من اكتر الحاجات اللى تغيظك
لما تلاقي اعلان ويقولك مجاناً ولما تشتري يقولك ادفع
اصل انت بتشتري في ضريبة مش عارف ايه واحنا كنا بنتكلم عن

اصل ايه وفصل ايه ما توضح في اعلانك طيب


مش فاهم منك حاجة بتتكلم عن ايه ؟؟

ححكيلكو

الفترة اللى غبت فيها زي مانتو عارفين
كنت بحاول ادخل عالنت مالموبايل
طبعاً فودافون واشتركت في خدمة النت اللى يوم ببلاش ويوم بجنيه

قلت عرض صيفي بقى وفرصة عشان اعرف ادخل ع النت وكده


في مرة واحد بيقولي طب شفت رصيدك
قلتله لا مهي جنيه بس في اليوم
والنهاردة ببلاش

بصيت على الرصيد وقلت اتأكد
نص ساعة وبصيت عالرصيد تاني لقيته ناقص 2 جنيه !

ياولاد الـ ........

المهم
اليوم اللى بعده لقيت الرصيد نصه طار

كلمت خدمة العملاء ساعتها وكان في حاجة كده وقلت بالمرة اسألهم

بقولها رصيدي عمال بيخلص وانا مش بحمل حاجة خالص بتصفح بس
المهم يمين شمال وتلففني معاها في الكلام لحد ما فهمت في الآخر

بكل بساطة إنه الجنيه اللى بتدفعه ده عشان تتصفح بيه الموقع الرسمي لفودافون :p
ياسلام

يعني انا داخل مشترك في النت عشان اتفرج على جمال موقعكو :o
قلتلها شكراً وقفلت قبل ما اشتم وازعل حد :006et4:


اللى عرفته من الكلام إنه مسموح ليك بـ3 ميجا بس تصفح والباقي بيتحسب عليك
مش فاكر الميجا بجنيه باين ولا ايه
على فكرة محدش يقولي الميجا كتيرة

الميجا ممكن تخلص معاك في 6 صفحات تصفح بس

اللى بياخد مساحة طبعاً الصور والفلاشات والرموز والحاجات ده كلها



يعني انتو تضحكو علينا وتقولو عرض مجاني ولاخر الصيف بس وبجنيه لليوم وبعدين تحاسبونا عالمواقع التانية ؟





ده مثال من امثلة كتير
زي المسابقة اللى تتصل بيها
يقولك سعر المكالمة 5 جنيه للدقيقة (جنيه ونص للحاجات الغلبانة)

وبعدين يديك موسيقى دقيقتين
مبرووك انت كسبت ودخلت في السحب
قبل ما تكمل ابتسامتك
بس لازم حتحل معانا السؤال الجاي ده
ماشي سؤال مش مشكلة
اجابتك صحيحة وحضرتك كده اتأهلت معانا للمرحلة قبل النهائية
يالهوي هو لسه في مراحل مش مشكلة اديني قربت
موسيقـــــــــــــــى
يا مسهل يارب
دلوقتي معانا السؤال الاخير
شكراً يا ستي
للاسف اجابة حضرتك غلط تقدر تشترك معانا تاني وتكسب معانا في مسابقة (عمرك ما حتكسب :D)
لقد نفذ رصيدكم يرجى رحم الموبايل من الاتصالات


ساعتها ممكن تدخل جوه السماعة وتضرب اللى بيتكلمو



بغض النظر عن موضوع الاتصالات

في الشرا مثلاً

تروح تشتري حاجة ويقولك عليها هدية مجانية
تيجي تشتريها يقولك لا ده الهدية على اتنين من ده
لازم تشتري الاتنين
ياسيدي انا مش محتاج التانية طيب وانت قلت اشتري ده خد الهدية
مفيش فايدة

تشوف اعلان تاني جميل اشتري وتاخد كذا مجاناً على المشتريات
تيجي تشتري تقوله فين الحاجة المجاناً
يقولك لأ منتا مشترتش باكتر من 100 جنيه
وانت مقلتش ليه من الاول
هو انت سألت :d


