PM اولا حاسبات اية اللي ملهاش لزمة دي بقت تتفوق علي اعلي قسم في هندسة
ثانيا النقابة حتتعمل السنة دي و حتبقي مهندس في البطاقة و بعدين حاسبات كدة كدة مهندس
اخيرا انا علي فكرة حاسبات القاهرة و انا من اسكندرية يعني انا مش معقول حنصحك بجاجة انا عملتها و طلعت غلط او ندمت عليها
لعلمك أنا أعرف ناس مهندسين كمبيوتر زيهم زى بتوع حاسبات فى الصيانة وممكن أحسن
ومدخلوش حاسبات او هندسة دخلوا كليات حقوق وتجارة
ramy alaa 23-08-2009, 05:14 PM احب اقول لحضرتك ان حاسبات ملهاش دعوة بالصيانة خالص و ان هندسة كمبيوتر هي اللي صيانة اما حاسبات فهي برمجة و بندرس حاجات جامدة جدا لا تدرس في اي كورس و السلام و بناخد اكتر من لغة برمجة و كمان الشهادة معتمدة من جامعة كلومبيا و دة بالنسبة لحاسبات القاهرة
eng...lido 23-08-2009, 05:21 PM انا بقول فنون جميلة عمارة جامعة اسكندرية
نسمة الربيعh 23-08-2009, 05:33 PM فى وجهة نظرى ان حاسبات ومعلومات افضل لان العصر هو عصر الحاسبات
بس برضوا اسال حد درس المجال ده ولا خاب من استخار ولا ندم من استشار
eng--zako 23-08-2009, 05:47 PM انا اللي بسمعو ان فنون جميلة عمارة احسن من هندسة عمارة لان فنون جميلة عمارة خمس سنين دراسة عمارة لكن هندسة عمارة 4 سنين لأن في سنة اعدادي و دراسة العمارة في الفنون الجميلة دراسة مذدوجة فن و هندسة دي حتا كلية الفنون عمارة في السعودية سبع سنين و احسن من هندسة عمارة اللي 4 او 5 سنين مش فاكر لأن دراسة فن العمارة دراسة لهندسة العمارة و فنها
و صراحة عندي ف البيت عايزين فنون جميلة عمارة لكني مش عارف لأني بردو بحب الكمبيوتر و البرمجة و بعرف html
eng--zako 23-08-2009, 05:48 PM و بردو بحب التصميم المعماري و بفكر في قسم كهربا اتصالات في المعهد العالي للتكنولوجيا ببنها انا محتاااااااااااار جامد
timo mido 23-08-2009, 06:05 PM بص طالما انت محتار كده يبقي مفيش حاجه متفوقه علي التانيه بفروق كبيره بس نصيحه ابعد عن حاسبات معتقدش ان شغلها كويس وهقول حاجه بس ياريت اللي في حاسبات ميزعلش
(انا ليا واحد صاحبي في حاسبات بيقولي مشروع التخرج انك تعمل لعبه snake)
eng.ahmed55 23-08-2009, 06:18 PM لعلمك أنا أعرف ناس مهندسين كمبيوتر زيهم زى بتوع حاسبات فى الصيانة وممكن أحسن
ومدخلوش حاسبات او هندسة دخلوا كليات حقوق وتجارة
دول اللى جايبين مقبول فى جامعات مستواها ضعيف زى الزقزيق شبين والكلام ده بس القاهورة دى معترف بيها دوليا
eng--zako 23-08-2009, 06:19 PM مش الدرجادي دول بيعملو شغل بردو انا اعرف بردو ناس ف حاسبات
eng.ahmed55 23-08-2009, 06:20 PM مقارنة كلية حاسبات بغيرها من الكليات و المعاهد(أرجو التثبيت)
السلام عليكم و رحمة الله
انا اردت ان اتكلم فى هذة المسألة ألا وهى مقارنة كلية الحاسبات بغيرها من الكليات و المعاهد
رأيي مبني على عدة نقاط أساسية ، وهي :
أولا- قبل انشاء الدولة لكليات الحاسبات في مصر، كانت تتوزع دراسة الحاسبات حسب
الوضع الحالي في مصر بين كليات الهندسة والعلوم ، وذلك لكون هذه العلوم جديدة علينا
زائد اننا دائما مانتأخر عن الدول المتقدمة في أشياء كثيرة
لذلك فكرت الدولة،مجارية في ذلك مايحدث ويتم منذ سنوات في العالم المتقدم ، في إنشاء
كلية متخصصة في علوم الحاسبات وهندسة المعلومات ، تجمع الدراسة في هذه الكلية بين
علوم الحاسوب وتكنولوجيا المعلومات ، مع تدعيم هذه الدراسات المتخصصة بالنواحي
الهندسية والرياضيات والفيزياء الى اخر هذه العلوم ، لتكوين شخصية علمية ومبتكره لدى
الطلاب والخريجين الذين ينتمون لهذه الكلية الجديدة ،ألا وهي كلية الحاسبات والمعلومات
ثانيا - ونظرا لطبيعة الدراسات المعقدة التي بكلية الحاسبات حيث المناهج كلها عالمية
تدرس في كبريات جامعات العالم وباللغة الانجليزية ، يشترط لمن يلتحقون بهذه الكلية
من حملة الثانوية العامة ان يكونوا من دارسي شعبة الرياضيات ، مثلها في ذلك مثل كلية
الهندسة وبمجموع لايقل عن 90% ، غالبا ، وهذا هو الواقع
لذلك تندرج كلية الحاسبات والمعلومات تحت إطار قطاع الدراسات الهندسية بالمجلس
الأعلى للجامعات
والدرجة العلمية التي تمنحها الكلية معادلة للدرجة التي تمنحها كلية الهندسة والعلوم التطبيقية بجامعة كولومبيا بالولايات المتحدة الامريكية في تخصص CS أو علوم الحاسب
وان كانت الكلية مثلها مثل غيرها في هذا التخصص فماذا كان الداعي لإنشائها من
الأساس.بالإضافة الى ان كلية بنفس وضع وتخصصات كلية الحاسبات موجودة في كل
جامعات العالم المتقدم .
وكلية الحاسبات ياشباب هي فعلا ستكون احدى الأدوات الحقيقية والرئيسية لتقدم مصر
، لأنها تخرج كوادر متخصصة بعناية وفق مناهج دراسية عالمـــــــــــــــــــــــــية في
مجالات تكنولوجيا المعلومات والذكاء الاصطناعي .
وليس هناك داعي لمقارنة كلية الحاسبات بأقسام هندسة الحاسبات بكليات الهندسة ، لسبب
بسيط جدا أن المقارنة ستكون ظالمة لخريجي الهندسة وناصفة لخريجي الحاسبات ، للسبب الجوهري جدا التالي :
لأننا باختصار ليست عندنا في مصر ولن يكون عندنا في الاجل القصير تكنولوجيا لتصنيع
قطعة هاردوير واحدة في مجال الكمبيوتر ، ولا حتى بعد 100 سنة..هل حد فيكم عمره
شاف حتى مجرد سي دي فارغ اللي تمنه لايتعدى جنيه واحد مصنوع في مصر.
لذلك خريجي هندسة قسم حاسبات ليس لهم عمل في مصر ، زائد أننا بالطبع طالما ليست
لدينا صناعة هاردوير فهذا يدل الى حد كبير على تخلف المناهج في هذه الأقسام لعدم الربط بين الدراسة والعمل فيها في مصر .. وليس أمام هؤلاء الخريجين لهذه الأقسام سوى العمل كمجمعي ومركبي أجهزة كمبيوتر والعمل في الصيانة فقط ..
وهذا العمل دخل فيه كل من هب ودب ..ونظرا أيضا لسهولته الى حد ما..فهناك شباب صغار في مراحل الاعدادية والثانوية يفكون الحاسب قطعة قطعة ويركبه ويعرف كل كبيرة وصغيره فيه الخ الخ ..هذا
ثم أساسا خريجي هذه الأقسام على حد علمي وبناءا على كلام بعض الخريجين والأساتذه
يأخذون شهادتهم من قسم هندسة الكهرباء، معنى ذلك انهم لهم مجالات شغل اخرى غير
صناعة الحاسب ..يتكيفون فيها حسب ظروفهم لا..