حد مر بمواقف مشابهة :d

حد مر بمواقف مشابهة :d


موضوع مالوش حل اصل ده اللى بيحصل بالظبط...
انا حصل معايا نفس موال النت ده ولما الرصيد خلص واتصلت بالشركه فضلوا يلفوا شويه وقفلت بس مسكتش وقلت خساره فيهم خط الثانويه وجبته عشان فيه 3 شهور ببلاش حبته وفاتحه ليل نهار ولما ال 3 شهور يخلصوا هحط التانى.....
بس ده بقه مش حاجه....انا ليا والدة واحده صاحبتى فى شركه اتصلت عليها وقالوا ليها مبروك كسبتى معانا هاتى العنوان والكلام ده المعروف المهم ادتهم العنوان ولما راحوا كان معاهم مكواه وخلاط وطقم كاسات ولما وصلوا قالو ليها انت كسبتى هديه عليهم يعنى دى مش الهديه لازم تدفعى تمن الحاجات دى وبعدين تاخدى الهديه عليهم ولما قالت مش هاخد قالوا خلاص لازم تدفعى مصاريف الشحن!!!!!!!!
المهم الموضوع انتهى بخناقه على قيمة مصاريف الشحن.....
ايه رأيك بقه فى الحاجات الجميله دى اللى ملت البلد؟؟؟؟؟؟؟؟؟؟؟؟؟؟؟؟

ههههههههههههه
طول ما كنت بقرا الموضوع كنت بضحك اصل بقيت الحاجات دي بتحصل كتير تقريبابالنص نفس المسلسل اللي حكيته بشوفه حوليا يعني بقيت مصر كلها عباره عن مسلسلات مش هقولك مسلسلات هنديه وحاجات غريبه لالالالا المسلسلات المصريه فازت بلقب مسلسلات الخياال الواسع اللي عايشينه ;)
ربنا يرحمنا برحمته يااااااارب ...

حد مر بمواقف مشابهة :d

يااااااااااااااااااااااه .. يا ما في الجراب يا حاوي ..

انا لسه حاصللي حاجه شبه اللي حصلتلك بتاعة نت الموبايل ..

لما كان الكمبيوتر عيان .. حضرت انت الحته دي ..

المهم .. كنت بدخل نت من الموبايل برضو .. بس مع الاختلاف انا مش فودافون انا اتصالات ..

المفروض ان اليوم بـ 99 قرش .. كنت بدخل اول اليوم .. والبتاع ماشي طول اليوم زي الفل ..

ييجي بقى بالليل الاقي رصيدي 0.00 .. طب ازاي ؟؟

واقسم بالله طار مني في يوم 9 جنيه .. لحد ما كنت هعيط خلاص ..

9 جنيه كتير .. ويا ريتني استفدت بيهم ..

بس هقول ايه .. العوض على الله ..


كمان موضوعك فكرني بحاجه لطيفه ..

المذكرات بتاعة المدرسين في الدروس .. بيبقى مكتوب عليها من بره ( هديه مجانيه )..

واحنا اساسا بنبقى دافعين فيها دم قلبنا .. ولما حبيت استفسر عن الموضوع ده .. كان الجواب ان جلدة المذكره هي اللي ببلاش .. واللي جوه بفلوس ..

هههههههههههههههه

حسبي الله ونعم الوكيل ..

( حلو الموضوع يا محمد .. وملهوش اخر )