ماعلينا هذا ليس موضوعنا ..........
كانت هذه نقطة للتوضيح فقط ، لذلك يجب علينا ان نشجع كليات الحاسبات ونثني على
جهود الدولة في انشائها والتوسع فيها ، لأننا نستطيع من خلالها المنافسه في مجال
البرمجيات ونحتك بتكنولوجيا انتاج الألعاب وغيرها من مجالات الذكاء الاصطناعي
والخيال العلمي والتي أصبحت صناعة تتكالب عليها الدول من الشرق والغرب
ثالثا - الفرق بين علوم الحاسب ونظم المعلومات الإدارية :
هناك خلط فظيع يحدث في المقارنة بين علوم الحاسب ونظم المعلومات الادارية.فعلوم
الحاسب هي مايتم تدريسه في كليات الحاسبات لطلبة خريجين ثانوية عامة علمي رياضيات
ومجموعهم غالبا فوق 90%
أما نظم المعلومات الإدارية،فهي مزيج بين الدراسات الإدارية والتجارية وربطها مع بعض
تطبيقات الحاسب المكتبيه في هذه المجالات .........
فمعظم محتوى نظم المعلومات الإدارية مواد تجارية ، ونظم المعلومات الإدارية تعتبر شعبة من قسم إدارة الأعمال ببعض كليات التجارة ، وكذلك هي مايتم تدريسه في المعاهد الخاصه نظام الأربع سنوات التي تحمل مسميات معاهد الحاسبات أو معاهد الحاسب الألي والإدارة وغيرها وغيرها.
وخريجين هذه الشعبة من كلية التجارة وكذلك خريجين هذه المعاهد الخاصه التي تأخذ طلبة علمي وأدبي وأحيانا دبلومات وبمجموع من 50 % الى 65% يقيدون في نقابة التجاريين .. وهذا هو الواقع وليس هناك غير ذلك.
يعني حرام المقارنة بين دارسي علوم الحاسب وهندسة البرمجيات اللذين يدرسون على حد
علمي المتواضع جدا ، رياضيات وفيزياء وبرمجه وبناء الحاسوب ونظم التشغيل والذكاء
الاصطناعي والنظم الخبيرة والمحاكاة وغيرها وغيرها من المواد المعقدة بحق ، مقارنتهم
مع دارسي نظم المعلومات الادارية الذين لايدرسون سوى التطبيقات المكتبيه وبعض القشور عن البرمجة وكل موادهم مواد تجارية..حرام والله ..دي دراسه ودي دراسة تانية خالص .. وتختلف تماما عنها تماما .
ولكن للانصاف علشان منظلمش حد ، توجد أيضا معاهد عليا خاصه بها شعب لدراسة
علوم الحاسب وهذه المعاهد تشترط فيمن يلتحق بها ان يكون من حملة الثانوية العامة شعبة
علمي رياضيات ولها حد أدنى أيضا مرتفع.. مثلها مثل كليات الطب الخاصه والمعاهد
الهندسية الخاصه ..هذا موجود بالفعل ، ولكن لها شروط .
رابعا - لقب مهندس
أما بخصوص الصراع المحموم بين إدعاء خريجي الحاسبات بأحقيتهم بلقب مهندس وبين
انكار ذلك عليهم من خريجي الهندسة ، فأنا أرى في هذا الموضوع مايلي :
مبدأيا لقب مهندس ليس حكرا على خريجي الهندسه وحدهم ، شاءوا أم أبوا ، فهناك أخرين يطلق عليهم مهندسين بالفعل دون أن يكونوا من خريجي كليات الهندسه. وهم خريجي كليات الزراعة بكافة اقسامها ومنها قسم الهندسة الزراعية ، بيطلق على خريج كلية الزراعة التي تأخذ في حدود 65% في الثانوية العامة لقب مهندس زراعي..وهو في النهاية مهندس وخلاص ومحدش بيقصص مهندس ايه ومهندس ايه ، وهي دي الحقيقة والواقع ولا يستطيع أحد تغيير هذا الأمر الواقع ....
كذلك الأمر، يطلق لقب مهندس على خريجي بعض الأقسام بكليات الفنون الجميلة والفنون
التطبيقية.لذلك فالقاعدة ان لقب مهندس ليس حكرا على ولا مقصورا على خريجي كليات
الهندسة فقط.
زائد انه بكل أسف نلاحظ انه في مجتمعنا بيطلق لقب مهندس على السباكين
والحدادين وفنيين الصيانة والميكانيكيين وغيرهم وغيرهم..وهي ظاهره تحدث في مصر فعلا .. ولن تتغير بكل أسف .
إضافة الى كل ماسبق ، بالفعل يطلق على دارسي وخريجي علوم الحاسب المناظره لكليات الحاسبات والمعلومات لقب مهندس برمجيات ونظم معلومات في كل الدول المتقدمة وعلى رأسها الولايات المتحدة .. ويمكنكم التأكد من كلامي هذا من خلال قراءة تعريف مهندس البرمجيات أو الحاسبات وفقا لوزارة العمل الأمريكية على موقعها الالكتروني على شبكة الانترنت على الرابط التالي
http://www.bls.gov/oco/ocos267.htm
فالهندسة يا اخواني ليست هي فك وتركيب وتصليح فقط ، الهندسة أيضا في الفكر وطرق
وحلول تصاغ لمواجهة المشكلات والأزمات.
فانظروا مثلا يقال على شخصية عامة في دولة ما لقب مثل : فلان مهندس السياسة المصرية ، وفلان مهندس عملية السلام في المكان الفلاني الى اخر هذا الكلام...
ياشباب لو توقفنا كلنا عند مسألة الألقاب مش هنخلص ، ولو كلنا اخذنا بنفس المعيار اللي
ابتدعه طلبة كلية الهندسة في موضوع الألقاب ،يبقى هنلاقي طلبة طب يطالبون بعدم أحقية
خريجي الصيدلة بلقب دكتور على اعتبار انهم ليسوا في طب .... يعني المهم اللفظ او الكلمة وليس الجوهر والمضمون.
مجمل القول اذن ، أننا بكل أسف نعطي معظم وقتنا للجدال في مسائل تافهه لاتعود علينا
بأي فائدة ، ونترك جوهر الأمور.فعلى طلبة وخريجي كليات الهندسه بالتحديد تشجيع
زملائهم في كليات الحاسبات والمعلومات والتقرب منهم وافادة بعضهم لبعض ، لأنهم هم
الأقرب لهم في التركيبة الفكرية وفي التخصص أثناء ماكانوا طلبة في الثانوية العامة حيث
انهم جميعا كانوا في شعبة الرياضيات ، وكذلك في الجامعة الى حد كبير، بدلا من حالة
الإحتقان والاقتتال والجدل الفكري هذا الذي لايثمن ولايغني من جوع
خامسا - بخصوص النقابة
موضوع النقابة مسألة فنية ومسألة وقت ، حيث يشترط القانون لتكوين نقابات مهنية وجود
حد أدنى من عدد الفئة المهنية الواحدة التي ترغب بانشاء كيان نقابي خاص بها.وهذا ماحدث مع معظم النقابات المهنية المصرية في بداية انشائها . فعلى حد علمي على سبيل المثال ان نقابة المهندسين حديثة العهد ، تقريبا منشأة في السبعينات ، وكذلك الحال مع نقابات اخرى مثل نقابة العلميين ونقابة التطبيقيين وغيرها وغيرها ....
والكل يعلم ان خريجين كليات الحاسبات عددم مازال قليلا في مصر لأن الكلية مازالت
حديثة العهد ، تقريبا منشأة في منتصف التسعينات وعندما يصل عددهم للحد الأدنى المطلوب ووجدت رغبتهم في انشاء نقابه خاصه بهم ، بالطبع سيتم انشائها بإذن الله .
وعلى ما أذكر يوجد لهم حاليا جمعية علمية تضم خريجين كليات الحاسبات تسمى الجمعية المصرية لمهندسي البرمجيات، على غرار الجمعية المصرية للمحاسبين وخبراء الضراب ..وغيرها وغيرها من الجمعيات في المهن المختلفه......
وانظروا للتفاهات والبروقيراطية المصرية ، لما حصلت رغبة في ضم خريجي كلية
الحاسبات الى نقابة المهندسين ، رفضتهم النقابه لسبب تافه وانا اعتبره سببا غبيا ايضا..