دووومت

[/b]حكاية النت دي حصلت معايا وبقي لها كتير بتحصل والواحد مبيحرمش وبرضة بخش علي النت طب انا ححكيلكوا حكاية لا اعتقد انها حصلت معي حد من حوالي 5سنين ايام اللي كان معاة موبايل ملون يبقي باشا كان معايا موبايل نوكيا 7210 وكان ساعتها النت بتاع الموبيل اسمة لايف وعشان تدخل علي النت من الموبيل لازم كان يبقي معاك رصيد اكتر من 5جنية المهم انا كان معايا رصيد 6جنية وكنت زهقان فقلت ادخل علي النت بالجنية دة انزل لعبة ولا صورة ومقلكومش علي اللي حصل فضلت انزل في اغاني وصور ولعب وانا مستني النت يفصل من الموبيل لكنة مكنش بيفصل وطبعا انا مبسوط وقلت في نفسي تلاقية عرض ولاحاجة بمناسبة العيدالماسي لجمهورية واق الوق مثلا .......وفضلت علي الحال دة يومين والفترة دي كنت ليل نهار نايم علي النت لا بتصل بحد ولا برد علي حد.........وفي لحظة اتزنقت في الباب _اصدي في مكالمة_ولما جيت اتصل لقيت الموبيل بدل ميرن علي اللي انا طالبة بيديني صفارة طبعا استغربت وحسيت ان الموبيل حينفجر وحاولت مرة واتنين وعشرة وعشرين ومية متين لكن الحال كان زي ما هو فقلت اكلم خدمة عملاء فودافون من التليفون الارضي طبعا لاني حبقي مجنون لوكلمتهم من موبيل لانهم حيخلصوا ساعتها الرصيد بتاع الموبيل اللي بتكلم منة ورصيد الجيران كمان...........ولما كلمتهم كانت الصدمة .........قالولي الكمبيوتر حصل فية عطل وبدل مايوقف دخولك علي النت اول الرصيد ميقل عن ال5جنية خلاك تدخل ويتسحب رصيدك بالسالب قلت لهم يعني اية بالسالب انا ضعيف في الرياضة ويالريت تفهموني قالولي اني عليا لشركة فودافون 90جنية بالسالب.......طبعا حسيت اني (....)علي رأي عادل امام ومن الصدمة قفلت من غير اي محاولت ولكني بعد استجماع قواي العقلية اتصلت تاني وتالت ورابع وكان كل مرة نفس الرد.......لحد لما ربنا رزقني بواحدة اسمها يسرا في خدمة العملاءعمري ماهنسا(طبعا مش عشان حلاوة صوتها)قالتلي انها متعاطفة معايا لان حصل معاها نفس المشكلة وقالتلي حقدملك طلب للادارة عشان يخصموا المبلغ......عدي يومين لحد مالقيتها تتصل بي وتقولي ان خلاص المشكلة اتحلت.........طبعا مصدقتش وافتكرت انها لعبة عشان اشحن تروح الشركة تسحب رصيدي وكام ساعتها حكاية تحويل الرصيد اسة منزلتش وكان اقل كارت فودافون كارت ال25 قلت اشترية عشان لو جت في 25جنية اهون ما تيجي في اكتر ولما شحنت لقيت انة لم يسحب شئ من الصيد والحمد للة

وكانت دي اول مغامراتي مع نت فودافون ولو عايزين تاي فأنا عندي مغامرات كتييييييييير جدا مع الشركة ال(........)

ورمضان كريم[b]

بس ده بقه مش حاجه....انا ليا والدة واحده صاحبتى فى شركه اتصلت عليها وقالوا ليها مبروك كسبتى معانا هاتى العنوان والكلام ده المعروف المهم ادتهم العنوان ولما راحوا كان معاهم مكواه وخلاط وطقم كاسات ولما وصلوا قالو ليها انت كسبتى هديه عليهم يعنى دى مش الهديه لازم تدفعى تمن الحاجات دى وبعدين تاخدى الهديه عليهم ولما قالت مش هاخد قالوا خلاص لازم تدفعى مصاريف الشحن!!!!!!!!
المهم الموضوع انتهى بخناقه على قيمة مصاريف الشحن.....
ايه رأيك بقه فى الحاجات الجميله دى اللى ملت البلد؟؟؟؟؟؟؟؟؟؟؟؟؟؟؟؟
اه النوع ده في منه كتير برده
يتصل بيك ويقولك قابلنا في الحتة الفلانية
ده كلام حصل مع دكتور جامعة قريبي

المهم اخد العيال وراح هناك مكان فخم وناس بلبس رسمي وتحس شركة سياحية وكده
جاله الراجل وقعد يحكي معاه وجاب للعيال بسكوت وحاجات كده
وقعد يحكيله عن العرض ده لحد ما هو حس بالسرقة في الموضوع
المهم رفض العرض

قالوله يبقى تدفع تمن الهيصة ده والحاجات اللى جبناها وكده

طبعاً هو لو عليه ممكن يفك ويجري بس المشكلة كانت في العيال وكانوا صغيرين كلهم
بس ربنا عداها على خير والحمد لله :d