السبب ان النقابة تشترط ان تكون مدة الدراسة في الكلية 5سنوات..رغم ان الدراسات
الهندسية على حد علمي في معظم الدول الاخرى 4 سنوات فقط ...
وانظروا للكارثه أيضا ، ان بعض الكليات الخاصه المناظره لكلية الحاسبات أضافت سنة
خامسه لها كوسيلة للتحايل من أجل ضم وتقييد خريجيها في نقابة المهندسين..
بلدنا بلد العجائب
وانا رأيي انه من المفروض ان خريجي كليات الحاسبات ان انضموا لنقابة كان يجب ان
تكون نقابة المهندسين .. زي مافيه هندسه مدني ومعماري وكهرباء وغيرها ، كانت هتبقى
هندسة برمجيات .. وهذا هو الطبيعي .. بدلا من ان ينشئوا نقابة مستقلة ، لكن هنقول ايه
بقى للبيروقراطية والتخلف الفكري والاداري بتاعنا .....
واحب اضيف نقطة اخيره في مسألة النقابات بشكل عام .. فالنقابة ياجماعه في اي مهنة
كانت يكاد يقتصر دورها على تجميع اشتراكات من اعضائها من اجل عمل معاش للشخص
بعد مايعدي سن الستين ..ولاتفعل شيئ احسن من ذلك يذكر.
زائد ان هناك بعض الكليات الراقية وهي من كليات القمة زي طب وصيدلة وهندسه وحاسبات وغيرها ملهاش نقابة .. وهي كلية الاقتصاد والعلوم السياسية..وايضا هناك بعض النقابات تضم أناس او خريجين من تخصصات مختلفه بل ومن كليات مختلفه مثل نقابة الصحفيين..
فأرجوكم كفوا عن هذه المقارنات وهذه الحسابات الغريبة والعنصرية في أغلب الأحيان.......
وانا بجد شايف انكم جميعا تتجنون على طلبة وخريجي كليات الحاسبات ، بل وبتظلموهم
والله ، فهل ذنبهم انهم تفوقوا في الثانوية العامة وحصلوا على مجموع كبير من شعبة
الرياضيات والتنسيق دخلهم الكلية..طب ما انا اعرف ناس كتير منهم جالهم هندسه ولكن
دخلوا حاسبات .. لأنهم شايفين نفسهم فيها وعارفين انهم هيبدعوا من خلالها ويفيدوا بلدهم
ونفوسهم .
ياشباب مصر عيب عليكم اللي بتعملوه ده ، وانا بلوم اكتر بتوع هندسه ، لأنهم هما بالذات
اللي عملوا الحوارات دي .. لازم كلكم تعرفوا ان كليات الحاسبات كليات حديثه في مصر
ولكن لها وضعها في الدول الكبرى في هذه التخصصات ، ولما خريج منها يحب يعمل
دراسات عليا _ على حد علمي _ خارج مصر مبيعملش معادله الاول ،لأنه اساسا بيدرس نفس المناهج العلمية اللي بتدرس في الكليات المناظره لكليته بالخارج .. ودي ميزة حلوة جدا .. ههههههههههههههههههه
لأن معظم خريجين الجامعات المصرية في مختلف الكليات بيعملوا معادله قبل الدراسات العليا خارج مصر.
وصدقوني جميعا يجب علينا تشجيع طلبة وخريجي كليات الحاسبات لأنهم من المفترض
انهم الأمل في احتكاكنا مع الغرب لو حاولنا التفكير في مجاراتهم في أي نواحي علمية. وانا .. وانا بقول لهم لازم تثقوا شوية في أنفسكم ولاتلتفوا للوراء .. بل حاولوا تطوروا أنفسكم ولاتتقيدوا بالمناهج مهما كانت عالمية حتى..وتابعوا كل جديد في المجال طالما عندكم الأساس العلمي السليم اللي ماشيين عليه .....