ههههههههههههه
طول ما كنت بقرا الموضوع كنت بضحك اصل بقيت الحاجات دي بتحصل كتير تقريبابالنص نفس المسلسل اللي حكيته بشوفه حوليا يعني بقيت مصر كلها عباره عن مسلسلات مش هقولك مسلسلات هنديه وحاجات غريبه لالالالا المسلسلات المصريه فازت بلقب مسلسلات الخياال الواسع اللي عايشينه ;)
ربنا يرحمنا برحمته يااااااارب ...
اه طبعاً مصر دايماً متصدرة القائمة في كل حاجة

فن غنى رقص افلام نكت مسلسلات نهب وضحك عالناس
عادي يعني :)

واقسم بالله طار مني في يوم 9 جنيه .. لحد ما كنت هعيط خلاص ..

9 جنيه كتير .. ويا ريتني استفدت بيهم ..

بس هقول ايه .. العوض على الله ..




انا اتحسب مني فوق 20 جنيه في 3 ايام :d
ده كحد ادنى لما بدأت اخد بالي يعني



واحنا اساسا بنبقى دافعين فيها دم قلبنا .. ولما حبيت استفسر عن الموضوع ده .. كان الجواب ان جلدة المذكره هي اللي ببلاش .. واللي جوه بفلوس ..



حلوة ده :d

ايوه طبعا الورق ببلاش لكن العلم بفلوس طبعاً :d

فعلا حاجة مش تمام ابدا
لكن ليه متعملش حضرتك اعلان جديد ومثالي؟؟؟تعاج فيه الاخطاء دي؟
لو صممت اعلان عن حاجة معينة ونشرته أفضل وأكثر ايجابية.

[/b]قالولي الكمبيوتر حصل فية عطل وبدل مايوقف دخولك علي النت اول الرصيد ميقل عن ال5جنية خلاك تدخل ويتسحب رصيدك بالسالب قلت لهم يعني اية بالسالب انا ضعيف في الرياضة ويالريت تفهموني قالولي اني عليا لشركة فودافون 90جنية بالسالب.......طبعا حسيت اني (....)علي رأي عادل امام ومن الصدمة قفلت من غير اي محاولت ولكني بعد استجماع قواي العقلية اتصلت تاني وتالت ورابع وكان كل مرة نفس الرد

[B]انا لو منك بصراحة حقولهم مش عايزه حتبرعلهم بالخط كله

حروح اشتري خط جديد لو بـ20 جنيه
ادفع 90 جنيه ليه يعني
بتكلم 30 ساعة في اليوم :d

كويس إنك لقيت اللى يتعاطف معاك وإلا كنت رحت في خبر كان :p

فعلا حاجة مش تمام ابدا
لكن ليه متعملش حضرتك اعلان جديد ومثالي؟؟؟تعاج فيه الاخطاء دي؟
لو صممت اعلان عن حاجة معينة ونشرته أفضل وأكثر ايجابية.

اعمل اعلان ازاي يعني
اقترح عليا

اقولهم بدل ما تضحكو عالناس قولوهم الحاجة بفلوس ولما يشتروا اديهولهم ببلاش

حعمل اعلان لفودافون اقولهم خلو التصفح ببلاش :d
ده بقى فن الناس بتتفنن فيه
زي ما مش حقدر امنع السرقة المباشرة مش حقدر امنع السرقة الغير مباشرة

ده عالم فاضية يابا

التوبيك جميل جدا
ندخل بقى فى الجد
مفيش حاجه فى البلد دى ببلاش حتى لو حلفولك عليها ماتصدقش
طبعاً فودافون واشتركت في خدمة النت اللى يوم ببلاش ويوم بجنيه

والعلم لله الحركه دى اتعملت فينا كلنا
خير خير
المذكرات بتاعة المدرسين في الدروس .. بيبقى مكتوب عليها من بره ( هديه مجانيه )..