ياما قرأت عن طلبة من كليات الحاسبات رفعوا اسم مصر في مسابقات عالمية في البرمجة
والمحاكاة والذكاء الاصطناعي وتكنولوجيا المعلومات .. الخ الخ
وانظروا لكلام ملك صناعة التكنولوجيا والمعلومات في العالم بيل جيتس عن وضع
وتصنيف ومستقبل دارسي علوم الحاسب على مستوى العالم في أنهم سيكونوا الأكثر طلبا
على المستوى الدولي خلال الـ 15عاما القادمة ......
وهذا الكلام على موقع أمريكا اليوم على الربط التالي
http://www.usatoday.com/tech/news/20...-science_x.htm
وأحب أن أوضح أيضا أن وظيفة مهندس البرمجيات software engineer هي الأرقى والأكثر طلبا في أمريكا وهذا على موقع الحكومة الأمريكية الرسمي وزوروا هذا الرابط
http://www.np.edu.sg/ict/news/Pages/20070123_324.aspx
واخير احب ا قول لكم جميعا ، حاولو تفتحوا صفحة جديدة ، وخلينا كلنا شباب مصر ايد
واحدة ، كل واحد في تخصصه على أد مايقدر يفيد في مكانه مهما كان تخصصه وشكل
دراسته ، والحياه العمليه مبتقفش عند المناهج بتاعتنا فقط .. الطبيب مثلا بيفضل طول
عمره يدرس .. ولازم نساعد بعض لو فيه حاجات مشتركة بيننا عشان مصر محتاجانا كلنا
ايد واحدة .....
أتمنى التوفيق للجميع .. وأسأل الله العلي العظيم أن يهدينا جميعا ويوفقنا .. وانا متأسفة جدا
على الإطالة عليكم ..لكن كنت شايفه حرب حسيت اني اقدر اوقفها الى حد ما.. وشايفه
ظلم بيوقع على البعض منا كنت حاسسه اني اقدر ارده او اعطي ثقه لصاحبه واعرفه قبل
غيره بقيمته ووضعه .. احنا مشكلتنا ياشباب مصر ان عندنا أزمة ثقة ...
هذا رأيي كتبته بعدما عرفت الكثير والكثير عن هذا الموضوع ، فإن أصبت فمن عند الله .. وان أخطأت فمن عندي .. والله المستعان
ودا موضوع زميل كان عمله قبل كده وحبيت اوضحه تانى لانى بجد عجبنى
eng.ahmed55 23-08-2009, 06:22 PM مش الدرجادي دول بيعملو شغل بردو انا اعرف بردو ناس ف حاسبات
مش فهم قصدك ايه الدرجاى
eng--zako 23-08-2009, 06:27 PM مش فهم قصدك ايه الدرجاى
شوف رد timo mido عن ان مشروع التخرج ف الكلية انك تعمل لعبة snake
eng.ahmed55 23-08-2009, 06:29 PM دا رد بايخ وملوش اى اساس من الصحة يعنى ايه مشروع التخرج لعبة snakeدى على كده تباه اسهل كليه مع انها كليه تدرس مناهج عالمية
ramy alaa 23-08-2009, 07:24 PM يا جماعة الراجل دة طالب نصيحة و الناس اللي بتتكلم علي حاجة ميعرفوهاش ياريت ميتكلموش واحد يقول ملهاش لازمة و التاني يقول لعبة سناك و هما مالهمش فيها اساسا ولا يعرفوا هما في حاسبات بيدرسوا اية؟؟
اولا : اللي بيقول لعبة سناك دي هو ممكن يكون صح بس انت اللي بتختار مشروع تخرجك و اللي يختار لعبة سناك مع احترامي لية يبقي مبيفهمش
انا في حاسبات القاهرة في تانية بس حضرت مشاريع تخرج و كانت عن مواضيع جامدة جدا فيها الربوتات و التحكم عن بعد باستخدام لغات برمجة متعددة اما موضوع لعبة سناك دي فالليميعرفش ان عشان واحد يعمل لعبة سناك دي حاجة صعبة جدااااااا ممكن يقعد يعمل فيها سنة كامللة عشان تطلع لعبة سناك زي اللي انت بتلعبها يا أخ تيمو ميدو
eng--zako 23-08-2009, 07:34 PM يا نهار لعبة سناك صعبة تتعمل !!!!!!!!!!!!
eng--zako 23-08-2009, 07:35 PM ممكن اميلك يا بشمهندس رامي--------
eng.ahmed55 23-08-2009, 07:47 PM يا جماعة الراجل دة طالب نصيحة و الناس اللي بتتكلم علي حاجة ميعرفوهاش ياريت ميتكلموش واحد يقول ملهاش لازمة و التاني يقول لعبة سناك و هما مالهمش فيها اساسا ولا يعرفوا هما في حاسبات بيدرسوا اية؟؟
اولا : اللي بيقول لعبة سناك دي هو ممكن يكون صح بس انت اللي بتختار مشروع تخرجك و اللي يختار لعبة سناك مع احترامي لية يبقي مبيفهمش
انا في حاسبات القاهرة في تانية بس حضرت مشاريع تخرج و كانت عن مواضيع جامدة جدا فيها الربوتات و التحكم عن بعد باستخدام لغات برمجة متعددة اما موضوع لعبة سناك دي فالليميعرفش ان عشان واحد يعمل لعبة سناك دي حاجة صعبة جدااااااا ممكن يقعد يعمل فيها سنة كامللة عشان تطلع لعبة سناك زي اللي انت بتلعبها يا أخ تيمو ميدو
شكرا يا عم الامور
ramy alaa 23-08-2009, 07:57 PM مع اني مش عارف امور دي استهزاء ولا شكر بس شكراااا
Eng. Alios 23-08-2009, 08:04 PM سلام عليكم
نصحيتي حاسبات القاهرة ...
و ده لكذا سبب ...
و قبل ما اوضح لازم تدخل كليتك على ميولك انت ...
شايف نفسك حلو في الكمبيوتر ؟ ليك فيه من زمان ؟
يبقى ادخل حاسبات ....
شايف نفسك حلو في الرسم و التخطيط ؟
يبقى على بركة الله فنون جميلة ...
بس انا شايف حاسبات احسن في كذا سبب :
- وظيفة المبرمج او مهندس البرمجيات مطلوبة داخل مصر تبع العديد من الشركات الاستثمارية , و كذلك خارج مصر .. فمهندس البرمجيات في نظري لا يقل مركزاً عن مهندس البترول ...
- شوف المجال المفتوح دلوقتي , فمجال البرمجة مفتوح لا ينتهي مثله كمثل البترول ... اما العمارة فده على حسب الموجة , يعني واحد عايز يعمل عمارة بترسم له و بتقبض .... شركة عايزة تعمل مبنى ليها بترسم و بتقبض ... يعني حظك و نصيبك , و اعتقد ان العمارة مستقبلها برة مصر مش جوة مصر ....
- اللي بقى عمال يقول مشاريع التخرج تافهة و مش تافهة , أقول له آسف .... التريقة ما تنفعش , يمكن اللي اختار مشروع تخرجه يبقى لعبة سناك , عشان عايز يخلص ... بس اكيد بعد كده ح يتقدم في ابداعه و يبرمج بجد ....
- حاسبات و معلومات من اجمد الكليات ... و اقسامها من اجمل الاقسام .... و زي ما قلت الكمبيوتر مجاله لا ينتهي , بل يتجدد و يتطور .....
لكن لو طول عمرك بتدور على لقب مهندس
معلهش .. مش ح توصل لحاجة ...
ramy alaa 23-08-2009, 08:06 PM ايوة كدة هي دي الردود مش التريقة و خلاص
dody. 23-08-2009, 08:57 PM لا ادخل فنون جميله اسكندريه دى جميله انا اعرف ناس عيطوا عشان مدخلوهاش
وبرده صلى صلاة استخاره
واللى فيه الخير ربنا يكتبهولك ان شاء الله
بالتوفيق
Eng. Alios 23-08-2009, 09:15 PM اهم حاجة ميولك
و اوعد اهلك انك ح تبقى احسن من مهندس البترول نفسه ...
اجتهد و تفوق في الكلية اللي تجيلك
و وجه ميولك ليها
و لو جات لك حاسبات اوعى تزعل ...
اوعى تزعل ...
كلية الحاسبات دي من افضل الكليات في مصر .... بعد الهندسة ....
و مستقبلها مضمون بإذن الله ....