هههههههه نفس الموقف
اقولك مره واحده زميلتى سألت مدرس الفيزيا بتاعنا فى ثانوى هو حضرتك بتكتب على المذكرات هديه مجانيه ليه(اهئ اهئ وكمان مكنتش بذاكر منها )
الرد كان ايه
ايوه طبعا الورق ببلاش لكن العلم بفلوس طبعاً
كان الرد دا بالظبط
بجد حاجه تنرفز
لا وكمان المذكره اجبارى
وتلاقيه مصورها من اى كتاب خارجى
على فكره فى مواقف تانيه كتير
بس مش شرط الحاجه يقولك عليها ببلاش ويدفعك عليها فلوس
كفايه بس
ان لما تشترى حاجه
وتكتشف ان اضحك عليك يجى فى ضعف تمن الحاجه
والله بجد بتحصل فعلا
تكتشف ان الحاجه اللى انت شاريها بضعف تمنها الاصلى

توبيك جميل
ميرسى عليه

بس مش شرط الحاجه يقولك عليها ببلاش ويدفعك عليها فلوس
كفايه بس
ان لما تشترى حاجه
وتكتشف ان اضحك عليك يجى فى ضعف تمن الحاجه
والله بجد بتحصل فعلا
تكتشف ان الحاجه اللى انت شاريها بضعف تمنها الاصلى

توبيك جميل
ميرسى عليه

انا ممكن اشتري حاجة ب15 جنيه وعارف انها بره ب10 جنيه
على الاقل هو محدد سعرها من البداية وانا اللى وافقت عليه

لكن مشتريش حاجة بجنيه واحد وهو قايلي عليها ببلاش
انا داخل عليها بتمن كذا تضحك عليا وتقولي تمن تاني ؟
ده اللى يغيظ اكتر

نورتي الموضوع بمرورك

والان مع الحلقة التانية من مسلسل فودافون والخط المجنون

من حوالي شهر فودافون كعادتها كل سنة تمن علي اعضائها وتنزل عرض 1000 رسالة مجانا بحد اقصي 40 رسالة في اليوم لاي موبيل
طبعا انا كعادتي من هواة عروض الشركة دي وكنت مستني العرض دة بفارغ الصبر لانة بينزل دايما قبل رمضان وبقالة حوالي سنتين والعرض دة محدود يعني بأسبقية الحجز
المهم اول لما سمعت عن العرض اشتركت فية علي طول واعدت ابعدت رسايل لكل الموبيلات اللي موجودة عندي ..................وكانت الصدمة ............كل لما اشحن رصيد الاقية خلص رحت اتصلت كالعادة بخدمة العملاء وسألتهم عن اللي حصل وطبعا بعد لف ودوران منهم قالولي حنعملك طلب والرد بتاعة كمان 3ايام .......وخلال فترة ال3ايام مكلمتش حد ولا بعت رسايل لحد واخيرا انقضت مهلة ال3ايام ولكنهم لم يتصلوا بي (طبعا قلت فينك يايسرا) فرحت اتصلت انا بيهم ولقيت ردهم اكبر صدمة عارفين اية
قالولي انت ترسل رسائل لموبينيل واتصالات وهذة الرسائل تحاسب عليها العرض لارقام فودافون بس...........طبعا قولتلهم ازاي دي رسالة تأكيد الاشتراك في العرض جاتني اني اقدر ابعت لاي موبيل في مصر فقالي طبعا يافندم تقدر تبعت لاي موبيل في مصر بس يكون بنمرة فودافون

طبعا اغلقت الخط وانا اقول كلمة واحدة حسبي اللة ونعم الوكيل...والي اللقاء في حلقات اخري من مسلسل فودافون الخط الجنان

انا لو منك بصراحة حقولهم مش عايزه حتبرعلهم بالخط كله

حروح اشتري خط جديد لو بـ20 جنيه
ادفع 90 جنيه ليه يعني
بتكلم 30 ساعة في اليوم :d

كويس إنك لقيت اللى يتعاطف معاك وإلا كنت رحت في خبر كان :p



اخي العزيز بقولك الموضوع دة حصل معايا من حوالي 5سنين ووقتها كان الخط بحوالي 100 او150 جنية لانة كان يجي علية دقايق المفروض انها مجانية ولكنك تروح تشتري الخط تلاقية ضايفهم علي فلوس الخط ولما تيجي تدفع فتدفع الاتنين