فتخصص مهندس البرمجيات او المبرمج .. تخصص مفتوح ...
و الشغل بتاع البرمجه مرتباته خيالية و زي ما قلت لك مهندس البرمجيات زيه زي مهندس البترول .... مجال البرمجة مفتوح لن ينتهي كذلك اكتشافات البترول لن تنتهي ....
ميولك ...
و بعدين اجتهادك و تفوقك ...
و اياك تدخل حاجة غصبن عنك ....
علشان ح تكره المجال اللي انت دخلته غصب ...
و ح تتخرج مغصوب ... و تقعد مغضوب ...
و اوعى تدور على اللقب ...
اوعى تستنى حد يقولك يا باشمهندس و انت فاشل ....
اللقب ده آخر حاجة ممكن تفكر فيها بعد ما تتفوق و تتميز ...
لكن لو انت بتدور على اللقب ...
آسف يبقى مالهاش لزمة الكلية ...
و مبروك عليك الثانوية العامة ....
eng--zako 23-08-2009, 09:17 PM انت حيرتوني اكتر يا ريت اللي يقول الاختيار يقول السبب مش يقول كلمة و يمشي و شكرا ليك يا علي
eng--zako 23-08-2009, 09:21 PM اهم حاجة ميولك
و اوعد اهلك انك ح تبقى احسن من مهندس البترول نفسه ...
اجتهد و تفوق في الكلية اللي تجيلك
و وجه ميولك ليها
و لو جات لك حاسبات اوعى تزعل ...
اوعى تزعل ...
كلية الحاسبات دي من افضل الكليات في مصر .... بعد الهندسة ....
و مستقبلها مضمون بإذن الله ....
فتخصص مهندس البرمجيات او المبرمج .. تخصص مفتوح ...
و الشغل بتاع البرمجه مرتباته خيالية و زي ما قلت لك مهندس البرمجيات زيه زي مهندس البترول .... مجال البرمجة مفتوح لن ينتهي كذلك اكتشافات البترول لن تنتهي ....
ميولك ...
و بعدين اجتهادك و تفوقك ...
و اياك تدخل حاجة غصبن عنك ....
علشان ح تكره المجال اللي انت دخلته غصب ...
و ح تتخرج مغصوب ... و تقعد مغضوب ...
و اوعى تدور على اللقب ...
اوعى تستنى حد يقولك يا باشمهندس و انت فاشل ....
اللقب ده آخر حاجة ممكن تفكر فيها بعد ما تتفوق و تتميز ...
لكن لو انت بتدور على اللقب ...
آسف يبقى مالهاش لزمة الكلية ...
و مبروك عليك الثانوية العامة ....
و اللله الراجل ده صحبي و حبيبي و بيقول كلام زي العسل الا قولي عملت ايه ف اعادة التصحيح ؟
و بقولك ابعتلي ميلك عالياهو يا علي
eng--zako 23-08-2009, 09:27 PM المشكلة الوحيدة اللي قصادي عشان اخد قرار حاسبات المدينة الجامعية بجد بسمع عنها كلام مش ولا بد و مش عايز اتمرمط و أجر شقق و انا لو دخلت فنون جميلة عمارة في اسكندرية عندنا شقة و عالبحر و قريبة من الكلية علي فكرة الكلية كمان بردو عالبحر يعني الواحد حيعيش ملك بس بردو من و جهة نظري ان حاسبات احسن من عمارة يا سلام لو كان في حاسبات ف اليكس
eng.ahmed55 23-08-2009, 09:41 PM مع اني مش عارف امور دي استهزاء ولا شكر بس شكراااا
لا طبعا دى شكر مش استهزاء ولو كنت فهم غلط فانا اسف انا بحب اسمع راى كل الناس
timo mido 24-08-2009, 12:31 AM دا رد بايخ وملوش اى اساس من الصحة يعنى ايه مشروع التخرج لعبة snakeدى على كده تباه اسهل كليه مع انها كليه تدرس مناهج عالمية
اولا الرد مش بايخ لان دي حقيقي واللي في كليه حاسبات اللي هنا في الموضوع قال ده صح
ثانيا ده كلام واحد صاحبي في حاسبات وانا نقلته
|