كلمة قالوها بتوع حقوق
القانون لا يحمى المغفلين
:d

اخي العزيز بقولك الموضوع دة حصل معايا من حوالي 5سنين ووقتها كان الخط بحوالي 100 او150 جنية لانة كان يجي علية دقايق المفروض انها مجانية ولكنك تروح تشتري الخط تلاقية ضايفهم علي فلوس الخط ولما تيجي تدفع فتدفع الاتنين
كش للدرجة 5سنين بيتيألي قبل كده كمان يلا مش مشكلة حصل خير



كلمة قالوها بتوع حقوق
القانون لا يحمى المغفلين
:d

احم
قصدك ايه ياكابتن :d
يعني قال إنت موقعتش في مواقف قبل كده خالص :d

كلمة قالوها بتوع حقوق
القانون لا يحمى المغفلين
:d

لو سمحت وضح قصدك اية

يا جماعة المقصود بالمغفلين يعنى المضحوك عليهم مش بالمعنى اللى وصل لحضراتكم
هى فعلاً غفلة مننا
خصوصاً لو عرفنا إننا أتضحك علينا و نروح برده نشترى أبو بلاش
أنا آخر ما زهقت من فودافون إستنيت لما الرصيد خلص و قفلت الموبايل علشان مايتحرقش دمى ولا أديهم فرصة يحرقوا جيبى
موضوع كويس
تُشكر يا عم الحاج

ههههههههههههههههه
بصراحة موضوع دمه خفيف اوووووووي


من اكتر الحاجات اللى تغيظك
لما تلاقي اعلان ويقولك مجاناً ولما تشتري يقولك ادفع


حتي لو مش قلك ادفع بيعلي السعر ويديك هدية بربع جنية :dمخروم

في مرة واحد بيقولي طب شفت رصيدك
قلتله لا مهي جنيه بس في اليوم
والنهاردة ببلاش

بصيت على الرصيد وقلت اتأكد
نص ساعة وبصيت عالرصيد تاني لقيته ناقص 2 جنيه !

ياولاد الـ ........

هههههههههه
طيب أحمد ربنا انهم 2 جنية مش أكثر
عمليات النصب دي مشهور اووووي
مثال ::: ليه واحدة صاحبتي حبت تنزل كول تون ... جبت رقم واتصلت وقعدت تسمع
ومش كانت عارفة ان دا بيطير من رصدها
خلصت ومش عارفة تنزل كول تون كمان ورصدها طار
وطبعا اهل الخبرة كثير أقولها لما تيجي تنزلي حاجة زي دي بتضغطي ع اللي انت عايزة ع طول ومش تسمعي الكلام والحاجات دي عشان بيطير الرصيد
طبعا مفكرتش اصلا تاني انها تنزل كول تون :d

يعني انتو تضحكو علينا وتقولو عرض مجاني ولاخر الصيف بس وبجنيه لليوم وبعدين تحاسبونا عالمواقع التانية ؟

وهو دا العادي من فودافون الأكثر نصبا عليك :bosyht9:
طيب مسمعتش عن اللي يتكلم اكثر يكسب عربية
طبعا الناس ما بتصدق وتشتري كارت بميه عشان تكلم
وفي الاخرالرصيد طار ومفيش كسب ولا حاجة
كل الحاجات دي دعاية مش اكثر
وبيكسبوا منه اكثر مش بيخسروا :bosyht9:


زي المسابقة اللى تتصل بيها
يقولك سعر المكالمة 5 جنيه للدقيقة (جنيه ونص للحاجات الغلبانة)

هحكيلك ع بتاع المسابقات دي
اختي الصغيرة كنا بنتفرج ع برنامج كان **أرض الخوف**
لقت الرقم ع التليفزيون كتبته اول لما سمعت صوت انخضت وقفلت
المهم بنشوف الرصيد بعد كدا ال5 جنيه طارت
وخذت الشر وراحت
طبعا مش كان موبايلهم أخذت في الاخر كلمتين حلويين :d
وطبعا في النهاية احب اقول
اللي اتلسع من فودافون ينفخ في موبنيل (الأكثر ضحكا عليك :d)
شكرا ع الموضوع اللذيذ :)